Skip to main content

முஸ்லிம் காங்கிர‌ஸ் உறுப்பின‌ர்க‌ளிடையே மோத‌ல்.

  சமூக பற்றில்லா தவத்தை மக்கள் நிராகரித்ததன் விம்பமே இன்றைய அவரின் காட்டிக்கொடுப்புகள்  : முன்னாள் மாகாண சபை உறுப்பினரை தோலுரிக்கும் மு.கா பிரமுகர்  மாளிகைக்காடு நிருபர்  றாபிக்களும், அலி உதுமான்களும் பிறந்த வீரமிகு மண்ணான அக்கரைப்பற்றில் காட்டிக்கொடுப்பிலும், ஈனசெயலிலும் முத்திரை பதித்த ஒருவராக முன்னாள் மாகாணசபை உறுப்பினர் ஏ.எல்.எம் தவம் இருப்பது அக்கரைப்பற்று மண்ணுக்கு மட்டுமல்ல ஒட்டுமொத்த முஸ்லிங்களுக்கும் அவமானமாக உள்ளது. எச்ச சுகபோகங்களுக்காக முஸ்லிங்களையும், முஸ்லிம் நிலபுலங்களையும் காட்டிக்கொடுத்து வங்கரோத்து தனமிக்க அரசியல்வாதியாக தன்னை அடையாளப்படுத்திக்கொண்ட இவரை அம்பாறை மாவட்ட மக்கள் கடந்த காலங்களில் நிராகரித்தது போன்று இனியும் நிராகரிப்பார்கள். இவரின் பருப்பு முஸ்லிம் சமூகத்திடம் இனியும் வேகாது என ஸ்ரீலங்கா முஸ்லிம் காங்கிரசின் சார்பிலான கல்முனை மாநகரசபை உறுப்பினர் ஏ.எம். பைரூஸ் தெரிவித்தார்.  இன்று கல்முனையில் நடைபெற்ற ஊடக சந்திப்பில் கலந்துகொண்டு பேசிய அவர் மேற்கண்டவாறு தெரிவித்தார். மேலும் கருத்து தெரிவிக்கையில், ஸ்ரீலங்கா முஸ்லிம் காங்கிரசின் முன்னாள் தவிசாளர்களாக இருந்த

தமிழ் மக்களுக்காக பாண்டிருப்பு, சேனைக்குடியிருப்பை ஒன்றிணைத்து பாண்டிருப்பு பிரதேச செயலகத்தை உருவாக்க வேண்டும்

 தமிழ் மக்களுக்காக பாண்டிருப்பு, சேனைக்குடியிருப்பை ஒன்றிணைத்து பாண்டிருப்பு பிரதேச செயலகத்தை உருவாக்க வேண்டும் - முபாரக் அப்துல் மஜீத். 


நூருல் ஹுதா உமர் 


தேர்தல் காலம் வந்தால் கிழக்கில் அதிலும் குறிப்பாக கல்முனையில் பல பூதங்கள் வெளிவரும். அதில் முக்கியமான பூதம் கல்முனை பிரதேச செயலகத்தை தரமுயர்த்தல், பிரித்தல் என்ற பூதம். இந்த பூதத்தை தேர்தல் காலங்களில் கொண்டுவருவது அரசியல்வாதிகளே. இவர்களுக்குள் பேசிக்கொண்டுதான் இவ்வாறு மக்களை ஏமாற்றுகிறார்களா? என்ற சந்தேகம் மக்களிடம் தொடர்ந்தும் இருந்தே வருகிறது. இப்போதெல்லாம் இது தொடர்பில் பேசாதவர்கள் தேர்தல் வந்தால் இதை மட்டுமே பேசுகிறார்கள். கருணா அம்மன், எச்.எம்.எம். ஹரீஸ் ஆகியோர் அரசுடன்தானே இருக்கிறார்கள். இவர்கள் ஏன் அரசாங்க தலைவர்களிடம் பேசி ஒரு தீர்வை காண முடியாது? கல்முனைக்கு ஒரு பிரதேச செயலகம் மட்டுமே போதுமானது, பாண்டிருப்பு, சேனைக்குடியிருப்பை ஒன்றிணைத்து பாண்டிருப்பு பிரதேச செயலகத்தை உருவாக்க வேண்டும் என உலமா கட்சி தலைவர் முபாரக் அப்துல் மஜீத் தெரிவித்தார். 


இன்று (12) இரவு கல்முனை காரியாலயத்தில் நடைபெற்ற ஊடக சந்திப்பில் கலந்து கொண்டு உரையாற்றும் போதே அவர் இவ்வாறு தெரிவித்தார். மேலும் அங்கு கருத்து வெளியிட்ட அவர், தமிழீழ விடுதலை புலிகள் கோலோச்சிய 1987 ம் ஆண்டு காலத்தில் நூறு வீதம் தமிழ் பேசும் மக்கள் வாழும் பிரதேசம் என்று கூட பாராது இந்திய றோவின் ஆலோசனையுடன் இந்த பிரதேச செயலகத்தை துண்டாட முயற்சித்தர்கள். அதன் பின்னர் 1989 முதல் ஸ்ரீலங்கா முஸ்லிம் காங்கிரசின் ஆளுகையில் இருந்துவரும் கல்முனைக்கு அமைச்சராக இருந்த, பிரதியமைச்சராக இருந்த பாராளுமன்ற உறுப்பினராக இருந்த எந்த ஒரு உறுப்பினரும் தீர்வை பெற்றுத்தரவில்லை.  ஸ்ரீலங்கா முஸ்லிம் காங்கிரஸ் நினைத்தால் இந்த பிரச்சினையை இலகுவாக தீர்த்திருக்க முடியும். 


மாகாண சபை தேர்தல் அறிவிக்கப்பட்டால் இனவாதம், பிரதேசவாதம் வெகுவாக தலைதூக்கும் அதிலும் குறிப்பாக கிழக்கு மாகாணத்தில் தமிழர், முஸ்லிம் என்ற வாதங்களை கிளப்பி விட்டு ஊர்களுக்கிடையே வாதங்களை உண்டுபண்ணி தேர்தலை வெல்ல பல நாடகங்கள் அரங்கேறும். அவ்வாறான நாடகங்களையும், அந்த நாடகங்களை இயக்கும் அரசியல் கட்சிகளையும் மக்கள் நிராகரிக்க வேண்டும். யார் முதலமைச்சர் ? தமிழரா அல்லது முஸ்லிமா என்ற கதைகளும் பேசுபொருளாக மாறும் இந்த விடயத்தில் மக்கள் தெளிவாக இருப்பது அவசியமாகும். ஸ்ரீலங்கா பொதுஜன பெரமுனவின் பங்காளி கட்சியான நாங்கள் அண்மையில் எங்களின் நிலைப்பாடுகள் தொடர்பில் பொதுஜன பெரமுனவின் காரியாலயத்தில் பேசியுள்ளோம். கிழக்கின் மூன்று மாவட்டங்களிலும் எங்களின் கட்சி கட்டாயம் போட்டியிடும். 


எமது நாட்டை ஆளும் ராஜபக்ஸக்கள் தேர்தலுக்கு முகம்கொடுக்க தயங்குபவர்கள் அல்ல. இந்த வருட இறுதிக்கு முன்னர் மாகாண சபைகளுக்கான தேர்தல் நடைபெறும் சாத்தியம் அதிகமாக உள்ளது. கடந்த நல்லாட்சிக்காரர்கள் சில சிறுபான்மை கட்சிகளையும் இணைத்துக்கொண்டு செய்த திருகுதாளங்களினால் தேர்தலை இப்போது நடத்துவதில் சில சட்டசிக்கல்கள் இருக்கிறது. இருந்தாலும் அந்த தேர்தல் நடைபெறும். நாங்கள் மாகாண சபைகள் முறைமைக்கு எப்போதும் எதிரானவர்கள் இருந்தாலும் ஜனநாயக கடமையான தேர்தல் நடைபெற்றால்  நாங்கள் ஆதரிக்க பின்நிற்க போவதுமில்லை. 


கடந்த 4.5 வருடங்கள் காலத்தை வீணடித்த எதிராணியினருக்கு இப்போதுதான் ஞானம் வந்தது போன்று அரசை விமர்சிக்கிறார்கள். ஈஸ்டர் தாக்குதல் கைதை ஆரம்பித்தவர்கள் யார் என்பதை ஹக்கீம், முஜிபுர்ரஹ்மான், சஜித் போன்றோர்கள் மறந்து விட்டார்கள் போல. அவர்களின் நல்லாட்சியில் தான் முஸ்லிங்கள் குரானை எரிக்கும் நிலைக்கு தள்ளப்பட்டார்கள், அரபு எழுத்துக்களை கண்டு நடுங்கினார்கள் என்பதை அவர்களுக்கு ஞாபகமூட்ட விரும்புகிறேன். முஸ்லிங்கள் அந்த காலப்பகுதியில் கஷ்டப்படும் போது புதினம் பார்த்துக்கொண்டிருந்த சஜித் இப்போது நல்ல பிள்ளை போன்று நடிக்கிறார். சமூகத்தை பற்றிய தெளிவில்லாமல் பொதுவெளியில் கருத்து சொல்லும் மு.கா தலைவர் ஹக்கீம் அவர்கள் வழமைபோன்று இப்போதும் சம்பந்தமில்லாமல் பேசிக்கொண்டிருக்கிறார். ஸஹ்ரான் தொடர்பில் முஸ்லிம் சமூகம் அறிந்திருந்தால் அவர்களை அடியோடு இல்லாமலாக்கி சட்டத்தின் பிடியில் அவர்களை கொண்டு சேர்த்திருப்பார்கள். ஹக்கீம் குழப்பவாதிகளுக்கு எப்போதும் பக்கபலனாக இருப்பதை வன்மையாக கண்டிக்கிறேன் என்றார்.

Comments

Popular posts from this blog

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய

இனிய நோன்பு பெருநாள் வாழ்த்துக்கள்