Skip to main content

முஸ்லிம் காங்கிர‌ஸ் உறுப்பின‌ர்க‌ளிடையே மோத‌ல்.

  சமூக பற்றில்லா தவத்தை மக்கள் நிராகரித்ததன் விம்பமே இன்றைய அவரின் காட்டிக்கொடுப்புகள்  : முன்னாள் மாகாண சபை உறுப்பினரை தோலுரிக்கும் மு.கா பிரமுகர்  மாளிகைக்காடு நிருபர்  றாபிக்களும், அலி உதுமான்களும் பிறந்த வீரமிகு மண்ணான அக்கரைப்பற்றில் காட்டிக்கொடுப்பிலும், ஈனசெயலிலும் முத்திரை பதித்த ஒருவராக முன்னாள் மாகாணசபை உறுப்பினர் ஏ.எல்.எம் தவம் இருப்பது அக்கரைப்பற்று மண்ணுக்கு மட்டுமல்ல ஒட்டுமொத்த முஸ்லிங்களுக்கும் அவமானமாக உள்ளது. எச்ச சுகபோகங்களுக்காக முஸ்லிங்களையும், முஸ்லிம் நிலபுலங்களையும் காட்டிக்கொடுத்து வங்கரோத்து தனமிக்க அரசியல்வாதியாக தன்னை அடையாளப்படுத்திக்கொண்ட இவரை அம்பாறை மாவட்ட மக்கள் கடந்த காலங்களில் நிராகரித்தது போன்று இனியும் நிராகரிப்பார்கள். இவரின் பருப்பு முஸ்லிம் சமூகத்திடம் இனியும் வேகாது என ஸ்ரீலங்கா முஸ்லிம் காங்கிரசின் சார்பிலான கல்முனை மாநகரசபை உறுப்பினர் ஏ.எம். பைரூஸ் தெரிவித்தார்.  இன்று கல்முனையில் நடைபெற்ற ஊடக சந்திப்பில் கலந்துகொண்டு பேசிய அவர் மேற்கண்டவாறு தெரிவித்தார். மேலும் கருத்து தெரிவிக்கையில், ஸ்ரீலங்கா முஸ்லிம் காங்கிரசின் முன்னாள் தவிசாளர்களாக இருந்த

முன்னாள் முஸ்லிம் பாரா­ளு­மன்ற உறுப்­பி­ன­ராக இருந்து 2020 பொதுத்தேர்­தலில் தோல்­வியைத் தழு­வி­ய­வர்கள்

 

2020 பாராளுமன்றத்தேர்தலில் தோல்வியடைந்த முன்னாள் முஸ்லிம் பாராளுமன்ற உறுப்பினர்கள்


எஸ்.என்.எம்.சுஹைல்


ஒன்­ப­தா­வது பாரா­ளு­மன்றத்தேர்­தலில் மக்கள் தீர்ப்பளித்து இரண்டு வாரங்கள் கடந்­து ­விட்­டன. வெற்றி தோல்­விகள் சகஜம், என்­றாலும், தோல்­விக்­கான கார­ணங்கள் கண்­ட­றி­யப்­பட்டு அடுத்த தடவை தவ­று­களைத் திருத்­திக்­கொண்டு பாரா­ளு­மன்றம் செல்லத்தயா­ராக வேண்டும். அத்­தோடு, புதிய முகங்கள் பாரா­ளு­மன்­றத்­துக்குச் செல்­லும் ­போது, யாரா­வது தோற்­றுப்­போ­க ­வேண்­டிய நிலை­மையும் ஏற்­ப­டு­கின்­றது. அது ­த­விர, பிரிந்து கேட்­ட­மை­யி­னாலும் பலர் தோல்­வியைச் சந்­தித்திருக்­கின்­றனர்.


முன்னாள் முஸ்லிம் பாரா­ளு­மன்ற உறுப்­பி­ன­ராக இருந்து 2020 பொதுத்தேர்­தலில் தோல்­வியைத் தழு­வி­ய­வர்கள்

­தொ­டர்­பான பார்வை இது.


ஏ.எச்.எம்.பௌஸி


1959 ஆம் ஆண்டு அர­சி­யலில் பிர­வே­சித்த மூத்த அர­சி­யல்­வா­தியே ஏ.எச்.எம்.பௌஸி. மாளி­கா­வத்தை வட்­டா­ரத்தில் தொடர்ந்தும் 1960, 1962 மற்றும் 1965 ஆம் ஆண்­டு­க­ளிலும் போட்­டி­யிட்டார். 1968 ஆம் ஆண்டு கொழும்பு மாந­கரின் பிரதி மேய­ரானார். 1973 ஆம் ஆண்டு கொழும்பு மாந­கர சபையின் மேய­ரானார். ஐக்­கிய தேசியக் கட்சியூடா­கவே இவரின் பிர­தி­நி­தித்­துவ அர­சியல் பயணம் ஆரம்­ப­மா­னது. எனினும், 70 களின் இறுதிப்பகுதியில் ஸ்ரீலங்கா சுதந்­திரக்கட்­சி­யுடன் இணைந்­து ­கொண்டார்.


ஸ்ரீமாவோ பண்­டார நாயக்­க­வுடன் நெருக்­க­மான அர­சியல் தொடர்­பு­டைய இவர், 1993 ஆம் ஆண்டு மேல்­ மாகாண சபைத்தேர்­தலில் போட்­டி­யிட்டு வெற்­றி­ பெற்றார். பின்னர் 1994 ஆம் ஆண்டு பாரா­ளு­மன்றத் தேர்தலில் போட்­டி­யிட்டு வென்றார். 2000, 2001, 2004, 2010 ஆகிய தேர்­தல்­க­ளிலும் போட்­டி­யிட்டு சுதந்­திரக் கட்சி சார்பில் தொடர்ந்து வெற்­றி­ பெற்ற முஸ்லிம் பிர­தி­நி­தி­யாக இவர் திகழ்ந்தார். எனினும், 2015 ஆம் ஆண்டு இவ­ருக்கு தேர்­தலில் போட்­டி­யிட சந்­தர்ப்பளிக்­காது, தேசியப்பட்­டி­யலில் உள்­ளீர்க்­கப்­பட்டார்.


சுதந்­திரக்கட்சி தலை­மை­யி­லான அர­சாங்­கத்தில் தொடர்ந்தும் அமைச்சுப்பத­விகள் வகித்த சிரேஷ்ட அரசியல்­வா­தி­யான ஏ.எச்.எம்.பௌஸி அக்­கட்­சியில் போட்­டி­யிட்டு 1 இலட்­சத்­துக்கும் அதி­க­மான விருப்பு வாக்­கு­களைப் பெற்­ற­வ­ரா­கவும் திகழ்ந்தார்.


எனினும், 2018 ஆம் ஆண்டு அர­சியல் சூழ்ச்சி முன்­னெ­டுக்­கப்­பட்டு நல்­லாட்சி அர­சாங்கம் ஜன­நா­ய­கத்­துக்கு முர­ணாக அப்­போ­தைய ஜனா­தி­ப­தி­யினால் பதவி கவிழ்க்­கப்­பட்­ட­தை­ய­டுத்து, அதனை எதிர்த்து சுதந்­திரக் கட்­சி­யி­லி­ருந்து வெளி­யேறி ஐக்­கிய தேசியக்கட்­சி­யுடன் இணைந்தார். இவரின் பாரா­ளு­மன்ற உறுப்­பு­ரி­மையை பறிப்­ப­தற்கும் கடந்த அர­சாங்­கத்தில் தீவிர முயற்­சிகள் முன்­னெ­டுக்­கப்­பட்­டன. எனினும், அது முறி­ய­டிக்­கப்­பட்­ட­தென்றே கூற வேண்டும். இம்­முறை தேர்­தலில் அவர் ஐக்­கிய மக்கள் சக்தி சார்பில் போட்­டி­யிட்டு சொற்ப வாக்­கு­களால் தோல்வி கண்டார். ஐ.ம.ச. க்கு இன்னும் 3 ஆயிரம் வாக்­குகள் கிடைத்­தி­ருப்பின்.  கொழும்பு மாவட்­டத்­தி­லி­ருந்து 7 ஆவது அதி­க­மான விருப்பு வாக்கைப்பெற்ற பௌஸி பாரா­ளு­மன்ற நுழைவு வாய்ப்பை மீண்டும் பெற்­றி­ருப்பார்.


அலி ஸாஹிர் மௌலானா


சுயா­தீனக்குழு மூல­மாக ஏறாவூர் பட்­டின சபைத்தேர்­தலில் போட்­டி­யிட்டு வென்று அர­சி­யலில் தடம்­ப­தித்­த­வர் தான் அலி­சாஹிர் மௌலானா. 1989 ஆம் ஆண்டு ஐக்­கிய தேசியக்கட்சியூடாக மட்­டக்­க­ளப்பு மாவட்­டத்தில் போட்­டி­யிட்டு வென்று முதன் முத­லாக பாரா­ளு­மன்றம் நுழைந்தார். 1994, 2000, 2001 ஆம் ஆண்டு தேர்தல்களிலும் ஐ.தே.க. சார்பில் மட்­டக்­க­ளப்பில் போட்­டி­யிட்டு வென்றார். 2004 ஆம் ஆண்டு தேர்­தலில் அவர் தோல்­வி­ய­டைந்தார்.


யுத்த வெற்­றியின் ஆரம்பப்புள்­ளி­யான விடு­த­லைப்­பு­லிகள் இயக்­கத்­தி­லி­ருந்து கரு­ணாவைப் பிரித்த விடயத்தின் முக்­கிய புள்­ளி­யாக இவரே காணப்­ப­டு­கின்றார். குறித்த காலப்­ப­கு­தியில் அப்­போ­தைய பிர­தமர் ரணில் விக்­ர­ம­சிங்­கவின் ஆலோ­ச­க­ராகச் செயற்­பட்ட இவர், யுத்த வெற்­றிக்கு பங்­க­ளித்த முக்­கிய நப­ராவார். 2011 ஆம் ஆண்டு நகர சபைத்தேர்­தலில் வென்று நகர பிதா­வாகச் செயற்­பட்­ட­துடன், 2012 மாகாண சபைத் தேர்தலில் போட்­டி­யிட்டார். 2015 பொதுத்தேர்­தலில் மு.கா. சார்பில் போட்­டி­யிட்டு வெற்­றி ­பெற்று மு.கா.விற்கு பாரா­ளு­மன்­றத்தில் கட்சித்தலைமை அந்­தஸ்தையும் பெற்­றுக்­கொ­டுத்தார். கடந்த அர­சாங்­கத்தில் இராஜாங்க அமைச்­ச­ராகச் செயற்­பட்ட அவர், இம்­முறை தேர்­தலில் அவர் தோல்­வி­ய­டைந்தார்.


எம்.எல்.ஏ.எம்.ஹிஸ்­புல்லாஹ்


காத்­தான்­கு­டியைச்சேர்ந்த எம்.எல்.ஏ.எம்.ஹிஸ்­புல்லாஹ் இம்­முறை ஐக்­கிய சமா­தானக் கூட்­ட­மைப்பில் வண்ணத்திப்பூச்சி சின்­னத்தில் மட்­டக்­க­ளப்பு மாவட்­டத்தில் போட்­டி­யிட்­டி­ருந்தார்.


1988 ஆம் ஆண்டு மாகாண சபைத்தேர்­தலில் வெற்­றி ­பெற்று முஸ்லிம் காங்­கிரஸ் மூல­மாக பிர­தி­நி­தித்­துவ அர­சி­யலை மேற்­கொண்ட அவர், 1989, 1994 ஆம் ஆண்­டு­களில் மு.கா. ஊடாக பாரா­ளு­மன்றத் தேர்­தலில் போட்­டி­யிட்டு வென்றார். பின்னர் சுதந்­திரக்கட்­சியில் இணைந்த அவர், 2001 ஆம் ஆண்டு தேர்­தலில் மீண்டும் வென்றார். 2004 ஆம் ஆண்டு பொதுத்தேர்­தலில் தோல்­வயை தழு­விய அவர், 2008 ஆம் ஆண்டு கிழக்கு மாகாண சபைத்தேர்­தலில் வென்று மாகாண அமைச்­ச­ரானார். 2010 ஆம் ஆண்டு பொதுத்தேர்­தலில் அ.இ.ம.கா. சார்பில் வெற்­றிலைச் சின்­னத்தில் போட்­டி­யிட்டு வென்ற அவர், 2015 இல் மீண்டும் வெற்­றிலை சின்­னத்தில் போட்­டி­யிட்டார். அந்தத் தேர்­தலில் தோல்வியடைந்­தாலும், தேசியப்பட்­டி­யலில் மீண்டும் பாராளுமன்­றத்­திற்குத் தெரி­வாகி இரா­ஜாங்க அமைச்சு மற்றும் அமைச்சுப்பத­வி­களை வகித்தார். 2019 ஜனவ­ரியில் பாரா­ளு­மன்ற உறுப்­பினர் பத­வியை இரா­ஜி­னாமாச் செய்த அவர், கிழக்கு மாகாண ஆளு­ன­ராக பதவி பெற்றார். இவ்­வாறு கடந்த காலங்­களில் கூடு­த­லான உயர்­ப­த­வி­களை வகித்த ஹிஸ்­புல்லாஹ் இம்முறை தேர்­தலில் தோல்­வி­ய­டைந்தார்.


பஷீர் சேகு­தாவூத்


1989 இல் ஈரோஸ் ஊடாக தனது பிர­தி­நிதித்­துவ அர­சியல் பய­ணத்தை ஆரம்­பித்த முன்னாள் போரா­ளி­யான பஷீர் சேகு­தாவூத், ஏறா­வூரைச்சேர்ந்­தவர். 1994 இல் மு.கா.வில் இணைந்த அவர் 2001 ஆம் ஆண்டு தேசியப்பட்டியலூடாக பாரா­ளு­மன்­றத்­திற்குத் தெரி­வு ­செய்­யப்­பட்டார். 2003 இல் மு.கா.வின் தவி­சா­ள­ரான அவர், 2004 இல் மீண்டும் தேசி­யப்­பட்­டியல் உறுப்­பி­ன­ராகத் தெரி­வானார். 2008 இல் கிழக்கு மாகாண சபைத்தேர்­தலில் போட்­டி­யிட்டு வென்ற அவர், 2010 இல் மு.கா. சார்பில் ஐ.தே.மு.வின் யானைச் சின்­னத்தில் மட்­டக்­க­ளப்பு மாவட்­டத்தில் போட்­டி­யிட்டு வெற்­றி ­பெற்றார். மு.கா. மஹிந்த அர­சாங்­கத்­துடன் இணைந்­து­கொண்­டதன் பின்னர் அவர் பிர­தி­ய­மைச்­ச­ரானார், பின்னர் அமைச்­ச­ரவை அந்­தஸ்­துள்ள அமைச்­ச­ரா­கவும் நிய­மிக்­கப்­பட்டார். 2015 பொதுத்தேர்­தலில் அவர் தேசியப்பட்­டி­யலில் உள்­ள­டக்­கப்­பட்­டாலும், அவ­ருக்கு எம்.பி. ஆகும் சந்­தர்ப்பம் மு.கா.வினால் வழங்­கப்­ப­ட­வில்லை.


ஐக்­கிய சமா­தானக்கூட்­ட­மைப்பின் தவி­சா­ள­ரான அவர், இம்­முறை மட்­டக்­க­ளப்பு மாவட்­டத்தில் வண்ணத்துப்பூச்சி சின்­னத்தில் போட்­டி­யிட்டு தோல்­வி­ய­டைந்தார்.


கே.ஏ.பாயிஸ்


முஸ்லிம் காங்­கிரஸூடாக அர­சியல் பிர­வேசம் மேற்­கொண்­டவர் கே.ஏ.பாயிஸ். புத்­தளம் நகர சபைத் தேர்தலில் போட்­டி­யிட்டு வெற்­றி ­பெற்றார். நகர பிதா­வா­கவும் பதவி வகித்தார். இந்­நி­லையில், 2001 ஆம் ஆண்டு பொதுத்தேர்­தலில் ஐ.தே.மு. வின் யானைச் சின்­னத்தில் மு.கா. சார்பில் போட்­டி­யிட்ட பாயிஸ் தோல்வி­ய­டைந்தார். 2004 இலும் மீண்டும் தோல்­வியைச் சந்­தித்­த­துடன், அவ­ருக்கு மு.கா. தேசியப்பட்­டியல் ஆச­னத்தை வழங்­கி­யது. குறிப்­பிட்ட தேசியப்பட்­டியல் எம்.பி. பத­வியைப் பெற்­றுக்­கொண்டு அவர் மஹிந்த அர­சாங்­கத்­துடன் 2007 ஆம் ஆண்டு இணைந்து பிர­தி­ய­மைச்சுப் பத­வி­யையும் பெற்­றுக்­கொண்டார். அத்துடன், 2010 இல் ஐ.ம.சு.மு.வில் போட்­டி­யிட்டு தோல்­வி­ய­டைந்தார். பின்னர் மீண்டும் புத்­தளம் நக­ர ­சபைத் தேர்­தலில் ஐ.ம.சு.மு. சார்பில் போட்­டி­யிட்டு வென்று நகர பிதா­வானார். இந்­நி­லையில், 2015 ஆம் ஆண்டு புத்தளம் மாவட்­டத்­திற்­கான முஸ்லிம் பிர­தி­நி­தித்­து­வத்தை உறுதி செய்­து­கொள்­வ­தற்­காக அவர் சுயேட்சைக் குழுவில் கள­மி­றங்கி போட்­டி­யிட்ட போதிலும், அவரால் பிர­தி­நி­தித்­து­வத்தைப் பெற்­றுக்­கொள்ள முடியவில்லை. இம்­முறை 2020 இலும் பாயிஸ் முஸ்லிம் தேசியக்கூட்­ட­மைப்பில் போட்­டி­யிட்டு விருப்பு வாக்குப்பட்­டி­யலில் இரண்­டா­மி­டத்­தையே பெற்றார். இதனால் அவர் மீண்டும் பாரா­ளு­மன்ற வாய்ப்பை இழந்தார்.


அப்­துல்லாஹ் மஹ்ரூப்


எம்.எச்.ஈ. மஹ்­ரூ­பிற்குப்பிறகு திரு­கோ­ண­மலை மாவட்­டத்தில் ஐ.தே.க. சார்பில் வெற்­றி ­பெற்­றவர் அப்துல்லாஹ் மஹ்ரூப். 2000, 2001 ஆம் ஆண்டு தேர்­த­ல்களில் ஐ.தே.க.வில் போட்­டி­யிட்டு வெற்­றி­ பெற்­றாலும்,  2004 இல் தோல்வி கண்டார். 2008 ஆம் ஆண்டு கிழக்கு மாகாண சபைத்தேர்­தலில் போட்­டி­யிட்டு வெற்­றி ­பெற்ற மஹ்ரூப் மாகாண சபை உறுப்­பி­ன­ரானார். எனினும், 2010 ஆம் ஆண்டு பொதுத்தேர்­தலில் ஐ.தே.க. மு.கா.வுடன் கூட்­டணி சேர்ந்­ததால் தேர்­தலில் போட்­டி­யிட மறுத்­து ­விட்டார். இத­னா­லேயே, இம்ரான் தேர்­தலில் கள­மிறக்­கப்­பட்டார். பின்னர் மீண்டும் ஐ.தே.க.வுடன் இணைந்து பய­ணித்த மஹ்ரூப் 2012 ஆம் ஆண்டு மாகாண சபைத்தேர்­தலில் போட்­டி­யிட்­டார். எனினும் அவரால் வெற்­றி ­பெற முடி­ய­வில்லை.


2015 ஆம் ஆண்டு பொதுத்தேர்­தலில் ஐக்­கிய தேசியக்கட்­சியின் யானைச் சின்­னத்தில் அகில இலங்கை மக்கள் காங்­கிரஸ் சார்பில் போட்­டி­யிட்டு மாவட்­டத்தில் அதி­கூ­டிய வாக்­கு­க­ளுடன் பாரா­ளு­மன்­றத்­திற்கு தெரி­வா­கினார். பிர­தி­ய­மைச்­ச­ராக ஐ.தே.க. அர­சாங்­கத்தில் பதவி வகித்த அப்­துல்லாஹ் மஹ்ரூப் இம்­முறை தேர்­தலில் தோல்­வியை சந்­தித்தார்.


அமீர் அலி


2004 ஆம் ஆண்டு மு.கா. சார்பில் மட்­டக்­க­ளப்பு மாவட்­டத்தில் போட்­டி­யிட்டு வெற்­றி ­பெற்று தனது பாராளுமன்ற அர­சியல் பய­ணத்தை ஆரம்­பித்­தவர் அமீர் அலி. குறு­கிய காலத்­திற்குள் கட்சி தாவிய அவர்,  மஹிந்த அர­சாங்­கத்தில் அமைச்­ச­ரவை அந்­தஸ்தறற அனர்த்த முகா­மைத்­துவம், மீள்­கு­டி­யேற்ற அமைச்­ச­ராக நிய­மிக்­கப்­பட்டார். 2010 ஆம் ஆண்டு பொதுத்தேர்­தலில் தோல்­வி­யுற்ற அவர் 2012 மாகாண சபைத்தேர்­தலில் அகில இலங்கை மக்கள் காங்­கிரஸ் சார்பில் போட்­டி­யிட்டு வென்றார். எனினும், 2014 இன் கடைசிப்பகு­தியில் ஐ.ம.சு.கூ.வின் தேசியப்பட்­டியில் (மர்ஹூம் ஏ.எச்.எம்.அஸ்வர் பதவி விலக) பாரா­ளு­மன்ற உறுப்­பி­ன­ராக மீண்டும் பாரா­ளு­மன்­றத்­திற்கு நிய­மிக்­கப்­பட்ட அவர், பொது எதி­ர­ணி­யுடன் இணைந்து மைத்­தி­ரி­பால சிறிசே­ன­வுக்கு ஆத­ரவை வழங்­கினார். 2015 பொதுத்தேர்­தலில் மட்­டக்­க­ளப்பு மாவட்­டத்தில் நல்­லாட்­சிக்­கான ஐக்­கிய தேசிய முன்­ன­ணியின் யானைச் சின்­னத்தில் அ.இ.ம.கா. சார்பில் மட்­டக்­க­ளப்பு மாவட்­டத்தில் போட்டி­யிட்டு நேர­டி­யாக தெரி­வானார். இம்­முறை ஐக்­கிய மக்கள் சக்­தியின் தொலை­பேசி சின்­னத்தில் அ.இ.ம.கா. சார்பில் போட்­டி­யிட்­டாலும் அவர் தோல்வி கண்டார்.


எம்.ஐ.எம்.மன்சூர்


ஸ்ரீ லங்கா முஸ்லிம் காங்­கி­ரஸின் நீண்­ட ­கால உறுப்­பி­ன­ரான எம்.ஐ.எம். மன்சூர் சம்­மாந்­துறை பிர­தேச சபை உறுப்­பி­ன­ராக அர­சியல் பய­ணத்தை ஆரம்­பித்தார். பின்னர் சிறி­து­ காலம் பிர­தேச சபைத் தவி­சா­ள­ராக செயற்­பட்டார். 2008 ஆம் ஆண்டு கிழக்கு மாகாண சபைத்தேர்­தலில் போட்­டி­யிட்டு வெற்­றி ­பெற்ற அவர், 2012 ஆம் ஆண்டு மாகாண சபைத்தேர்­த­லிலும் அம்­பாறை மாவட்­டத்தில் கூடு­த­லான வாக்­கு­க­ளுடன் வெற்­றி­பெற்று மாகாண சுகா­தார அமைச்­ச­ரா­கவும் பதவி வகித்தார்.


இந்­நி­லையில், 2015 ஆம் ஆண்டு பாரா­ளு­மன்றத்தேர்­தலில் நல்­லாட்­சிக்­கான ஐக்­கிய தேசிய முன்­ன­ணியின் யானை சின்­னத்தில் ஸ்ரீலங்கா முஸ்லிம் காங்­கிரஸ் சார்பில் போட்­டி­யிட்டு வெற்­றி ­பெற்று பாராளுமன்றத்திற்கு தெரிவானார்.


இம்­முறை பொதுத்தேர்­தலில் ஐக்­கிய மக்கள் சக்­தியின் தொலை­பேசி சின்­னத்தில் முஸ்லிம் காங்­கிரஸ் சார்பில் போட்­டி­யிட்டு இரண்­டா­யிரம் வாக்கு வித்­தி­யா­சத்தில் தோல்­வியை சந்­தித்தார்.


எம்.எஸ்.எம்.அஸ்லம்


மேல்­ மா­காண சபை உறுப்­பி­ன­ராக இரண்டு தட­வைகள் பதவி வகித்­த­வர் தான் மொஹமட் சலீம் மொஹமட் அஸ்லம். இவர் பேரு­வ­ளையைச்சேர்ந்த முஸ்லிம் காங்­கிரஸ் முக்­கி­யஸ்­த­ராவார். களுத்­துறை மாவட்­டத்தில் முஸ்லிம் காங்­கி­ரஸின் தலைமைப் பொறுப்பை வகிக்கும் இவர், 2010 ஆம் ஆண்டு தேர்­த­லின்­ போது ஐக்­கிய தேசிய முன்­ன­ணியின் யானை சின்­னத்தில் போட்­டி­யிட்­ட­ போதும், வெற்­றி ­பெ­ற­வில்லை, எனினும், அவ­ருக்கு மு.கா. தலைமை தேசி­யப்­பட்­டி­யலை வழங்கி பாரா­ளு­மன்­றத்­திற்கு உள்­ளீர்த்­தது.


அவர் 2015 ஆம் ஆண்டு பொதுத்தேர்­த­லிலும் ந.ஐ.தே.மு.வில் மு.கா. சார்பில் போட்­டி­யிட்டு தோல்வியடைந்தார். இம்­முறை பொதுத்தேர்தல் ஐக்­கிய மக்கள் சக்­தியின் தொலை­பேசி சின்­னத்தில் மு.கா. சார்­பாக போட்­டி­யிட்­ட ­போ­திலும், கணி­ச­மான விருப்பு வாக்கை பெற்­றுக்­கொள்­ளா­மை­யினால் அவ­ருக்கு பாரா­ளு­மன்ற பிர­வேசம் கிடைக்­க­வில்லை.


ஹுனைஸ் பாரூக்


மன்னார், முச­லியைச்சேர்ந்த ஹுனைஸ் பாரூக் இடம்­பெ­யர்ந்த வட­மா­காண முஸ்லிம் சமூ­கத்தைச் சேர்ந்தவ­ராவார். சட்­டத்­த­ர­ணி­யான ஹுனைஸ் முஸ்லிம் சமய பண்­பாட்­ட­லு­வல்கள் திணைக்­க­ளத்தில் பணிபு­ரிந்­த­வ­ராவார்.


2010 ஆம் ஆண்டு பொதுத்தேர்­தலில் அகில இலங்கை மக்கள் காங்­கிரஸ் சார்பில் ஐக்­கிய மக்கள் சுதந்­திரக் கூட்­ட­மைப்பின் வெற்­றிலைச்சின்­னத்தில் போட்­டி­யிட்டு முதன் முறை­யாக பாரா­ளு­மன்றம் நுழைந்தார். 2014 இல் கட்சித்தலை­மை­யுடன் முரண்­பட்ட அவர், சில காலம் சுயா­தீ­ன­மாகச் செயற்­பட்டார். அத்­துடன், மஹிந்த அர­சாங்­கத்­தி­லி­ருந்து வெளி­யேறி ஐக்­கிய மக்கள் சக்­தி­யுடன் இணைந்த முத­லா­வது பாரா­ளு­மன்ற உறுப்பினரா­கவும் இவரே திகழ்ந்தார்.


எனினும், 2015 பொதுத்தேர்­த­லின் ­போது ஐக்­கிய தேசியக்கட்­சி­யுடன் அகில இலங்கை மக்கள் காங்­கிரஸ் கூட்டணி அமைத்­த­தனால் அந்தக் கட்­சி­யி­லி­ருந்து வெளி­யேறி ஐக்­கிய மக்கள் சுதந்­திரக் கூட்­ட­மைப்­புடன் இணைந்து தேர்­தலில் போட்­டி­யிட்டார். எனினும், அக்­கட்­சிக்கு வன்­னியில் ஒரு ஆசனம் கிடைத்தது. ஆனாலும், அவரால் பாரா­ளு­மன்றம் பிர­வே­சிப்பதற்கான விருப்பு வாக்குகளை பெற முடியவில்லை.


இந்­நி­லையில், அவர் பின்னர் முஸ்லிம் காங்­கி­ர­ஸுடன் இணைந்­து ­கொண்டார். அக்­கட்சி சார்பில் இம்­முறை பொதுத்தேர்­த­லின் ­போது வன்னி மாவட்­டத்தில் ஐக்­கிய மக்கள் சக்­தியின் தொலை­பேசி சின்­னத்தில் போட்டியிட்டு இரண்­டா­வது அதிக விருப்பு வாக்­கு­களைப் பெற்றார். எனினும், அவ­ருக்கு பாரா­ளு­மன்றம் பிரவே­சிக்கும் சந்­தர்ப்பம் இம்­மு­றையும் கிட்­ட­வில்லை.


எஸ்.எம்.எம்.இஸ்­மாயில்


சம்­மாந்­து­றையைச்சேர்ந்த எஸ்.எம்.எம்.இஸ்­மாயில் இரண்டு தட­வைகள் தென் கிழக்கு பல்­க­லைக்­க­ழ­கத்தின் உப­வேந்­த­ராக நிய­மிக்­கப்­பட்­ட­வ­ராவார். 2013 களுக்குப் பின்னர் அர­சி­யலில் ஈடு­பட்ட அவர், 2015 ஆம் ஆண்டு அகில இலங்கை மக்கள் காங்­கிரஸ் சார்பில் அதன் மயில் சின்­னத்தில் முதன் முறை­யாக பொதுத்தேர்­தலில் போட்­டி­யிட்டார். சம்­மந்­து­றையில் பெரும் ஆத­ரவு கிடைத்த நிலையில், கட்சி சொற்ப வாக்­கு­களால் பிரதிநிதித்­து­வத்தை இழந்­தது. எனினும், கட்­சிக்கு கிடைத்த தேசியப்பட்­டியலூடாக இரண்­டா­வது தவணைக் காலப்­ப­கு­திக்­காக 2 வரு­டங்கள் அவர் பாரா­ளு­மன்ற உறுப்­பி­ன­ராக அ.இ.ம.கா.வினால் நிய­மிக்­கப்­பட்டார்.


2018 ஆம் ஆண்டு அர­சியல் மாற்றம் இடம்­பெற்ற போது இவர் மஹிந்த தரப்­புடன் இணைந்து பிர­தி­ய­மைச்சு பத­வியை பெற முயற்­சித்­த­தாக குற்­றச்­சாட்­டுகள் இருக்­கின்ற நிலையில், பாரா­ளு­மன்றம் கலைப்ப­தற்கு சில தினங்­க­ளுக்கு முன்னர் இவர் அ.இ.ம.கா. விலி­ருந்து விலகி மஹிந்த தரப்­புடன் நெருங்கிச் செயற்­ப­ட­லானார். இஸ்­மாயில் பொது­ஜன முன்­ன­ணி­யுடன் இணையக்கூடும் என எதிர்­பார்க்­கப்­பட்ட நிலையில், அவர் அதாவுல்லாஹ் தலை­மை­யி­லான தேசிய காங்­கி­ரசில் இணைந்­து­ கொண்டார். எனினும், அம்பாறையில் தே.கா. – ஸ்ரீல.பொ.ஜ.மு. கூட்டணி அமைப்பதில் சிக்கல் நிலையேற்பட்டது. இதனால் தே.கா.வின் குதிரை சின்னத்தில் போட்டியிட்டு அவர் இம்முறையும் தோல்வியடைந்தார்.


ஏ.எல்.எம்.நஸீர்


பொலிஸ் உத்­தி­யோ­கத்­த­ராக அம்­பாறை மாவட்­டத்தில் பல பகு­தி­க­ளிலும் கட­மை­யாற்­றி­யவர் அட்டாளைச்சேனையைச் சேர்ந்த ஏ.எல்.எம்.நஸீர். இவர் 2011 ஆம் ஆண்டு உள்­ளூ­ராட்சி சபைத்தேர்­த­லின்­போது முஸ்லிம் காங்­கிரஸ் சார்பில் போட்­டி­யிட்டு அட்­டா­ளைச்­சேனை பிர­தேச சபைத் தவி­சா­ள­ரானார். குறுகிய காலம் தவி­சா­ள­ராக சேவை­யாற்­றிய இவர், 2012 ஆம் ஆண்டு கிழக்கு மாகாண சபைத்தேர்­தலில் மு.கா. சார்பில் போட்­டி­யிட்டு வெற்­றி ­பெற்று மாகாண சபை உறுப்­பி­ன­ரானார். 2015 ஆம் ஆண்டு பொதுத் தேர்­த­லின் ­போது அவர் மு.கா.வின் தேசியப்பட்­டி­யலில் உள்­ளீர்க்­கப்­பட்­டி­ருந்தார். குறித்த பொதுத்தேர்­தலில் மாகாண அமைச்­ச­ராக இருந்த சம்­மாந்­துறை மன்சூர் பாரா­ளு­மன்ற உறுப்­பி­ன­ராகத் தெரி­வு ­செய்யப்பட்டதை­ய­டுத்து, அவர் வகித்த மாகாண சுகா­தார அமைச்சு பொறுப்பு நஸீருக்கு வழங்­கப்­பட்­டது.


ஏற்­கனவே, அட்­டா­ளைச்­சே­னைக்கு வழங்­கிய உறு­தி­மொ­ழிக்­க­மைய 2017 இன் இறு­தியில் தற்­கா­லிக தேசியப்பட்­டியல் உறுப்­பினர் சல்மான் பதவி விலகி, அந்த வெற்­றி­டத்­திற்கு ஏ.எல்.எம்.நஸீர் நியமிக்கப்பட்டார்.


இந்­நி­லையில், அவர் இம்­முறை பொதுத்தேர்­த­லின் ­போது ஐக்கிய மக்கள் சக்தியின் தொலைபேசி சின்னத்தில் மு.கா. சார்பில் போட்டியிட்டு தோல்வி கண்டார்.


Vidivelli

Comments

Popular posts from this blog

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய

ஐக்கிய‌ காங்கிர‌ஸ் க‌ட்சியின் அமைப்பாள‌ராக ச‌தீக்‌

  வ‌ன்னி மாவ‌ட்ட‌த்தை சேர்ந்த‌ எம். எஸ். எம்.  ச‌தீக்  அவ‌ர்க‌ள் ஐக்கிய‌ காங்கிர‌ஸ் க‌ட்சியின் (உல‌மா க‌ட்சியின்) தேசிய‌ அமைப்பாள‌ராக‌வும் உய‌ர் ச‌பை உறுப்பின‌ராக‌வும்  நிய‌மிக்க‌ப்ப‌ட்டுள்ளார். அண்மையில் ஸூம் மூல‌ம் ந‌டை பெற்ற‌ க‌ட்சியின்  விசேட‌ உய‌ர் ச‌பைக்கூட்ட‌த்தின் போது க‌ட்சியின் த‌லைவ‌ர் முபாற‌க் அப்துல் ம‌ஜீதின் சிபாரிசின் பேரில் இவ‌ர் நிய‌மிக்க‌ப்ப‌ட்டார்.