Skip to main content

இன ஓர்மங்களை உரசும் இரண்டாம் சமர்


சுஐப் எம் காசிம்

ஜனாதிபதித் தேர்தலுடன் களைகட்டிய அரசியல்வாடை நடைபெறவுள்ள பொதுத்தேர்தல்வரை வீசிக் கொண்டே இருக்கப்போகிறது. ராஜபக்‌ஷக்களை வீழ்த்துவதற்கான சமரில் தோற்றுப்போன எதிரணியினர் எதிர்வரும் பாராளுமன்றத் தேர்தலிலாவது அதிகாரத்தை எட்டிப் பிடிப்பதற்கான எத்தனங்களில் இறங்கியுள்ளனர். ஐக்கிய தேசிய கட்சிக்குள் ஏற்பட்டுள்ள எதிர்க் கட்சித் தலைமைப் போட்டிகள் கட்சியைப் பிளவுபடுத்தாதுவிட்டால் மாத்திரமே  இவர்களின் எத்தனங்கள்  முன்னேற வாய்ப்புண்டு. இல்லா விட்டால் பாராளுமன்றத்தில் பெரமுன சாதாரண பெரும்பான்மையை இலகுவில் பெற நேரிடும்

சிறுபான்மைக் கட்சிகளைப் பொறுத்தவரை குறிப்பாக புதிய ஜனநாயக முன்னணியிலுள்ள தமிழ், முஸ்லிம்
தனித்துவ தலைமைகளுக்கு இம்முறை நடைபெறவுள்ள தேர்தல், வௌியேறப்போகும் இறுதி மூச்சை தடுத்து நிறுத்துவதற்கான வாழ்க்கைப் போராட்டமாகவே இருக்கப்போகிறது. புதிய ஜனாதிபதியின் உரையும் அவர் பதவியேற்ற ருவன்வெலிசாய இடமும் இரு தேசிய இனங்களுக்கான கௌரவப் பார்வைகளாவே பார்க்கப் படுகின்றன. தமிழ் மன்னனான எல்லாளனை வீழ்த்தி வெற்றிக்கொடி நாட்டிய துட்டகைமுனுவின் பெருமைகள் பொதிந்த இடத்தில் பதவியேற்பு நிகழ்ந்தமை திராவிட, ஆரிய இனங்களுக்கான அதிகாரச் சமர்களின் சிந்தனைத் தொடர்ச்சியாகக் கருதப்பட இடமளிக்கப்படக் கூடாது. அவ்வாறு இடமளிப்பது வடக்குச் சித்தாந்தத்தையும் தென்னிலங்கைச் சித்தாந்தத்தையும் மேலும் துருவப்படுத்தவே செய்யும். இந்நிலைமைகளிலிருந்து மீள்வதற்கான வழிகளை இரு தலைமைகளும் கண்டறிவதனூடாகத்தான் ஐக்கிய இலங்கை என்ற கோட்பாட்டுக்கு உயிரூட்ட முடியும். இல்லாவிட்டால் பேச்சளவில் இக்கோட்பாடு கிடப்பில் கிடக்க,வடக்குத் தெற்கு வேற்றுமைவாதம் ஒவ்வொரு தேர்தல்களிலும் உணர்வு ரீதியாக வௌிப்படுவதைத் தவிர்க்க முடியாது. எனினும் இவ்வேற்றுமைவாதங்களை,இருதரப்பும் அரசியல் பிழைப்புக்கான மூலதனமாகப் பாவிக்க விரும்புவதே எமது நாட்டுக்குப் பிடித்த தீராத நோயாகியுள்ளது.

உண்மையில் தமிழர் தரப்பு நியாயங்களைப் புரிய மறுக்கின்ற தென்னிலங்கைச் சித்தாந்தவாதிகள் ஒன்றைப் புரிந்து கொண்டால் போதுமானது.வடக்கின் நியாயங்கள் புரிந்து கொள்ளப்படாததால் யுத்தமொன்றுக்கே செல்ல நேரிட்டது. இந்த யுத்தத்தில் பாரியஇழப்புக்களுக்கு முகம் கொடுக்க நேர்ந்த சமூகத்திற்கு தனிஈழம் இல்லாவிடினும் தனி சம அதிகாரம் வழங்குவதிலுள்ள சமரசங்களைப் புரிவதே போதுமானது. புரியும்படியும், நம்பும்படியும் தமிழ் தலைமைகள் நடந்து கொள்ளவில் லையே,என்ற கேள்வியை எழுப்பிவிடாதீர். ஏனெனில் இந்த நம்பிக்கைகளில்தான் தமிழர் அரசியல் வாழ்வின் ஐம்பதாண்டு காலம் கடந்துவிட்டது. இனிவரும் காலங்களை வாய்த்தர்க்கம்,  வாக்குவாதங்களில், ஏட்டிக்கு போட்டியாக  கடத்தாது பொருத்தப்பாடு, இணக்கப்பாடு, பொதுமைப்பாட்டு  அரசியலுக்கு அழைத்துச் செல்வதே பொருத்தமாக இருக்கும்.

 'போர்க்குற்றச்சாட் டுள்ளவர் ஜனாதிபதியானாலும் சர்வதேசத்தில் விடமாட்டோம்'  எனக் கர்ஜிக்கும் தமிழ் தேசிய கூட்டமைப்பின் சர்வதேச பலத்தை எவரும் அறியாமலில்லை. இவ்வாறான கர்ஜிப்புக்கள் பொதுத் தேர்தலுக்கான உசுப்பேற்றல்களே என்பது ராஜபக்‌ஷக்களுக்குத் தெரியாமலுமில்லை.இந்த உசுப்பேற்றலில் அதிக ஆசனத்தைப் பெற்று பாராளுமன்றத்தில் ராஜபக்‌ஷ அரசைப் பேரம்பேசம்பேசலுக்கு அழைப்பதுதான் இவர்களின்  திட்டம்.

ஆனால் இதுவல்ல பிரச்சினை.இவ்வாறான கர்ஜிப்புக்கள் தென்னிலங்கையை,விழிப்பூட்டி திராவிடத் தமிழர்களை விரோதிகளாக நோக்கும் நிலைமைகளை ஏற்படுத்தும். இந்நிலைமைகள் தமிழர்களுக்கு சம அதிகாரப்பங்கீடு வழங்குவதை ராஜபக்‌ஷக்கள் விரும்பினாலும் தென்னிலங்கையே எதிர்க்கும் அபாயச்சூழலையே  ஏற்படுத்தும். தமிழ் தரப்பு அரசியல்வாதிகள் இது பற்றிச்சிந்திப்பதே சிறந்தது.

மறுபுறம் முஸ்லிம் தரப்புக்கள் என்ன செய்யப் போகின்றன?. சஜித்பிரேமதாசவை வேட்பாளராக்கும் முதற்போடுகாயைத் தானே எறிந்ததாக தோள்  நிமிர்த்திய ஶ்ரீலங்கா முஸ்லிம் காங்கிரஸ் தலைமையின் கலகெதர கோட்டையே கைநழுவிப் போயுள்ள விபரீதம் தலைமையை சற்று அளவுக்கதிகமாக உஷாரக்கியுள்ளது.
தோல்வியில் சளைக்காத மு. கா தலைமை இம்முறை அதிரடி வேகத்தில் இறங்கியிருப்பது ராஜபக்ஷக்களின் இன ஓர்மை அரசியலுக்கான பதிலீட்டுக்காய்களை நகர்த்துவதற்கான வியூகமாகவே பார்க்கப்படுகின்றது

வெற்றி பெருமிதத்தில் தேசிய காங்கிரஸ் திளைத்திருக்க, இந்த அலைகளுக்குள் அலையும் வாக்காளர்கள் திசை திரும்பினால் தனித்துவ    காங்கிரஸ்களின்  இருப்புக்கள் சவாலா குமா?இத்தனைக்கும் அகில இலங்கை மக்கள் காங்கிரஸும் அம்பாரையில் தனித்துக் களமிறங்கும் களப் பரீட்சையில் இறங்கவுள்ளதாம்.சமூக சவால்களை எதிர்கொள்ள ஓரணியில் திரண்டு புனித உம்ராவுக்கும் சென்று வந்த தலைமைகள்  பொதுத் தேர்தலில் நாடளாவிய ரீதியில்  பிரிந்து போட்டியிடுமானால் கடந்த காலத்தில் ஏற்பட்ட ஒற்றுமையை தேசிய காங்கிரஸ் கேள்விக்குறியாக்கலாம்.  இக் கேள்விகளை  கிளறிவிட்டுக் காய்பறிக்க காத்திருக்கும் தேசிய காங்கிரஸுக்கு கனிகள் கொடுப்பது போன்றே இச்செயற்பாடுகள் அமைந்து விடலாம். எதைச் சொல்லி இத் தலைமைகள் எதிர்கால  வியூகங்களை  நிலைப்படுத்துவர்.

