Skip to main content

மரணம், நூறுல்ஹக்கை பிரித்துவிட்டது" - மக்கள் காங்கிரஸ் தலைவர் ரிஷாட் அனுதாபம்!

  எல்லோருக்கும் பொதுவிதியான மரணம், நூறுல்ஹக்கை பிரித்துவிட்டது" - மக்கள் காங்கிரஸ் தலைவர் ரிஷாட் அனுதாபம்! ஊடகப்பிரிவு- பன்னூலாசிரியர் நூறுல்ஹக் அவர்கள் இறையடி சேர்ந்த செய்தியால், கடும் கவலையடைந்துள்ளதாக அகில இலங்கை மக்கள் காங்கிரஸ் தலைவரும் பாராளுமன்ற உறுப்பினருமான ரிஷாட் பதியுதீன் தெரிவித்துள்ளார். அன்னாரின் மறைவு குறித்து அவர் விடுத்துள்ள அனுதாபச் செய்தியில் தெரிவிக்கப்பட்டுள்ளதாவது, "எழுத்துப் பணியில் ஓயாது உழைத்துக் கொண்டிருந்த ஒரு நண்பனை நான் இழந்துவிட்டேன். அவரது இடைவௌியால், முஸ்லிம் சமூகத்தின் தனிப்பெரும் திறமையில் வெற்றிடம் ஏற்பட்டுவிட்டது. அரசியல், சமூகவியல், இலக்கிய வௌிகளில் மர்ஹூம் நூறுல்ஹக்கின் ஆளுமைகள் பளிச்சிடுவதை அன்னாரின் படைப்புக்களில் பார்க்க முடியும். முஸ்லிம் பூர்வீகம் பற்றி மிகத் தௌிந்த சிந்தனைகளில் அவர் பணியாற்றியவர். சமூக, அரசியல் தலைமைகளை வழிகாட்டும் அளவுக்கு அவரது சிந்தனைகள் இருந்ததை என்னால் பெருமையுடன் ஏற்றுக்கொள்ள முடியும். கொழும்புக்கு வரும் நேரமெல்லாம் நேரடியாகவோ அல்லது தொலைபேசியிலோ என்னைத் தொடர்புகொள்ளும் அவர், முஸ்லிம் சமூகத்தின் சமகால, நிகழ்கா

அட்டாளைச்சேனை முஸ்லிம் காங்கிர‌ஸுக்குள் மோத‌ல்

அட்டாளைச்சேனைக்கான, மு.கா. வேட்பாளர்களைத் தெரிவு செய்யும் கூட்டத்தில் கூச்சல் குழப்பம்; பகிஷ்கரித்து வெளியேறியது மத்திய குழு!!

அட்டாளைச்சேனை பிரதேச சபைக்கு முஸ்லிம் காங்கிரஸ் சார்பாக எதிர்வரும் உள்ளுராட்சித் தேர்தலில் போட்டியிடுவதற்கான வேட்பாளர்களைத் தெரிவு செய்யும் கூட்டம் நேற்று வியாழக்கிழமை நிந்தவூரில் நடைபெற்ற போது, அங்கு பெரும் கூச்சல் குழப்பங்கள் ஏற்பட்டதாகத் தெரியவருகிறது.

இதேவேளை, கட்சியின் அட்டாளைச்சேன மத்திய குழுவினர் அங்கு முரண்பட்டுக் கொண்டு, வெளியேறியதாகவும் அறிய முடிகிறது.

அட்டாளைச்சேனை பிரதேசத்தில் முஸ்லிம் காங்கிரஸ் சார்பாக போட்டியிடவுள்ள வேட்பாளர்களை தெரிவு செய்வது தொடர்பான கூட்டம், கட்சியின் செயலாளர் நிஸாம் காரியப்பர் தலைமையில் நிந்தவூரிலுள்ள தொழிற்பயிற்சி நிலையத்தில் நடைபெற்றது.

இதில், பிரதியமைச்சர் பைசல் காசிம், கட்சியின் தவிசாளர் முழக்கம் மஜீத் உள்ளிட்டோரும் கலந்து கொண்டனர்.

இது குறித்து மேலும் தெரியவருவதாவது;

மு.காங்கிரசின் அட்டாளைச்சேனை மத்திய குழுவினர், அண்மையில் இரண்டு தீர்மானங்களை நிறைவேற்றியிருந்தனர்.

மு.கா. தலைமையினால் வாக்களிக்கப்பட்டமைக்கு இணங்க, அட்டாளைச்சேனைக்கான தேசியப்பட்டியல் நாடாளுமன்ற உறுப்பினர் பதவியினை, உள்ளுராட்சித் தேர்தல் வேட்புமனு சமர்ப்பிப்பதற்கு முன்னர் வழங்க வேண்டும் எனவும், அட்டாளைச்சேனை பிரதேச சபைக்கான தேர்தலில் முஸ்லிம் காங்கிரஸ் தனது சொந்த மரச் சின்னத்தில் போட்டியிட வேண்டும் என்றும் அந்த தீர்மானங்கள் அமைந்திருந்தன.

இந்த நிலையில், கிழக்கு மாகாண சபையின் முன்னாள் அமைச்சரும், மு.காங்கிரசின் அட்டாளைச்சேனை அமைப்பாளருமான ஏ.எல்.எம். நசீர் தலைமையில் நேற்று நிந்தவூருக்கு சென்றிருந்த அட்டாளைச்சேனை மத்திய குழுவினர், அங்கிருந்த கட்சியின் செயலாளர் நிஸாம் காரியப்பரிடம் தமது தீர்மானங்கள் குறித்து ஞாபகப்படுத்தியதோடு, வேட்புமனுக்கான உறுப்பினர்கள் பட்டடியலை தயாரிப்பதற்கு முன்பாக, அட்டாளைச்சேனைக்கான தேசியப்பட்டியல் நாடாளுமன்ற உறுப்பினர் பதவியினை வழங்க வேண்டும் என்றும் வலியுறுத்தினார்கள்.

இந்த நிலையில், இவ்விவகாரம் தொடர்பில் தன்னால் எதையும் கூற முடியாது என்றும், தேசியப்பட்டியல் விடயத்தில் தலைவர்தான் தீர்மானிப்பார் எனவும், கட்சியின் செயலாளர் நிஸாம் காரியப்பர் கூறினார்.

இதனையடுத்து, அட்டாளைச்சேனை மத்திய குழுவினர் வாதப் பிரதிவாதங்களில் ஈடுபட்டு – ஒரு கட்டத்தில் ஆத்திரமடைய, அங்கு பாரிய கூச்சல் குழுப்பம் ஏற்பட்டுள்ளது.

இந்த நிலையில், அட்டாளைச்சேனைக்கான தேசியப்பட்டியல் நாடாளுமன்ற உறுப்பினர் பதவி வழங்கப்படாமல், உள்ளுராட்சி தேர்தலில் போட்டியிடுவதற்கான வேட்பாளர் பட்டியலை தாங்கள் வழங்கப் போவதில்லை என்று, அட்டாளைச்சேனை மத்திய குழுவினர் கூறினார்கள்.

இதன்போது, அங்கிருந்த மு.காங்கிரசின் அட்டாளைச்சேனை பிரமுகரும், கட்சியின் உயர்பீட உறுப்பினருமான பளீல் பி.ஏ; மு.காங்கிரசின் செயலாளரிம் சென்று, அட்டாளைச்சேனையில் மு.கா. சார்பாக போட்டியிட தயாராகவுள்ள வேட்பாளர்களின் பட்டியலொன்று தன்னிடம் உள்ளதாகக் கூறி, அவ்வேட்பாளர்கள் பற்றிய விபரங்களை அங்கு சமர்ப்பித்தார்.

பளீல் பி.ஏ.யினுடைய இந்த நடவடிக்கை, அங்கிருந்த அட்டாளைச்சேனை மத்திய குழுவினரை மேலும் ஆத்திரமடையச் செய்ய, நிலைமை மேலும் மோசமானது.  பளீல் பி.ஏ.யை, அட்டாளைச்சேனை மத்திய குழுவைச் சேர்ந்த சிலர், கடுமையாக ஏசிப் பேசியதாகவும், தாக்குவதற்கு முற்பட்டதாகவும் அறிய முடிகிறது.

இறுதியில், அட்டாளைச்சேனைக்கான வேட்பாளர் தெரிவு நடவடிக்கையை பகிஸ்கரித்து, மு.காங்கிரசின் அட்டாளைச்சேனை மத்திய குழுவினர் அங்கிருந்து வெளியேறினர்.

இந்த நிலையில், பளீல் பி.ஏ. வழங்கிய வேட்பாளர் பட்டியலை மு.கா. செயலாளர் நிஸாம் காரியப்பர் பெற்றுக் கொண்ட போதிலும், அதனை ஏற்றுக் கொள்வதா? இல்லையா? என்பதை கட்சித் தலைவர் ரஊப் ஹக்கீம்தான் தீர்மானிப்பார் என, கட்சியின் முக்கியஸ்தர்கள் தெரிவித்தனர்.

Comments

Popular posts from this blog

அதாவுல்லாவை புக‌ழும் ஹ‌ரீஸ்

ஒவ்வொரு நிமிடமும் நம்மை நோக்கி எறிகணைகள் வந்த வண்ணமே இருக்கிறது. நாங்கள் ஒற்றுமைப்பட்டு இனி செயலாற்ற முன்வர வேண்டும். அம்பாறை மாவட்டத்தில் உள்ள சகல அரசியல் கட்சி முக்கியஸ்தர்களும் ஒன்றிணைந்து எதிர்வரும் பொதுத்தேர்தலை சந்தித்து நாங்கள் ஒற்றுமையாக வாக்களித்தால் அம்பாறை மாவட்டத்தில் இருந்து ஐந்து முஸ்லிம் பாராளுமன்ற உறுப்பினர்கள் தெரிவாவார்கள் என ஸ்ரீலங்கா முஸ்லிம் காங்கிரஸின் பிரதித்தலைவரும் முன்னாள் இராஜாங்க அமைச்சருமான சட்டத்தரணி  எச்.எம்.எம்.ஹரீஸ் தெரிவித்தார்.  தொடர்ந்தும் அங்கு பேசும் போது, கல்முனை பிரதேச விவகாரம் பற்றிய பிரதமருடனான கலந்துரையாடலுக்கு குறித்த தொகுதியின் மக்கள் பிரதிநிதியாகிய எனக்கு எவ்வித அழைப்புக்களும் விடுக்கப்பட்டிருக்க வில்லை. நான் நேரடியாக பிரதமர் மஹிந்தவை சந்தித்து மக்களின் பிரச்சினையை பற்றி தெளிவாக விளக்கியவுடன் அன்று மாலை என்னையும் கூட்டத்தில் கலந்துகொள்ளுமாறும் அதற்கான ஏற்பாடுகளை தான் செய்வதாகவும் வாக்குறுதியளித்தார். அதன் பிரகாரமே நான் அக்கூட்டத்திற்க்கு சென்று வரவேற்பறையில் காத்திருந்தேன். அங்கு கலந்து கொண்டிருந்த முக்கிய பிரமுகர்கள் பலரும் அதிருப்

அகில இலங்கை மக்கள் காங்கிரஸ் கட்சியினால் சுமார் 16 லட்சம் ரூபா பெறுமதியான கரப்பாந்தாட்ட விளையாட்டு மைதானம்

அகில இலங்கை மக்கள் காங்கிரஸ் கட்சியினால் சுமார் 16 லட்சம் ரூபா பெறுமதியான கரப்பாந்தாட்ட  விளையாட்டு மைதானம்  மதவாக்குள பிரதேசத்திற்கு  அமைத்து கொடுக்கப்ப்பட்டுள்ளது. கௌரவ முன்னாள் அமைச்சரும் அகில இலங்கை மக்கள் காங்கிரஸ் கட்சியின் தலைவருமான அல்ஹாஜ் றிஷாத் பதுயுதீன் அவர்களின் நிதியின் மூலம் அகில இலங்கை மக்கள் காங்கிரஸ் புத்தள மாவட்ட அமைப்பாளர் அலி சப்ரி ரஹீம் அவர்களின் முயற்சியினால் அகில இலங்கை மக்கள்  காங்கிரசின் மதவாக்குள கட்சிக் குழுவின் வேண்டுகோளுக்கு இணங்க மதவாக்குள பிரதேசத்திற்கு மிக நீண்டகால தேவைப்பாடாக இருந்த கரப்பாந்தாட்ட விளையாட்டு மைதானம் நேற்று கெளரவ அலி சப்ரி ரஹீம் அவர்களினால் திறந்து வைக்கப்பட்டது. அந்தவகையில் இந்த கரப்பாந்தாட்ட விளையாட்டு மைதானமானது சுமார் 16 லட்சம் ரூபா பெறுமதியாகும் எனவே இதனை  ஊருக்கு  அமைத்து கொடுத்தமைக்கு மதவாக்குள ஊர் மக்கள் மற்றும்இ விளையாட்டு குழு உறுப்பினர்கள் தங்கள் நன்றிகளை அகில இலங்கை மக்கள் காங்ரஸிற்கு  தெரிவித்து கொள்கின்றனர். ஊடகவியலாளர் சில்மியா யூசுப். 0769622313

சாய்ந்தமருது நகரசபை – விசேட வர்த்தமானி இன்று நள்ளிரவு !

சாய்ந்தமருது நகரசபை 2022 பங்குனி 20 அமுலாகும் வகையில் 2162/50 இலக்கம் கொண்ட அதிவிசேட வர்த்தமானி இன்று நள்ளிரவு வெளியாகவுள்ளது. பொது நிர்வாக உள்நாட்டு அலுவல்கள் மற்றும் உள்ளூராட்சி மாகாண சபைகள் அமைச்சர் ஜனக பண்டார தென்னக்கோனின் கையொப்பத்துடன் வெளியாகவுள்ளது . 1987ம் ஆண்டு கல்முனை தொகுதியில் 4 சபைகள் இயங்கின. அதனை முன்னாள் ஜனாதிபதி ஆர் .பிரேமதாசா ஒன்றிணைத்தார்.அதனை மீண்டும் பிரித்து தங்கள் பகுதியை ஒரு நகர சபையாக பிரித்து தருமாறு சாய்ந்தமருது மக்கள் கடந்த காலங்களில் பல்வேறு போராட்டங்கள் செய்தனர். அத்துடன் கடந்த 2018 ம் ஆண்டு இடம்பெற்ற உள்ளூராட்சி தேர்தலில் சுயேட்சை குழுவை சாய்ந்தமருது பள்ளிவாசல் களமிறக்கி அதில் 6 வட்டாரங்களையும் வென்று மொத்தம் 9 உறுப்பினர்களை பெற்றமை விசேட அம்சமாகும். கடந்த நல்லாட்சி அரசில் முஸ்லிம் அமைச்சர்கள் ,பிரதமர் நகர சபை தருவதாக வாக்குறுதி அளித்து ஏமாற்றியமையும் இங்கு குறிப்பிடத்தக்கது. அத்துடன் சாய்ந்தமருது பள்ளிவாசல் மற்றும் 6 மக்கள் பிரதி நிதிகள் ஜனாதிபதி கோட்டாபய ராஜபக்‌ஷவின் வெற்றிக்காக ஒப்பந்தம் செய்து தேர்தல் பணிகளில் ஈடுபட்டனர் .கடந்த தேர்தலில் ச