Skip to main content

ஐக்கிய தேசிய கட்சித் தலைவராக மீண்டும் ரணில் விக்ரமசிங்க தெரிவு

  ஐக்கிய தேசிய கட்சித் தலைவராக மீண்டும் ரணில் விக்ரமசிங்க தெரிவு செய்யப்பட்டார்...!!!! ஐக்கிய தேசிய கட்சித் தலைவராக மீண்டும் ரணில் விக்ரமசிங்க தெரிவு செய்யப்பட்டுள்ளார். சிரிகொத்தவில் உள்ள கட்சி தலைமையகத்தில் இன்று நடைபெற்ற செயற்குழு கூட்டத்தில் ஐக்கிய தேசியக் கட்சி தன் உறுப்பினர்களுக்கு   புதிய பதவி நிலைகளை   நியமித்தது. கட்சியின் பொதுச் செயலாளராக பணியாற்றிய அகில விராஜ் கரியவாசம் ஐ.தே.க  உதவித் தலைவராக நியமிக்கப்பட்டுள்ளார். முன்னர்  உதவித் தலைவராக  ரவி கருணநாயக்க காணப்பட்டார். அகில விராஜ்  கரியவாசம் பதவியை ஏற்றுக்கொண்டு, ஐ.தே.க   புதிய பொதுச் செயலாளராக பாலித ரங்க  பண்டாராவை நியமித்தார். ஐ.தே.க  வின் உறுப்பினர் வஜிர அபேவர்தனே  தவிசாளராக  அங்கீகரிக்கப்பட்டுள்ளார்,  ஏ.எஸ்.எம் மிஸ்பா பொருளாளராக நியமிக்கப்பட்டுள்ளார். புதிய நியமனங்கள் இருந்தபோதிலும், முன்னாள் பிரதமர் ரனில் விக்கிரமசிங்கவே  ஐ.தே.க  தலைவராக நீடிப்பார். துணைத் தலைவர் ருவன் விஜேவர்தனவும் தனது பதவியில் தொடருவார்.

முஸ்லிம்கள் இல்லாத அமைச்சரவை - கல்முனை பிரதேச செயலகத்தினை இம்முறை தரமுயர்த்துவோம் - கருணா

மஹிந்த ராஜபக்ஷ தலைமையிலான இந்த அரசாங்கம் தொடர்ந்தும் இருபது வருடங்கள் ஆட்சியமைக்குமென தமிழர் ஐக்கிய சுதந்திர முன்னணியின் தலைவரும் முன்னாள் பிரதியமைச்சருமான விநாயகமூர்த்தி முரளிதரன் (கருணா அம்மான்) தெரிவித்தார்.

கல்குடாப் பிரதேசத்திலுள்ள தமிழர் ஐக்கிய சுதந்திர முன்னணியின் ஆதரவாளர்களுக்கான அரசியல் விழிப்புணர்வுக் கூட்டம் வாழைச்சேனையில் முன்னாள் பாராளுமன்ற உறுப்பினர் எஸ்.ஜெயானந்த மூர்த்தியின் இல்லத்தில் ஞாயிற்றுக்கிழமை மாலை நடைபெற்றபோது கலந்து கொண்டு மேற்சொன்னவாறு தெரிவித்தார்.

அங்கு அவர் மேலும் தெரிவிக்கையில், இந்த அரசாங்கம் தொடர்ந்தும் இருபது வருடங்கள் ஆட்சியமைக்கும் இம்முறை கோட்டாபய ஜனாதிபதியாகவும், அடுத்த தடவையும் ஜனாதிபதியாக இருப்பார். அடுத்த தரம் வேறொருவர் மகிந்த ராஜபக்ஷ தலைமையில் ஜனாதிபதியாக வருவார். அவ்வளவுக்கு ரணில் அரசாங்கத்தினை மக்கள் வெறுத்துள்ளனர்.

ரணில், மைத்திரி அரசாங்கத்தினைக் கூடுதலாக வெறுத்தவர்கள் சிங்கள மக்கள். இலங்கை வரலாற்றில் இலங்கையை பாதாளத்தில் தள்ளியவர்கள் ரணில், மைத்திரி தான் என நான் நினைக்கின்றேன். 

இவர்களது ஆட்சியில் குண்டு வெடிப்பு, அழிப்பு, பொருளாதாரச் சீர்கேடு, தற்கொலைகள் கூடுதல் காணப்பட்டது. இவ்வாறு பல பிரச்சனைகளைச் சந்தித்து விரக்தியடைந்த மக்கள் கோட்டாபய ராஜபக்ஷவை ஜனாதிபதியாகக் கொண்டு வந்துள்ளனர். இந்த அரசாங்கத்தினைத் திறம்படப் பயன்படுத்த வேண்டும்.

முள்ளிவாய்க்கால் யுத்தத்தினை முடிவு செய்தது நான் தான். மகிந்தவுமில்லை. கோட்டாபயவுமில்லை என பத்திரிகையில் சரத்பொன்சேகா அறிக்கை விடுவார். அவருக்கே ஜனாதிபதித் தேர்தலில் சம்பந்தன் கூறி வாக்கு போட்டவர்கள். அடுத்த தேர்தலில் மைத்திரிக்கு வாக்களியுங்கள் என சம்பந்தன் கூறினார். அதுவும் பிரயோசனமில்லை.

ஐந்து வருடமும் நாசமாகப் போயுள்ளது. கூடுதலான பெண்கள், ஆண்கள் கடன் தொல்லை மற்றும் வறுமை காரணமாக தூக்கில் தொங்கி இறந்துதான் மிச்சம். எந்த அபிவிருத்தியுமில்லை. வேலை வாய்ப்பும் இடம்பெறவில்லை. வேலை வாய்ப்பு முழுவதும் மற்றைய சமூகத்திற்கு சென்று விட்டது. 

கிழக்கு மாகாண சபையில் 11 ஆசனங்களைப் பெற்ற தமிழ் தேசியக் கூட்டமைப்பு 7 ஆசனங்களைப் பெற்ற முஸ்லிம் காங்கிரஸிற்கு முதலமைச்சர் பதவியை வழங்கி விட்டு சம்பந்தன் நித்திரை செய்து விட்டார்.

இதன் காரணமாக முஸ்லிம் இளைஞர், யுவதிகளுக்கு வேலைவாயப்பை வழங்கினார். தமிழர்களுக்கு எந்தவித வேலைவாய்ப்பும் வழங்கவில்லை. தமிழ் பாடசாலைகளில் காவலாளி, அலுவலக உதவியாளர்களாக முஸ்லிம்கள் வேலை செய்கின்றார்கள். படித்த தமிழ் இளைஞர்களின் வேலைவாய்ப்பு சம்பந்தரால் நாசம் செய்யப்பட்டது.

சிங்கள மக்கள் தனித்து கோட்டாபய ராஜபக்ஷவை வெற்றி பெற வைக்காவிட்டால் அமீர் அலி உங்களுக்கு அடிச்சிருப்பார். நீங்கள் பாசிக்குடா கடலில் விழுந்திருப்பீர்கள். ஹிஸ்புல்லா அடிச்சிருப்பார் கல்லடி கடலில் விழுந்திருப்போம். றிசாட் அடிச்சிருப்பான் மன்னாரில், ஹக்கீம் காலாட்டி உதைத்திருப்பான் கல்முனை முழுவதும் நம்ம ஜாலியாக இருக்க வேண்டியதுதான். அவன்ட இனத்துவேசம் கதைக்கின்ற அனைத்து முஸ்லிமும் சஜித்தோடு திரிகின்றனர். மஹிந்தயோடயும் இருந்தவர்கள் ஆனால், வாக்களிக்கவில்லை.

கடந்த காலத்தில் விட்ட தவறை இனி விடாமலிருந்தால் தான் எமது இளைஞர்களுக்கு வேலைவாய்ப்பை வழங்க முடியும். உரிமைக்காக கதைக்க முடியும். அபிவிருத்திகளைக் கொண்டு வர முடியும். அரசியல் என்பது மக்களின் எதிர்காலத்திற்கு தான். இப்போது நமது அரசியல்வாதிகள் வேட்டியை மடிச்சிக்கட்டி வெள்ளம் பார்த்து திரிகின்றார்கள்.

தமிழ் தேசிய கூட்டமைப்பு பாராளுமன்ற உறுப்பினர்களை கோடீஸ்வரன் மற்றும் முதலாளிமார்களாக கொண்டு வந்து விட்டு நாம் பிச்சைக்காரனாகவுள்ளோம். இரண்டு தரம் பாராளுமன்றம் சென்ற எஸ்.யோகேஸ்வரனுக்கு நான்கு கோடி ரூபாய் பேர்மிட் வழங்கப்பட்டுள்ளது. அதனைச்சுருட்டி விட்டார். அதை இவர் யாருக்கும் செலவு செய்யமாட்டார். துவிச்சக்கர வண்டிக்கும் வழியில்லாமல் இருந்தவர் தற்போது மூன்று வாகனத்துடன் சந்தோசமாகவுள்ளார்.

நாங்கள் பாரிய ஆயுத்தைக்கொண்டு யுத்தம் செய்தும் நாட்டை தரவில்லை. சம்பந்தன் போய் கதைத்தா நாட்டை தரப்போகின்றார்கள். இன்னும் எத்தனை காலத்திற்கு மக்களை ஏமாற்றுவது?. இதில் நாம் தெளிவாக இருக்க வேண்டும். வாக்களிப்பு விகிதத்தினைக்கூட்ட வேண்டும். மட்டக்களப்பு மாவட்டத்தில் தமிழர்கள் 60 விகிதத்திற்கு மேல் வாக்களிப்பதில்லை. ஆனால், முஸ்லிம்கள் 98 விகிதம் வாக்களிப்பார்கள்.

மட்டக்களப்பு மாவட்டத்தில் 75 விகிதம் தமிழ், 25 விகிதம் முஸ்லிம். ஆனால், 75 விகிதத்திற்கும் மூன்று பாராளுமன்ற உறுப்பினர் தான். 25 விகிதத்திற்கும் மூன்று பாராளுமன்ற உறுப்பினர் தான். ஏனெனில், வாக்களிப்பு விகிதம் போதுமானதாக இல்லை. 

இலங்கை வரலாற்றில் ஜனாதிபதியைத் தீர்மானிப்பதற்கு சிறுபான்மைச் சமூகம் தேவையில்லையென்பதை நிரூபித்துள்ளனர். அதேபோன்ற நல்ல விடயம் முஸ்லிம்கள் இல்லாத அமைச்சரவை. மஹிந்தைக்கு ஆப்பு வைத்ததால் மாறி மகிந்த ஆப்பு வைத்துள்ளார். எமது தேர்தல் பிரசாரத்திற்கமைய கல்முனை பிரதேச செயலகத்தினை இம்முறை தரமுயர்த்துவோம் என்றார்.

தமிழர் ஐக்கிய சுதந்திர முன்னணியின் மேலதிகச்செயலாளரும் முன்னாள் பாராளுமன்ற உறுப்பினருமான எஸ்.ஜெயானந்தமூர்த்தி தலைமையில் நடைபெற்ற நிகழ்வில், வாகரை பிரதேச சபை உறுப்பினர்களான எஸ்.துரைராஜசிங்கம், எஸ்.ரசிக்காந்தன் மற்றும் கட்சிப்பிரதிநிதிகள், உறுப்பினர்கள், பொது மக்கள் எனப்பலர் கலந்து கொண்டனர்.
-எஸ்.எம்.எம்.முர்ஷித்

Comments

Popular posts from this blog

அதாவுல்லாவை புக‌ழும் ஹ‌ரீஸ்

ஒவ்வொரு நிமிடமும் நம்மை நோக்கி எறிகணைகள் வந்த வண்ணமே இருக்கிறது. நாங்கள் ஒற்றுமைப்பட்டு இனி செயலாற்ற முன்வர வேண்டும். அம்பாறை மாவட்டத்தில் உள்ள சகல அரசியல் கட்சி முக்கியஸ்தர்களும் ஒன்றிணைந்து எதிர்வரும் பொதுத்தேர்தலை சந்தித்து நாங்கள் ஒற்றுமையாக வாக்களித்தால் அம்பாறை மாவட்டத்தில் இருந்து ஐந்து முஸ்லிம் பாராளுமன்ற உறுப்பினர்கள் தெரிவாவார்கள் என ஸ்ரீலங்கா முஸ்லிம் காங்கிரஸின் பிரதித்தலைவரும் முன்னாள் இராஜாங்க அமைச்சருமான சட்டத்தரணி  எச்.எம்.எம்.ஹரீஸ் தெரிவித்தார்.  தொடர்ந்தும் அங்கு பேசும் போது, கல்முனை பிரதேச விவகாரம் பற்றிய பிரதமருடனான கலந்துரையாடலுக்கு குறித்த தொகுதியின் மக்கள் பிரதிநிதியாகிய எனக்கு எவ்வித அழைப்புக்களும் விடுக்கப்பட்டிருக்க வில்லை. நான் நேரடியாக பிரதமர் மஹிந்தவை சந்தித்து மக்களின் பிரச்சினையை பற்றி தெளிவாக விளக்கியவுடன் அன்று மாலை என்னையும் கூட்டத்தில் கலந்துகொள்ளுமாறும் அதற்கான ஏற்பாடுகளை தான் செய்வதாகவும் வாக்குறுதியளித்தார். அதன் பிரகாரமே நான் அக்கூட்டத்திற்க்கு சென்று வரவேற்பறையில் காத்திருந்தேன். அங்கு கலந்து கொண்டிருந்த முக்கிய பிரமுகர்கள் பலரும் அதிருப்

அகில இலங்கை மக்கள் காங்கிரஸ் கட்சியினால் சுமார் 16 லட்சம் ரூபா பெறுமதியான கரப்பாந்தாட்ட விளையாட்டு மைதானம்

அகில இலங்கை மக்கள் காங்கிரஸ் கட்சியினால் சுமார் 16 லட்சம் ரூபா பெறுமதியான கரப்பாந்தாட்ட  விளையாட்டு மைதானம்  மதவாக்குள பிரதேசத்திற்கு  அமைத்து கொடுக்கப்ப்பட்டுள்ளது. கௌரவ முன்னாள் அமைச்சரும் அகில இலங்கை மக்கள் காங்கிரஸ் கட்சியின் தலைவருமான அல்ஹாஜ் றிஷாத் பதுயுதீன் அவர்களின் நிதியின் மூலம் அகில இலங்கை மக்கள் காங்கிரஸ் புத்தள மாவட்ட அமைப்பாளர் அலி சப்ரி ரஹீம் அவர்களின் முயற்சியினால் அகில இலங்கை மக்கள்  காங்கிரசின் மதவாக்குள கட்சிக் குழுவின் வேண்டுகோளுக்கு இணங்க மதவாக்குள பிரதேசத்திற்கு மிக நீண்டகால தேவைப்பாடாக இருந்த கரப்பாந்தாட்ட விளையாட்டு மைதானம் நேற்று கெளரவ அலி சப்ரி ரஹீம் அவர்களினால் திறந்து வைக்கப்பட்டது. அந்தவகையில் இந்த கரப்பாந்தாட்ட விளையாட்டு மைதானமானது சுமார் 16 லட்சம் ரூபா பெறுமதியாகும் எனவே இதனை  ஊருக்கு  அமைத்து கொடுத்தமைக்கு மதவாக்குள ஊர் மக்கள் மற்றும்இ விளையாட்டு குழு உறுப்பினர்கள் தங்கள் நன்றிகளை அகில இலங்கை மக்கள் காங்ரஸிற்கு  தெரிவித்து கொள்கின்றனர். ஊடகவியலாளர் சில்மியா யூசுப். 0769622313

சாய்ந்தமருது நகரசபை – விசேட வர்த்தமானி இன்று நள்ளிரவு !

சாய்ந்தமருது நகரசபை 2022 பங்குனி 20 அமுலாகும் வகையில் 2162/50 இலக்கம் கொண்ட அதிவிசேட வர்த்தமானி இன்று நள்ளிரவு வெளியாகவுள்ளது. பொது நிர்வாக உள்நாட்டு அலுவல்கள் மற்றும் உள்ளூராட்சி மாகாண சபைகள் அமைச்சர் ஜனக பண்டார தென்னக்கோனின் கையொப்பத்துடன் வெளியாகவுள்ளது . 1987ம் ஆண்டு கல்முனை தொகுதியில் 4 சபைகள் இயங்கின. அதனை முன்னாள் ஜனாதிபதி ஆர் .பிரேமதாசா ஒன்றிணைத்தார்.அதனை மீண்டும் பிரித்து தங்கள் பகுதியை ஒரு நகர சபையாக பிரித்து தருமாறு சாய்ந்தமருது மக்கள் கடந்த காலங்களில் பல்வேறு போராட்டங்கள் செய்தனர். அத்துடன் கடந்த 2018 ம் ஆண்டு இடம்பெற்ற உள்ளூராட்சி தேர்தலில் சுயேட்சை குழுவை சாய்ந்தமருது பள்ளிவாசல் களமிறக்கி அதில் 6 வட்டாரங்களையும் வென்று மொத்தம் 9 உறுப்பினர்களை பெற்றமை விசேட அம்சமாகும். கடந்த நல்லாட்சி அரசில் முஸ்லிம் அமைச்சர்கள் ,பிரதமர் நகர சபை தருவதாக வாக்குறுதி அளித்து ஏமாற்றியமையும் இங்கு குறிப்பிடத்தக்கது. அத்துடன் சாய்ந்தமருது பள்ளிவாசல் மற்றும் 6 மக்கள் பிரதி நிதிகள் ஜனாதிபதி கோட்டாபய ராஜபக்‌ஷவின் வெற்றிக்காக ஒப்பந்தம் செய்து தேர்தல் பணிகளில் ஈடுபட்டனர் .கடந்த தேர்தலில் ச