Skip to main content

அடிப்ப‌டைவாத‌ம் என்றால் என்ன‌?

  அடிப்படைவாதம்   (Fundamentalism)   என்பது வழக்கமாக சமயம் சார்ந்த நம்பிக்கைகளின் மீது வைக்கும் அசைவிலாத பற்றுறுதியைக் குறிக்கும். [1]   என்றாலும், இது சில சமயக் குழுக்களின் விவிலிய இலக்கியத்தைக் கண்டிப்பாக கடைபிடிக்கும் போக்கை, அதாவது அதில் குறிப்பிட்டுள்ள வேதாகம உரைகளையும் வறட்டுவாய்பாடுகளையும் கருத்தியல்களையும் பின்பற்றும் நடைமுறைப் போக்கையும் அதன் உட்குழு புறக்குழு பாகுபாட்டை பற்றிகொண்டு ஒழுகுதலையும் குறிக்கிறது. [2] [3] [4] [5]   இது குறிப்பிட்ட சமய உறுப்பினர்கள் பிறழ்ந்த ஒழுக்கத்தைப் பின்பற்றும்போது, தூய்மைவாத நிலையில் முந்தைய கருத்தியல்களுக்கு மீட்பதில் உறுதிப்பாட்டையும் விருப்பார்வத்தையும் முன்வைக்கும் போக்காகும். இதனால், இந்நிறுவப்பட்ட மறைசார் அடிப்படைகளில் நின்று, இவ்வடிப்படைகள் சார்ந்தெழும் பன்முகக் கருத்துகளைப் புறந்தள்ளிவிட்டு குழுவுள்ளே அனைவராலும் ஏற்கப்பட்ட பொது கருத்தேற்பாக அடிப்படைவாதம் உருவாக்குகிறது.   [6]   சூழலைச் சார்ந்து, அடிப்படைவாதம் ஒருபுறம் சாய்வதாக அல்லது கோடியதாக அமையுமே ஒழிய நொதுமல்/பொதுநிலையை ஏற்பதில்லை. இது, இடதுசாரி, வலதுசாரி அரசியல் கண்ணோட்டங்களைச் சில

எமது சுதேச வைத்திய முறைமை கொரோனா ஒழிப்பில் சீனா உள்ளிட்ட வெளிநாடுகளிலே வெற்றி கண்டுள்ளது

 




எமது சுதேச வைத்திய முறைமை கொரோனா ஒழிப்பில்

சீனா உள்ளிட்ட வெளிநாடுகளிலே வெற்றி கண்டுள்ளது

-  ஆயுர்வேத டாக்டர் நக்பர் தெரிவிப்பு


எமது சுதேச வைத்திய முறைமைகள் கொரோனா தொற்று ஒழிப்பு நடவடிக்கைகளில் வெளிநாடுகளில் வெற்றி கண்டு இருப்பது தெரிய வந்து உள்ளது என்று நிந்தவூர் ஆயுர்வேத ஆராய்ச்சி வைத்தியசாலையின் பணிப்பாளர் வைத்திய கலாநிதி கே. எல். எம். நக்பர் தெரிவித்தார்.


கல்முனை மாநகர சபை முன்னாள் உறுப்பினரும், லக்ஸ்டோ மீடியா ஊடக அமைப்பின் தலைவருமான சமூக சேவையாளர் அஹமட் லெப்பை அன்ஸாரின் ஏற்பாட்டில் சாய்ந்தமருது வொலிவோரியன் சுனாமி குடியேற்ற கிராமத்தில் உள்ள எம். எஸ். காரியப்பர் பாடசாலையில் கொரோனா விழிப்பூட்டல் நிகழ்வு வியாழக்கிழமை காலை இடம்பெற்றது.


பாடசாலை அதிபர் ஏ. எல். ஏ. நாபித் தலைமையில் ஆரம்பமான நிகழ்வில் பேராளர்களாக ஸ்ரீலங்கா பொதுஜன பெரமுனவின் திகாமடுல்ல மாவட்ட பாராளுமன்ற உறுப்பினர் டாக்டர் திலக் ராஜபக்ஸவின் இணைப்பாளர்களான தனுஸ பரணமான மற்றும் அமினுடீன், உலமா கட்சி தலைவர் முபாரக் அப்துல் மஜித் மௌலவி, கிராம சேவையாளர் நிஸ்ரில், ஓய்வு நிலை அதிபர் எம். எல். ஏ. எம். கையூம், லக்ஸ்டோ மீடியா ஊடக அமைப்பின் செயலாளர் அபுல் லைஸ் உள்ளிட்ட பலரும் கலந்து கொண்டனர்.


டாக்டர் நக்பர் இங்கு உரையாற்றுகையில் சீனா உள்ளிட்ட நாடுகளில் கொரோனா தொற்று தடுப்பு நடவடிக்கைகளுக்கு எமது சுதேச வைத்திய முறைமைகள் கையாளப்பட்டு வெற்றி அடைந்திருக்கின்றன, முன்பெல்லாம் காய்ச்சல் வந்தால் கொத்து மல்லி அவித்து குடிப்பார்கள், மஞ்சளை தமிழர்கள் வீடுகளில் கிருமி நாசினியாக பயன்படுத்தி வந்திருக்கின்றனர், இந்நாட்டு அரசாங்கம் கொரோனா சம்பந்தப்பட்ட விடயங்களை மிக கவனமாக கையாண்டு வருகின்றது, சுகாதாரம், சுதேச வைத்தியம் ஆகியன ஒரே அமைச்சில் உள்ளன, சுகாதார துறையினர் கொரோனா ஒழிப்பு நடவடிக்கைகளில்  அவசர சூழலில் மிகவும் கஷ்டப்பட்டு ஈடுபட்டு இருக்கின்ற இத்தருணத்தில் ஆயுர்வேத மருந்துகள் மூலமாக கொரோனாவை முற்றாக ஒழிக்க முடியும் என்கிற தகவலை வழங்குவதன் மூலம் அவர்களுக்கு ஒரு பிரச்சினையை உருவாக்க முடியாது என்பதில் நாம் பற்றுறுதியாக உள்ளோம், அதனால் நோயெதிர்ப்பு சக்தியை அதிகரித்தல் என்கிற எண்ண கருவுடன் எமது அமைச்சு சுவ தாரிணி என்கிற பெயரிலான ஆயுர்வேத பான மருந்துக்கான பொதிகளை அறிமுகம் செய்து இருக்கின்றது, பொதுவான சுகாதார நடைமுறைகளுடன் சேர்த்து ஆயுர்வேத நடைமுறைகளையும் பின்பற்றுவது உசிதமானது நிந்தவூர் ஆயுர்வேத ஆராய்ச்சி வைத்தியசாலையின் இதய கதவுகள் எப்போதும் மக்களுக்கு திறந்திருக்கின்றன என்றார்.


நிறைவாக இவரும், பேராளர்களும் மருந்து பொதிகளை பாடசாலையின் ஆசிரியர்கள், மாணவர்கள் உள்ளிட்ட பயனாளிகளுக்கு கையளித்து வைத்தனர்.

Comments

Popular posts from this blog

ஐக்கிய‌ காங்கிர‌ஸ் க‌ட்சியின் அமைப்பாள‌ராக ச‌தீக்‌

  வ‌ன்னி மாவ‌ட்ட‌த்தை சேர்ந்த‌ எம். எஸ். எம்.  ச‌தீக்  அவ‌ர்க‌ள் ஐக்கிய‌ காங்கிர‌ஸ் க‌ட்சியின் (உல‌மா க‌ட்சியின்) தேசிய‌ அமைப்பாள‌ராக‌வும் உய‌ர் ச‌பை உறுப்பின‌ராக‌வும்  நிய‌மிக்க‌ப்ப‌ட்டுள்ளார். அண்மையில் ஸூம் மூல‌ம் ந‌டை பெற்ற‌ க‌ட்சியின்  விசேட‌ உய‌ர் ச‌பைக்கூட்ட‌த்தின் போது க‌ட்சியின் த‌லைவ‌ர் முபாற‌க் அப்துல் ம‌ஜீதின் சிபாரிசின் பேரில் இவ‌ர் நிய‌மிக்க‌ப்ப‌ட்டார்.

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய

ஹக்கீமை சமூக துரோகி என குற்றம் சாட்டி அரசியல் செய்யும் முஸர்ரப்

ஞானசாரவை தூண்டி அரசியல் செய்யும் ரிசாத்தும் ஹக்கீமை சமூக துரோகி என குற்றம் சாட்டி அரசியல் செய்யும் முஸர்ரப்பும் இதுவே இவர்களின் அரசியல் வியூகம் ...................................................................... ரிசாத்தின் வர்த்தக அமைச்சால் பொத்துவிலுக்கோ அல்லது அம்பாரை மாவட்டத்தின் மக்களுக்கோ கிடைத்த நன்மைகள் என்ன? அம் மக்களுக்கு நன்மை கிடைத்ததோ இல்லையோ அந்த மக்களை காட்டி அவருக்கு அரபு நாடுகளில் கிடைத்த நிதிகளே அதிகம். அவர்கள் சொல்லும் 50 வீடு எந்த வர்த்தக அமைச்சினால் வந்தது? அவர்கள் சொல்லும் பள்ளி வாயலுக்கு வழங்கப்பட்ட நிதி எங்கிருந்து வந்தது? எந்த வர்த்தக அமைச்சினால் வந்தது? இன்று இளைஞர்களை ஒன்றுபடச் சொல்லும் முஸர்ரப்பினால் ரிசாத்தை கொண்டு எத்தனை இளைஞர்களுக்கு வேலை வாய்ப்பு பெற்றுக் கொடுக்கப்பட்டுள்ளது? அவரின் அமைச்சைக் கொண்டு இந்த அம்பாரை மாவட்டத்தில் ஏதாவது ஒரு தொழில் பேட்டை அமைக்கப்பட்டதா? சம்மாந்துறையில் அமைப்பேன் எனக் கூறி அம் மக்களை ஏமாற்றியதே மீதியானது இவ்வாறான பொய் பொத்தலோடு நாம் எவ்வாறு ஒன்றுபடுவது? ஒவ்வொரு முறையும் ஞானசாரவை தூண்டி அரசியல் செய்யும் ரிசாத