Skip to main content

அரசியல் ஞானமற்ற ஒருவரே மட்டக்களப்பின் பிரதிதிதியாக அவருக்குத் தேவைப்பட்டார்


எம்மாத்திரம் முயற்சிகள்!

2010 இலிருந்து நான் எடுத்த அரசியல் எத்தனங்கள் எல்லாம் நமது முஸ்லிம் காங்கிரசை நமது மக்களுக்கான கட்சியாக மீட்டு எடுப்பதற்கானதே என்பதை உறுதி செய்து ஒப்புதல் வாக்கு மூலமாக அளிக்க விரும்புகிறேன்.

அவ்வருடம் நடைபெற்ற நாடாளுமன்றப் பொதுத்தேர்தலில் மட்டக்களப்பு மாவட்டத்தில் நான் தோல்வியடைவேன், மாற்றுக் கருத்தின் தொல்லை ஒழிந்தது என்று ஹக்கீம் நம்பினார்.தேர்தல் நடந்து முடிந்து மட்/ இந்துக்கல்லூரியில் வாக்கெண்ணுதல் நடைபெற்றுக்கொண்டிருந்தது. இரவு11 மணியளவில் வாக்கெண்ணும் நிலையத்தில் இருந்து லேக் டிறைவ் ஹோட்டலுக்கு அசதி போக்கும் நோக்கோடு வந்தேன். குளித்து தலை துவட்டும் போது ஊடகவியலாளர் நண்பர் நூர்தீன் எனக்கு அவசரமாகத் தொலை பேசினார்., உடனடியாக வாக்கெண்ணும் நிலையத்துக்கு வாருங்கள் உங்களது கட்சிக்கும் பிள்ளையானின் கட்சிக்கும் சிறு வித்தியாசத்தில் கடும் போட்டி நிலவுகிறது, நீங்கள் இங்கில்லாவிட்டால் எல்லாம் பிழைத்துவிடும் என்று பதறினார். நான் உடனே ஓடிச்சென்று வாக்கெண்ணும் பணியில் ஒன்றிப் போனேன்.

தலைவர் ஹக்கீம் அதிகாலை 2.00 மணிக்கு எனது தொலை பேசியில் தொடர்பு கொண்டு மட்டக்களப்பில் நிலவரம் என்ன என்று வினவினார். இங்கு நமக்கு ஒரு ஆசனம் நிச்சயம் என்றேன். நமது கட்சி வேட்பாளர் எண்மரில் அவ்வாசனம் யாருக்குக் கிடைக்கும் என்று கேட்டார். எனக்குத்தான் கிடைக்கும் என்று அவருக்கு மகிழ்ச்சியோடு சொன்னேன், அவர் பெருமகிழ்ச்சி அடைவார் என்று நினைத்து. நான் நினைத்ததில் தவறில்லை, ஏனெனில் 2000 ஆம் ஆண்டு தொடக்கம் 10 வருடங்கள் கட்சிக்கு ஏற்பட்ட எல்லா சவால்களுக்கும் முகம் கொடுத்தவர்களில் முதன்மையானவன் நான் என்பதையும் அவரது தனிப்பட்ட விவகாரங்களில் எனது உயிரை விடுவதற்கும் தயாராய் நின்று அவரைக் காப்பாற்றியவன் நான் மட்டும்தான் என்பதையும் ஹக்கீமே அதிகம் தெரிந்தவராகும். ஆனால், நான்தான் வெல்வேன் என்று சொன்னதும் அவரால் அடுத்த வார்த்தை எதையும் பேசமுடியவில்லை, 5 நிமிடம் அமைதி நிலவியது, ஒன்றும் பேசாமல் தொலை பேசியை வைத்துவிட்டார். அல்ஹம்துலில்லாஹ் நல்லது பஷீர் என்றல்லவா அவர் சொல்லியிருக்க வேண்டும். அன்று அவருக்கு வேண்டியது கட்சிக்கு ஆசனம் கிடைக்கவேண்டும் அது நானாக இருக்கக் கூடாது.

மட்டு மாவட்டத்தில் உள்ள மூன்று முஸ்லிம் ஊர்களிலும் நடைபெற்ற இந்தத் தேர்தலுக்கான பிரசாரக் கூட்டங்களில் கலந்துவிட்டு  காத்தான்குடியைச் சேர்ந்த உச்சபீட உறுப்பினர் முபீன் அவர்களுடன் தலைவர் பதுளைக்குப் பிரச்சாரத்துக்காகச் செல்லும் வழியில் இம்முறை பஷீர் வெல்ல முடியாது ஓட்டமாவடியைச் சேர்ந்த லெப்பை ஹாஜியார்தான் வெல்வார் என்று கூறியதாக பின்னர் ஊர்ஜிதமாகத் தெரிந்துகொண்டேன். எனவே, அரசியல் ஞானமற்ற ஒருவரே மட்டக்களப்பின் பிரதிதிதியாக அவருக்குத் தேவைப்பட்டார். கேள்வி கேட்கக் கூடாது, தலைவர் சொல்வதையும் செய்வதையும் தலையாட்டி ஆமாம் சாமி போடுபவர்களே கிழக்கில் அவருக்குத் தேவைப்பட்டனர். ஆனால் 2010 இல் நான் வென்று நாடாளுமன்ற உறுப்பினரானேன்.

2000 ஆம் ஆண்டில் ஹக்கீமுக்கான ஆலோசனைக்கான வாயும் மக்கள் விசுவாசத்துக்கான மனதுமாய் இருந்த எனது வாய் துப்பாக்கியாயும், மனது மக்கள் மன்றமாயும் ஆனது இப்போதுதான்.  2015 ஆம் ஆண்டு எனக்கு கட்சியில் தேர்தல் வாய்ப்பை ஹக்கீம் மறுத்ததற்கான காரணம் 2010 இல் வென்றதைப் போல் பஷீர் வென்று விடுவான் என்ற அவரது அச்சமே ஆகும். இந்தப் பின்புலக் காட்சிக் கதையின் விளைவே இன்று றவூப் ஹக்கீமின் எதேச்சாதிகாரம் தூள் தூளாகி வருவதன் அடிப்படையாகும்.

நான் அரசியல் அதிகாரம் இல்லாதிருந்தாலும் அரசியல் அறிவு இல்லாதவனல்ல என்பதை ஹக்கீம் நன்கறிவார்.
நான் கட்சியில் தொடர்ந்திருக்கவும் வேண்டும் அவருக்கு தேவைப்படும் போதெல்லாம் கட்சியின் புத்தி ஜீவிகளையும், விசுவாசிகளையும், கிழக்கு நேசர்களையும் கடித்துக் குதற அவ்வப்போது  "றெகுலா பல்" முளைக்கவும் வேண்டும். இதற்காகத்தான் 2015 இல் கட்சியின் யாப்பில் அடிமைச் செயலாளர் பதவியை உருவாக்கினார்.

எனது கதைக்குச் சமாந்தரமான ஒரு கதை நண்பர் செயலாளர் நாயகம் ஹஸனலிக்கும் உண்டு. 2008 இல் இடம்பெற்ற முதலாவது கிழக்கு மாகாண சபைத் தேர்தலில் ஸ்ரீலங்கா சுதந்திரக் கட்சியில் இணைந்து போட்டியிடுவதற்கு தடையாக ஹஸனலி இருந்தார். கிழக்கு முஸ்லிம்களின் காணி விடயங்களில் விட்டுக் கொடுப்புக்குக்கு உடன்படாது அவர் காணப்பட்டார்.எழுத்து மூல ஒப்பந்தங்கள் இல்லாது எந்தத் தேசியக் கட்சிகளுடனும் உடன்பட மறுத்தார், இறுதியாக கடந்த ஜனாதிபதித் தேர்தலில் மஹிந்தவுடன் கூட்டுச் சேர மறுத்து நிஸாம் காரியப்பரின் வீட்டில் எதிரணிக்கு தேர்தல் வேலை செய்யும் வகையில் கட்சி முக்கியத்தர்களை இணைத்து கூட்டம் போட்டார் இவை போன்ற நடவடிக்கைகளால் ஹக்கீம், ஹஸனலி மீது பல்லைக்கடித்தபடி முகம் பார்த்துச் சிரித்து அவருக்கு கழுத்தறுத்தார்.

எனது அரசியல் நகர்வுகளும், ஹஸனலியின் நகர்வுகளும் ஒத்த பாதையில் செல்லவில்லை ஆயினும் கிழக்கின் உச்சத்தை தொடுவதில் சமாந்தரமான பயணமாக இருந்தது.

எனவேதான் கட்சி யாப்புத் திருத்தம் மூலம் ஹக்கீம் தனது சுய திருத்தல யாத்திரையைத் தொடர ல முனைந்தார். இந்த யாத்திரைதான் இன்று அவரைத் தோல்வியின் நித்திரைக்கு அழைத்துச் செல்கிறது.

இந்த நித்திரைக்கான நித்திய யாத்திரையை நிகழ்தகவான பயணமாக்குவதை அடிப்படையாகக் கொண்டே கட்சியின் உச்சபீட உறுப்பினர் பலரின் துணையுடன் கடந்த மூன்று வருடங்களாகச் செயல்பட்டு வருகிறோம்.

இதற்காகத்தான்- தாறுஸ்ஸலாம் கொள்ளை, யாப்புத் திருட்டு, நிதிய மோசடி, அஷ்ரஃப் கொலை விசாரணை,குமாரி விவகாரம், கூட்டமைப்பு உருவாக்கம், ஐக்கிய சமாதானக் கூட்டமைப்பு உருவாக்கம் மற்றும் தற்போதைய உள்ளாட்சித் தேர்தல் தேர்தல் பங்குபற்றல் ஆகிய விடயங்களைக் கையாண்டுவருகிறோம்.

ஹக்கீமின் குத்தாட்டங்கள் அனைத்தையும் 'அசிட்'டைக் கொண்டு களுவி கொடியில் காயப் போட்டுள்ளோம். வெய்யில் எறிக்காவிட்டால் பரவாயில்லை, கொஞ்சம் காற்று வீசும் வேளை இவை உலரத்தொடங்கும் போது எல்லாமே மக்களுக்கு புலனாகும். புலனாகும் போது இது மக்களுக்கே பலனாகும்.

நமது கட்சியை அழிப்பதல்ல... நமது கட்சியை மீட்பதே நமது இலக்கு. நாமே மந்திரம் ஓதி ஆடவைத்த ஹக்கீம் எனும் சுய நலப் பூதத்தை அடக்கி, மக்களின் காலடிக்கு மீண்டும் கொண்டு வருவதற்கு இந்தத் தேர்தலில் அவரின் தலையில் மக்கள் மீண்டும் மாற்று மந்திரம் ஓதி வாக்குகள் எனும் வேப்பிலைக் கொத்தால் அடிக்க வேண்டும். தேர்தலில் அவரைத் தோற்கடிக்க வேண்டும். இது நிகழ்ந்தால்,ஹக்கீம் உண்மையை உணரும் வாய்ப்பு ஏற்படலாம், இல்லாவிட்டாலும், கட்சி மக்களுடையதாகும். நாம் என்னென்றும் பதவிகள் எதுவும் வேண்டாதவர்களாக உங்களோடு இருப்போம்.

எந்தத் தேசியக் கட்சியின் தலைவர்களும் கற்பிக்கும் பாடத்தைவிட மக்கள் கற்பிக்கும் பாடமே சிறந்தது. அரசியலில் குலை நடுங்கும் அச்சத்தைப் போதிப்பது.
Basheer Segudavood

Comments

Popular posts from this blog

அதாவுல்லாவை புக‌ழும் ஹ‌ரீஸ்

ஒவ்வொரு நிமிடமும் நம்மை நோக்கி எறிகணைகள் வந்த வண்ணமே இருக்கிறது. நாங்கள் ஒற்றுமைப்பட்டு இனி செயலாற்ற முன்வர வேண்டும். அம்பாறை மாவட்டத்தில் உள்ள சகல அரசியல் கட்சி முக்கியஸ்தர்களும் ஒன்றிணைந்து எதிர்வரும் பொதுத்தேர்தலை சந்தித்து நாங்கள் ஒற்றுமையாக வாக்களித்தால் அம்பாறை மாவட்டத்தில் இருந்து ஐந்து முஸ்லிம் பாராளுமன்ற உறுப்பினர்கள் தெரிவாவார்கள் என ஸ்ரீலங்கா முஸ்லிம் காங்கிரஸின் பிரதித்தலைவரும் முன்னாள் இராஜாங்க அமைச்சருமான சட்டத்தரணி  எச்.எம்.எம்.ஹரீஸ் தெரிவித்தார்.

 தொடர்ந்தும் அங்கு பேசும் போது,

கல்முனை பிரதேச விவகாரம் பற்றிய பிரதமருடனான கலந்துரையாடலுக்கு குறித்த தொகுதியின் மக்கள் பிரதிநிதியாகிய எனக்கு எவ்வித அழைப்புக்களும் விடுக்கப்பட்டிருக்க வில்லை. நான் நேரடியாக பிரதமர் மஹிந்தவை சந்தித்து மக்களின் பிரச்சினையை பற்றி தெளிவாக விளக்கியவுடன் அன்று மாலை என்னையும் கூட்டத்தில் கலந்துகொள்ளுமாறும் அதற்கான ஏற்பாடுகளை தான் செய்வதாகவும் வாக்குறுதியளித்தார். அதன் பிரகாரமே நான் அக்கூட்டத்திற்க்கு சென்று வரவேற்பறையில் காத்திருந்தேன். அங்கு கலந்து கொண்டிருந்த முக்கிய பிரமுகர்கள் பலரும் அதிருப்தியுடன…

Sri Lanka COSMI Founder President appointed to London’s Peace Institute

The Founder President of Sri Lanka’s Confederation of Micro, Small and Medium Industries (COSMI) has been appointed as the Co-Chairperson of theLondon based Global Peace Institute (GPI)which conducts interdisciplinary research in several thematic fields including international relations and politics. By this high profile appointment made on 15 January, GPI seeks COSMI Founder President Nawaz Rajabdeen’s contributions to improve its training and research efforts. GPI is a think tank run by the UK based Global Peace Ins. (GPI) CIC, an independent non-profit, non-governmental organization. GPI works for global peace and resilience through peace education, dialogue, training, creating awareness and research. COSMI Founder President Rajabdeen, as an honorary member, is also tasked by GPI to promote its programs, add value to research work, and also will be required to attend various GPI events. “I am thankful to GPI for enlisting me for their ongoing and vast efforts” said COSMI Founder Pres…

மைத்திரிபால ஒரு புத்திஜீவியாகவோ, அறிஞராகவோ அவருடைய ஆட்சிக் காலத்தில் செயற்படவில்லை.

சிறுபான்மையினரின் வாக்குகளே
பிரதமர் யார் என்பதை தீர்மானிக்கும் !

சஜீத் − ரணில் பிரச்சினை
கூட்டனிக்கு பாதிப்பில்லை !!

நான் நிரபராதி என்பதை
சிங்கள மக்கள் உணர்வர் !!!

ஆட்சியில் இணையுமாறு அழைப்பு
வந்தால் தீர்மானிக்கலாம் !!!!

அகில இலங்கை மக்கள் காங்கிரஸ் தேசியத் தலைவர் ரிஷாத் பதியுதீன் பி.பி.சிக்கு பரபரப்பு பேட்டி....

அப் பேட்டியில் அவர் மேலும் தெரிவித்துள்ளதாவது...;

கேள்வி:
தற்போது நாடாளுமன்றத்தில் அங்கம் வகிக்கும் முஸ்லிம் தலைவர்களை தமது அரசாங்கத்தில் சேர்த்துக் கொள்வதில்லை என்றுகூறி ஆளுந்தரப்பு நிராகரித்திருப்பது பற்றி என்ன நினைக்கிறீர்கள்?

பதில்:
ஆளுங்கட்சியில்தான் இருக்க வேண்டும் என்கிற நிலைப்பாட்டுடன் நாம் அரசியல் செய்யவில்லை.

கடந்த ஜனாதிபதி தேர்தலில் கோட்டாபய ராஜபக்ஷவுக்கு கிடைத்த 69 லட்சம் வாக்குகளை எதிர்வரும் பொதுத் தேர்தலில் மஹிந்த ராஜபக்ஷ அணியினர் ஒட்டுமொத்தமாகப் பெற்றாலும், அவற்றினைக் கொண்டு நாடாளுமன்றத்திலுள்ள 225 ஆசனங்களில் 105 ஆசனங்களை மட்டுமே கைப்பற்ற முடியும். அதேவேளை, எதிர்த்தரப்பினருக்கு 119 ஆசனங்கள் கிடைக்கும். எனவே, எதிர்வரும் பொதுத் தேர்தல் சவால் மிகுந்ததாகவே அமையும்…