BREAKING NEWS

தாக்குத‌ல் குறித்து அபுஹிந்த் த‌க‌வ‌ல் தெரிவித்தும் குப்புற‌ ப‌டுத்த‌ ர‌ணில், ச‌ஜித், ஹக்கிம் அர‌சு.

 ஸஹ்ரான் ஹாசிமுடன் நெருங்கிய தொடர்பை பேணிய அபுஹிந்த் என்ற இந்திய உளவாளி உயிர்த்த ஞாயிறு தாக்குதல் குறித்து முன்கூட்டியே துல்லியமாக எச்சரித்தார் என உயிர்த்த ஞாயிறு தாக்குதல் குறித்து விசாரணைகளை மேற்கொண்ட ஜனாதிபதி ஆணைக்குழுவின் அறிக்கையில் தெரிவிக்கப்பட்டுள்ளதாக சிலோன்டுடே செய்தி வெளியிட்டுள்ளது . 


இந்திய புலனாய்வு பிரிவினர் மூன்று தடவை துல்லியமான தகவல்களை வழங்கியிருந்தனர் என ஆணைக்குழுவின் அறிக்கையில் தெரிவிக்கப்பட்டுள்ளதாக சிலோன்டுடே தெரிவித்துள்ளது . ஸஹ்ரானின் குழுவிற்குள் ஊடுருவிய அபுஹிந்த் என்ற இந்திய உளவாளியே தாக்குதல் குறித்து முன்கூட்டியே எச்சரித்தார் என சிலோன் டுடே தெரிவித்துள்ளது . 


அபுஹின்ட் தான் இந்தியாவிற்கான ஐஎஸ் அமைப்பின் தலைவர் என தெரிவித்தே ஸஹ்ரான் குழுவினருடன் தொடர்பை பேணியுள்ளார் அதன் மூலம் தெவ்ஹீத் ஜமாத் அமைப்பிடமிருந்து தகவல்களை பெற்றுள்ளார் என ஆணைக்குழு தெரிவித்துள்ளதாக சிலோன் டுடே குறிப்பிட்டுள்ளது .


 2019 ஏப்பிரல் 4 , 20 21 ம் திகதிகளில் தேசிய புலனாய்வு சேவையின் இயக்குநருக்கு அபுஹிந்த் மூலமாக எச்சரிக்கை தகவல் கிடைத்துள்ளதாக ஆணைக்குழு குறிப்பிட்டுள்ளது . ஜனாதிபதி ஆணைக்குழுவின் முன்னிலையில் சாட்சியமளித்த வேளை ஸஹ்ரான் ஹாசிமின் மனைவி , ஸஹ்ரான் ஹாசிம் அபுஹிந்த் இந்தியாவிற்கான ஐஎஸ் அமைப்பின் பிரதிநிதி என கருதினார் என தெரிவித்துள்ளார் . அவரும் அவரது சகோதரரும் அபுஹிந்துடன் இணையம் மூலமாக தொடர்ச்சியாக தொடர்பிலிருந்ததாக ஜஹ்ரான் ஹாசிம் தெரிவித்தார் எனவும் அவரது மனைவி குறிப்பிட்டுள்ளார் .

Share this:

Post a Comment

 
Copyright © 2022 Al Jazeera Lanka. Template Designed by Themes - Videopiar