Skip to main content

சிறுமியின் உயிரிழப்பு தற்கொலையா? அல்லது படுகொலையா?

 ரிஷாட் வீட்டில் செயலிழந்த சிசிடீவி கெமரா!  - நீதிமன்றில் தெரிவித்த தகவல்கள் நாடாளுமன்ற உறுப்பினர் ரிஷாட் பதியுதீன் வீட்டில் பயணியாற்றிய சிறுமியின் உயிரிழப்பு தற்கொலையா? அல்லது படுகொலையா? என பாரிய சந்தேகம் தற்போது எழுந்துள்ளதாக பிரதி சொலிஸ்டர் ஜெனரல் திலிப பீரிஸ் தெரிவித்துள்ளார். இந்த சம்பவம் தொடர்பிலான விசாரணைகள் கொழும்பு – புதுகடை நீதவான் நீதிமன்றில் நேற்றைய தினம் விசாரணைக்கு எடுத்துக்கொண்ட போது அவர் இவ்வாறு கூறியுள்ளார். குறித்த சிறுமி கடந்த 3ம் திகதி அதிகாலை 6.45 அளவிலேயே தீ காயங்களுக்கு உள்ளாகியுள்ளதுடன், அவர் முற்பகல் 8.20 அளவிலேயே வைத்தியசாலையில் அனுமதிக்கப்பட்டுள்ளமை விசாரணைகளில் தெரியவந்துள்ளதாகவும் அவர் கூறியுள்ளார். சிறுமி தங்கியிருந்த வீட்டில் வாகனங்கள் மற்றும் சாரதிகளுக்கு எந்தவித தட்டுப்பாடும் இல்லாத நிலையில், குறித்த சிறுமி 1990 அம்பியூலன்ஸ் சேவையின் ஊடாக தாமதமாகி கொழும்பு தேசிய வைத்தியசாலையில் அனுமதிக்கப்பட்டுள்ளமையும் சந்தேகத்தை ஏற்படுத்தியுள்ளதாக அவர் நீதிமன்றில் சுட்டிக்காட்டியுள்ளார். இந்த வழக்கின் இரண்டாவது சந்தேகநபரான, ரிஷாட் பதியூதீனின் மனைவியின் தந்தை, குறித்த

2015 இல், இச்சமூகங்களால் ஏற்படுத்தப்பட்ட ஆட்சி மாற்றத்திலும், இவர்களின் பொதுவான பிரச்சினைகள் தீர்க்கப்படவில்லை

 


கோணல் கள அரசியலில் அறுவடைக்கால ஆதாயம்..!


சுஐப் எம். காசிம் -

புரியாமல் போனதற்காய் இரு துருவங்களாகத் தொலைந்து, சிதைந்து தத்தளித்தவாறுள்ள தமிழ், முஸ்லிம் அரசியல், சிங்களத் தேசியத்தால் தட்டிக்கழிக்கப்படுகிறது. இதற்கு விடிவு தேடிய பயணங்களில் இவ்விரு சமூகத் தலைமைகளும் வெற்றி பெறவோ, விடுதலை பெறவோ இல்லை. இணக்க அரசியலுக்குள் வருவதுதான், இச் சமூகங்களுக்கே உரித்தான பொதுவான பிரச்சினைகளுக்கு தீர்வைத் தருமென்பதை இச்சமூகங்களின் தலைவர்கள் ஏற்றுக்கொள்ளாமலும் இல்லை.

விளக்கை குடத்துக்குள் வைத்து வெளிச்சம் தேடியதைப் போன்றுதான், இவர்களின் இணக்க அரசியலும் இருக்கிறது. அவ்வாறானால், ஏற்கனவே இருந்ததை (புரிந்துணர்வு) தொலைத்தவர்கள் யார்? இக் கேள்விதான் இச் சமூகங்களின் மீளிணைவை தொடர்ந்தும் துருவப்படுத்துகிறது. ஒரே மொழியில் பேச்சு, ஒரே நிலத்தில் வாழிடம், ஒரே சாயலில் கலாசாரம், பொருளாதாரமும் ஒரே வகையைச் சார்ந்ததுதான். தனி இனமாக அடையாளப்படுத்தக் கூடிய நான்கு அடிப்படை அரசியல் அம்சங்களும் இவர்களிடம் உள்ளன. இந் நிலையில், புரியாமை எங்கிருந்து, எப்படி வருகிறது. மதத்தின் பார்வையிலா? அல்லது கடந்த காலக் கசப்பிலிருந்தா? கசப்புக்களாகக் கருதப்படுபவை எவை? இக் கசப்புகளைக் களைய மறுக்கும் அல்லது களையத் தவறிய சக்திகள் எவை? நீறுபூத்த நெருப்பாகத் தொடரும் இந்த சிறுபான்மை அரசியல்தான் சிங்களத் தேசியத்துக்கு வாய்ப்பாகி வருகிறது.

சிங்களத் தேசியத்தை வீழ்த்தி 2015 இல், இச்சமூகங்களால் ஏற்படுத்தப்பட்ட ஆட்சி மாற்றத்திலும், இவர்களின் பொதுவான பிரச்சினைகள் தீர்க்கப்படவில்லை. இணங்கிச் செல்லும் அரசியல் சாத்தியமற்றது என்பதற்கு இதைவிட வேறெதை, உதாரணமாகக் கொள்வது. கிழக்கு மாகாண ஆட்சியை முஸ்லிம்களிடம் ஒப்படைத்ததாகக் கூறி, தமிழ் தேசியத்தின் சில பகுதி தீவிரமாக விழிப்பூட்டப்பட்டதும், வட மாகாண சபையின் கடைக்கண் பார்வைக்காவது முஸ்லிம்களின் வாழிட சவால்கள் தென்படாதமையும் அரசியல் இடைவெளிகள் நீள்வதற்கான அடித்தளங்கள்தான். ஜெனீவா அமர்வுகளில், தமிழர்களின் நீதி தேடிய சர்வதேச வழிகளிலெல்லாம் முஸ்லிம் அரசியல் முட்டுக்கட்டை போட்டதும், வடகிழக்கில் தமிழ் தேசியம் முறையாகக் கட்டமைக்கப்படுவதற்கு எதிராக, சிங்களத்தோடு தோள் நின்ற முஸ்லிம் அரசியலும் தேடிக்கொண்ட வினைகளின் அறுவடைக் காலமிது. ஆதாயம் அனைத்தையும் சிங்களம் அள்ளி எடுக்கையில், இவ்விரு சமூகங்களின் அரசியல் இலட்சியங்கள் தட்டிக்கழிக்கப்படுகின்றன.

இந்த விடயங்கள் தமிழ், முஸ்லிம் சாதாரண உறவுகள் தவிர்க்க முடியாதென்பதையும் அரசியல் உறவுகள் சாத்தியமற்றது என்ற வேறுபடுதலையுமே விளக்குகிறது. முஸ்லிம் திருமண வீட்டில், சம்பந்தன் கலந்துகொள்வதற்காக அல்லது தமிழரின் புதுமனை புகும் விழாவில் அதாஉல்லா பங்கேற்பதற்காக, கிழக்கைப் பிரிக்க சம்பந்தனோ அல்லது வடக்கோடு இணைக்க அதாஉல்லாவோ விரும்பப் போவதில்லை. ஒருவேளை சமூகங்கள் விரும்பினாலும் சக்திகள் சந்தேகந்தான். இந்த மனநிலைகள் மாறியிருந்தால், கல்முனை வடக்கு விவகாரம், திருகோணமலை ஷண்முகா வித்தியாலயம் உள்ளிட்ட உள்ளூர் பிரச்சினைகள் சிறுபான்மையினர் கொண்டுவந்த நல்லாட்சியில் பெரும் விஷ்வரூபத்தை ஏற்படுத்தியிருக்காதே.

