Skip to main content

ஐக்கிய தேசிய கட்சித் தலைவராக மீண்டும் ரணில் விக்ரமசிங்க தெரிவு

  ஐக்கிய தேசிய கட்சித் தலைவராக மீண்டும் ரணில் விக்ரமசிங்க தெரிவு செய்யப்பட்டார்...!!!! ஐக்கிய தேசிய கட்சித் தலைவராக மீண்டும் ரணில் விக்ரமசிங்க தெரிவு செய்யப்பட்டுள்ளார். சிரிகொத்தவில் உள்ள கட்சி தலைமையகத்தில் இன்று நடைபெற்ற செயற்குழு கூட்டத்தில் ஐக்கிய தேசியக் கட்சி தன் உறுப்பினர்களுக்கு   புதிய பதவி நிலைகளை   நியமித்தது. கட்சியின் பொதுச் செயலாளராக பணியாற்றிய அகில விராஜ் கரியவாசம் ஐ.தே.க  உதவித் தலைவராக நியமிக்கப்பட்டுள்ளார். முன்னர்  உதவித் தலைவராக  ரவி கருணநாயக்க காணப்பட்டார். அகில விராஜ்  கரியவாசம் பதவியை ஏற்றுக்கொண்டு, ஐ.தே.க   புதிய பொதுச் செயலாளராக பாலித ரங்க  பண்டாராவை நியமித்தார். ஐ.தே.க  வின் உறுப்பினர் வஜிர அபேவர்தனே  தவிசாளராக  அங்கீகரிக்கப்பட்டுள்ளார்,  ஏ.எஸ்.எம் மிஸ்பா பொருளாளராக நியமிக்கப்பட்டுள்ளார். புதிய நியமனங்கள் இருந்தபோதிலும், முன்னாள் பிரதமர் ரனில் விக்கிரமசிங்கவே  ஐ.தே.க  தலைவராக நீடிப்பார். துணைத் தலைவர் ருவன் விஜேவர்தனவும் தனது பதவியில் தொடருவார்.

முஸ்லிம் காங்கிரஸ் நமது கட்சி தலைவர் நம்மவரல்ல..


***************"*************
உள்ளூராட்சித் தேர்தல் 2018, இலங்கையின் மைய அரசியலில் பாரிய தாக்கத்தைச் செலுத்த வல்லது மாத்திரமல்ல தேசிய அரசாங்கத்தின் திசையையும் மாற்றக்கூடியது.

இலங்கையில் 50 களின் நடுப் பகுதியில் இருந்து இரு கட்சி அரசியலே நடைமுறையில் இருந்துவந்தது. இன்றைய காலத்தில் இவ்விரண்டு கட்சிகளும் இணைந்து அரசமைத்திருக்கின்ற அதே வேளை வெவ்வேறாகத் தேர்தலில் குதித்திருக்கின்றன.தேசிய அரசமைக்கிற திருப்பம் ஏற்பட்டதில் இருந்து இணைந்த எதிர்க்கட்சி என்ற கட்சி நாடாளுமன்றில் 51 உறுப்பினர்களைக் கொண்டு இயங்கி வருகிறது. ஸ்ரீலங்கா சுதந்திரக் கட்சியைப் பிரதிநிதித்துவம் செய்யும் இவ்வெதிர்க் கட்சி "ஸ்ரீலங்கா பொது ஜன பெரமுன" என்ற பதிவு செய்யப்பட்ட அரசியல் கட்சியாக பரிணமித்து, எதிர்வரும் உள்ளூராட்சித் தேர்தலில் பங்கு கொள்கிறது.

எனவே, தற்போது இலங்கையின் தேர்தல் அரசியலில் கிட்டத்தட்ட மூன்று சம பலமுள்ள சிங்களப் பெருங்கட்சிகள் தேர்தல் களத்தில் நிற்கின்றன. இது நமக்கு ஒரு புதிய அனுபவம் ஆகும். சிறுபான்மைக் கட்சிகள், இந்தப் புதிய சூழலில் அவதானத்தோடு புதிய வியூகத்தை வகுத்துச் செயல்படல் வேண்டும்.

ஐக்கிய தேசியக் கட்சி, ஸ்ரீலங்கா சுதந்திரக் கட்சி மற்றும் ஸ்ரீலங்கா பொதுஜன பெரமுன ஆகிய மூன்று கட்சிகளும் எதிர்வரும் உள்ளாட்சித் தேர்தலில் ஒன்றை விட மற்றது ஒரு சில சபைகளைத் தானும் அதிகமாகப் பெற்றுக் கொள்ளும் தீவிர செயல்பாட்டில் இறங்கியிருக்கின்றன. ஏனெனில் கூடிய சபைகளைப் பெறும் கட்சியால்தான் அடுத்து வரும் மாகாண சபை மற்றும் நாடாளுமன்றத் தேர்தல்களில் ஆதிக்கம் செலுத்த முடியும் என அவை நம்புகின்றன.மட்டுமல்லாது எதிர்வரும் 2020 இல் நாடாளுமன்றத் தேர்தல் நடைபெறுவதற்கு முன்னுள்ள இரண்டு வருடங்களும் மன்றில் அதிக செல்வாக்குள்ள ஆட்சிக் கட்சியாகவும் திகழ்ந்து தமது கட்சியின் செல்வாக்கை அதிகரித்துக்கொள்ள முடியும் என்று இக்கட்சிகள் நம்புகின்றன. ஆகவே இக்கட்சிகள் அவற்றின் இந்த திட்டத்துக்கு ஏற்றவகையிலேதான் உள்ளாட்சித் தேர்தலுக்கான வியூகத்தில் சிறுபான்மைக் கட்சிகளுடன் கூட்டமைத்திருக்கின்றன.

இந்த அடிப்படையில் வெற்றி பெறுவதை நோக்காகக் கொண்டுதான் ஐக்கிய தேசியக் கட்சி, கிழக்கில் முஸ்லிம் காங்கிரசை யானையின் வயிற்றுக்குள் விளாங்காயாய் விழுங்கியிருக்கிறது. அதாவது தேர்தல் முடிவு வெளியாகிற போது ஒப்பீட்டளவில் யானை அதிக சபைகளைக் கைப்பற்றியிருக்க வேண்டும். இதற்காகத்தான் முஸ்லிம் காங்கிரஸ் இவ்வளவு காலமும் தனித்து நின்று வென்று வந்த உள்ளூராட்சி சபைகளில் யானைச் சின்னத்தில்தான் தேர்தலில் இறங்கவேண்டும் என்று ஹக்கீமுக்கு மிரட்டல் விடுத்த ரணில், யானை தனித்து நின்று வெல்லக்கூடிய சபைகளில் முஸ்லிம் காங்கிரசைத் தனித்து நிற்கும் வகையில் கைவிட்டார். முஸ்லிம்கள் தனித்து ஆட்சியமைக்கக்கூடிய சபைகளில் தனித்தும்,தனித்து ஆட்சியமைக்க முடியாத சபைகளில் தேசியக் கட்சிகளுடன் கூட்டுச் சேர்ந்தும் தேர்தலை எதிர்கொள்வதே முஸ்லிம் தேசிய அரசியலுக்கு ஆரோக்கியமானது. அதுவும் வரலாற்றில் மூன்று கட்சிகளின் பலம் பரீட்சிக்கப்படுகிற களச் சூழலில் முஸ்லிம் தனித்துவக் கட்சி தனித்து நின்று, மூன்று கட்சிகளுக்கும் முஸ்லிம் அரசியல் பலத்தை நிரூபித்துக் காட்டுவதே மிகச் சரியான இன்றைய உள்ளாட்சித் தேர்தல் வியூகமாகும். ஆனால் முஸ்லிம் காங்கிரஸ் தலைகீழாக முடிவை எடுத்து முஸ்லிம்களின் தலைகளைக் கவிழச் செய்துள்ளது. ஐக்கிய தேசியக் கட்சிக்கு கட்சியைத் தாரைவார்த்து தலைவர் அமைச்சர் பதவியையும், அடுத்த நாடாளுமன்றத் தேர்தலில் கண்டியில் போட்டியிடப் பாதுகாப்பான தொகுதியையும் பெற்றுக்கொள்ளும் வீரஞ்செறிந்த போராட்டத்தில் வெற்றிவாகை சூடியுள்ளார்.

வடகிழக்கில் தமிழ்த் தேசியக் கூட்டமைப்பும், மலையகத்தில் தொண்டமானும்,தன்மானத்தோடு புதிய சூழலில் பேரம்பேசும் சக்தியைப் பிரயோகிக்க ஏதுவாக தனித்துப் போட்டியிடுகிற போது முஸ்லிம் காங்கிரசால் ஏன் தனித்துக் போட்டியிட்டிருக்க முடியாது?
மக்கள் நலனில் அக்கறையற்றுத் தனது சொந்த நலனுக்காக மக்களைப் பலி கொடுக்கும் நபர் ஒருவர் எமது கட்சிக்குத் தலைவராக இருக்கும் வரை அஷ்ரஃப் கட்சியை ஆரம்பித்த தூய்மையான நோக்கத்தை அடையவே முடியாது.

எனவே, எதிர்வரும் தேர்தலை நமது கட்சியை நாம் மீட்டெடுப்பதற்பான வாய்ப்பாக உபயோகிக்க வேண்டும்.ஓர் அரசியல் மொத்த வியாபாரியும் அவரோடிருக்கும் நடைபாதை வியாபாரிகளும் நமது உதிரத்தால் உருவான கட்சியைக் கையகப்படுத்தி வைத்திருப்பதால் அது நமது கட்சியில்லை என்றாகாது. "தலைவர் நம்முடையவரல்ல ஆனால் கட்சி நம்முடையது" என்ற கோசத்தை முன் வைத்து இத்தேர்தலை எதிர்கொள்வோம். முஸ்லிம் காங்கிரஸ் எங்கும் தேர்தல் கேட்கவில்லை ஐக்கிய தேசியக் கட்சியே போட்டியிடுகிறது என்ற எதார்த்த நிலைப்பாட்டை எடுப்போம். றவூப் ஹக்கீமின் காட்டிக்கொடுப்புக்குப் பாடம் புகட்டுவோம். தேர்தல் முடிய கட்சியைக் கைப்பற்றி புதிய பரம்பரையிடம் கையளிப்போம்.
Basheer 

Comments

Popular posts from this blog

அதாவுல்லாவை புக‌ழும் ஹ‌ரீஸ்

ஒவ்வொரு நிமிடமும் நம்மை நோக்கி எறிகணைகள் வந்த வண்ணமே இருக்கிறது. நாங்கள் ஒற்றுமைப்பட்டு இனி செயலாற்ற முன்வர வேண்டும். அம்பாறை மாவட்டத்தில் உள்ள சகல அரசியல் கட்சி முக்கியஸ்தர்களும் ஒன்றிணைந்து எதிர்வரும் பொதுத்தேர்தலை சந்தித்து நாங்கள் ஒற்றுமையாக வாக்களித்தால் அம்பாறை மாவட்டத்தில் இருந்து ஐந்து முஸ்லிம் பாராளுமன்ற உறுப்பினர்கள் தெரிவாவார்கள் என ஸ்ரீலங்கா முஸ்லிம் காங்கிரஸின் பிரதித்தலைவரும் முன்னாள் இராஜாங்க அமைச்சருமான சட்டத்தரணி  எச்.எம்.எம்.ஹரீஸ் தெரிவித்தார்.  தொடர்ந்தும் அங்கு பேசும் போது, கல்முனை பிரதேச விவகாரம் பற்றிய பிரதமருடனான கலந்துரையாடலுக்கு குறித்த தொகுதியின் மக்கள் பிரதிநிதியாகிய எனக்கு எவ்வித அழைப்புக்களும் விடுக்கப்பட்டிருக்க வில்லை. நான் நேரடியாக பிரதமர் மஹிந்தவை சந்தித்து மக்களின் பிரச்சினையை பற்றி தெளிவாக விளக்கியவுடன் அன்று மாலை என்னையும் கூட்டத்தில் கலந்துகொள்ளுமாறும் அதற்கான ஏற்பாடுகளை தான் செய்வதாகவும் வாக்குறுதியளித்தார். அதன் பிரகாரமே நான் அக்கூட்டத்திற்க்கு சென்று வரவேற்பறையில் காத்திருந்தேன். அங்கு கலந்து கொண்டிருந்த முக்கிய பிரமுகர்கள் பலரும் அதிருப்

அகில இலங்கை மக்கள் காங்கிரஸ் கட்சியினால் சுமார் 16 லட்சம் ரூபா பெறுமதியான கரப்பாந்தாட்ட விளையாட்டு மைதானம்

அகில இலங்கை மக்கள் காங்கிரஸ் கட்சியினால் சுமார் 16 லட்சம் ரூபா பெறுமதியான கரப்பாந்தாட்ட  விளையாட்டு மைதானம்  மதவாக்குள பிரதேசத்திற்கு  அமைத்து கொடுக்கப்ப்பட்டுள்ளது. கௌரவ முன்னாள் அமைச்சரும் அகில இலங்கை மக்கள் காங்கிரஸ் கட்சியின் தலைவருமான அல்ஹாஜ் றிஷாத் பதுயுதீன் அவர்களின் நிதியின் மூலம் அகில இலங்கை மக்கள் காங்கிரஸ் புத்தள மாவட்ட அமைப்பாளர் அலி சப்ரி ரஹீம் அவர்களின் முயற்சியினால் அகில இலங்கை மக்கள்  காங்கிரசின் மதவாக்குள கட்சிக் குழுவின் வேண்டுகோளுக்கு இணங்க மதவாக்குள பிரதேசத்திற்கு மிக நீண்டகால தேவைப்பாடாக இருந்த கரப்பாந்தாட்ட விளையாட்டு மைதானம் நேற்று கெளரவ அலி சப்ரி ரஹீம் அவர்களினால் திறந்து வைக்கப்பட்டது. அந்தவகையில் இந்த கரப்பாந்தாட்ட விளையாட்டு மைதானமானது சுமார் 16 லட்சம் ரூபா பெறுமதியாகும் எனவே இதனை  ஊருக்கு  அமைத்து கொடுத்தமைக்கு மதவாக்குள ஊர் மக்கள் மற்றும்இ விளையாட்டு குழு உறுப்பினர்கள் தங்கள் நன்றிகளை அகில இலங்கை மக்கள் காங்ரஸிற்கு  தெரிவித்து கொள்கின்றனர். ஊடகவியலாளர் சில்மியா யூசுப். 0769622313

சாய்ந்தமருது நகரசபை – விசேட வர்த்தமானி இன்று நள்ளிரவு !

சாய்ந்தமருது நகரசபை 2022 பங்குனி 20 அமுலாகும் வகையில் 2162/50 இலக்கம் கொண்ட அதிவிசேட வர்த்தமானி இன்று நள்ளிரவு வெளியாகவுள்ளது. பொது நிர்வாக உள்நாட்டு அலுவல்கள் மற்றும் உள்ளூராட்சி மாகாண சபைகள் அமைச்சர் ஜனக பண்டார தென்னக்கோனின் கையொப்பத்துடன் வெளியாகவுள்ளது . 1987ம் ஆண்டு கல்முனை தொகுதியில் 4 சபைகள் இயங்கின. அதனை முன்னாள் ஜனாதிபதி ஆர் .பிரேமதாசா ஒன்றிணைத்தார்.அதனை மீண்டும் பிரித்து தங்கள் பகுதியை ஒரு நகர சபையாக பிரித்து தருமாறு சாய்ந்தமருது மக்கள் கடந்த காலங்களில் பல்வேறு போராட்டங்கள் செய்தனர். அத்துடன் கடந்த 2018 ம் ஆண்டு இடம்பெற்ற உள்ளூராட்சி தேர்தலில் சுயேட்சை குழுவை சாய்ந்தமருது பள்ளிவாசல் களமிறக்கி அதில் 6 வட்டாரங்களையும் வென்று மொத்தம் 9 உறுப்பினர்களை பெற்றமை விசேட அம்சமாகும். கடந்த நல்லாட்சி அரசில் முஸ்லிம் அமைச்சர்கள் ,பிரதமர் நகர சபை தருவதாக வாக்குறுதி அளித்து ஏமாற்றியமையும் இங்கு குறிப்பிடத்தக்கது. அத்துடன் சாய்ந்தமருது பள்ளிவாசல் மற்றும் 6 மக்கள் பிரதி நிதிகள் ஜனாதிபதி கோட்டாபய ராஜபக்‌ஷவின் வெற்றிக்காக ஒப்பந்தம் செய்து தேர்தல் பணிகளில் ஈடுபட்டனர் .கடந்த தேர்தலில் ச