அமைச்சரவைக் கூட்டத்தில் அமைச்சர் ரிஷாத் பதியூதீனுக்கும் – ரவூப் ஹக்கீமிற்கும் இடையில் கடும் வாக்குவாதம்..!
நகர திட்டமிடல் மற்றும் நீர்வழங்கல் அமைச்சர் ரவூப் ஹக்கீமிற்கும், கைத்தொழில் மற்றும் வர்த்தகத்துறை அமைச்சர் ரிஷாத் பதியூதீனுக்கும் இடையில் நேற்றைய அமைச்சரவைக் கூட்டத்தின்போது கடும் வாக்குவாதம் இடம்பெற்றுள்ளதாக அறியமுடிகின்றது.
வடக்கின் மீள்க்குடியேற்றம் தொடர்பில் இருவருக்கும் இடையில் ஏற்பட்ட கருத்து முரண்பாடு கடும் வாக்குவாதமாக இடம்பெற்றதாக மேலும் தெரிய வருகிறது.
ஜனாதிபதி மைத்திரிபால சிறிசேன தலைமையில் ஜனாதிபதி செயலகத்தில் நேற்று முற்பகல் இடம்பெற்ற அமைச்சரவைக் கூட்டத்தில் அமைச்சர்கள் இருவரும் ஒருவரை ஒருவர் விமர்சனம் செய்து கொண்டதாகவும் தெரிவிக்கப்படுகிறது.
வடக்கின் மீள்க்குடியேற்றத்துக்காக நியமிக்கப்பட்டுள்ள அமைச்சர் குழுவில் தம்மையும் இணைத்துக்கொள்ளுமாறு அமைச்சர் ரவூப் ஹக்கீம் இதன்போது விடுத்த கோரிக்கைக்கு அமைச்சர் ரிஷாத் பதியூதீன் எதிர்ப்பு வெளியிட்டுள்ளார்.
அமைச்சர் ரவூப் ஹக்கீமை அந்தக் குழுவில் உள்வாங்கினால், தாம் அதிலிருந்து விலகுவதாக அமைச்சர் ரிஷாத் பதியூதீன் கூறியுள்ளதாக தெரிவிக்கப்படுகிறது.
Comments
Post a comment