Skip to main content

மாகாண சபை. இல்லாமலாக்கிய ஐக்கிய மக்கள் சக்தியுடனா இன்னும் இவர்களுக்கு கூட்டு


பங்காளிக் கட்சிகளை பிடிக்குள் இறுக்கும் ஜனாதிபதியின் நகர்வு!


சுஐப் எம். காசிம்-

ஸ்ரீலங்கா பொதுஜன பெரமுனவின் அடுத்த ஜனாதிபதி வேட்பாளரும் நான்தான் என்று அறிவித்த ஜனாதிபதி கோட்டாபய ராஜபக்ஷ, பங்காளிக் கட்சிகளின் பிரச்சினைகளுக்கு முடிச்சுப் போட்டுவிட்டார். தவணைகள் வரையறுக்கப்பட்டிருந்த 19 ஐ இல்லாமலாக்கியதும் இதற்குத்தானே! இப்போது எத்தனை தடவைகளும் கேட்கலாம் என்றிருக்கையில், ஒற்றைத் தடவையோடு ஏன் ஒதுங்க வேண்டுமென அவர் நினைத்திருக்கலாம். எதிர்க்கட்சி இப்போது உள்ள லட்சணத்தில், எத்தனை தடவைகள் போட்டியிட்டாலும் வெல்லலாம் என்ற தைரியமும் இவ்வாறு சொல்ல இவரைத் தூண்டியிருக்கும். உடனிருப்பவர்கள் அரசியல் காரணங்களுக்காக மாட்டிக்கொள்கையில், அவர்களை அரவணைத்துச் செல்லாது உதைத்துத் தள்ளுகின்ற கட்சியாகவும் இது பார்க்கப்படுகின்றது. இதுமட்டுமல்ல, ஸ்ரீலங்கா சுதந்திர பொதுஜன பெரமுன என்ற இந்த அரசாங்கத்திலுள்ள பங்காளிக் கட்சிகளின் பிரச்சினைகளுக்குரிய தீர்வும் இந்த அறிவிப்பிலுள்ளது.

குறிப்பாக, ஒற்றையாட்சியை விரும்பும் அல்லது வலியுறுத்தும் பங்காளிக் கட்சிகளின் பிரச்சினையைத் தீர்க்கும் அறிவிப்பாகவே இதைக் கருத வேண்டும். ஆனால், ஸ்ரீலங்கா சுதந்திரக் கட்சி மட்டும் இந்த அறிவிப்பில் விருப்புற்றிருக்கவில்லை. எதிர்கால ஜனாதிபதிக் கனவுடன் இந்தக் கட்சிக்குள் பலர் இருப்பதால், இந்த அறிவிப்பு இவர்களில் சிலருக்கு குலுக்கலையும் ஏற்படுத்தியிருக்கலாம். இதனால்தான், சில விரிசல்களுடன் வெளியேற இருந்தது ஸ்ரீலங்கா சுதந்திரக் கட்சி. இப்போது ஏற்படச் சாத்தியமென எதிர்பார்க்கப்படும் இன்னும் சில அமைச்சரவை மாற்றங்களும் விரைவில் நடக்கலாமென நம்பப்படும் மாகாண சபைத் தேர்தலும்தான், மைத்திரி அணியை மௌனம் காக்க வைத்திருக்கிறது.

இதிலிருந்து புரியவரும் ஒன்றுதான், அதிகாரப்பகிர்வுக்கு ஸ்ரீலங்கா சுதந்திரக் கட்சி எதிர்ப்பு இல்லை என்பதாகும். இந்த நிலைப்பாடுகளைத் தென்படவைத்து, சிறுபான்மைக் கட்சிகளைச் சேர்ப்பதற்கே மைத்திரி அணி முயல்வதாகத்தான் ஸ்ரீலங்கா பொதுஜன பெரமுன நம்பியது. இதுதான் நீறுபூத்த நெருப்பாக புகைந்து இப்போது நீங்கியிருக்கிறது.

இப்போது, வருவோம் விடயத்துக்கு. இந்த மாகாண சபைத் தேர்தலை எந்த முறையில் நடத்துவதென்ற பிரச்சினையின் இழுபறிகள்தான், கடந்த மூன்று வருடங்களாக இந்தத் தேர்தலுக்கு தடையாக இருக்கிறது. நல்லாட்சி அரசில் 2017 இல் கொண்டுவரப்பட்ட மாகாண சபைகள் திருத்தச் சட்டம்தான், ஏற்கெனவே இருந்த எல்லாவற்றையும் இல்லாமலாக்கி, தேர்தலையும் குழப்பியிருப்பதாக கூறப்படுகிறது. இந்தக் குற்றாச்சாட்டுக்கள் தென்னி லங்கையில் இல்லாவிடினும், வடக்கு, கிழக்கில் பெரும் சீற்றத்தை ஏற்படுத்தி இருக்கின்றன. தமிழ் பேசும் மக்களின் அரசியல் பிரச்சினைக்கு அடிநாதமாக அறிமுகப்படுப்படுத்தப்பட்ட அதிகாரப்பகிர்வல்லவா மாகாண சபை. இதையும் இல்லாமலாக்கிய ஐக்கிய மக்கள் சக்தியுடனா இன்னும் இவர்களுக்கு கூட்டு என்றுதான், தமிழர்களின் ஏக அரசியல் விமர்சிக்கப்படுகிறது.

இது போதாதற்கு இந்த ஏக உரிமைகள் இந்த விடயத்தில் இன்னும் தவறுகள் செய்வதாகவும் விமர்சனங்கள் தொடராமலில்லை. மாகாண சபைகளின் அதிகாரங்களின் கீழுள்ள அரச நிறுவனங்கள், பாடசாலைகள், வைத்தியசாலைகளை தரமுயர்த்துதல் மற்றும் மத்திய அரசாங்கத்தால் வழங்கப்பட்ட நிதிகளை பயன்படுத்தாமையால் மீளத் திரும்பல் என்பவையும், இந்த அதிகாரத்தைப் பயன்படுத்துவதிலுள்ள இவர்களின் இயலாமைகளையே காட்டுகின்றன.

இந்த இயலாமைகளைத்தான் இப்போது மத்திய அரசின் ஆளுமைகள் அள்ளிச் செல்லப் பார்க்கின்றன. ஒற்றையாட்சியை உறுதிப்படுத்தி, பிரிவினைவாதத்தை தோற்கடித்துள்ள இந்த அரசாங்கத்தில், மாகாண சபைக்கு உள்ளதையாவது காப்பாற்றும் யுக்தியுடன் நடந்துகொள்வதில்லையா? உரிமைக்காக குரல்கொடுக் க வந்துள்ள நமது சிறுபான்மை தலைமைகள். வட மாகாணத்தின் பிரதம செயலாளராக நியமிக்கப்பட்டுள்ள சமன் பந்துலசேனவின் விடயத்தை எதிர்த்து வழக்குத் தொடுக்கப் புறப்பட்டுள்ள ஏக உரிமைகள், ஏற்கனவே விட்ட தவறுகளை எண்ணிப்பார்த்துவிட்டுப் புறப்பட வேண்டும். இதுதான் இன்றுள்ள கவலை.

Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

  பெட்ரோலுக்கு விலை கூடுகிற‌தா?  பொருட்க‌ளுக்கு விலை கூடுகிற‌தா? இது ப‌ற்றி முஸ்லிம்க‌ள் அல‌ட்டிக்கொள்ள‌த்தேவையில்லை. ஏனென்றால் இந்த‌ நாட்டின் 2 கோடி ம‌க்க‌ளில் ஒன்ன‌ரைக்கோடி ம‌க்க‌ள் சிங்க‌ள‌ ம‌க்க‌ள். பெற்றோலுக்கு விலை கூடினால் , பொருள்க‌ளுக்கு விலை கூடினால்  அது தாக்க‌ம் முத‌லில் சிங்க‌ள‌ ம‌க்க‌ளுக்குத்தான்.  அத‌ற்கு அடுத்துதான் சிறுபான்மை ம‌க்க‌ளைத்தாக்கும். ஒன்ன‌ரைக்கோடி பெரிதா? 50 ல‌ட்ச‌ம் பெரிதா? இந்த‌ அர‌சாங்க‌ம் 100க்கு 99.5 சிங்க‌ள‌ ம‌க்க‌ளால் கொண்டு வ‌ர‌ப்ப‌ட்ட‌ அர‌சாங்க‌ம். பெட்ரோல், பொருட்க‌ள் விலை அதிக‌ரித்தால் அவ‌ர்க‌ள் பார்த்துக்கொள்வார்க‌ள். நாம் த‌லையை ஓட்டுவ‌தால் எந்த‌ ந‌ன்மையும் கிடைக்க‌ப்போவதில்லை. முடியுமாயின் பெட்ரோல், பொருட்க‌ள் விலை அதிக‌ரிப்பு ப‌ற்றி முஸ்லிம்க‌ள் ஓட்டுப்போட்ட‌ முஸ்லிம் க‌ட்சிக‌ளின் உறுப்பின‌ர்க‌ளை பாராளும‌ன்ற‌த்தில், ஊட‌க‌ங்க‌ளில் பேச‌ சொல்லுங்க‌ள்.  அவ‌ர்க‌ளே பேசாம‌டந்தையாக‌ இருக்கும் போது முஸ்லிம்க‌ள் ஏன் அல‌ட்டிக்கொள்ள‌ வேண்டும்? பொருட்க‌ள் விலை கூடுத‌ல் பெரிய‌ விட‌ய‌மா? த‌ம‌க்கென்ற‌ நாட்டை பாதுகாப்ப‌து முக்கிய‌மா என்ப‌து பெரும்பாலான‌ சிங்க

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய