Skip to main content

அம்பலமான முகங்கள்

 Virakesari 25.07.2021 ***************************** எம்.எஸ்.தீன் - முஸ்லிம் கட்சிகளின் அரசியல் தலைவர்களும், பாராளுமன்ற உறுப்பினர்களும் தங்களது சுயநலத்திற்காக எந்தப் பிசாசுடனும் உறவுகளை வைத்துக் கொள்வதற்கும், சேவகம் செய்வதற்கும் இடம், ஏவல், மரியாதை என்ற எதனையும் கவனத்திற் கொள்ளமாட்டார்கள் என்பதற்கு மற்றுமொரு சான்றாகவே அமைச்சர் உதய கம்மன்விலவுக்கு எதிராக ஐக்கிய மக்கள் சக்தியினால் கொண்டு வரப்பட்ட நம்பிக்கையில்லாத பிரேரணை விடயத்திலும் முஸ்லிம் கட்சிகளின் பாராளுமன்ற உறுப்பினர்களின் முடிவுகள் அமைந்துள்ளன. அமைச்சர் உதய கம்மன்விலவுக்கு எதிராக ஐக்கிய மக்கள் சக்தியினால் கொண்டு வரப்பட்ட நம்பிக்கையில்லாத பிரேரணையானது முழுக்க அரசியல் நோக்கத்தைக் கொண்டது. எரிபொருளின் விலையை அதிகரித்தமையை பொதுஜன பெரமுனவின் பாராளுமன்ற உறுப்பினர்கள் பலரும் அந்த பழியை உதய கம்மன்விலவின் தலைமையில் சுமர்த்திவிட்டு, நல்லபிள்ளை போல் மக்கள் மத்தியில் கருத்துக்களை வெளியிட்டார்கள்.  இத்தகைய பாராளுமன்ற உறுப்பினர்களினதும், பொதுஜன பெரமுனவினதும் உண்மையான நிலைப்பாட்டை மக்களுக்கு காண்பிப்பதற்காகவே நம்பிக்கையில்லா பிரேரணை கொண்டு வரப்

பிக்பாஸ் வீட்டிலிருந்து வெளியேறுவாரா கம்மன்பில?

 



கொரோனா வைரஸின்  கோரத்தாண்டவத்தை கட்டுப்படுத்துவதற்காக இலங்கையில் பயணக்கட்டுப்பாடு அமுலில் உள்ளது. இதனால் மக்களின் வாழ்வாதாரம் பெரிதும் பாதிக்கப்பட்டுள்ளது. ஒருவேளை உணவைக்கூட முறையாக உண்ண வழியின்றி பலர் விழிபிதுங்கி நிற்கின்றனர். 


இந்நிலையில் திடீரென நேற்றிரவு எரி பொருட்களின் விலை அதிகரித்தது. இது தொடர்பான அறிவிப்பு வெளியான கையோடு அடுத்துவரும் நாட்களில் ஏனைய சில பொருட்கள் மற்றும் சேவைகளின் விலை உயரக்கூடும் என்பதை மக்கள் முன்கூட்டியே ஊகித்துக்கொண்டனர். 


இதனால் எரிபொருள் விலை உயர்வுக்கு கடும் எதிர்ப்பை வெளியிட்டதுடன், அதனை மீளப்பெறுமாறும் வலியுறுத்தினர். எதிர்க்கட்சிகளும் இந்த வலியுறுத்தலை விடுத்துவருகின்றன.


இவ்விவகாரத்தால் அரசுக்கும் பெரும் நெருக்கடி - தலையிடி ஏற்பட்டுள்ளது. மக்கள் மத்தியில் அதிருப்தி அலையும் உருவாகியுள்ளது. இந்நிலையில் அரசின் தலைமைக்கட்சியான ஶ்ரீலங்கா பொதுஜன பெரமுன இன்று மாலை அதிரடியாக அறிக்கையொன்றை வெளியிட்டது.


எரிபொருட்களின் விலை தற்போதைய சூழ்நிலையில் அதிகரிக்கப்பட்டமை தவறு எனவும், இவ்வாறானதொரு முடிவை எடுத்த துறைசார் அமைச்சர் முழு பொறுப்பையும் ஏற்று பதவி துறக்க வேண்டும் என அவ்வறிக்கையில் வலியுறுத்தப்பட்டுள்ளது. 


அமைச்சுகளை மாற்றுவதற்கும், விடயதானங்களை கைமாற்றுவதற்குமான முழு அதிகாரம் ஜனாதிபதிக்கு இருக்கின்றது.தற்கான பரிந்துரையை பிரதமரால்கூட முன்வைக்க முடியும்.  


துறைசார் அமைச்சர் என்ற வகையில் கம்மன்பில தன்னிச்சையாக செயற்பட்டிருந்தால், அரசுக்கு நெருக்கடியை ஏற்படுத்த சூழ்ச்சி செய்திருந்தால் மேற்படி நடைமுறையை அரச தலைமைகள் கையாளலாம். 


