Skip to main content

முஸ்லிம் காங்கிர‌ஸ் உறுப்பின‌ர்க‌ளிடையே மோத‌ல்.

  சமூக பற்றில்லா தவத்தை மக்கள் நிராகரித்ததன் விம்பமே இன்றைய அவரின் காட்டிக்கொடுப்புகள்  : முன்னாள் மாகாண சபை உறுப்பினரை தோலுரிக்கும் மு.கா பிரமுகர்  மாளிகைக்காடு நிருபர்  றாபிக்களும், அலி உதுமான்களும் பிறந்த வீரமிகு மண்ணான அக்கரைப்பற்றில் காட்டிக்கொடுப்பிலும், ஈனசெயலிலும் முத்திரை பதித்த ஒருவராக முன்னாள் மாகாணசபை உறுப்பினர் ஏ.எல்.எம் தவம் இருப்பது அக்கரைப்பற்று மண்ணுக்கு மட்டுமல்ல ஒட்டுமொத்த முஸ்லிங்களுக்கும் அவமானமாக உள்ளது. எச்ச சுகபோகங்களுக்காக முஸ்லிங்களையும், முஸ்லிம் நிலபுலங்களையும் காட்டிக்கொடுத்து வங்கரோத்து தனமிக்க அரசியல்வாதியாக தன்னை அடையாளப்படுத்திக்கொண்ட இவரை அம்பாறை மாவட்ட மக்கள் கடந்த காலங்களில் நிராகரித்தது போன்று இனியும் நிராகரிப்பார்கள். இவரின் பருப்பு முஸ்லிம் சமூகத்திடம் இனியும் வேகாது என ஸ்ரீலங்கா முஸ்லிம் காங்கிரசின் சார்பிலான கல்முனை மாநகரசபை உறுப்பினர் ஏ.எம். பைரூஸ் தெரிவித்தார்.  இன்று கல்முனையில் நடைபெற்ற ஊடக சந்திப்பில் கலந்துகொண்டு பேசிய அவர் மேற்கண்டவாறு தெரிவித்தார். மேலும் கருத்து தெரிவிக்கையில், ஸ்ரீலங்கா முஸ்லிம் காங்கிரசின் முன்னாள் தவிசாளர்களாக இருந்த

எமது நாட்டின் காணி மற்றும் நிலப்பரப்பு தொடர்பிலான தரவுகளை வெளிநாடுகளுக்கு வழங்குவது மிகவும் ஆபத்தாகும் - ஜே.வி.பி குற்றஞ்சாட்டு

ஜனாதிபதித் தேர்தல் நெருங்கியுள்ள சூழலில் அவசர அவசரமாக அமெரிக்காவுடன் மில்லேனியம் செலேஞ் கோப்ரேஷன் (Millennium Challenge Corporation) உடன்படிக்கையை கைச்சாத்திட அரசாங்கம் எடுக்கும் இரகசிய நகர்வுகள் பாரிய சந்தேகத்தை ஏற்படுத்தியுள்ளதாக ஜே.வி.பி. குற்றஞ்சாட்டியுள்ளது.

எமது நாட்டின் காணி மற்றும் நிலப்பரப்பு தொடர்பிலான தரவுகளை வெளிநாடுகளுக்கு வழங்குவது மிகவும் ஆபத்தானதும் அச்சுறுத்தலானதுமாகுமெனவும் அக்கட்சி எச்சரிக்கை விடுத்தது.

பத்தரமுல்லையில் அமைந்துள்ள ஜே.வி.பியின் தலைமையகத்தில் நேற்று நடைபெற்ற ஊடகவியலாளர் சந்திப்பில் கலந்துகொண்டு உரையாற்றும் போதே ஜே.வி.பியின் பொதுச் செயலாளர் டில்வின் சில்வா இவ்வாறு கூறினார்.

அவர் மேலும் கருத்து வெளியிடுகையில்,

தற்போதைய அரசாங்கத்தால் கைச்சாத்திடவுள்ள மில்லேனியம் செலேஞ் கோப்ரேஷன் உடன்படிக்கைத் தொடர்பில் சமூகத்தில் பரந்தப்பட்ட கருத்தாடல்கள் ஏற்பட்டுள்ளன. மில்லேனியம் செலேஞ் கோப்ரேஷன் என்பது அமெரிக்காவை மையப்படுத்திய ஒரு நிறுவனமாகும். குறித்த நிறுவனம் உலகில் பல்வேறு நாடுகளுடன் உடன்படிக்கைகளில் கைச்சாத்திட்டுள்ளது. அந்நிறுவனம் இலங்கைக்கு 480 மில்லியன் அமெரிக்க டொலர்களை நன்கொடையாக வழங்கவுள்ளது. அதில் 350 மில்லியன் அமெரிக்க டொலர்கள் போக்குவரத்து கட்டமைப்பை விருத்தி செய்யவும், 67 மில்லியன் அமெரிக்க டொலர்கள் காணி வேலைத்திட்டங்களுக்கும் வழங்கப்படுகிறது.

இந்த நன்கொடையில் நாட்டுக்கு பாரிய நன்மைகள் உள்ளதாக அரசாங்கம் கூறுகிறது. மிகவும் பாதகமானதென எதிர்க்கட்சிகள் கூறுகின்றன. தேர்தலொன்று நெருங்கியுள்ள சூழலில் உடன்படிக்கையை கைச்சாத்திட அரசாங்கம் அவசர அவசரமாக செய்யும் செயற்பாடுகள் பாரிய சந்தேகத்தை ஏற்படுத்தியுள்ளது. இவ்வுடன்படிக்கை தொடர்பில் மக்களுடன் கலந்துரையாடாது செய்ய முற்படுவது பிரச்சினைக்குரியதாகும். அரசாங்கம் கூறுவது போன்று உடன்படிக்கையில் நன்மைகள் அதிகமாக உள்ளதென்றால் எதற்கு இரகசியமாக இதனை கைச்சாத்திட வேண்டும்.

குறைந்தபட்சம் மக்கள் பிரதிநிதிகள் உள்ள பாராளுமன்றத்திலாவது விவாதிக்கப்பட வேண்டும். இதற்கு முன்னரும் வெளிநாடுகளுடனும் சர்வதேச நிறுவனங்களுடனும் ரகசிய ஒப்பந்தங்களை கைச்சாத்திட்டிருந்தமை மக்களுக்கு புதினமானதல்ல. ஆனால், இந்த உடன்படிக்கையில் பிரதானமாக காணிகள் மற்றும் காணி தரவுகள் தொடர்பில் குழப்பகரமான சூழலொன்று உள்ளது. அரச, தனியார் மற்றும் வனப் பிரதேச நிலங்கள் தொடர்பிலான தரவுகள் வெளிநாடுகளுக்கு வழங்குவது ஆபாத்தானதாகும் என்பதுடன், நாட்டின் சுயாதீனத்திற்கும் அச்சுறுத்தலாகும். ஆகவே, பரந்துபட்ட கலந்துரையாடலொன்று இதற்கு அவசியமாகும் என்றார்.

சுப்பிரமணியம் நிஷாந்தன்

Comments

Popular posts from this blog

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய

இனிய நோன்பு பெருநாள் வாழ்த்துக்கள்