முட்டாள்தனமான தீர்மானத்தின் பின்னணியில் பௌத்த தேரர்கள் இருப்பதாகவே பலரும் கருதுகின்றார்கள் .

 



முஸ்லிம்களின் ஜனாஸாக்களை அடக்கம் செய்வதற்கு எதிராக அரசாங்கம் மேற்கொண்டிருக்கும் முட்டாள்தனமான தீர்மானத்தின் பின்னணியில் பௌத்த தேரர்கள் இருப்பதாகவே பலரும் கருதுகின்றார்கள் . ஆனால் அது உண்மையல்ல என்று பொதுபலசேனா அமைப்பின் பொதுச் செயலாளர் கலகொட அத்தே ஞானசார தேரர் தெரிவித்தார் . 1983 ஊடாக ஆம் ஆண்டில் தமிழர்களுடன் பிரச்சினையொன்றைத் தோற்றுவித்துக் கொண்டதைப் போன்று , மீண்டும் இவ்விவகாரத்தின் பிரச்சினையொன்றைத் தோற்றுவிக்கும் வகையிலேயே நடவடிக்கைகள் முன்னெடுக்கப்பட்டு வருகின்றன . அரசாங்கம் இஸ்லாமிய அடிப்படைவாதத்தை இல்லாதொழிப்பதற்கு நடவடிக்கை எடுக்க வேண்டுமே தவிர , முஸ்லிம்களின் உரிமைகளைக் குழிதோண்டி புதைக்கக் கூடாது என்றும் அவர் வலியுறுத்தினார் .


பொதுபலசேனா அமைப்பினால் கொழும்பில் நேற்று செவ்வாய்கிழமை ஏற்பாடு செய்யப்பட்டிருந்த ஊடகவியலாளர் சந்திப்பில் கலந்துகொண்டு கருத்து வெளியிடுகையிலேயே அவர் இவ்வாறு குறிப்பிட்டார் . அங்கு அவர் மேலும் கூறியதாவது , கொரோனா வைரஸ் தொற்றினால் உயிரிழக்கும் முஸ்லிம்களின் உடல்கள் தகனம் செய்யப்படுவதை எதிர்த்து அண்மையில் லண்டனில் ஆர்ப்பாட்டமொன்று மேற்கொற்கொள்ளப்பட்டது . அதில் ' இலங்கையில் காவித்துணி அணிந்தவர்களின் பேச்சை ஜனாதிபதி கேட்கக்கூடாது ' என்று ஒருவர் கூறுகின்றார் . இதன் மூலம் வெளிப்படுவது என்ன ? இந்த நாட்டில் முஸ்லிம்களின் ஜனாஸாக்களை அடக்கம் செய்வதை பௌத்த பிக்குகள் எதிர்க்கிறார்கள் என்ற அர்த்தத்தை அல்லவா அது ஏற்படுத்துகின்றது ? 


அடக்கம் செய்வது தொடர்பில் இன ரீதியான தீர்மானமொன்று மேற்கொள்ளப்படுகின்றது . இது விடயத்தில் எவ்வித முறையான செயற்திட்டமும் நடைமுறைப்படுத்தப்படுவதாகத் தெரியவில்லை . தகுதி வாய்ந்த நிபுணர்கள் குழுவை நியமித்து , அவர்களின் பரிந்துரைகளைக் கேட்டறிய வேண்டும் . அதேபோன்று இவ்விகாரத்தில் மதத் தலைவர்களின் கருத்துக்களையும் கேட்டறிய வேண்டும் . முதலில் சடலங்களைத் தகனம் செய்ய வேண்டும் என்கிறார்கள் . பின்னர் குளிரூட்டியில் வைக்க வேண்டும் என்கிறார்கள் . 


1983 ஆம் ஆண்டில் தமிழர்களுடன் பிரச்சினையொன்றைத் தோற்றுவித்துக் கொண்டதைப் போன்று , மீண்டும் இவ்விவகாரத்தின் பிரச்சினையொன்றைத் தோற்றுவிக்கும் வகையிலேயே நடவடிக்கைகள் முன்னெடுக்கப்பட்டு வருகின்றன .


ஆகவே தனி நபர்களின் நிலைப்பாடுகளைக் கவனத்திற்கொள்ளாமல் , குறித்த அரசாங்கம் பரந்துபட்ட ரீதியில் சிந்திக்க வேண்டும் . ஏனெனில் இந்த பூமியிலிருந்து முக்தியை பெறுவதற்கு நிலத்திற்குக் கீழ் புதைக்கப்பட வேண்டும் என்று முஸ்லிம்கள் நம்புகின்றார்கள் . எனவே வரையறுக்கப்பட்ட அடிப்படையில் தீர்மானம் மேற்கொள்ள முடியாது . அரசாங்கம் இஸ்லாமிய அடிப்படைவாதத்தை இல்லாதொழிப்பதற்கு நடவடிக்கை எடுக்க வேண்டுமே தவிர , முஸ்லிம்களின் உரிமைகளைக் குழிதோண்டி குழிதோண்டி புதைக்கக் கூடாது . 

Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்