Skip to main content

புத்தாண்டில் ஏனைய சமூகத்துடன் நல்லிணக்கம் பேணி வாழ்வோம் - மத்திய கொழும்பு அமைப்பாளர் ஏ.எல்.எம். உவைஸ்



( ஐ. ஏ. காதிர் கான் )

   ஹிஜ்ரி 1440 இஸ்லாமியப் புத்தாண்டு மறைந்து, ஹிஜ்ரி 1441 புத்தாண்டு உதித்துள்ள இச்சந்தர்ப்பத்தில்  முஸ்லிம்களின் விடியலுக்காக, இன்றைய நன் நாளில் இரு கரமேந்தி  இறைவனிடம் இறைஞ்சுவோமாக என, முன்னாள் மத்திய மாகாண சபை உறுப்பினரும், மத்திய கொழும்பு (ஸ்ரீல.பொ.பெ.) அமைப்பாளருமான அல் ஹாஜ் ஏ.எல்.எம். உவைஸ், அவரது புத்தாண்டு வாழ்த்துச் செய்தியில் தெரிவித்துள்ளார்.
   அந்த வாழ்த்துச் செய்தியில் அவர் மேலும் குறிப்பிட்டுள்ளதாவது,
   முஸ்லிம்கள் பழைய ஹிஜ்ரி ஆண்டில், இக்கட்டான பல தடைகளையும் தாண்டி, புதிய ஆண்டில் காலடி எடுத்து வைத்துள்ளார்கள். பல சவால்களுக்கும் முகம் கொடுத்த நாம், அல்லாஹ்வின் அருளால் புதிய ஆண்டில் வீற்றிருக்கின்றோம்.
   பிறந்துள்ள ஹிஜ்ரி ஆண்டில் நாம் மிகப் பொறுப்புடனும் பொருமையுடனும் நடந்து கொள்ள வேண்டும். இது இன்றைய காலத்தின் அவசியத் தேவையாக உள்ளது.
   இஸ்லாமிய வருட ஆரம்பத்தில் நாம் மாற வேண்டும். நம்மைச் சூழ உள்ளவர்களை மாற்ற வேண்டும் என்ற சிந்தனை நம்மிடையே வரவேண்டும்.
   இந்த வாழ்வை ஒழுங்குபடுத்த இரண்டு விடயங்களை நாம் அவசியம் உணர வேண்டும். ஒன்று, தீயவைகளைத் திட்டமிட்டு விட்டு விடுதல். இரண்டு, நல்லவைகளை ஒழுங்குபடுத்தி செய்ய முயற்சித்தல். இதற்கான சிறந்த காலமே, மலர்ந்துள்ள புத்தாண்டாகும்.
   ஆன்மீகம், தஃவா, அறிவு, பொருளாதாரம், பண்பாடு, உடல் ஆரோக்கியம், தொழில், அரசியல், குடும்ப விவகாரம், சமூக உறவுகள் போன்றவற்றில் நம்மை நாமே சென்ற வருடத்தோடு ஒப்பிட்டு சுய விசாரணை செய்து கொள்வதோடு, இப்புதிய வருடத்துக்காக நமது வாழ்வைத் திட்டமிட்டு ஒழுங்குபடுத்திக் கொள்ள  முயற்சிக்க வேண்டும்.
    மலர்ந்துள்ள இஸ்லாமியப் புத்தாண்டை ஆழமாகத் திட்டமிட்டு அழகாகப் பயன்படுத்த முயற்சிப்போம். ஏனையோருக்கும் எப்பொழுதும் முன்மாதிரியாகத் திகழ்வோம்.
   ஹிஜ்ரி 1440 ஆம் ஆண்டில் நமது சமூகத்தினர் சிலரால் நாட்டில் நிகழ்ந்த அசம்பாவித செயலுக்கு மனம் வருந்தி அல்லாஹ்விடம் வருந்தி மன்னிப்புக் கோரி, ஹிஜ்ரி 1441 ஆம் ஆண்டை மன மகிழ்வோடு வரவேற்று, நமது நாட்டில் சமாதானத்தையும், சுபீட்சத்தையும் நிலைநாட்ட ஒன்றுபடுவோம்.
அத்துடன், இந்நாட்டில் இன நல்லுறவு மென்மேலும் வலுப்பெறவும், எல்லாம் வல்ல அல்லாஹ்விடம் இரு கரமேந்திப் பிரார்த்திப்போம்.
   இலங்கை நாட்டில் வதியும் முஸ்லிம்களாகிய நாமும் எமது தனித்துவமும், இஸ்லாமிய - குர்ஆன் கோட்பாடு, நபி வழிகளையும் விட்டு விடாது ஏனைய  சமூகத்துடன் சகஜமான முறையில் நல்லிணக்கம் பேணி வாழ்வதை இஸ்லாம் வலியுறுத்துகிறது.
   எனவே, முஹர்ரம் எமது புது வருட ஆரம்பம் என்பதைக் கருத்திற்கொள்வோம். எமது வாழ்வில் இடம்பெறும் பிழைகளை, மார்க்க ரீதியாகச் சிந்தித்துச் சீர் திருத்தம் கண்டு, மார்க்கத்துக்கு முரணாகாத வாழ்வைப் பின்பற்றிச் செயற்பட திட சங்கற்பம் பூணுவோம். எமது உலக வாழ்வின் தேவைகளை நிறைவேற்றிக் கொள்ளும் நேரிய வழிகளைப் பேணவும், 1441 இஸ்லாமியப் புத்தாண்டில்  சிந்திப்போம்! செயற்படுவோம்!!

( ஐ. ஏ. காதிர் கான் )

Comments

Popular posts from this blog

அதாவுல்லாவை புக‌ழும் ஹ‌ரீஸ்

ஒவ்வொரு நிமிடமும் நம்மை நோக்கி எறிகணைகள் வந்த வண்ணமே இருக்கிறது. நாங்கள் ஒற்றுமைப்பட்டு இனி செயலாற்ற முன்வர வேண்டும். அம்பாறை மாவட்டத்தில் உள்ள சகல அரசியல் கட்சி முக்கியஸ்தர்களும் ஒன்றிணைந்து எதிர்வரும் பொதுத்தேர்தலை சந்தித்து நாங்கள் ஒற்றுமையாக வாக்களித்தால் அம்பாறை மாவட்டத்தில் இருந்து ஐந்து முஸ்லிம் பாராளுமன்ற உறுப்பினர்கள் தெரிவாவார்கள் என ஸ்ரீலங்கா முஸ்லிம் காங்கிரஸின் பிரதித்தலைவரும் முன்னாள் இராஜாங்க அமைச்சருமான சட்டத்தரணி  எச்.எம்.எம்.ஹரீஸ் தெரிவித்தார்.  தொடர்ந்தும் அங்கு பேசும் போது, கல்முனை பிரதேச விவகாரம் பற்றிய பிரதமருடனான கலந்துரையாடலுக்கு குறித்த தொகுதியின் மக்கள் பிரதிநிதியாகிய எனக்கு எவ்வித அழைப்புக்களும் விடுக்கப்பட்டிருக்க வில்லை. நான் நேரடியாக பிரதமர் மஹிந்தவை சந்தித்து மக்களின் பிரச்சினையை பற்றி தெளிவாக விளக்கியவுடன் அன்று மாலை என்னையும் கூட்டத்தில் கலந்துகொள்ளுமாறும் அதற்கான ஏற்பாடுகளை தான் செய்வதாகவும் வாக்குறுதியளித்தார். அதன் பிரகாரமே நான் அக்கூட்டத்திற்க்கு சென்று வரவேற்பறையில் காத்திருந்தேன். அங்கு கலந்து கொண்டிருந்த முக்கிய பிரமுகர்கள் பலரும் அதிருப்

Sri Lanka COSMI Founder President appointed to London’s Peace Institute

The Founder President of Sri Lanka’s  Confederation of Micro, Small and Medium Industries (COSMI) has been appointed as the Co-Chairperson of the   London based Global Peace Institute (GPI)   which conducts interdisciplinary research in several thematic fields including international relations and politics. By this high profile appointment made on 15 January, GPI seeks COSMI  Founder President Nawaz Rajabdeen’s  contributions to improve its training and research efforts. GPI is a think tank run by the UK based Global Peace Ins. (GPI) CIC, an independent non-profit, non-governmental organization. GPI works for global peace and resilience through peace education, dialogue, training, creating awareness and research. COSMI  Founder President Rajabdeen, as an honorary member, is also tasked by GPI to  promote its programs, add value to research work, and also will be required to attend various GPI events. “I am thankful to GPI for enlisting me for their ongoing and vast efforts” sa

மைத்திரிபால ஒரு புத்திஜீவியாகவோ, அறிஞராகவோ அவருடைய ஆட்சிக் காலத்தில் செயற்படவில்லை.

சிறுபான்மையினரின் வாக்குகளே பிரதமர் யார் என்பதை தீர்மானிக்கும் ! சஜீத் − ரணில் பிரச்சினை கூட்டனிக்கு பாதிப்பில்லை !! நான் நிரபராதி என்பதை சிங்கள மக்கள் உணர்வர் !!! ஆட்சியில் இணையுமாறு அழைப்பு வந்தால் தீர்மானிக்கலாம் !!!! அகில இலங்கை மக்கள் காங்கிரஸ் தேசியத் தலைவர் ரிஷாத் பதியுதீன் பி.பி.சிக்கு பரபரப்பு பேட்டி.... அப் பேட்டியில் அவர் மேலும் தெரிவித்துள்ளதாவது...; கேள்வி: தற்போது நாடாளுமன்றத்தில் அங்கம் வகிக்கும் முஸ்லிம் தலைவர்களை தமது அரசாங்கத்தில் சேர்த்துக் கொள்வதில்லை என்றுகூறி ஆளுந்தரப்பு நிராகரித்திருப்பது பற்றி என்ன நினைக்கிறீர்கள்? பதில்: ஆளுங்கட்சியில்தான் இருக்க வேண்டும் என்கிற நிலைப்பாட்டுடன் நாம் அரசியல் செய்யவில்லை. கடந்த ஜனாதிபதி தேர்தலில் கோட்டாபய ராஜபக்ஷவுக்கு கிடைத்த 69 லட்சம் வாக்குகளை எதிர்வரும் பொதுத் தேர்தலில் மஹிந்த ராஜபக்ஷ அணியினர் ஒட்டுமொத்தமாகப் பெற்றாலும், அவற்றினைக் கொண்டு நாடாளுமன்றத்திலுள்ள 225 ஆசனங்களில் 105 ஆசனங்களை மட்டுமே கைப்பற்ற முடியும். அதேவேளை, எதிர்த்தரப்பினருக்கு 119 ஆசனங்கள் கிடைக்கும். எனவே, எதிர்வரும் பொதுத் தேர்தல் சவ