Skip to main content

தெ.கி.பல்கலைக்கழகம்: ஆக்கிரமிக்கப்பட்ட கட்டடத்தின் மின்சாரம், நீர் துண்டிப்பு; உள்நுழைந்தனர் பொலிஸார்:

தெ.கி.பல்கலைக்கழகம்: ஆக்கிரமிக்கப்பட்ட கட்டடத்தின் மின்சாரம், நீர் துண்டிப்பு; உள்நுழைந்தனர் பொலிஸார்: பேச்சுக்கு மாணவர்கள் இணக்கம்!

தென்கிழக்குப் பல்கலைகழக நிருவாக கட்டடத்தை, தகவல் தொழில்நுட்ப பீடத்தைச் சேர்ந்த சில சிங்கள மாணவர்கள் ஆக்கிரமித்துள்ள நிலையில், இன்று புதன்கிழமை இரவு அங்கு சென்ற பொலிஸார், சம்பந்தப்பட்ட மாணவர்களுடன் பேச்சுவார்த்தையில் ஈடுபட்டனர்.

தென்கிழக்கு பல்கலைக்கழகம் – இன்று தொடக்கம், மறு அறிவித்தல் வரை மூடப்பட்டுள்ள நிலையிலேயே, பொலிஸ் அதிகாரிகள் மற்றும் பொலிஸ் உத்தியோகத்தர்களைக் கொண்ட குழுவினர் பல்கலைக்கழகத்துக்குள் நுழைந்து, நிருவாகக் கட்டடத்தை ஆக்கிரமித்துள்ள மாணவர்களுடன் பேச்சுவார்த்தையில் ஈடுபட்டனர்.

#ஆக்கிரமிப்புக்கான காரணம்!

பகிடிவதையில் ஈடுபட்டார்கள் எனும் குற்றச்சாட்டில், பல்கலைக்கழகத்திலிருந்து விலக்கப்பட்ட தமது சகாக்களான தகவல் தொழில்நுட்ப பீட மாணவர்களை, மீண்டும் சேர்த்துக் கொள்ளும் படி – வலியுறுத்தி, கடந்த இரண்டு வாரங்களாக, மேற்படி மாணவர்கள் பல்கலைக்கழககத்தின் நிருவாகக் கட்டடத்தினுள் புகுந்து, ஆக்கிரமித்துள்ளனர்.

இந்த நிலையில், குறித்த மாணவர்களை அங்கிருந்து அகன்று செல்லுமாறு, அக்கரைப்பற்று நீதிவான் நீதிமன்றம் உத்தரவு பிறப்பித்துள்ள போதிலும், அதையும் மீறி, சம்பந்தப்பட்ட மாணவர்கள் தொடர்ந்தும் நிருவாகக் கட்டடத்தை ஆக்கிரமித்து, அங்கேயே தங்கி வருகின்றனர்.

#ஆக்கிரமிப்புக்கான எதிர்ப்பு!

இதேவேளை, பல்கலைக்கழகத்தின் நிருவாகக் கட்டடத்தை ஆக்கிரமித்துள்ள மாணவர்களை, அங்கிருந்து வெளியேறுமாறு வலியுறுத்தி, கடந்த திங்கட்கிழமையன்று பல்கலைக்கழகத்தின் விரிவுரையாளர்கள், உத்தியோகத்தர்கள் மற்றும் மாணவர்கள் ஆர்ப்பாட்டமொன்றில் ஈடுபட்டனர்.

ஆனாலும், நிருவாகக் கட்டடத்தை ஆக்கிரமித்துள்ள மாணவர்கள் அங்கிருந்து விலகவில்லை.

இந்த நிலையிலேயே, மறு அறிவித்தல் வரையில், தென்கிழக்குப் பல்கலைக்கழகத்தை மூடுவதாக, இன்று புதன்கிழமை பல்கலைக்கழக நிருவாகம் அறிவித்தது.

இதனையடுத்து  பல்கலைக்கழகத்திலும், விடுதிகளிலும் தங்கியிருந்த மாணவர்கள் அனைவரும் வெளியேறியுள்ளனர். ஆயினும், நிருவாகக் கட்டடத்தை ஆக்கிரமித்துள்ள மாணவர்கள் தொடர்ந்தும் அங்கேயே தங்கியுள்ளனர்.

#மின்சாரம், நீர் துண்டிப்பு!

இது இவ்வாறிருக்க, ஆக்கிரமிக்கப்பட்டுள்ள நிருவாகக் கட்டடத்துக்கான மின்சாரம் மற்றும் நீர் விநியோகம் ஆகியவற்றினை நிருவாகம் துண்டித்துள்ளதாக அறிய முடிகிறது.

இவ்வாறானதொரு சூழ்நிலையிலேயே, இன்று இரவு பல்கலைக்கழகத்துக்குள் பொலிஸார் நுழைந்து, நிருவாகக் கட்டடத்தை ஆக்கிரமித்துள்ள மாணவர்களுடன் பேச்சுவார்த்தையில் ஈடுபட்டனர்.

இதன்போது அங்குள்ள மாணவர்கள் தமது பக்க நியாயங்களைக் கூறியதோடு, தங்கள் கோரிக்கைகள் என்ன என்பதையும் பொலிஸ் அதிகாரிகளுக்குக் கூறினர்.

#உபவேந்தர் மீது குற்றச்சாட்டு!

பல்கலைக்கழகத்தின் உபவேந்தரை, இந்தப் பிரச்சினை தொடர்பில் பேசுவதற்கு வருமாறு, பலமுறை தாம் தொலைபேசி மூலம் அழைத்த போதிலும், அவர் இதுவரையில் தம்மை வந்து சந்திக்கவில்லை என்று, மாணவர்கள் குற்றம்சாட்டினார்.

“இன்று கூட, உபவேந்தரை தொலைபேசியில் தொடர்பு கொண்டோம், ஆனால் அவர் ஒரு கூட்டத்தில் இருப்பதாக கூறி, எமது அழைப்பை தட்டிக் கழித்து விட்டார்” என்றும் மாணவர்கள் கூறினர்.

அதேவேளை, உபவேந்தர் நினைத்திருந்தால், இந்த பிரச்சினையினைத் தீர்த்து வைத்திருக்க முடியும் என்றும் மாணவர்கள் இதன்போது பொலிஸ் அதிகாரிகளிடம் சுட்டிக்காட்டினர்.

#கைது செய்ய முடியும்!

இதன்போது, மாணவர்களிடம் பேசிய பொலிஸ் உயரதிகாரி; உங்களின் இந்த செயலால் ஆயிரக்கணக்கான மாணவர்களின் கல்வி சீர்கெட்டுள்ளது என்று கூறினார். மேலும், சட்டத்துக்கு விரோதமாக இவ்வாறு நடந்து கொண்டால் உங்களை கைது செய்து சிறையில் அடைக்க முடியும் எனவும் சுட்டிக்காட்டினார்.

#பேச்சுவார்த்தைக்கு இணக்கம்!

இறுதியில், அம்பாறை மாவட்டத்துக்கான பிரதிப் பொலிஸ் மா அதிபர், தென்கிழக்கு பல்கலைக்கழகத்தின் உபவேந்தர் ஆகியோருடன், தாம் பேசுவதற்குத் தயார் என்றும், அவர்கள் இருவரும் கலந்து கொள்ளும் கூட்டமொன்றுக்கான ஏற்பாட்டினை செய்து தருமாறும் பொலிஸ் அதிகாரியிடம் மாணவர்கள் கோரிக்கை விடுத்தனர்.

இதனை ஏற்றுக் கொண்ட பொலிஸ் உயர் அதிகாரி, அந்த ஏற்பாட்டினை செய்து தருவதாக உறுதியளித்து விட்டு, அங்கிருந்து சென்றார்.

இதன்போது, ஆக்கிரமிப்பில் ஈடுபட்டுள்ள மாணவர்கள் தொங்க விட்டிருந்த பதாகையொன்றினை, பல்கலைக்கழக பாதுகாப்பு உத்தியோகத்தர்கள் அகற்றியதாகத் தெரிவித்து, குறித்த மாணவர்கள் – பாதுகாப்பு உத்தியோகத்தர்களை கடிந்து கொண்டனர். இதனால், அங்கு சலசலப்பு ஏற்பட்டது.(புதிது)

Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

  பெட்ரோலுக்கு விலை கூடுகிற‌தா?  பொருட்க‌ளுக்கு விலை கூடுகிற‌தா? இது ப‌ற்றி முஸ்லிம்க‌ள் அல‌ட்டிக்கொள்ள‌த்தேவையில்லை. ஏனென்றால் இந்த‌ நாட்டின் 2 கோடி ம‌க்க‌ளில் ஒன்ன‌ரைக்கோடி ம‌க்க‌ள் சிங்க‌ள‌ ம‌க்க‌ள். பெற்றோலுக்கு விலை கூடினால் , பொருள்க‌ளுக்கு விலை கூடினால்  அது தாக்க‌ம் முத‌லில் சிங்க‌ள‌ ம‌க்க‌ளுக்குத்தான்.  அத‌ற்கு அடுத்துதான் சிறுபான்மை ம‌க்க‌ளைத்தாக்கும். ஒன்ன‌ரைக்கோடி பெரிதா? 50 ல‌ட்ச‌ம் பெரிதா? இந்த‌ அர‌சாங்க‌ம் 100க்கு 99.5 சிங்க‌ள‌ ம‌க்க‌ளால் கொண்டு வ‌ர‌ப்ப‌ட்ட‌ அர‌சாங்க‌ம். பெட்ரோல், பொருட்க‌ள் விலை அதிக‌ரித்தால் அவ‌ர்க‌ள் பார்த்துக்கொள்வார்க‌ள். நாம் த‌லையை ஓட்டுவ‌தால் எந்த‌ ந‌ன்மையும் கிடைக்க‌ப்போவதில்லை. முடியுமாயின் பெட்ரோல், பொருட்க‌ள் விலை அதிக‌ரிப்பு ப‌ற்றி முஸ்லிம்க‌ள் ஓட்டுப்போட்ட‌ முஸ்லிம் க‌ட்சிக‌ளின் உறுப்பின‌ர்க‌ளை பாராளும‌ன்ற‌த்தில், ஊட‌க‌ங்க‌ளில் பேச‌ சொல்லுங்க‌ள்.  அவ‌ர்க‌ளே பேசாம‌டந்தையாக‌ இருக்கும் போது முஸ்லிம்க‌ள் ஏன் அல‌ட்டிக்கொள்ள‌ வேண்டும்? பொருட்க‌ள் விலை கூடுத‌ல் பெரிய‌ விட‌ய‌மா? த‌ம‌க்கென்ற‌ நாட்டை பாதுகாப்ப‌து முக்கிய‌மா என்ப‌து பெரும்பாலான‌ சிங்க

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய