Skip to main content

முன்னாள் அமைச்சர் சுபையிரின் முயற்சிக்கு வெற்றி:


முன்னாள் அமைச்சர் சுபையிரின் முயற்சிக்கு வெற்றி: மட்டக்களப்பு மத்தி கல்வி வலயத்திற்கு புதிய பணிப்பாளர்

கல்முனை வலயக்கல்வி பணிமனையில் பிரதிக் கல்விப் பணிப்பாளராக கடமையாற்றிய இலங்கை கல்வி நிருவாக சேவை தரம் 11ஐச் சேர்ந்த எஸ்.எம்.எம்.எஸ். உமர் மௌலானா மட்டக்களப்பு மத்தி கல்வி வலயத்தின் பதில் வலயக் கல்விப் பணிப்பாளராக நியமிக்கப்பட்டுள்ளார்.

கிழக்கு மாகாண ஆளுநரின் உத்தரவிற்கமைவாக, கிழக்கு மாகாண கல்வி அமைச்சின் செயலாளரினால் 2018.11.13 ஆம் திகதி முதல் செயற்படும் வன்னம் இந்நியமனம் வழங்கப்பட்டுள்ளது. மட்டக்களப்பு மத்தி கல்வி வலயத்தின் பணிப்பாளர் இஸ்ஸடீன் ஓய்வு பெற்றுச் சென்றதனையடுத்து, ஏற்பட்ட வெற்றிடத்திற்கே உமர் மௌலானா நியமிக்கப்பட்டுள்ளார்.

குறிப்பாக மட்டக்களப்பு மத்தி வலயத்திற்கு குறிப்பிட்ட சில மாதங்களில் ஓய்வு பெற்றுச் செல்லக்கூடியவர்களை தற்காலிகமாக வலயக் கல்விப் பணிப்பாளர்களாக நியமிப்பதனால் அவ்வலயத்தின் கல்வி வீழ்ச்சியடைந்து வருவதாக பல தரப்பினராலும் குற்றம் சுமத்தப்பட்டது. இதுதொடர்பில் மட்டக்களப்பு மாவட்ட கல்வியலாளர்கள், கிழக்கு மாகாண முன்னாள் அமைச்சர் சுபையிரின் கவனத்திற்கு கொண்டு சென்றனர்.

இவ்விடயத்தினை கருத்திற்கொண்ட கிழக்கு மாகாண முன்னாள் அமைச்சர் எம்.எஸ்.சுபையிர் மட்டக்களப்பு மத்தி கல்வி வலயத்திற்கான நிரந்தர வலயக்கல்வி பணிப்பாளர் நியமனம் தாமதமாவதாகவும், இதனால் அவ்வலயத்தின் கல்வி வீழ்ச்சியடைந்து வருவதாகவும் கிழக்கு மாகாண ஆளுநரிடம் சுட்டிக்காட்டினார்.

ஏறாவூர் மாக்கான் மாக்கார் வித்தியாலயத்தில் இடம்பெற்ற நிகழ்வொன்றில் கிழக்கு மாகாண ஆளுநர் பிரதம அதிதியாகக் கலந்துகொண்ட போது, மேற்படி விடயத்தினை மீண்டும் சுட்டிக்காட்டிய முன்னாள் அமைச்சர் சுபையிர்,  குறித்த கல்வி வலயத்திற்கு நிரந்தர வலயக்கல்வி பணிப்பாளர் ஒருவரை நியமித்து தருமாறும் கோரிக்கை விடுத்திருந்தமை குறிப்பிடத்தக்கது.

இதற்கினங்கவே, கிழக்கு மாகாண ஆளுநரின் விசேட உத்தரவிற்கமைய, உமர் மௌலானா மட்டக்களப்பு மத்தி கல்வி வலயத்தின் பதில் வலயக் கல்விப் பணிப்பாளராக நியமிக்கப்பட்டுள்ளார்.

மட்டக்களப்பு மத்தி கல்வி வலயமானது அதன் உருவாக்கத்திலிருந்து தேசிய மற்றும் மாகாண ரீதியாக பல சாதனைகளை நிகழ்த்தி வரலாற்றில் பேசப்பட்ட ஒரு வலயமாகும். குறிப்பாக, 2011, 2012, 2013 ஆம் ஆண்டுகளில் க.பொ.த சாதாரண தரப்பரீட்சையில் தேசிய மட்டத்தில் முதலாவது வலயமாகவும் தெரிவானமை குறிப்பிடத்தக்கது.

கல்வித்துறையிலும், இணைப்பாடவிதான செயற்பாடுகளிலும் படிப்படியாக வளர்ச்சியடைந்து சாதனைகளை நிகழ்த்திய இக்கல்வி வலயமானது, தற்போது, கல்வி நடவடிக்கைகளில் வீழ்ச்சியடைந்து பின்தங்கிய நிலையில் காணப்படுவது கவலையான விடயமாகும்.

குறித்த வலயத்தின் கல்வி நிலைமைகளை கருத்திற்கொண்டு, புதிய பணிப்பாளர் ஒருவரை நியமிப்பதற்கு நடவடிக்கைகளை மேற்கொண்ட கிழக்கு மாகாண ஆளுநர் மற்றும் முன்னாள் அமைச்சர் சுபையிருக்கு கல்வியலாளர்கள், பெற்றோர்கள் என பலரும் நன்றி தெரிவிக்கின்றனர்.

Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

  பெட்ரோலுக்கு விலை கூடுகிற‌தா?  பொருட்க‌ளுக்கு விலை கூடுகிற‌தா? இது ப‌ற்றி முஸ்லிம்க‌ள் அல‌ட்டிக்கொள்ள‌த்தேவையில்லை. ஏனென்றால் இந்த‌ நாட்டின் 2 கோடி ம‌க்க‌ளில் ஒன்ன‌ரைக்கோடி ம‌க்க‌ள் சிங்க‌ள‌ ம‌க்க‌ள். பெற்றோலுக்கு விலை கூடினால் , பொருள்க‌ளுக்கு விலை கூடினால்  அது தாக்க‌ம் முத‌லில் சிங்க‌ள‌ ம‌க்க‌ளுக்குத்தான்.  அத‌ற்கு அடுத்துதான் சிறுபான்மை ம‌க்க‌ளைத்தாக்கும். ஒன்ன‌ரைக்கோடி பெரிதா? 50 ல‌ட்ச‌ம் பெரிதா? இந்த‌ அர‌சாங்க‌ம் 100க்கு 99.5 சிங்க‌ள‌ ம‌க்க‌ளால் கொண்டு வ‌ர‌ப்ப‌ட்ட‌ அர‌சாங்க‌ம். பெட்ரோல், பொருட்க‌ள் விலை அதிக‌ரித்தால் அவ‌ர்க‌ள் பார்த்துக்கொள்வார்க‌ள். நாம் த‌லையை ஓட்டுவ‌தால் எந்த‌ ந‌ன்மையும் கிடைக்க‌ப்போவதில்லை. முடியுமாயின் பெட்ரோல், பொருட்க‌ள் விலை அதிக‌ரிப்பு ப‌ற்றி முஸ்லிம்க‌ள் ஓட்டுப்போட்ட‌ முஸ்லிம் க‌ட்சிக‌ளின் உறுப்பின‌ர்க‌ளை பாராளும‌ன்ற‌த்தில், ஊட‌க‌ங்க‌ளில் பேச‌ சொல்லுங்க‌ள்.  அவ‌ர்க‌ளே பேசாம‌டந்தையாக‌ இருக்கும் போது முஸ்லிம்க‌ள் ஏன் அல‌ட்டிக்கொள்ள‌ வேண்டும்? பொருட்க‌ள் விலை கூடுத‌ல் பெரிய‌ விட‌ய‌மா? த‌ம‌க்கென்ற‌ நாட்டை பாதுகாப்ப‌து முக்கிய‌மா என்ப‌து பெரும்பாலான‌ சிங்க

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய