பொதுபலசேனா அமைப்பின் பொதுச் செயலாளர் ஞானசார தேரருக்கு பாராளுமன்ற உறுப்பினர் பதவியை விட்டுக் கொடுக்க முடியாது பாராளுமன்ற உறுப்பினர் அத்துரலியே ரத்ன தேரர் தெளிவாக குறிப்பிட்டுள்ளார் . இவ்விடயத்தில் கட்சி மட்டத்தில் எவ்வித தீர்மானத்தையும் எடுக்க முடியாது . ஞானசார தேரரும் , அத்துரலிய ரத்ன தேரரும் ஒரு தேசியப்பட்டியல் ஆசனத்திற்காக செய்துகொண்ட ஒப்பந்தங்கள் ஏதும் கட்சிக்கு தெரியாது என அபே ஜனபல வேகய கட்சியின் தலைவர் சமன் பெரேரா தெரிவித்தார் . அபேஜன வேகய கட்சிக்கு கிடைக்கப்பெற்ற ஒரு தேசியப்பட்டியல் ஆசனம் குறித்து எழுங்துள்ள முரண்பாடு குறித்து ஊடகங்களுக்கு கருத்துரைக்கையில் மேற்கண்டவாறு குறிப்பிட்டார் . அவர் மேலும் குறிப்பிடுகையில் , கடந்த வருடம் இடம்பெற்ற பொதுத் தேர்தலில் அபேஜனபல வேகய கட்சிக்கு கிடைக்கப்பெற்ற மொத்த வாக்குகளுக்கு ஒரு தேசியப்பட்டியல் ஆசனம் ஒதுக்கப்பட்டது . அமைய இந்த ஆசனத்திற்கு அபேஜன பல வேகய கட்சியின் முன்னாள் பொதுச் செயலாளர் விமல் திஸ்ஸ தேரர் , அபே ஜன பல கட்சியின் வேட்பாளர்களான தற்போதைய பாராளுமன்ற உறுப்பினர் அத்துரலியே ரத்ன தேரர் , பொதுபல சேனா அமைப்பின் பொதுச் செயலாளர் ஞானசார த
கல்வி, கலாசாரம், போஷாக்கு, அபிவிருத்தி என்பவற்றில் வலுப்பெற்ற தமிழ் சமூகத்தை சர்வதேச ரீதியில் உருவாக்க வேண்டும் என தாயக ஜனநாயக கட்சியின் பதில் தலைவர் நிர்மலன் குறிப்பிட்டார்.
இன்று கொழும்பு நடாவில் நடைபெற்ற மேற்படி கட்சியின் ஊடக மாநாட்டில் குறிப்பிட்டதாவது,
வடக்கு கிழக்கை மையப்படுத்திய எமது கட்சிக்கு 7 சர்வதேச நாடுகளில் தொடர்புகள் இருக்கின்றன எனவும் எம்முடன் வடக்கு கிழக்கின் கல்வியலாளர்கள் இருக்கின்றனர் எனவும் அவர் குறிப்பிட்டார். இவர்கள் மூலம் எமது கட்சியை பலப்படுத்தி தமிழ் மக்களுக்கு சேவை செய்வதே நோக்கமாகும் எனவும் தெரிவித்தார்.
100 வீதம் தமிழர்களைக்கொண்ட எமது கட்சி எதிர்வரும் தேர்தல்களில் போட்டியிடும் எனவும் தெரிவித்தார்.
-அல்ஜஸீறாலங்கா செய்தியாளர் முர்ஷித்
Comments
Post a Comment