நிலைமை இவ்வாறிருக்க,  திடீரென அதுவும் அரசின் தலைமைக்கட்சியிடமிருந்தே அறிக்கை வெளிவருவது பிரச்சினைகளை திசைதிருப்பவா என்ற கேள்விக்கு வழிவிட்டுள்ளது. 


பிக்பாஸ் வீட்டிலிருந்து போட்டியாளர்களை வெளியேற்றுவதற்கு சக போட்டியாளர்கள் சில யுக்திகளை கையாள்வதுபோல, அரச கூட்டணியிலிருந்து கம்மன்பிலவை கழற்றிவிடுவதற்கு பஸிலின் சகாக்கள், இவ்வாறான நகர்வு மூலம் முயற்சிக்கின்றனரா என்ற சந்தேகமும் ஏற்பட்டுள்ளது. 


தென்னிந்தியாவில் மட்டுமல்ல தமிழர்கள் வாழும் நாடுகளிலெல்லாம் சிறந்த பொழுதுபோக்கு நிகழ்ச்சியாக ‘பிக்பாஸ்’ இருந்தது - இருந்துவருகின்றது. 


‘பிக்பாஸ்’ வீட்டுக்குள் நடிகர்கள், வில்லன்கள், காமெடியன்கள், சுயநலவாதிகள், பொதுநலவாதிகள் என பல்வேறு குண அம்வங்களைக்கொண்டவர்கள் போட்டியாளர்கள் இருக்கின்றனர். அதுபோலவே ஜனாதிபதி கோட்டாபய ராஜபக்ச தலைமையிலான அரசாங்கத்தில் வலதுசாரிகள், இடதுசாரிகள், இனவாதிகள், மதவாதிகள், முற்போக்கு வாதிகள், தேசப்பற்றாளர்கள் என பல்வேறு தரப்பினரும் அங்கம் வகிக்கின்றனர்.


‘பிக்பாஸ்’ நிகழ்ச்சியில் ‘பிக்பாஸ்’ யார் என்பது எவருக்கும் தெரியாது. அது சிதம்பர ரகசியமாக பேணி பாதுகாக்கப்பட்டுவருகின்றது. ஆனால் இலங்கை அரசாங்கத்தில் ஜனாதிபதி கோட்டாபய ராஜபக்சதான் ‘பிக்பாஸ்’.  20ஆவது திருத்தச்சட்டம் நிறைவேறிய பின்பு சர்வபலமும் அவருக்கு வந்துவிட்டது. எனவே, எவரும் ஓடவும் முடியாது, ஒளியவும் முடியாது என்ற நிலையும் காணப்படுகின்றது.


அமைச்சரவையில் அங்கம் வகிக்கும் கம்மன்பில, விமல்வீரவன்ஸ ஆகிய இருவருக்கும், மொட்டு கட்சியிலுள்ள பஸில் அணி உறுப்பினர்களுக்கும் இடையில் முறுகல் நிலை நீடித்துவருகின்றது. இவ்விருவரும் பஸில் ராஜபக்சவுக்கு எதிராக போர்க்கொடி தூக்கிவருகின்றமையே முரண்பாட்டுக்கு பிரதான காரணமாகும். 


இந்த பகையால் வாய்ப்பு கிடைக்கும் சந்தர்ப்பங்களில் எல்லாம் இவிவிருவரையும் பஸிலின் சகாக்கள் வெளுத்து வாங்குவது வழமை. மொட்டு கட்சியின் தலைமைத்துவம் குறித்து விமல் வீரவன்ஸ வெளியிட்ட கருத்தால் அவரை மன்னிப்பு கேட்டுமாறுகூட கடும் அழுத்தங்களை மொட்டுக்கட்சி பிரயோகித்தது.  பதிலுக்கு விமல் '12' அணியை உருவாக்கினார். 


தற்போது எரிபொருள் விவகாரத்தை பயன்படுத்தி கம்மன்பிலவின் தலை குறிவைக்கப்பட்டுள்ளது.


பிக்பாஸ் வீட்டிலிருந்து அதாவது அமைச்சரவையில் இருந்து கம்மன்பிலவை வெளியேற்ற வேண்டும் என்ற யோசனை முன்வைக்கப்பட்டுள்ளது. எனவே, தாமாக முன்வந்து கம்மன்பில பதவி துறப்பாரா, அல்லது வெளியேற்றப்படுவாரா என பலரும் கேட்கின்றனர். 


அதேவேளை, கம்மன்பிலவுக்கு எதிராக எதிர்க்கட்சி நம்பிக்கையில்லாப் பிரேரணையொன்றை முன்வைத்தால்கூட ,அதற்கு மொட்டு கட்சி உறுப்பினர்கள் ஆதரவு தெரிவிக்கும்பட்சத்தில் அது கம்மன்பிலவுக்கு ஆப்பாக அமைந்துவிடும். 


ஆக தருணம்பார்த்து கம்மன்பிலமீது பஸிலின் சகாக்கள் அரசியல் கணைகளைத்தொடுத்துள்ளனர். எனினும், நெருக்கடியான சூழ்நிலைகளில் ஜனாதிபதிக்கு கம்மன்பில விசுவாசமாக செயற்பட்டுள்ளதால் கம்மன்பிலவுக்கு எவ்வித நெருக்கடியும் வராது என  உள்வீட்டுத் தகவல்கள் சொல்கின்றன. 


கம்மன்பில தாமாக பதவி துறந்தால் மட்டுமே வெளியேற வாய்ப்பு உள்ளது. இல்லையேல் அவர் காப்பாற்றப்படுவார். பிக்பாஸ் வீட்டில் தொடர்ந்தும் அங்கம் வகிப்பார்.


கம்மன்பிலமீது கைவைத்தால் விமல் குழம்புவார். விமல் குழப்பினால் தேசிய வாத அமைப்புகள் அரசுக்கு எதிராக போர்க்கொடி தூக்கும். அவ்வாறானதொரு நிலை ஏற்பட்டால் அது அரசுக்கு மேலுமொரு அடியாக அமையும். எனவே, கம்மன்பிலவின் பதவிக்கு ஆபத்து வராது என்பது உறுதி. 


எனவே, எரிபொருள் விலை உயர்வால் ஏற்பட்டுள்ள பிரச்சினையை திசை திருப்பவா அல்லது தாமாகவே விலை அதிகரிப்பை செய்துவிட்டு , அதனை மீளப்பெற்று மக்கள் நலன் கொண்ட அரசு என காண்பிப்பதற்கான நாடகம் திடீர் அறிக்கைமூலம் அரங்கேற்றப்படுகின்றதா என்ற சந்தேகமும் ஏற்படுகின்றது.  அடுத்துவரும் நாட்களில் நடைபெறும் அரசியல் சம்பவங்களை அடிப்படையாகக்கொண்டே உண்மை என்னவென்பதை அறியக்கூடியதாக இருக்கும்.


ஆர்.சனத்

Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

  பெட்ரோலுக்கு விலை கூடுகிற‌தா?  பொருட்க‌ளுக்கு விலை கூடுகிற‌தா? இது ப‌ற்றி முஸ்லிம்க‌ள் அல‌ட்டிக்கொள்ள‌த்தேவையில்லை. ஏனென்றால் இந்த‌ நாட்டின் 2 கோடி ம‌க்க‌ளில் ஒன்ன‌ரைக்கோடி ம‌க்க‌ள் சிங்க‌ள‌ ம‌க்க‌ள். பெற்றோலுக்கு விலை கூடினால் , பொருள்க‌ளுக்கு விலை கூடினால்  அது தாக்க‌ம் முத‌லில் சிங்க‌ள‌ ம‌க்க‌ளுக்குத்தான்.  அத‌ற்கு அடுத்துதான் சிறுபான்மை ம‌க்க‌ளைத்தாக்கும். ஒன்ன‌ரைக்கோடி பெரிதா? 50 ல‌ட்ச‌ம் பெரிதா? இந்த‌ அர‌சாங்க‌ம் 100க்கு 99.5 சிங்க‌ள‌ ம‌க்க‌ளால் கொண்டு வ‌ர‌ப்ப‌ட்ட‌ அர‌சாங்க‌ம். பெட்ரோல், பொருட்க‌ள் விலை அதிக‌ரித்தால் அவ‌ர்க‌ள் பார்த்துக்கொள்வார்க‌ள். நாம் த‌லையை ஓட்டுவ‌தால் எந்த‌ ந‌ன்மையும் கிடைக்க‌ப்போவதில்லை. முடியுமாயின் பெட்ரோல், பொருட்க‌ள் விலை அதிக‌ரிப்பு ப‌ற்றி முஸ்லிம்க‌ள் ஓட்டுப்போட்ட‌ முஸ்லிம் க‌ட்சிக‌ளின் உறுப்பின‌ர்க‌ளை பாராளும‌ன்ற‌த்தில், ஊட‌க‌ங்க‌ளில் பேச‌ சொல்லுங்க‌ள்.  அவ‌ர்க‌ளே பேசாம‌டந்தையாக‌ இருக்கும் போது முஸ்லிம்க‌ள் ஏன் அல‌ட்டிக்கொள்ள‌ வேண்டும்? பொருட்க‌ள் விலை கூடுத‌ல் பெரிய‌ விட‌ய‌மா? த‌ம‌க்கென்ற‌ நாட்டை பாதுகாப்ப‌து முக்கிய‌மா என்ப‌து பெரும்பாலான‌ சிங்க

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய