Skip to main content

பெருநாள் வாழ்த்துச் செய்தியில் முன்னாள் அமைச்சர் பைஸர் முஸ்தபா

ரமழானில் பெற்றுக்கொண்ட ஆத்மீகப் பயிற்சியை
சமூக அனுபவங்களுடன் தொடருவோம்
- பெருநாள் வாழ்த்துச் செய்தியில் முன்னாள் அமைச்சர்  பைஸர் முஸ்தபா

( ஐ. ஏ. காதிர் கான் )

   ரமழானில் பெற்றுக்கொண்ட ஆத்மீகப் பயிற்சி மற்றும்  பொறுமை போன்றவற்றை,  நாட்டில் இன்று  ஏற்பட்டுள்ள நிலைமை கருதி தொடர்ந்தும்  பேணுமாறு, முன்னாள் அமைச்சரும் ஸ்ரீல.சு.க. பாராளுமன்ற உறுப்பினருமான ஜனாதிபதி சட்டத்தரணி பைஸர் முஸ்தபா, தனது பெருநாள் வாழ்த்துச் செய்தியில் தெரிவித்துள்ளார். 
   அந்த வாழ்த்துச் செய்தியில் அவர் தொடர்ந்து இவ்வாறு குறிப்பிட்டுள்ளார்.
   இறை திருப்தியை நாடி, புனித ரமழான் முழுவதும் நோன்பு நோற்று, நல்லமல்களில் ஈடுபட்ட முஸ்லிம்களுக்கு நாட்டின் இன்றைய நிலைமை, ஒரு சோதனைக் களமாகவே உள்ளது. இஸ்லாத்தில் இல்லாத ஒரு கோட்பாட்டுக்காக ஒரு சில கொடியவர்கள் செய்த ஈனச் செயல், ஒட்டுமொத்த சமூகத்துக்கும் ஆபத்தை ஏற்படுத்தும் அளவுக்கு விபரீதமாய் உள்ளது.
 முஸ்லிம்களுக்கு எதிரான சில தீய சக்திகள், நாட்டின் இன்றைய சூழலை முஸ்லிம்களுடன் தொடர்புபடுத்த முயற்சிப்பது பெரும் வேதனை அளிக்கின்றது. எனவே, இச்சக்திகளின் தீய சதிக்குள் சிக்காது முஸ்லிம்கள் நிதானமாக நடந்துகொள்ள வேண்டும். 
   எதிர்வரும் காலங்கள் தேர்தல்களை எதிர்நோக்குவதால், இனவாத அரசியல்வாதிகள் சமூக மோதல்களைத் தூண்டி, அரசியல் இலாபம் அடைய சந்தர்ப்பம் பார்த்துள்ளனர். இந்த ஆபத்தான நிலைமைகளை இல்லாது ஒழிக்க முஸ்லிம்களிடம் பொறுமை அவசியம். 
   சாந்தி, சமாதானம், பொறுமை, பணிவு, விட்டுக்கொடுப்பு, மானுட தர்மங்களுக்கு மிகப்பெறுமதியான இடமளித்துள்ள இஸ்லாம் சமூக மோதல்களைத் தூண்டி, மனித அழிவுக்கு வித்திட்டதாக சரித்திரம் இல்லை. ஆகவே, அழிவுகளை ஏற்படுத்தி, ஆட்சி அதிகாரத்தைக் கைப்பற்ற முனையும் வங்குரோத்து அரசியல்வாதிகளின் திட்டங்களைத் தோற்கடிக்க, முஸ்லிம் சமூகம் புனித ரமழானில் பெற்றுக்கொண்ட ஆத்மீகப் பயிற்சி, சமூக அனுபவங்களுடன் ஒன்றிணைய வேண்டும். இந்நிலையில், முஸ்லிம் சமூகங்களுக்கு எதிரான அநீதிகளைத் தட்டிக் கேட்கும் அமைச்சர் ரிஷாத், ஆளுநர் அஸாத் சாலி ஆகியோரின் சமூகக் குரல்களைப் பலப்படுத்த முஸ்லிம்களின் ஒற்றுமை அவசியமாகவுள்ளன.
   இதேவேளை, எவ்விதக் காரணங்களும் இல்லாமல் சந்தேகத்தின் பேரில் கைதாகி, சிறைகளில் அடைக்கப்பட்டுள்ள அப்பாவி முஸ்லிம்களின் விடுதலைக்கு, இப்பெருநாள் தினத்தில்  எல்லாம் வல்லவன் அல்லாஹ்வைப் பிரார்த்திப்போமாக! அத்துடன்,  உரிய சட்ட ஆலோசனைகளைப் பெறுவதற்கும் இந்நன்நாளில்  அனைவரும் ஒன்றிணைவோமாக!

Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

  பெட்ரோலுக்கு விலை கூடுகிற‌தா?  பொருட்க‌ளுக்கு விலை கூடுகிற‌தா? இது ப‌ற்றி முஸ்லிம்க‌ள் அல‌ட்டிக்கொள்ள‌த்தேவையில்லை. ஏனென்றால் இந்த‌ நாட்டின் 2 கோடி ம‌க்க‌ளில் ஒன்ன‌ரைக்கோடி ம‌க்க‌ள் சிங்க‌ள‌ ம‌க்க‌ள். பெற்றோலுக்கு விலை கூடினால் , பொருள்க‌ளுக்கு விலை கூடினால்  அது தாக்க‌ம் முத‌லில் சிங்க‌ள‌ ம‌க்க‌ளுக்குத்தான்.  அத‌ற்கு அடுத்துதான் சிறுபான்மை ம‌க்க‌ளைத்தாக்கும். ஒன்ன‌ரைக்கோடி பெரிதா? 50 ல‌ட்ச‌ம் பெரிதா? இந்த‌ அர‌சாங்க‌ம் 100க்கு 99.5 சிங்க‌ள‌ ம‌க்க‌ளால் கொண்டு வ‌ர‌ப்ப‌ட்ட‌ அர‌சாங்க‌ம். பெட்ரோல், பொருட்க‌ள் விலை அதிக‌ரித்தால் அவ‌ர்க‌ள் பார்த்துக்கொள்வார்க‌ள். நாம் த‌லையை ஓட்டுவ‌தால் எந்த‌ ந‌ன்மையும் கிடைக்க‌ப்போவதில்லை. முடியுமாயின் பெட்ரோல், பொருட்க‌ள் விலை அதிக‌ரிப்பு ப‌ற்றி முஸ்லிம்க‌ள் ஓட்டுப்போட்ட‌ முஸ்லிம் க‌ட்சிக‌ளின் உறுப்பின‌ர்க‌ளை பாராளும‌ன்ற‌த்தில், ஊட‌க‌ங்க‌ளில் பேச‌ சொல்லுங்க‌ள்.  அவ‌ர்க‌ளே பேசாம‌டந்தையாக‌ இருக்கும் போது முஸ்லிம்க‌ள் ஏன் அல‌ட்டிக்கொள்ள‌ வேண்டும்? பொருட்க‌ள் விலை கூடுத‌ல் பெரிய‌ விட‌ய‌மா? த‌ம‌க்கென்ற‌ நாட்டை பாதுகாப்ப‌து முக்கிய‌மா என்ப‌து பெரும்பாலான‌ சிங்க

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய