Skip to main content

சுவிஸில் மிகச்சிறப்பாக நடைபெற்ற, "புளொட்" அமைப்பின் வீரமக்கள் தின நிகழ்வு



தமிழீழ மக்கள் விடுதலைக் கழகம் (புளொட்) மற்றும் அதன் அரசியல் பிரிவான ஜனநாயக மக்கள் விடுதலை முன்னணி (டிபிஎல்எப்) ஆகியவற்றின் ஐரோப்பிய ஒன்றியம் சார்பாக, இன்றையதினம் 04.08.2019 ஞாயிற்றுக்கிழமை, 4552 Derendingen. எனுமிடத்தில், "சுவிஸ் வீரமக்கள் தின" நிகழ்வு எளிமையான முறையில் மிகச்சிறப்பாக நடைபெற்றது.

"சுவிஸ் வீரமக்கள் தின" நிகழ்வு சுவிஸ்ரஞ்சன் அவர்களின் தலைமையில் நடைபெற்றது. மேற்படி நிகழ்வில், பொதுச்சுடர், ஈகைச்சுடர் ஏற்றல் நிகழ்வுடன், மலரஞ்சலி, மௌனஅஞ்சலி போன்ற நிகழ்வுடன், வரவேற்பு உரையும்,சகோதர கட்சிகளின் பேச்சாளர்கள் மற்றும் சான்றோர் உரை, நன்றியுரை போன்றனவும் மிகநேர்த்தியாக நடைபெற்று, மதிய போசனத்துடன் நிகழ்வு சிறப்பாக நடைபெற்றது.

ஆரம்ப நிகழ்வாக தலைமையுரையாற்றிய, சுவிஸ்ரஞ்சன் அவர்கள் "புளொட் அமைப்பானது, வருடாவருடம் சுவிஸில் மிகப் பிரமாண்டமான முறையில் "வீரமக்கள் தினத்தை"  நடத்தி வருவது அனைவருக்கும் தெரிந்ததே. ஆயினும் இம்முறை வவுனியாவில் ஜூலை மாதம் நடைபெற்ற கழக மகாநாட்டை கருத்தில் கொண்டு, செப்டெம்பர் மாதமளவில் "வீரமக்கள் தினத்தை" நடத்துவதென தீர்மானித்து இருந்தோம். ஆயினும் வீரமக்கள் தினமானது, குறிப்பிட்ட ஒருமாத காலத்துக்குள் நடத்தப்பட வேண்டுமென, கழக தலைமையின் அறிவுறுத்தலுக்கு அமைய மேற்படி நிகழ்வை உடன் நடாத்தி உள்ளோம்".

"தற்போது விடுமுறை காலம் என்பதினால் பல தோழர்கள் சுவிஸில் இல்லாத சூழ்நிலையிலும், குறுகியகால எமது அழைப்பை ஏற்றும், நாம் எதிர்பார்க்காத வகையில் மண்டபம் நிறைந்த மக்கள் வந்து உள்ளது எமக்கு மனமகிழ்வை தருகிறது, அதிலும் சுவிஸில் உள்ள கழகத் தோழர்களுடன், ஏனைய தமிழ் அமைப்புகளின் பிரதிநிதிகளும், கழக ஆதரவாளர்களும், பொதுமக்களும் கலந்து கொண்டது அனைவரின் உணர்வையும் வெளிப்படுத்துவதாகவும், அடுத்த வருடம் வழமை போல் முன்கூட்டியே அறிவித்து, கலைநிகழ்வுடன் பிரமாண்டமாக நடத்துவோம்" எனவும் தெரிவித்தார்.

இதனைத் தொடர்ந்து முதல் நிகழ்வாக, "பொதுச்சுடரினை" புளொட் அமைப்பின் மட்டுநகர் முக்கியஸ்தர்களில் ஒருவராக இருந்து, தற்போது சுவிஸில் வாழும் தோழர்.சித்தா அவர்கள் ஏற்றி வைத்தார். இதனைத் தொடர்ந்து அனைத்து அமைப்புகளின் சார்பான ஈகைச்சுடர்களை ரெலோ அமைப்பின் தோழர் விமல், புலிகளின் தீவிர ஆதரவாளரான திரு.சுதர்ஷன், ஈ.பி.டி.பி அமைப்பின் தோழர்.யசி, பொது அமைப்புகளின் சார்பில் திரு.பொலிகை ஜெயா ஆகியோர் ஏற்றி வைத்தனர்.

இதனைத் தொடந்து "விடுதலைப் போராட்டத்தில் மரணித்த அனைத்துக் கழகத் தோழர்கள், அனைத்து அமைப்புகளின் போராளிகள், பொதுமக்களுக்கான அஞ்சலி நிகழ்வாக" கலந்து கொண்ட அனைத்து மக்களினாலும் சுடரேற்றப்பட்டதுடன், மலரஞ்சலியும் செலுத்தப்பட்டது. இந்நிகழ்வினைத் தொடர்ந்து அனைவரினாலும் இருநிமிட மௌன அஞ்சலியுடன் உரை நிகழ்வு ஆரம்பமாகியது.

முதலாவதாக புளொட் தலைவரும், பாராளுமன்ற உறுப்பினருமான திரு.சித்தார்த்தன் அவர்களின் அறிக்கையினையை, சுவிஸ்ரஞ்சன் அவர்கள் வாசித்தார். மேற்படி அறிக்கையில், "தற்போதைய நாட்டின் சூழ்நிலைகளின் யதார்த்த சூழ்நிலை குறித்தும், எதிர்கால செயல்பாடு குறித்தும், வீரமக்கள் தின நிகழ்வின் அவசியம் குறித்தும்" விரிவாகத் தெரிவிக்கப்பட்டு இருந்தது. 

இதனைத் தொடர்ந்து தமிழீழ மக்கள் விடுதலைக் கழகத்தின் (புளொட்) ஐரோப்பிய ஒன்றியம் சார்பாக நோர்வேயில் இருந்து "நோர்வே ராஜன்" அவர்கள் தொலைபேசி மூலம் கருத்துத் தெரிவித்து இருந்தார். அவரது கருத்தில் "அனைத்து தமிழ் அமைப்புகளும் இணைந்து குறிப்பிட்ட ஏதாவது நாளொன்றை எடுத்து, அத்திகதியில் அனைவருக்குமான நினைவு தினத்தைக் கொண்டாடுவதே சிறப்பென எமது தலைவர் சித்தார்த்தர் அவர்கள் தெரிவித்து உள்ளார். இதுகுறித்து அனைத்து மக்களும் சிந்திக்க வேண்டுமெனவும் குறிப்பட்டதுடன், இம்முறை வீரமக்கள் தினத்தை முன்னிட்டு யாழ்ப்பாணம், மட்டுநகர், அம்பாறை, மலையகம் என்று பல பகுதிகளையும் உள்ளடக்கி "புளொட் ஐரோப்பிய ஒன்றியம்" சார்பாக கவிதை போட்டி நிகழ்வு நடத்தியது குறித்தும் அவர்களுக்கான பரிசில்கள் குறித்தும்" விபரித்தார்.

இதனைத் தொடர்ந்து பொது அமைப்புகளின் சார்பில், கம்யூனிஸ்ட்வாதியும், பேச்சாளருமான திரு.பொலிகை ஜெயா அவர்கள் உரையாற்றுகையில் "இவ்வீரமக்கள் தின நிகழ்வை எளிமையாகவும், மிக நேர்த்தியாகவும் சிறப்பான முறையில் நடத்துவது நன்றாக உள்ளதெனவும், அதேவேளை அனைத்து அமைப்புகளும் பொதுநோக்கின் அடிப்படையில் ஒரேகுடையின் கீழ் இணைந்து செயல்பட வேண்டுமெனவும்", பல தத்துவார்த்தக் கருத்துக்களுடன் உரையாற்றி இருந்தார்.

இதனைத் தொடர்ந்து புளொட் அமைப்பின் சுவிஸ் கிளையை ஆரம்பித்தவர்களில் ஒருவரும், பின்னர் ஒருவருடமாக "மனிதம்" செயற்பாட்டாளராக இருந்தவரும் தற்போது சுவிஸ் நாட்டின் அரசியல் கட்சிகளில் ஒன்றான "சோசலிஷக் கடசியின்" சொலோத்தூண் மாநில செயற்பாட்டாளர்களில் ஒருவராக உள்ள திரு.சுதாகரன் உரையாற்றி இருந்தார்.

அவர் தனதுரையில் "தனக்கு சரியென்றுபடுவதை நேரடியாக சொல்வதினாலேயே பலரும் தன்னை விரோதியாக பார்ப்பதாகவும், அப்படிப் பார்க்கும் சிலரின் தவறான பிரச்சாரங்களே தமக்கு ஆதரவைக் கூட்டித் தந்ததாகவும், ஆரம்பத்தில் புளொட் சுவிஸ்கிளையை ஆரம்பித்த போதும், அதில் ஏற்பட்ட கருத்து முரண்பாட்டினால் அதில் இருந்து வெளியேறி "மனிதம்" அமைப்பை உருவாக்கிய போதிலும், அங்கும் ஏற்பட்ட கருத்து முரண்பாட்டினால் எனது கருத்தை நேரடியாக சொல்ல முடியாத சூழ்நிலையில் அதிலிருந்தும் வெளியேறினேன். 

நான் சென்ற வருடம் ரெலோவின் அஞ்சலி நிகழ்வில் கலந்து கொண்டேன், இன்று புளொட் அமைப்பின் அஞ்சலி நிகழ்வில் கலந்து கொண்டுள்ளேன். இன்று ஓரளவாது ஜனநாயக சூழ்நிலை தோன்றி இதுபோன்ற அஞ்சலி நிகழ்வுகளில் கலந்து கொள்ளக் கூடியதாக உள்ளது. இதேவேளை புளொட் தலைவர் சித்தார்த்தன் அவர்களின் அறிக்கையில் யதார்த்தமான உண்மை நிலைகளை பகிரங்கத்தில் தெரிவித்து உள்ளார் என்பதும் பாராட்டுக்குரியது" எனவும் தெரிவித்தார்.

இதனைத் தொடர்ந்து ரெலோ அமைப்பின் சார்பில் தோழர்.ஞானம் அவர்கள் கருத்துத் தெரிவிக்கையில் "தனது கடந்த கால ரெலோ,  புளொட் உறவுகள், வாழ்க்கைகள் குறித்தும் விபரித்ததுடன், யதார்த்த சூழ்நிலைகள் குறித்தும்" விபரித்தார்.

இதனைத் தொடர்ந்து நன்றியுரையுடன், மதிய போசனத்துடன் நிகழ்வுகள் இனிதே நிறைவு பெற்றது. 

Comments

Popular posts from this blog

அதாவுல்லாவை புக‌ழும் ஹ‌ரீஸ்

ஒவ்வொரு நிமிடமும் நம்மை நோக்கி எறிகணைகள் வந்த வண்ணமே இருக்கிறது. நாங்கள் ஒற்றுமைப்பட்டு இனி செயலாற்ற முன்வர வேண்டும். அம்பாறை மாவட்டத்தில் உள்ள சகல அரசியல் கட்சி முக்கியஸ்தர்களும் ஒன்றிணைந்து எதிர்வரும் பொதுத்தேர்தலை சந்தித்து நாங்கள் ஒற்றுமையாக வாக்களித்தால் அம்பாறை மாவட்டத்தில் இருந்து ஐந்து முஸ்லிம் பாராளுமன்ற உறுப்பினர்கள் தெரிவாவார்கள் என ஸ்ரீலங்கா முஸ்லிம் காங்கிரஸின் பிரதித்தலைவரும் முன்னாள் இராஜாங்க அமைச்சருமான சட்டத்தரணி  எச்.எம்.எம்.ஹரீஸ் தெரிவித்தார்.  தொடர்ந்தும் அங்கு பேசும் போது, கல்முனை பிரதேச விவகாரம் பற்றிய பிரதமருடனான கலந்துரையாடலுக்கு குறித்த தொகுதியின் மக்கள் பிரதிநிதியாகிய எனக்கு எவ்வித அழைப்புக்களும் விடுக்கப்பட்டிருக்க வில்லை. நான் நேரடியாக பிரதமர் மஹிந்தவை சந்தித்து மக்களின் பிரச்சினையை பற்றி தெளிவாக விளக்கியவுடன் அன்று மாலை என்னையும் கூட்டத்தில் கலந்துகொள்ளுமாறும் அதற்கான ஏற்பாடுகளை தான் செய்வதாகவும் வாக்குறுதியளித்தார். அதன் பிரகாரமே நான் அக்கூட்டத்திற்க்கு சென்று வரவேற்பறையில் காத்திருந்தேன். அங்கு கலந்து கொண்டிருந்த முக்கிய பிரமுகர்கள் பலரும் அதிருப்

Sri Lanka COSMI Founder President appointed to London’s Peace Institute

The Founder President of Sri Lanka’s  Confederation of Micro, Small and Medium Industries (COSMI) has been appointed as the Co-Chairperson of the   London based Global Peace Institute (GPI)   which conducts interdisciplinary research in several thematic fields including international relations and politics. By this high profile appointment made on 15 January, GPI seeks COSMI  Founder President Nawaz Rajabdeen’s  contributions to improve its training and research efforts. GPI is a think tank run by the UK based Global Peace Ins. (GPI) CIC, an independent non-profit, non-governmental organization. GPI works for global peace and resilience through peace education, dialogue, training, creating awareness and research. COSMI  Founder President Rajabdeen, as an honorary member, is also tasked by GPI to  promote its programs, add value to research work, and also will be required to attend various GPI events. “I am thankful to GPI for enlisting me for their ongoing and vast efforts” sa

மைத்திரிபால ஒரு புத்திஜீவியாகவோ, அறிஞராகவோ அவருடைய ஆட்சிக் காலத்தில் செயற்படவில்லை.

சிறுபான்மையினரின் வாக்குகளே பிரதமர் யார் என்பதை தீர்மானிக்கும் ! சஜீத் − ரணில் பிரச்சினை கூட்டனிக்கு பாதிப்பில்லை !! நான் நிரபராதி என்பதை சிங்கள மக்கள் உணர்வர் !!! ஆட்சியில் இணையுமாறு அழைப்பு வந்தால் தீர்மானிக்கலாம் !!!! அகில இலங்கை மக்கள் காங்கிரஸ் தேசியத் தலைவர் ரிஷாத் பதியுதீன் பி.பி.சிக்கு பரபரப்பு பேட்டி.... அப் பேட்டியில் அவர் மேலும் தெரிவித்துள்ளதாவது...; கேள்வி: தற்போது நாடாளுமன்றத்தில் அங்கம் வகிக்கும் முஸ்லிம் தலைவர்களை தமது அரசாங்கத்தில் சேர்த்துக் கொள்வதில்லை என்றுகூறி ஆளுந்தரப்பு நிராகரித்திருப்பது பற்றி என்ன நினைக்கிறீர்கள்? பதில்: ஆளுங்கட்சியில்தான் இருக்க வேண்டும் என்கிற நிலைப்பாட்டுடன் நாம் அரசியல் செய்யவில்லை. கடந்த ஜனாதிபதி தேர்தலில் கோட்டாபய ராஜபக்ஷவுக்கு கிடைத்த 69 லட்சம் வாக்குகளை எதிர்வரும் பொதுத் தேர்தலில் மஹிந்த ராஜபக்ஷ அணியினர் ஒட்டுமொத்தமாகப் பெற்றாலும், அவற்றினைக் கொண்டு நாடாளுமன்றத்திலுள்ள 225 ஆசனங்களில் 105 ஆசனங்களை மட்டுமே கைப்பற்ற முடியும். அதேவேளை, எதிர்த்தரப்பினருக்கு 119 ஆசனங்கள் கிடைக்கும். எனவே, எதிர்வரும் பொதுத் தேர்தல் சவ