எனினும், ஒன்றுபடல் உணர்வுகள், இச்சமூகங்களின் மௌனமான சிந்தனை வெளியில் இருக்கவே செய்கின்றன. இருப்பினும், அவ்வாறு இருப்பதும் எதற்காக என்ற சந்தேகங்களின் நிழலாடல்களை இல்லாமலாக்கவே இயலாதுள்ளது. மும்மொழி இளமையின் பாராளுமன்ற உரையில் ஆகர்ஷிக்கப்பட்ட முஸ்லிம் வட்டமொன்றின் உணர்வலைகள், ஏற்கனவே சொன்னதைப் போல, மௌன சிந்தனை வெளியின் ஒரு சிறு வெளியாகவே இருக்கிறது. ஆனால், இந்த உணர்ச்சிக் கொந்தளிப்பின் பின்னணிகளைச் சந்தேகப்படுவதால், சகோதர இனத்தின் சிந்தனைவெளி சப்தமில்லாதுள்ளதே. இதைத்தான் சொல்ல விழைகிறோம்.

தனி இனம், சமூகங்களுக்கான அம்சங்கள் இருந்தாலும், ஒவ்வொருவரது மனங்களிலும் மதம் ஆழ வேரூடுருவி உள்ளது. நல்லடக்கத்திற்கு வாய்திறந்த, நாயகனாக மும்மொழி இளமையாளனைப் பார்க்கும் முஸ்லிம் உணர்ச்சியாளர்கள், சுமந்திரன், கஜேந்திரக் குமார் பொன்னம்பலம், செல்வராஜா கஜேந்திரன், வேலுகுமார் ஆகியோரின் உரிமைக் குரல்களைக் கண்டுகொள்ளாதுள்ளமை, உணர்ச்சிக்கு அடிமையாகும் இவர்களின் பலவீனங்களையே காட்டுகிறது.

சொந்த சமூகத்துக்காகப் பேச வேண்டியவை எத்தனையோ இருக்கையில், சிறுபான்மையினரின் இணக்க அரசியலையே, வேறுபடுத்தும் மத உரிமைக்காகவும் தமிழர்கள் பேசுவது முஸ்லிம் தேசியத்தில் ஆறுதல் அளிக்கின்றது. இன்னும் தமிழர்களின் போராட்டம் மற்றும் ஜெனீவா வலிகள் இந்த மனநிலைக்குள் வந்துள்ளமை இணக்க அரசியலுக்கான எடுத்துக்காட்டு. இந்நிலையில் இவ்விரு சமூகங்களின் சிலரது சிந்தனைகள் கோணல் கள அரசியலுக்கு வித்திடுகின்றமை கவலையளிக்கிறது.

இருந்த போதும், ஜனாஸாக்களை எரிப்பதற்கு எதிராக லண்டனில் நடைபெறுகின்ற ஆர்ப்பாட்டத்தில் புலம்பெயர் சகோதரத் தமிழர்களும் கலந்துகொள்கின்றனரே! ஏன்? ஏற்கனவே கூறிய இவ்விரு சமூகங்களுக்கும் பொதுவான பிரச்சினைகளின் ஒரு சாயல்தான் இது. இதைத்தான், முஸ்லிம் உணர்ச்சியாளர்கள் முதலில் புரியவேண்டி உள்ளது.

ஷரிஆச் சட்டம், திருமணச் சட்டம், ஹராம், ஹலால், ஹிஜாப், பர்தா, புர்கா உட்பட அரசியல் மற்றும் பொருளாதாரம், வாழிடம், மீள்குடியேற்றம் உட்பட எத்தனையோ முஸ்லிம் சமூகச் சவால்களை எதிர்கொண்டு, குரல்கொடுத்து, சளைத்துப் போயுள்ள சொந்த சமூகத் தலைமைகளைக் கண்டுகொள்ளாத சில சிந்தனையாளர்கள், சமூகங்களைச் சீண்டிவிடுவோராகவே நோக்கப்படுகின்றனர்.

டயஸ்பொராக்களின் பார்வையைத் தன்பக்கம் ஈர்க்கும் பாணியில்தான், மும்மொழி இளமை முழங்கியிருக்குமோ?என்ற எண்ண அலைகள், தமிழர் தரப்பிலும் எழும்பி மோதுகிறது. இவரது, கடந்த கால அரசியல் பாதைகளிலிருந்த குன்று, குழிகளைச் செப்பனிடும் முயற்சிகளுக்கு முகவரி வழங்கச் சிலர் புறப்பட்டுள்ளதுதான் இன்றையப் புதுமை. இதற்கு முன்னர், எத்தனையோ உரிமை முழக்கங்கள் மற்றும் மின்னல்களைக் கண்ட சபை இது. எனினும் சமூகத்துக்கான உழைப்புக்கள், சந்தை வாய்ப்பின்றிப் போயிற்றே. இந்தக் கற்கைகளிலிருந்துதான் வியூக, மதிநுட்பமுள்ள வழிகளை சிறுபான்மையினர் தேட வேண்டியுள்ளது.

இன்றைய நிலைமைகளைப் பொறுத்தவரை, தனித்தனி வழிகளே சிறந்ததாகத் தென்படுகிறது. 2015 இல், தங்களை வீழ்த்திய சக்திகளை சிங்களத் தேசியம் அடையாளம் கண்டுதான் விழித்தெழுந்துள்ளது. சிறுபான்மையினரின் ஒன்றுபடல், ஆபத்தில்லை என்பதை, தென்னிலங்கை புரிந்துகொள்ளும் வரைக்கும் தனித்தனிப் பயணங்களே, சிறுபான்மைச் சமூகங்களுக்குச் சாலச் சிறந்தது. சிங்களத்தின் தெளிதல், புரிதலின் பின்னர், சிறுபான்மையினரின் ஒன்றுபடல் பற்றி தமிழ், முஸ்லிம் மௌனவெளிகள் சிந்திக்கட்டும்.

Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

  பெட்ரோலுக்கு விலை கூடுகிற‌தா?  பொருட்க‌ளுக்கு விலை கூடுகிற‌தா? இது ப‌ற்றி முஸ்லிம்க‌ள் அல‌ட்டிக்கொள்ள‌த்தேவையில்லை. ஏனென்றால் இந்த‌ நாட்டின் 2 கோடி ம‌க்க‌ளில் ஒன்ன‌ரைக்கோடி ம‌க்க‌ள் சிங்க‌ள‌ ம‌க்க‌ள். பெற்றோலுக்கு விலை கூடினால் , பொருள்க‌ளுக்கு விலை கூடினால்  அது தாக்க‌ம் முத‌லில் சிங்க‌ள‌ ம‌க்க‌ளுக்குத்தான்.  அத‌ற்கு அடுத்துதான் சிறுபான்மை ம‌க்க‌ளைத்தாக்கும். ஒன்ன‌ரைக்கோடி பெரிதா? 50 ல‌ட்ச‌ம் பெரிதா? இந்த‌ அர‌சாங்க‌ம் 100க்கு 99.5 சிங்க‌ள‌ ம‌க்க‌ளால் கொண்டு வ‌ர‌ப்ப‌ட்ட‌ அர‌சாங்க‌ம். பெட்ரோல், பொருட்க‌ள் விலை அதிக‌ரித்தால் அவ‌ர்க‌ள் பார்த்துக்கொள்வார்க‌ள். நாம் த‌லையை ஓட்டுவ‌தால் எந்த‌ ந‌ன்மையும் கிடைக்க‌ப்போவதில்லை. முடியுமாயின் பெட்ரோல், பொருட்க‌ள் விலை அதிக‌ரிப்பு ப‌ற்றி முஸ்லிம்க‌ள் ஓட்டுப்போட்ட‌ முஸ்லிம் க‌ட்சிக‌ளின் உறுப்பின‌ர்க‌ளை பாராளும‌ன்ற‌த்தில், ஊட‌க‌ங்க‌ளில் பேச‌ சொல்லுங்க‌ள்.  அவ‌ர்க‌ளே பேசாம‌டந்தையாக‌ இருக்கும் போது முஸ்லிம்க‌ள் ஏன் அல‌ட்டிக்கொள்ள‌ வேண்டும்? பொருட்க‌ள் விலை கூடுத‌ல் பெரிய‌ விட‌ய‌மா? த‌ம‌க்கென்ற‌ நாட்டை பாதுகாப்ப‌து முக்கிய‌மா என்ப‌து பெரும்பாலான‌ சிங்க

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய