Skip to main content

வவுணதீவுத் தாக்குதல்- எளிய முடிவுகளுக்கு வர முடியாது


***********************
வவுணதீவு- வலையிறவுக் காவலரணில் வைத்து கடந்த 29 ஆம் திகதி ஒரு சிங்களப் பொலிஸ் உத்துயோகத்தரும் தமிழ்ப் பொலிஸ் உத்தியோகத்தர் ஒருவரும் காவல் கடமையில் இருந்த போது இனந்தெரியாத ஆயுததாரிகளால் சுட்டுக் கொல்லப்பட்டுள்ளனர்.

இந்தச் சம்பவத்தைப் பொலிஸ் உயர் அதிகாரிகள் தீவிரமாக எடுத்து ஆய்வுசெய்து வருகிறார்கள். இராணுவமோ,பொலிசோ, அதிரடிப்படையோ, பாதுகாப்பு அமைச்சோ இதுவரை இந்தக் கொலையைச் செய்தவர்கள் பற்றி எவ்விதக் கருத்துக்களையும் வெளியிடவில்லை. ஆனால் ஐக்கிய தேசியக் கட்சியைச் சேர்ந்த ஒரு சிங்கள நாடாளுமன்ற உறுப்பினரும், தமிழ்த் தேசியக் கூட்டமைப்பின் நாடாளுமன்ற உறுப்பினர் ஒருவரும் இக்கொலையை இன்னார்தான் செய்திருக்கவேண்டும் என்ற சந்தேகக் கருத்தை நாடாளுமன்றத்தில் தெரிவித்துவிட்டார்கள்.

இந்த நாடாளுமன்ற உறுப்பினர்கள் தமது இன்றைய அரசியல் தேவை கருதி வெளியிட்டுள்ள இக்கருத்து சரியாகவோ பிழையாகவோ இருக்கலாம், ஆனால் சரியான தாக்குதல்தாரிகள் யார் என்பதைக் கண்டறிய நடாத்தப்படுகிற விசாரணைகளுக்கு இக்கருத்துப் பாதகத்தை விளைவிக்கும்.இது மட்டுமல்ல நீண்ட காலத்துக்குப் பிறகு மட்டக்களப்பில் நடந்துள்ள இந்தப் பாரதூரமான நிகழ்வால் அதிர்ச்சியுற்றிருக்கும் மட்டக்களப்பு மக்களை இக்கருத்து மேலும் அச்சத்துக்குள்ளாக்கி நிம்மதியிழக்கச் செய்துவிடும்.மேலும், இவ்வாறான புதிய சம்பவங்கள் நிகழ்வதைத் தூண்டும் கைங்கரியத்தைச் செய்யும் வாய்ப்பையும் இவ்விரு நாடாளுமன்ற உறுப்பினர்களின் கருத்து ஏற்படுத்தக்கூடும்.

நமது அரசியல்வாதிகள் இனத்துவ வரலாற்றிலிருந்து எதையுமே இதுவரைக் கற்றுக்கொள்ளவில்லை என்பது துரதிஸ்டமானதாகும். கடந்தகாலத்தில் அனைத்துத் தரப்பு அரசியல்வாதிகளும் காலத்துக்குக் காலமும், சம்பவத்துக்கு சம்பவமும் வெளியிட்ட பொறுப்பற்ற கருத்துக்களும்கூட கடந்த மூன்று தசாப்தகால அழிவுகளுக்குக் காரணமாய் அமைந்தன என்ற பட்டறிவைக் கணக்கெடுக்கத் தவறி சொந்தக் கட்சி மற்றும் தனி நலன்களை அடிப்படையாகக் கொண்டு மட்டுமே மேற்படி கருத்தை இவ்விரு உறுப்பினர்களும் தெரிவித்துள்ளனர்.

இவ்விருவரும் ஏற்கனவே பேசிக்கொண்டதற்கு அமைவாகவே- சிங்கள எம்பி முன்னர் எழுந்து பேச, தமிழ் எம்பி அடுத்து எழுந்து வழிமொழிந்து பேசியதாகப் புரிந்துகொள்ளலாம். நல்ல அரசியல் முடிவு இது, ஏனெனில் கொல்லப்பட்டது இரு இனங்களையும் சேர்ந்தவர்களல்லவா?

உச்சபட்ச அரசியல், நீதி, நிர்வாக மற்றும் பொருளாதாரச் சிக்கல்களைச் சமகால இலங்கை எதிர்கொள்கிறது.ஜனாதிபதி பிரதமரை மாற்றியுள்ளதால் நாடாளுமன்றம் சீர்குலைந்துள்ளது. நாடாளுமன்றக் கலைப்பு நீதிமன்றில் கிடக்கிறது.பாதுகாப்பு அதிகாரிகளின் பிரதானி அட்மிரல் ரவீந்திர விஜேகுணவர்தன நீதிமன்றினால் விளக்கமறியலில் வைக்கப்பட்டுள்ளார்.யாருடைய பணிப்புகளை ஏற்றுச் செயல்படுவது என்று நிர்வாகிகள் தடுமாறிப் போயுள்ளார்கள்.பொருளாதாரம் அதலபாதாளத்திற்குச் சரிந்துகொண்டு செல்கிறது. இவ்வாறு இருக்கையில் நடந்த வவுணதீவுத் தாக்குதலை அரசியல்வாதிகள் அரசியல் இலாபக் கண்கொண்டு பார்த்துக் கருத்திடக் கூடாது.

நாட்டில் பாதுகாப்பு தொடர்பான சிக்கல்கள் ஏற்பட்டு மக்கள் சிதிலமடையும் வாய்ப்பு உள்ளதா என்ற அடிப்படையில்தான் இரு பொலிசாரினதும் கொலையை மக்கள் பிரதிநிதிகள் நோக்கவேண்டும். இவ்வாறான தாக்குதல்கள் தொடருமானால்,ஏற்கனவே அரசியல் உறுதித்தன்மை சரிந்து கிடக்கிற தருணத்தில் பாதுகாப்புத் தரப்பினரின் பிடி இறுகுவதற்கு வாய்ப்புள்ளதா என்ற கோணத்தில்தான் நாடாளுமன்ற உறுப்பினர்கள் பார்க்கவேண்டும்.

நாடாளுமன்றம் கலைக்கப்பட்டமை தொடர்பாக நீதிமன்றத் தீர்ப்பு எப்படியாக அமைந்தாலும் இன்று இருக்கின்ற நாட்டின் அரசியல் நிலைமையில் பெரிய மாற்றங்கள் ஏதும் நிகழ்ந்துவிடாது என்று நம்புகிறவர்களும் இருக்கிறார்கள்.

இன்றைய நிலைமை தொடர்ந்தால், ஏற்கனவே தெளிவான தலைமைத்துவம் இல்லாத ஐக்கிய தேசியக் கட்சியின் மீதுள்ள ரணிலின் பிடி தளர்ந்து விடலாம். இதனால் இக்கட்சி பலவீனமடைந்து நீண்டகாலத்துக்கு நிமிர்த்த முடியாத நிலைக்குள்ளாகலாம். தலைமைத்துவம் தெளிவாக உள்ள ஆனால் நாடாளுமன்றில் பெரும்பான்மை இல்லாத பொதுஜன பெரமுனவின் நாட்டின் மீதான பிடி இறுகுவதற்கு வாய்ப்புள்ளது.

இப்படியாக நிலமை இருக்கையில் நிகழ்ந்த வவுணதீவுக் கொலையை சாதாரணக் கண்ணோட்டத்தில் பார்க்க முடியாது. எவரால் செய்யப்பட்டிருந்தாலும், இது வெறும் கொலையல்ல திட்டமிட்ட ஒரு இராணுவத் தாக்குதலாகும். நீண்டகால கெரில்லாத் தாக்குதல் அனுபவம் கொண்டவர்கள் மேற்கொண்ட அமைதித் தாக்குதலாகும். ( Silent Operation ) பொலிசார் இருவரதும் கைகள் கட்டப்பட்டுள்ளன. கூடாரத்துக்குள் கிடந்த சிங்களப் பொலிசாரின் உடலில் 21 கத்திக் குத்துக் காயங்கள் இருந்திருக்கின்றன.வெளியில் கதிரையில் உட்கார்ந்திருந்த தமிழ்ப் பொலிசாரின் கழுத்து அறுக்கப்பட்டிருக்கிறது. மேலதிகமாக இவர்கள் மீது T56 துப்பாக்கியால் சுட்டுமிருக்கிறார்கள்.வெடிச் சத்தம் கேட்டதாக இது வரை வவுணதீவ பொலிஸ் நிலையத்தில் வேலை செய்யும் பொலிசாரே கூறியதாகச் செய்திகள் வரவில்லை. பொலிசார் வசம் இருந்த றிவோல்வர்கள் இரண்டும் கொலையாளிகளால் எடுத்துச் செல்லப்பட்டுள்ளன.

வவுணதீவு உட்கிராமங்களில்,மாவீரர் நினைவை ஒட்டிச் செய்யப்பட்டிருந்த சோடனைகள் இரவோடிரவாகப் பொலிசாரால் கிழிக்கப்பட்டதாக அறியக் கிடைக்கிறது. மாவீரர் தினத்துக்கான சுவரொட்டிகளை ஒட்டிய, சோடனைகளைச் செய்த இளைஞர்கள் சிலர் இன்று கைது செய்யப்பட்டுள்ளனர். கரவெட்டிப் பகுதியில் இரவு வேளைகளில் சில பொலிசார் அத்துமீறி நடந்து கொள்வதாகவும் பேசப்படுகிறது.

கொல்லப்பட்ட சிங்களப் பொலிஸ் உத்தியோகத்தர் தென்னிலங்கை காலிப் பிரதேசத்தைச் சேர்ந்தவராகும். இவரின் உடலில் 21 தடவைகள் கத்தியால் குத்துவதாக இருந்தால் குத்தியவருக்கு சிங்களப் பொலிசார் மீது நீண்டகால வரலாற்றுக் கோபமும், வெறியும் இருந்திருக்க வேண்டும். அல்லது இறந்தவரின் உடல் தெற்குக்குக்குக் கொண்டு செல்லப்பட்டதும், உடலைப் பார்ப்பவர்கள் கோபப்பட்டுக் கிளர்ந்தெள வேண்டும் என்பது குத்தியவரின் நோக்கமாக இருந்திருக்கவேண்டும்.

ஆற்றோரமாக அமைந்திருந்த இந்த வலையிறவுக் காவலரணைத் தாக்குவதற்கு வந்தவர்களின் காலடித் தடம் ஆற்றோரமாக இருப்பதாகச் சொல்லப்படுகிறது.கைவிடப்பட்ட தொழு நோயாளர் வைத்தியசாலை இருந்த மாந்தீவுப் பக்கமிருந்து தாக்குதல்தாரிகள் வந்திருக்கக் கூடும் என்றும் சந்தேகிக்கப்படுகிறது. இந்த இடங்களில் சீசீரி கமரா இல்லை; ஆனால் வவுணதீவு ஊருக்குள்ளால் முன் வெளிச்சம் போடப்படாத உந்துருளி ஒன்று செல்வது அப்பக்கமாக இருந்த சீசீரி கமராவில் அகப்பட்டுள்ளதாகவும் கூறப்படுகிறது.

எல்லாமே கதைகள்தான். நியாயமான ஆய்வு செய்யப்பட்டு தாக்குதல்தாரிகள் கைது செய்யப்பட்டால்தான் உண்மை தெரியவரும். அதுவரை அரசியல்வாதிகள், தமக்கு அனுபவமோ அறிவோ இல்லாத ஒரு தளமாகிய புலனாய்வைச் செய்வதையும், அவற்றை அறிக்கைகளாக  நாடாளுமன்றில் வெளியிடுகிற வேலையையும் தவிர்த்துக்கொள்வது நமது சாதாரண மக்களுக்குப் பாதுகாப்பானதாகும்.
Basheer Segudavood 

Comments

Popular posts from this blog

அதாவுல்லாவை புக‌ழும் ஹ‌ரீஸ்

ஒவ்வொரு நிமிடமும் நம்மை நோக்கி எறிகணைகள் வந்த வண்ணமே இருக்கிறது. நாங்கள் ஒற்றுமைப்பட்டு இனி செயலாற்ற முன்வர வேண்டும். அம்பாறை மாவட்டத்தில் உள்ள சகல அரசியல் கட்சி முக்கியஸ்தர்களும் ஒன்றிணைந்து எதிர்வரும் பொதுத்தேர்தலை சந்தித்து நாங்கள் ஒற்றுமையாக வாக்களித்தால் அம்பாறை மாவட்டத்தில் இருந்து ஐந்து முஸ்லிம் பாராளுமன்ற உறுப்பினர்கள் தெரிவாவார்கள் என ஸ்ரீலங்கா முஸ்லிம் காங்கிரஸின் பிரதித்தலைவரும் முன்னாள் இராஜாங்க அமைச்சருமான சட்டத்தரணி  எச்.எம்.எம்.ஹரீஸ் தெரிவித்தார்.  தொடர்ந்தும் அங்கு பேசும் போது, கல்முனை பிரதேச விவகாரம் பற்றிய பிரதமருடனான கலந்துரையாடலுக்கு குறித்த தொகுதியின் மக்கள் பிரதிநிதியாகிய எனக்கு எவ்வித அழைப்புக்களும் விடுக்கப்பட்டிருக்க வில்லை. நான் நேரடியாக பிரதமர் மஹிந்தவை சந்தித்து மக்களின் பிரச்சினையை பற்றி தெளிவாக விளக்கியவுடன் அன்று மாலை என்னையும் கூட்டத்தில் கலந்துகொள்ளுமாறும் அதற்கான ஏற்பாடுகளை தான் செய்வதாகவும் வாக்குறுதியளித்தார். அதன் பிரகாரமே நான் அக்கூட்டத்திற்க்கு சென்று வரவேற்பறையில் காத்திருந்தேன். அங்கு கலந்து கொண்டிருந்த முக்கிய பிரமுகர்கள் பலரும் அதிருப்

Sri Lanka COSMI Founder President appointed to London’s Peace Institute

The Founder President of Sri Lanka’s  Confederation of Micro, Small and Medium Industries (COSMI) has been appointed as the Co-Chairperson of the   London based Global Peace Institute (GPI)   which conducts interdisciplinary research in several thematic fields including international relations and politics. By this high profile appointment made on 15 January, GPI seeks COSMI  Founder President Nawaz Rajabdeen’s  contributions to improve its training and research efforts. GPI is a think tank run by the UK based Global Peace Ins. (GPI) CIC, an independent non-profit, non-governmental organization. GPI works for global peace and resilience through peace education, dialogue, training, creating awareness and research. COSMI  Founder President Rajabdeen, as an honorary member, is also tasked by GPI to  promote its programs, add value to research work, and also will be required to attend various GPI events. “I am thankful to GPI for enlisting me for their ongoing and vast efforts” sa

மைத்திரிபால ஒரு புத்திஜீவியாகவோ, அறிஞராகவோ அவருடைய ஆட்சிக் காலத்தில் செயற்படவில்லை.

சிறுபான்மையினரின் வாக்குகளே பிரதமர் யார் என்பதை தீர்மானிக்கும் ! சஜீத் − ரணில் பிரச்சினை கூட்டனிக்கு பாதிப்பில்லை !! நான் நிரபராதி என்பதை சிங்கள மக்கள் உணர்வர் !!! ஆட்சியில் இணையுமாறு அழைப்பு வந்தால் தீர்மானிக்கலாம் !!!! அகில இலங்கை மக்கள் காங்கிரஸ் தேசியத் தலைவர் ரிஷாத் பதியுதீன் பி.பி.சிக்கு பரபரப்பு பேட்டி.... அப் பேட்டியில் அவர் மேலும் தெரிவித்துள்ளதாவது...; கேள்வி: தற்போது நாடாளுமன்றத்தில் அங்கம் வகிக்கும் முஸ்லிம் தலைவர்களை தமது அரசாங்கத்தில் சேர்த்துக் கொள்வதில்லை என்றுகூறி ஆளுந்தரப்பு நிராகரித்திருப்பது பற்றி என்ன நினைக்கிறீர்கள்? பதில்: ஆளுங்கட்சியில்தான் இருக்க வேண்டும் என்கிற நிலைப்பாட்டுடன் நாம் அரசியல் செய்யவில்லை. கடந்த ஜனாதிபதி தேர்தலில் கோட்டாபய ராஜபக்ஷவுக்கு கிடைத்த 69 லட்சம் வாக்குகளை எதிர்வரும் பொதுத் தேர்தலில் மஹிந்த ராஜபக்ஷ அணியினர் ஒட்டுமொத்தமாகப் பெற்றாலும், அவற்றினைக் கொண்டு நாடாளுமன்றத்திலுள்ள 225 ஆசனங்களில் 105 ஆசனங்களை மட்டுமே கைப்பற்ற முடியும். அதேவேளை, எதிர்த்தரப்பினருக்கு 119 ஆசனங்கள் கிடைக்கும். எனவே, எதிர்வரும் பொதுத் தேர்தல் சவ