தேசிய பாதுகாப்புத்துறைசார் மேற்பார்வை குழுவின் பரிந்துரைகளை மீளாய்வு செய்க!




கிழக்கு முன்னாள் முதல்வர் ஹாபிஸ் நஸிர் அஹமட் காட்டம்

மர்க்க சம்பந்தமான விடயங்களில் பள்ளிவாசல்களைக் கட்டுப்படுத்தும் எந்தவொரு வழிமுறைகளையும் நாம் ஏற்றுக்கொள்ள முடியாது. அவ்வாறானதொரு நெருக்கு வாரத்தை தருவதற்கான ஏற்பாடாகவே தேசிய பாதுகாப்புத்துறைசார் மேற்பார்வை குழவின் பரிந்துரை முன்வைக்கப்பட்டு அது கடந்த 19ஆம்திகதியன்று பாராளுமன் றில் சமர்ப்பிக்கப்பட்டுள்ளது. இந்த பரிந்துரைக்கான குழுவில் இடம் பெற்றிருந்த முஸ்லிம் தரப்பினரின் ஆளுமைகுறித்து நான் வெட்கப்படுகின்றேன். இதனை மீளாய்வு செய்யவேண்டியது அவசியமானது.
இவ்வாறு காரசாரமாகத் தெரிவித்திருக்கின்றார் கிழக்கு மாகாண முன்னாள் முதல் வரும் ஸ்ரீல.முஸ்லிம் காங்கிரஸின் தலைவருமான ஹாபிஸ் நஸிர் அஹமட்.
இதுவிடயமாக அவர் மேலும் தெரிவித்திருப்பதாவது:-
மேற்குறித்த பரிந்துரைகள் அனைத்தும் முஸ்லிம் இனத்தை இலக்காகக் கொண்டு எடுக்கப்பட்ட பரிந்துரையாகவே பார்க்க முடிகின்றது. குறிப்பாக “வக்பு சட்டத்தை திருத்தி பள்ளிவாசல்களில் நடைபெறும் அனைத்து பிரசங்கங்களையும் ஒலிப்பதிவு செய்யவேண்டும், முஸ்லிம் இனத்தின் விகிதாசாரத்துக்கு அமைவாக பள்ளிவாசல்க ளின் எண்ணிக்கையை தீர்மானிக்க வேண்டும்” என்ற பரிந்துரை நோக்கற்பாலானது. இது மத சுதந்திரத்தைப் பறிக்கும்; ஒரு பரிந்துரையாகும். ஒரு குறிப்பிட்ட மதத்தை மட்டும் கட்டுப்படுத்தும் வகையில் இந்த பரிந்துரை முன் வைக்கப்பட்டதாகவே நான் பார்க்கின்றேன்.
நாட்டில் இன்று விகிதாசார முறைப்படியா அனைத்து விடயங்களும் கையாளப்படு கின்றன என்பதை முதலில் பார்க்கவேண்டும் நாட்டிலுள்ள பள்ளிவாசல்களில் எந்தப் பள்ளிவாசலில் மக்களின்றி தொழுகைகள் நடைபெறுகின்றன? பள்ளிவாசல்கள் பலவற்றில் தொழுவதுக்கு இடமின்றி மக்கள் வெளிப்புறங்களில் அமர்ந்து தொழுகி ன்றனர். இத்தகைய நிலையில் பள்ளிவாசல்களின் எண்ணிக்கை தொடர்பில் பரிந்து ரைகள் முன்வைக்கப்பட்டிருப்பதன் மர்மம் என்னவென்று புரியவில்லை. எனவே இந்தப் பரிந்துரை தொடர்பில் மறுபரீசிலனை செய்யவேண்டும்.
மதவழிபாட்டு தலங்களின் எண்ணிக்கையை விகிசார ரீதியில் கட்டுப்படுத்த வேண்டு மாயின் அவை அனைத்து மதங்களும் பொதுவானதாக உள்வாங்கப்பட வேண்டுமே அன்றி  இஸ்லாம் மட்டும் என்ற நோக்கம் முன்னெடுக்கப்படக்கூடாது.
இந்தப் பரிந்துரைகளில் ஆள்அடையாளத்தை உறுதிப்படுத்தும் நடவடிக்கைகள் தொடர்பில் முன் வைக்கப்பட்டுள்ள பொது ஆலோசனைகளை நாம் ஏற்றுக் கொண் டாலும் இதனை அதிகம் எதிர்கொள்ளப் போகின்றவர்கள் முஸ்லிம் பெண்கள் என்ற நிலையில் அவர்களை சோதனை செய்வதில் பெண் அதிகாரிகள் ஈடுபடுத்தப்பட வேண்டும் என்பதையும் உறுதி செய்துகொள்ள வேண்டியது அவசியமாகின்றது.
தற்போது பாராளுமன்றத்துக்கு வந்துள்ள இந்த பிரேரணைகள் தொடர்பில் முஸ்லிம் உறுப்பினர் அதிகம் அக்கறை கொண்டு மனித உரிமைகளின் அடிப்படையில் எமது உரிமைகளை நிலைநாட்ட திருத்தங்களை முன் வைக்கவேண்டும் - என்றார்.

Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்