ஆதரவளித்த வேட்பாளரும் தோற்றாயிற்று.எதிர்க்கட்சியில் இருப்பதாகவும் தீர்மானித்தாயிற்று.வாக்காளர்களை உணர்ச்சியூட்ட  உள்ள வழியென்ன?தனித்துவமா?தனி அலகா?நிர்வாக மாவட்டமா? இவற்றில் எதை எதை எடுத்தாலும் தென்னிலங்கையில் ராஜபக்‌ஷக்களின் கோட்டைகள் தலை நிமிரவுள்ள யதார்த்தத்தில் எதைக்கோருவது?.
அண்மைய தேர்தலில் சமூக உரிமை பற்றி அடக்கி வாசித்த இத் தலைமைகள், ராஜபக்ஷக்களை வீழ்த்துவதற்கான அர்சியல் சமரில் சறுக்கினாலும் அடுத்த வாய்ப்புக்கு வழி திறக்கும் வகையில் பிரச்சாரங்களை முடுக்கி  விடும்.

இத்தனைக்கும்   பாராளுமன்றத்தில் பலத்தை நிரூபித்து பேரம்பேசலில் ஜனாதிபதியைப் பணிய வைப்போம் என்று சொல்வதற்கு ஐக்கிய தேசியக் கட்சிபிளவு படாமல் ஒற்றுமையாய் பயணிப்பதிலேயே அனைத்தும் தங்கியுள்ளது.

Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

  பெட்ரோலுக்கு விலை கூடுகிற‌தா?  பொருட்க‌ளுக்கு விலை கூடுகிற‌தா? இது ப‌ற்றி முஸ்லிம்க‌ள் அல‌ட்டிக்கொள்ள‌த்தேவையில்லை. ஏனென்றால் இந்த‌ நாட்டின் 2 கோடி ம‌க்க‌ளில் ஒன்ன‌ரைக்கோடி ம‌க்க‌ள் சிங்க‌ள‌ ம‌க்க‌ள். பெற்றோலுக்கு விலை கூடினால் , பொருள்க‌ளுக்கு விலை கூடினால்  அது தாக்க‌ம் முத‌லில் சிங்க‌ள‌ ம‌க்க‌ளுக்குத்தான்.  அத‌ற்கு அடுத்துதான் சிறுபான்மை ம‌க்க‌ளைத்தாக்கும். ஒன்ன‌ரைக்கோடி பெரிதா? 50 ல‌ட்ச‌ம் பெரிதா? இந்த‌ அர‌சாங்க‌ம் 100க்கு 99.5 சிங்க‌ள‌ ம‌க்க‌ளால் கொண்டு வ‌ர‌ப்ப‌ட்ட‌ அர‌சாங்க‌ம். பெட்ரோல், பொருட்க‌ள் விலை அதிக‌ரித்தால் அவ‌ர்க‌ள் பார்த்துக்கொள்வார்க‌ள். நாம் த‌லையை ஓட்டுவ‌தால் எந்த‌ ந‌ன்மையும் கிடைக்க‌ப்போவதில்லை. முடியுமாயின் பெட்ரோல், பொருட்க‌ள் விலை அதிக‌ரிப்பு ப‌ற்றி முஸ்லிம்க‌ள் ஓட்டுப்போட்ட‌ முஸ்லிம் க‌ட்சிக‌ளின் உறுப்பின‌ர்க‌ளை பாராளும‌ன்ற‌த்தில், ஊட‌க‌ங்க‌ளில் பேச‌ சொல்லுங்க‌ள்.  அவ‌ர்க‌ளே பேசாம‌டந்தையாக‌ இருக்கும் போது முஸ்லிம்க‌ள் ஏன் அல‌ட்டிக்கொள்ள‌ வேண்டும்? பொருட்க‌ள் விலை கூடுத‌ல் பெரிய‌ விட‌ய‌மா? த‌ம‌க்கென்ற‌ நாட்டை பாதுகாப்ப‌து முக்கிய‌மா என்ப‌து பெரும்பாலான‌ சிங்க

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய