Skip to main content

எந்த வேளையிலும் ராஜபக்ஷக்கள் தேர்தலுக்கு அஞ்சியதில்லை.

 


நிதி,நோய் நிலைமைகளிலுள்ளதா உள்ளூராட்சி தேர்தலின் தலைவிதி? -சுஐப் எம்.காசிம்-


அரசியல் கட்சிகளின் மக்கள் செல்வாக்குகளை அளவீடு செய்கின்ற அடித்தளமாகப் பார்க்கப்படுவது உள்ளூராட்சி தேர்தல். எம்.பிக்களாக இருந்தவர்களும், இதில் போட்டியிடுவது இதற்காகத்தான். இந்தச் சபைகளின் தலைவர்களாக இருந்த பலர் எம்.பிக்களாக, அமைச்சர்களாக, ஏன் நாட்டின் தலைவர்களாக (பிரேமதாஸ) உயர்வதற்கு அடித்தளமாக அமைவதும் இதன் அதிகாரங்கள்தான்.


1987 ஆம் ஆண்டு அறிமுகப்படுத்தப்பட்ட இந்த தேர்தல் முறை, கடந்த நல்லாட்சி அரசில் மாற்றம் செய்யப்பட்டு வட்டாரம், விகிதாசாரம் கலந்த கலப்பு முறையாக அறிமுகம் செய்யப்பட்டது. அதுவரைக்கும் விகிதாசார அடிப்படையிலே இந்தத் தேர்தல் நடத்தப்பட்டது. சிறிய, புதிய கட்சிகளைப் பலப்படுத்தல், பெண்களின் பிரதிநிதித்துவங்களை உள்வாங்கல் உள்ளிட்ட நோக்கங்களுக்காக மாற்றஞ் செய்யப்பட்ட இந்த கலப்பு முறையில், நடைமுறைச் சிக்கல்கள் இருக்கவே செய்கின்றன. இதனால்தான், மாகாண சபைத் தேர்தல்களையும் இன்னும் நடாத்த முடியாமல் இருக்கின்றது. 


சிறிய, புதிய கட்சிகளைப் பலப்படுத்துவது என்ற கருத்தியலில், பலமுள்ள கட்சிகளைப் பலவீனப்படுத்தல் என்ற பொருளும் உள்ளதுதான். இந்த, யதார்த்தத்தைப் புரிந்துகொள்ள, கலப்பு முறையின் முதலாவது தேர்தலே உதவியிருந்தது. 2018 பெப்ரவரியில் நடத்தப்பட்ட உள்ளூராட்சி தேர்தலில், உருவாகி மூன்றே மூன்று மாதங்களான ஸ்ரீலங்கா பொதுஜன பெரமுன என்ற புதிய கட்சி, மொத்தமாக உள்ள 341 உள்ளூராட்சி சபைகளில் 241 சபைகளைக் கைப்பற்றியது. புதிய கட்சிகளைப் பலப்படுத்தல் என்ற ரணிலின் கலப்பு முறைத் தேர்தலை இது உண்மைப்படுத்தியதுடன், பெரிய கட்சிகளைப் பலவீனப்படுத்தியதையும் பார்க்க முடிந்தது.


நல்லாட்சி அரசின் பிரதான பங்காளிக் கட்சிகளிகளாக இருந்த ஐக்கிய தேசிய கட்சி 34, ஐக்கிய மக்கள் சுதந்திரக் கூட்டமைப்பு 02, ஸ்ரீலங்கா சுதந்திரக் கட்சி 07 சபைகளையுமே கைப்பற்றின. இப்பொழுது, இந்தச் சபைகளின் ஆட்சிக்காலங்கள் ஆயுளை நெருங்கிக்கொண்டிருக்கின்றன. 2022 பெப்ரவரியில் இவை கலைக்கப்பட வேண்டும். கலைக்கப்பட்டால், உடன் தேர்தல் நடாத்தப்பட வேண்டும் என்பதும் இல்லை. சபைகளை, உள்ளூராட்சி ஆணையாளர்களிடம் ஒப்படைத்து, தேவையான நேரத்தில் நடத்தவும் முடியும். மறுபக்கம், உடன் கலைக்காது ஒரு வருடத்துக்கு சபைகளின் ஆயுட்காலத்தை அதிகரிக்கவும் சட்டத்தில் இடமிருக்கிறது. இந்த, அரசாங்கம் எதைச் செய்யும் என்ற ஆரூடங்கள்தான் அதிகரித்து வருகின்றன.


எதிர்நோக்கப்படும் உச்சக்கட்ட நிதி நெருக்கடி, கொரோனாத் தொற்றுக்களில் தேர்தலை நடத்த முடியுமா? அல்லது சபைகளை ஒரு வருடம் நீட்டிவிட்டு, சுமார் எட்டாயிரத்துக்கும் அதிகமான உறுப்பினர்களுக்கு சம்பளம் வழங்குவது சுலபமானதா? அதிக சபைகளைக் கைப்பற்றியுள்ள இந்த அரசு, சபைகளைக் கலைக்க விரும்புமா? வந்துபோன இந்திய வெளியுறவு செயலரின் அழுத்தத்தால் மாகாண சபைத் தேர்தலை நடத்த நேரிடின், இந்த சபைகள் உதவுமா? என்றும் சிந்திக்கலாம். அவ்வாறு கலைத்தாலும் தேர்தலுக்கான செலவுகளுக்கு என்ன செய்வது? என்ற சிந்தனைகளிலே சில ஊடகங்கள், இந்தத் தேர்தல் தொடர்பில் ஊகங்களை வெளியிடுகின்றன.


இப்போதுள்ள நிலையில், சபைகளின் ஆயுட்காலம் முடிந்த கையுடன், ஆணையாளர்களிடம் ஒப்படைப்பதுதான் உகந்ததென, அரசாங்கம் கருதுமென ராஜபக்ஷக்களுக்கு நெருக்கமான ஊடகங்கள் ஊகிக்கின்றன. இதற்கும் சில காரணங்கள் இல்லாமலில்லை. எந்த வேளையிலும் ராஜபக்ஷக்கள் தேர்தலுக்கு அஞ்சியதில்லை. உரிய வேளைக்கும், வேளைக்கு முன்னரும் மக்கள் ஆணைகளுக்கு மதிப்பளித்து, வழங்கிய வாக்குறுதிகளைக் காப்பாற்றி தேர்தல்களை நடத்திக் காட்டியவர்கள் ராஜபக்ஷக்கள். இன்னும் நான்கு வருடங்கள் ஆட்சியில் இருக்கப்போகும் இந்த அரசுக்கு, உள்ளூராட்சித் தேர்தல் ஒரு பொருட்டும் இல்லை என்பதால், மக்கள் ஆணைக்கே இந்த அரசு மதிப்பளிக்கும் என எதிர்வு கூறப்படுகிறது. என்னவானாலும், நிதி நிலைமைகளும்,நோய் நிலைமைகளுமே இத்தேர்தலை தீர்மானிக்கப் போகின்றன.

Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

  பெட்ரோலுக்கு விலை கூடுகிற‌தா?  பொருட்க‌ளுக்கு விலை கூடுகிற‌தா? இது ப‌ற்றி முஸ்லிம்க‌ள் அல‌ட்டிக்கொள்ள‌த்தேவையில்லை. ஏனென்றால் இந்த‌ நாட்டின் 2 கோடி ம‌க்க‌ளில் ஒன்ன‌ரைக்கோடி ம‌க்க‌ள் சிங்க‌ள‌ ம‌க்க‌ள். பெற்றோலுக்கு விலை கூடினால் , பொருள்க‌ளுக்கு விலை கூடினால்  அது தாக்க‌ம் முத‌லில் சிங்க‌ள‌ ம‌க்க‌ளுக்குத்தான்.  அத‌ற்கு அடுத்துதான் சிறுபான்மை ம‌க்க‌ளைத்தாக்கும். ஒன்ன‌ரைக்கோடி பெரிதா? 50 ல‌ட்ச‌ம் பெரிதா? இந்த‌ அர‌சாங்க‌ம் 100க்கு 99.5 சிங்க‌ள‌ ம‌க்க‌ளால் கொண்டு வ‌ர‌ப்ப‌ட்ட‌ அர‌சாங்க‌ம். பெட்ரோல், பொருட்க‌ள் விலை அதிக‌ரித்தால் அவ‌ர்க‌ள் பார்த்துக்கொள்வார்க‌ள். நாம் த‌லையை ஓட்டுவ‌தால் எந்த‌ ந‌ன்மையும் கிடைக்க‌ப்போவதில்லை. முடியுமாயின் பெட்ரோல், பொருட்க‌ள் விலை அதிக‌ரிப்பு ப‌ற்றி முஸ்லிம்க‌ள் ஓட்டுப்போட்ட‌ முஸ்லிம் க‌ட்சிக‌ளின் உறுப்பின‌ர்க‌ளை பாராளும‌ன்ற‌த்தில், ஊட‌க‌ங்க‌ளில் பேச‌ சொல்லுங்க‌ள்.  அவ‌ர்க‌ளே பேசாம‌டந்தையாக‌ இருக்கும் போது முஸ்லிம்க‌ள் ஏன் அல‌ட்டிக்கொள்ள‌ வேண்டும்? பொருட்க‌ள் விலை கூடுத‌ல் பெரிய‌ விட‌ய‌மா? த‌ம‌க்கென்ற‌ நாட்டை பாதுகாப்ப‌து முக்கிய‌மா என்ப‌து பெரும்பாலான‌ சிங்க

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய