Skip to main content

அம்பலமான முகங்கள்

 Virakesari 25.07.2021 ***************************** எம்.எஸ்.தீன் - முஸ்லிம் கட்சிகளின் அரசியல் தலைவர்களும், பாராளுமன்ற உறுப்பினர்களும் தங்களது சுயநலத்திற்காக எந்தப் பிசாசுடனும் உறவுகளை வைத்துக் கொள்வதற்கும், சேவகம் செய்வதற்கும் இடம், ஏவல், மரியாதை என்ற எதனையும் கவனத்திற் கொள்ளமாட்டார்கள் என்பதற்கு மற்றுமொரு சான்றாகவே அமைச்சர் உதய கம்மன்விலவுக்கு எதிராக ஐக்கிய மக்கள் சக்தியினால் கொண்டு வரப்பட்ட நம்பிக்கையில்லாத பிரேரணை விடயத்திலும் முஸ்லிம் கட்சிகளின் பாராளுமன்ற உறுப்பினர்களின் முடிவுகள் அமைந்துள்ளன. அமைச்சர் உதய கம்மன்விலவுக்கு எதிராக ஐக்கிய மக்கள் சக்தியினால் கொண்டு வரப்பட்ட நம்பிக்கையில்லாத பிரேரணையானது முழுக்க அரசியல் நோக்கத்தைக் கொண்டது. எரிபொருளின் விலையை அதிகரித்தமையை பொதுஜன பெரமுனவின் பாராளுமன்ற உறுப்பினர்கள் பலரும் அந்த பழியை உதய கம்மன்விலவின் தலைமையில் சுமர்த்திவிட்டு, நல்லபிள்ளை போல் மக்கள் மத்தியில் கருத்துக்களை வெளியிட்டார்கள்.  இத்தகைய பாராளுமன்ற உறுப்பினர்களினதும், பொதுஜன பெரமுனவினதும் உண்மையான நிலைப்பாட்டை மக்களுக்கு காண்பிப்பதற்காகவே நம்பிக்கையில்லா பிரேரணை கொண்டு வரப்

சிங்களத் தீர்வு என்பது தீர்த்துக்கட்டுதலன்றி வேறில்லை


***********************************
கல்முனை தமிழ்பேசும் நிர்வாகங்களுக்டைகியில் இருந்து வந்த பிரச்சினை சிங்களத் தீர்வை நோக்கி நகர்கிறது.

கல்முனை தமிழ் உப பிரதேச செயலகத்தை தரமுயர்த்த வேண்டும் என்ற கோரிக்கையை நிறைவேற்றும் வரை  தனிக்கணக்காளர் ஒருவரை உப செயலகத்துக்கு நியமிக்க வேண்டும் என்று தமிழர் பிரதிதிதிகளால் முன்வைக்கப்பட்ட கோரிக்கைக்கு பிரதமர் ரணில் விக்கிரமசிங்கவினால் மொழியப்பட்ட மாற்று நடவடிக்கை யோசனையை இரண்டு தரப்பு அரசியல் பிரதிநிதிகளும் ஏற்றுள்ளதாகச் செய்திகள் தெரிவிக்கின்றன.அதாவது செயலகத்தை தரமுயர்த்துவது பற்றிய இறுதி முடிவை எடுக்கும் வரை கல்முனை பிரதேச செயலகம் மற்றும் கல்முனை தமிழ் உப பிரதேச செயலகம் ஆகியவற்றின் நிதி விவகாரங்களை கணக்காளர் இனி அம்பாறை மாவட்ட செயலகத்தில் இருந்து கையாள்வார் என்பதே அந்த மாற்று நடவடிக்கையாகும்.

கல்முனை முஸ்லிம்களுக்கும்,கல்முனைத் தமிழர்களுக்கும் கல்முனையை விடவும் அம்பாறை நகரம் அண்மையில் அமைந்திருக்கிறதா?

ஒரே மொழி பேசுகிற, நூற்றாண்டுகளாக ஒரு விதப் புரிதலோடு பரஸ்பரம் கலாச்சாரப் பரிமாற்றம் செய்து வந்த தமிழர்களும் முஸ்லிம்களும் தமக்கிடையிலான பிரச்சினைகளைத் தீர்த்துவைப்பது என்ற பெயரில் அப்பத்தை குரங்கின் கையில் கொடுக்க சம்மதம் தெரிவித்துவிட்டார்களா?

கடந்த 30 வருடங்களாக கரையோர மாவட்டம் கோரி அரசியல் செய்து வந்த அம்பாறை முஸ்லிம் தேசிய அரசியல்வாதிகள் கரையோர மாவட்டம் தொடர்பாக அம்பாறை மாவட்ட தமிழ் முஸ்லிம் மக்களுக்குள் பிணக்குகள் ஏற்பட்டால் மாவட்டத்தின்  தலை நகராக அம்பாறை நகரை ஏற்றுக்கொள்வார்களோ?

சிங்களவர்களுக்கும் தமிழர்களுக்கும் இடையிலான பிணக்கில் நடுநிலைச் சமூகமான முஸ்லிம்கள், பக்கம் சாராதிருந்து மத்தியத்தம் வகிப்போம் என்று சொன்ன அஷ்ரஃபின் வழி வந்ததாகக் கூறிக்கொள்ளும் இன்றைய முஸ்லிம் தலைவர்கள் அம்பாறையில் இருக்கும் தமிழ் முஸ்லிம் பிணக்கைத் தீர்த்துவைக்கும் பொறுப்பை சிங்கள அரசியல் தரப்பே ஏற்கவேண்டும் என்று ஏற்றுக்கொள்கிறார்களா?

தமிழர் தரப்பு தமது விடுதலைக்காக ஏழு தசாப்தகாலம் தொடர்ந்தேர்ச்சியாக அகிம்சை மற்றும் வன்முறை வடிவங்களில் பேரினவாதிகளோடு மோதி வருகிறது. இவ்வாறு நெடுங்காலம் தாம் மோதி வருகிற பேரினவாத அரசியல் தரப்பே சொற்பகாலமாக இருந்து வருகிற தமிழ் முஸ்லிம் பிணக்கை நடு நிலையாக நின்று தீர்த்துவைக்கப் பொருத்தமானது என்று தமிழ்த் தேசியவாதிகள் நம்புகிறார்களா?

தமிழ் மற்றும் முஸ்லிம் தேசிய அரசியல் போக்குகள் 2009 ஆம் ஆண்டு யுத்தம் முடிவுக்கு வந்ததைத் தொடர்ந்து தமிழ் முஸ்லிம் மக்களுக்கு எதிரான போக்கில் நுழைந்திருப்பதை கடந்த ஒரு தசாப்தகால அனுபவம் உணர்த்துகிறது. அதே நேரம் 2015 இல் இருந்து இலங்கைத் தமிழர்களை நாடாளுமன்றில் பிரதிநிதித்துவம் செய்கின்ற ஒரே தமிழ் அரசியல் கூட்டுக் கட்சியும், இலங்கை முஸ்லிம்களை நாடாளுமன்றில் பிரதிநிதித்துவம் செய்கின்ற இரண்டு முஸ்லிம் கட்சிகளும் ஒரே சிங்களக் கூட்டுக்கு ஆதரவளிக்கின்ற நிலைமையைக் கருத்தில் எடுத்து  தமிழ் முஸ்லிம் பிணக்குகளை கையாளும் வியூகத்தை அரசு வகுத்திருப்பது, குறித்த பிணக்குக்கு எவ்விதத் தீர்வையும் தராது, காலத்தை இழுத்தடிக்கும் தந்திரமே ஆகும். பட்ஜட்டை வெல்வதற்கான வாக்குகளை சிறுபான்மைக் கட்சிகளிடம் இருந்து பெற்றாயிற்று. இதற்காக தமிழ் பேசுவோரின் கல்முனை பிரதேச செயலகக் கணக்காளரை, நூறு வீதம் சிங்கள ஆதிக்கத்தை வைத்திருக்கும்- பள்ளிவாயிலை நொருக்கிய அம்பாறை நகருக்கு எடுக்க ஒப்புதலாயிற்று. இனி, எதிர்வரும் ஜனாதிபதித் தேர்தலில் சிறுபான்மையினரின் வாக்குகளைக் கொண்டு வெற்றி பெற்றால் கிழக்கில் மடத்தனமாக முரண்படும் தமிழ் முஸ்லிம் அரசியலை மூலதனமாகக் கொண்டு கிழக்கில் அரச அனுசரணையுடன் சிங்கள குடியேற்றங்களைச் செய்து அதனைச் சிங்களப் பெரும்பான்மைப் பிரதேசமாக மாற்றிவிடலாம்.

தமிழ் முஸ்லிம் மக்களுக்கிடையில் உள்ள இவ்வாறான பிரச்சினைகளைத் தமிழ் முஸ்லிம் கட்சிகள் தமக்குள்ளே பேசி முடிவுக்கு கொண்டு வர முடியாமலிருப்பது ஏன்?

தமிழ் முஸ்லிம் கட்சிகள், பிரதேச ரீதியாகக் கோலோச்சுகிற இனவாத, பிரதேசவாத மற்றும் மதவாத அடிப்படையில் ஊறி அரசியலில் காலூன்றி நிற்கிற தமது குறுநில மன்னர்களின் ஆதிக்கத்தையும், அதிகாரத்தையும் கண்டு அஞ்சுகின்றன.மேலும் தலைமைகளும் இதே வடிவிலான அரசியல் போக்கை கடைப்பிடிப்பதாலும், தலைமைகள் பலவீனமாக உள்ளதாலும் சிறுபான்மையினர்களுக்கு இடையிலான பிரச்சினைகளை சகோதரர்களுக்கு இடையிலான பிரச்சினைகளாகக் கருதி தமக்குள்ளே தீர்வைத் தேடிக்கொள்ளும் அறத்தன்மையை இவர்கள் இழந்துவிட்டார்கள்.

சிங்களவர்களை விடவும் தமிழர்களே அதிக ஆபத்தானவர்கள் என்று முஸ்லிம்களுக்குள் பிரச்சாரம் செய்து அரசியல் பிழைப்பு நடாத்துகிற வழிமுறையைத் தொடங்கிவைத்த, சிங்களத் தேசியக் கட்சிகளுக்கு சாமரம் வீசிய முஸ்லிம் அரசியல்வாதிகளின் பரம்பரையே தனிக்கட்சி என்ற முகமூடியுடன் இன்று முஸ்லிம் அரசியல் தளத்தில் வீரியமுடன் இருக்கிறது. இவ்வாறே  சிங்களவர்களை விடவும் முஸ்லிம்களே அதிக ஆபத்தானவர்கள் என்று தமிழர்களுக்குள் பிரச்சாரம் செய்து அரசியல் பிழைப்பு நடாத்துகிற வழிமுறையைத் தொடங்கிவைத்த சில தமிழ் அரசியல்வாதிகளின் சில வாரிசுகள் இன்னும் கிழக்குத் தமிழரசியல் தளத்தில் வீரியமுடன் இருக்கிறார்கள்.இந்த இரு தரப்புகளும் மக்களால் மாற்றப்படாதவரை கிழக்கைச் சிங்களவர்களுக்குத் தாரைவார்த்துவிட்டு தமிழ் முஸ்லிம்களின் அடுத்த பரம்பரைக்கு அடிமை விலங்கு பூட்டப்படுவதை எவராலும் தடுக்க முடியாது போகலாம்.

தமிழரசியலும் முஸ்லிம் அரசியலும் தமிழருக்கும் முஸ்லிம்களுக்கும் பரஸ்பரம் எதிராக இருக்கிற அதேவேளை; இருவகைச் சிங்கள பௌத்த தேசிய அரசியலும் தமிழருக்கும் முஸ்லிம்களுக்கும் எதிராகக் கட்டமைக்கப்பட்டிருக்கிறது.இந்நிலமையை சாதாரண தமிழ் முஸ்லிம் மக்களுக்கு விளங்கப்படுத்தவேண்டிய கடமை தமிழ் முஸ்லிம் குடிமைச் சமூகத்துக்கு உண்டு.

தமிழர்களுக்கும் முஸ்லிம்களுக்கும் இடையில் முஸ்லிம்   நிர்வாக முரண்கள் இன்னும் நூறு வருடங்கள் நீடித்தாலும் இதனால் வருகிற நட்டம் என்பது சிங்களத் தரப்பை நடுவர்களாகக் கொண்டு இம்முரண்களைத் தீர்ப்பது போல பாசாங்கு காட்டுவதனால் ஏற்படும் நட்டத்தை விடவும் மிகக்குறைந்ததாகவே இருக்கும் என்பது நிச்சயமாகும்.
Basheer Segu Davood

Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

  பெட்ரோலுக்கு விலை கூடுகிற‌தா?  பொருட்க‌ளுக்கு விலை கூடுகிற‌தா? இது ப‌ற்றி முஸ்லிம்க‌ள் அல‌ட்டிக்கொள்ள‌த்தேவையில்லை. ஏனென்றால் இந்த‌ நாட்டின் 2 கோடி ம‌க்க‌ளில் ஒன்ன‌ரைக்கோடி ம‌க்க‌ள் சிங்க‌ள‌ ம‌க்க‌ள். பெற்றோலுக்கு விலை கூடினால் , பொருள்க‌ளுக்கு விலை கூடினால்  அது தாக்க‌ம் முத‌லில் சிங்க‌ள‌ ம‌க்க‌ளுக்குத்தான்.  அத‌ற்கு அடுத்துதான் சிறுபான்மை ம‌க்க‌ளைத்தாக்கும். ஒன்ன‌ரைக்கோடி பெரிதா? 50 ல‌ட்ச‌ம் பெரிதா? இந்த‌ அர‌சாங்க‌ம் 100க்கு 99.5 சிங்க‌ள‌ ம‌க்க‌ளால் கொண்டு வ‌ர‌ப்ப‌ட்ட‌ அர‌சாங்க‌ம். பெட்ரோல், பொருட்க‌ள் விலை அதிக‌ரித்தால் அவ‌ர்க‌ள் பார்த்துக்கொள்வார்க‌ள். நாம் த‌லையை ஓட்டுவ‌தால் எந்த‌ ந‌ன்மையும் கிடைக்க‌ப்போவதில்லை. முடியுமாயின் பெட்ரோல், பொருட்க‌ள் விலை அதிக‌ரிப்பு ப‌ற்றி முஸ்லிம்க‌ள் ஓட்டுப்போட்ட‌ முஸ்லிம் க‌ட்சிக‌ளின் உறுப்பின‌ர்க‌ளை பாராளும‌ன்ற‌த்தில், ஊட‌க‌ங்க‌ளில் பேச‌ சொல்லுங்க‌ள்.  அவ‌ர்க‌ளே பேசாம‌டந்தையாக‌ இருக்கும் போது முஸ்லிம்க‌ள் ஏன் அல‌ட்டிக்கொள்ள‌ வேண்டும்? பொருட்க‌ள் விலை கூடுத‌ல் பெரிய‌ விட‌ய‌மா? த‌ம‌க்கென்ற‌ நாட்டை பாதுகாப்ப‌து முக்கிய‌மா என்ப‌து பெரும்பாலான‌ சிங்க

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய