Skip to main content

அம்பலமான முகங்கள்

 Virakesari 25.07.2021 ***************************** எம்.எஸ்.தீன் - முஸ்லிம் கட்சிகளின் அரசியல் தலைவர்களும், பாராளுமன்ற உறுப்பினர்களும் தங்களது சுயநலத்திற்காக எந்தப் பிசாசுடனும் உறவுகளை வைத்துக் கொள்வதற்கும், சேவகம் செய்வதற்கும் இடம், ஏவல், மரியாதை என்ற எதனையும் கவனத்திற் கொள்ளமாட்டார்கள் என்பதற்கு மற்றுமொரு சான்றாகவே அமைச்சர் உதய கம்மன்விலவுக்கு எதிராக ஐக்கிய மக்கள் சக்தியினால் கொண்டு வரப்பட்ட நம்பிக்கையில்லாத பிரேரணை விடயத்திலும் முஸ்லிம் கட்சிகளின் பாராளுமன்ற உறுப்பினர்களின் முடிவுகள் அமைந்துள்ளன. அமைச்சர் உதய கம்மன்விலவுக்கு எதிராக ஐக்கிய மக்கள் சக்தியினால் கொண்டு வரப்பட்ட நம்பிக்கையில்லாத பிரேரணையானது முழுக்க அரசியல் நோக்கத்தைக் கொண்டது. எரிபொருளின் விலையை அதிகரித்தமையை பொதுஜன பெரமுனவின் பாராளுமன்ற உறுப்பினர்கள் பலரும் அந்த பழியை உதய கம்மன்விலவின் தலைமையில் சுமர்த்திவிட்டு, நல்லபிள்ளை போல் மக்கள் மத்தியில் கருத்துக்களை வெளியிட்டார்கள்.  இத்தகைய பாராளுமன்ற உறுப்பினர்களினதும், பொதுஜன பெரமுனவினதும் உண்மையான நிலைப்பாட்டை மக்களுக்கு காண்பிப்பதற்காகவே நம்பிக்கையில்லா பிரேரணை கொண்டு வரப்

இலங்கையில் றோஹிங்கிய அகதிகள்: சோதனைகளும் வேதனைகளும்


****************************************

இலங்கையில்  இடைத் தங்கியிருக்கும் றோஹிங்கிய முஸ்லிம் அகதிகள் அனுபவிக்கும் வேதனைகள் அவர்கள் தாய் நாட்டில் எதிர்கொண்டவற்றை ஒத்திருக்கின்றன.

இலங்கையின் வடபுலத்தின் காங்கேசந்துறையில் இருந்து 13 கடல் கிலோ மீட்டர் தொலைவில் இலங்கைக் கடற்படையினரால் கைது, காங்கேசந்துறைப் பொலிஸ் நிலையத்தில் ஒப்படைப்பு, பின் வழக்கை எதிர்கொள்ளல், அடுத்து மிரிஹான முகாம் வாழ்க்கை, முகாமில் இருக்கும் போது சுகவீனம் காரணமாக வைத்திய சாலையில் அனுமதிக்கப்பட்டிருந்த ஒரு இளம் பெண் போலிசார் ஒருவரால் பாலியல் வன் கொடுமைக்குட்படுதல், தற்போது முஸ்லிம் எய்ட்ஸ் என்கிற அரச சார்பற்ற நிறுவனத்தினால் கல்கிஸ்ஸ தனியார் வீடொன்றில் வைத்துப் பராமரிக்கப்படுகையில் பௌத்த கொடுங்கோலர்களைக் கொண்ட குழுவொன்றால் விரட்டப்பட்டு பூஸா இராணுவ முகாமில் தங்கியிருத்தல்- இவ்வனுபவங்கள் அவர்கள் மறக்க விரும்பும் மியன்மார் நினைவுகளைத் தவிர அவர்களுக்கு வேறெந்த சந்தோசங்களைக் கிளறிவிடும்?

ஆறு குடும்பங்களைச் சேர்ந்த 30 அகதிகளில் 15 பேர் சிறுவர் சிறுமிகளாவர். மிரட்டியும், விரட்டியும் திரியும் காடையர் கும்பல் இவர்களைப் பயங்கரவாதிகள் என்கிறது.

இந்த ஆறு குடும்பங்களும் 2012 ஆம் ஆண்டு மியன்மாரில் பெரியதொரு இன, மத வன்கொடுமை கட்டவிழ்த்துவிடப்பட்ட காலத்தில் அங்கிருந்து பங்காளதேசத்துக்கு குடி பெயர்ந்தனர்.பின்னர் அங்கிருந்து இவர்கள் 2012 இலேயே சிலரும் 2013 இல் சிலரும் 2016 இல் சிலருமாக
இந்தியாவுக்குள் வந்தனர்.

இவர்கள் முறையே 5, 4, 1 வருடங்கள் இந்தியாவில் வாழ்ந்தவர்கள். அதுவும் ஜம்மு- காஷ்மீரில் பெயின்டர், எலக்ட்ரீசியன், ஆங்கில ஆசிரியர் போன்ற தொழில்களைச் செய்து வாழ்ந்து வந்தவர்கள் என்பது தற்போது பூசா முகாமில் இருக்கும் றோஹிங்கியர் அப்துழ்ழாஹ்வுடன் பேசிய வேளை அறிந்து கொள்ள முடிந்தது.2014 இல் டில்லி UN  காரியாலயத்தில் தங்களைப் பதிவு செய்துள்ளனர்.இடையிடையே டில்லிக்குச் சென்று UNHRC அலுவலக உத்தியோகத்தர்களோடு கலந்துரையாடியுமுள்ளனர்.

மியன்மார் அகதிகள் அவர்களது நாட்டுக்குத் திருப்பி அனுப்படுவர் என இந்தியாவில் செய்திகள் வெளிவந்த போது இவர்கள் அச்சத்தின் காரணமாக வேறொரு நாட்டுக்குச் செல்வதற்காகவே கடல் மார்க்கமாக வெளியேறியுள்ளனர் எனச் சொல்லப்படுகிறது. நிச்சயமாக அவர்கள் செல்ல நாடிய நாடு இலங்கையல்ல அது அவுஸ்திரேலியாவாகும். இப்போது எங்கோ தப்பிச் செல்வதற்காகப் பயணித்த மக்களைக் கைது செய்து வைத்துக்கொண்டு அடாவடித்தனம் செய்கிறார்கள். இவர்கள் கைது செய்யப்பட்ட கடல் பரப்பில் எவ்வளவோ கடத்தல்கள் நடக்கின்றன, முன்னர் எத்தனையோ கப்பல்கள்  வட கடலில் வந்து ஆயுதங்களை இறக்கிச் சென்றன. ஆயுதம் தரித்தோர் ஆயிரக் கணக்கில் நடமாடினர். இன்றும் கடல் மார்க்கமாக ஆட்கடத்தலும், பொருட்கடத்தலும் அமோகமாக தங்கு தடையின்றி நடைபெறுகின்றன.இவற்றையெல்லாம் தடுக்க வக்கற்றவர்கள் உயிரைத் தப்பி ஓடிக் கொண்டிருந்த அப்பாவிகளைப் பிடித்து வைத்து மனச் சித்திரவதை செய்கிறார்கள்.

ஒரு திட்டமிட்ட உள் தோக்கத்தோடு இந்த அப்பாவிகளை யாரோ எப்போதோ மூளைச் சலவை செய்து, அவுஸ்திரேலியா அனுப்புவதாக ஆசைகாட்டி அழைத்து வந்து இடையில் இலங்கைக் கடற்படைக்குத் தகவல் கொடுத்து மாட்டி விட்டுள்ளனர் என்று சந்தேகம் கொள்வதைத் தவிர்க்க முடியவில்லை.இதில் இலங்கை முஸ்லிம்கள் இலக்கு வைக்கப்பட்டுள்ளனர் என்பதைப் புரிந்து கொள்வது நமது பாதுகாப்புக்கு அவசியமானதாகும்.

இவ்வகதிகள் சுமார் ஐந்து வருடங்கள் காஷ்மீரில் ஓரளவு சொந்தக்க காலில் நின்றிருக்கிறார்கள். சுமார்  ஒரு வருடத்திற்கு முன்பு ஆந்திர மாநிலத்துக்கு வந்து தலைநகர் ஹைரதராபாத்தில் 3 மாதங்கள் இருந்துள்ளனர். 30 ஏப்பிரல் 2017 இல் இலங்கைக் கடல் எல்லைக்குள் கைது செய்யப்படுவதற்கு முன்னர் தமிழ் நாடு, தஞ்சாவூரில் 3 மாதங்கள்
தங்கியிருந்து, நாகபட்டினத்தில் இருந்து கடல் மார்க்கமாகப் புறப்பட்டு அவுஸ்திரேலியா செல்வதாக எண்ணிக் கொண்டு வருகையிலேதான் கைது செய்யப்பட்டுள்ளனர். இவர்களுடன் கைது செய்யப்பட்டுள்ள வள்ளம் ஓட்டிகளான தஞ்சாவூரைச் சேர்ந்த கோபால் வேலுசாமி,அலி அக்பர் இப்றாஹீம்ஷா ஆகியோர் இன்னும் விளக்க மறியலில் இருக்கிறார்கள்.

பங்காளதேசத்திலிருந்து இந்தியாவுக்குள் நுழைய வேண்டுமானால் இருநாடுகளின் எல்லையில் அமைந்திருக்கும் கொல்கத்தா அல்லது பட்னாவுக்கு ஊடாகத்தான் களவாக வர வேண்டும்.

கலவர பூமியிலிருந்து தற்பாதுகாப்புக்காக தப்பி ஓடிவந்த ரோஹிங்கிய அகதிகள் அண்மையில் உள்ள பாதுகாப்பான பிரதேசங்களான கொல்கத்தாவிலோ, பட்னாவிலோ தங்காமல் ஏன் உள்நாட்டு யுத்தம் நடைபெறும் ஆபத்தான காஷ்மீருக்குச் செல்ல வேண்டும்? கொல்கத்தாவிற்கும் ஜம்முகாஷ்மீருக்கும் இடையில் 1696 கி.மீட்டர்கள் தூரமும், பட்னாவிற்கும் ஜம்முகாஷ்மீருக்கும் இடையில் 1228 கி.மீட்டர்கள் தூரமும் இருக்கையில் இவர்களை அங்கு அனுப்பியவர்கள் யார்?

இந்தப் பாவப்பட்ட, ஏமாற்றப்பட்ட அகதிகளுக்கு அச்சுறுத்தல் விடுக்குமாறு பௌத்த தீவிரவாதிகளுக்கு உத்தரவிட்ட அவர்களின் எஜமானர்கள் யார்? ஹைதராபாத்தில் எவரது உதவியில் இவர்கள் தங்கியிருந்தனர்? தஞ்சாவூரில் எங்கு தங்கியிருந்தனர்? இவர்களது நடமாட்டத்தை இந்தியப் புலனாய்வு அமைப்புக்கள் கவனிக்கவில்லையா?

இவை போன்ற இன்னோரன்ன கேள்விகளை எழுப்பி விடை தேடுவதே இலங்கை முஸ்லிம்களின் பாதுகாப்புக்கு அவசியமானது. அல்லாது எதிரிகள் நாம் எவ்வாறு எதிர் வினையாற்ற வேண்டும் என்று நினைத்து வினையாற்றுகிறார்களோ அப்படியே செயல்பட்டு நாம் பலியாகி விடக் கூடாது. காலில் மிதிபட்டால் துள்ளுவது போல இவ்வாறான விடயங்களில் குதிக்க முடியாது. இலங்கை முஸ்லிம்களைத் தாக்குவதற்கான சூழலைக் கனிய வைக்கப் பார்க்கிறார்கள்.முன்பெல்லாம் இலங்கை முஸ்லிம்கள் வியாபாரக் குழப்பவாதிகள் என்று நிரூபிக்க முற்பட்டவர்களின் பிந்திய பரம்பரையினர் இப்போது முஸ்லிம்கள் பயங்கரவாதிகள் என்று நிரூபித்து சிதற வைக்க முற்படுகிறார்கள்.

இவ்வாறான செயலளன் முதல் இலக்கு முஸ்லிம்களாக இருந்தபோதும் இறுதி இலக்கு அமைதி கலங்கிய இஸ்திரமற்ற இலங்கைதான் என்பதை பௌத்தச் செயற்கைத் தீவிரவாதம் உணராவிட்டால் அந்தத் தீவிரவாதிகள் தாமும் இடை நடு இலக்குதான் என்பதை உணர்வதற்கு  நகரும் காலம் அவர்களை விட்டு வைக்கப் போவதில்லை.
Basheer Segu Davood

Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

  பெட்ரோலுக்கு விலை கூடுகிற‌தா?  பொருட்க‌ளுக்கு விலை கூடுகிற‌தா? இது ப‌ற்றி முஸ்லிம்க‌ள் அல‌ட்டிக்கொள்ள‌த்தேவையில்லை. ஏனென்றால் இந்த‌ நாட்டின் 2 கோடி ம‌க்க‌ளில் ஒன்ன‌ரைக்கோடி ம‌க்க‌ள் சிங்க‌ள‌ ம‌க்க‌ள். பெற்றோலுக்கு விலை கூடினால் , பொருள்க‌ளுக்கு விலை கூடினால்  அது தாக்க‌ம் முத‌லில் சிங்க‌ள‌ ம‌க்க‌ளுக்குத்தான்.  அத‌ற்கு அடுத்துதான் சிறுபான்மை ம‌க்க‌ளைத்தாக்கும். ஒன்ன‌ரைக்கோடி பெரிதா? 50 ல‌ட்ச‌ம் பெரிதா? இந்த‌ அர‌சாங்க‌ம் 100க்கு 99.5 சிங்க‌ள‌ ம‌க்க‌ளால் கொண்டு வ‌ர‌ப்ப‌ட்ட‌ அர‌சாங்க‌ம். பெட்ரோல், பொருட்க‌ள் விலை அதிக‌ரித்தால் அவ‌ர்க‌ள் பார்த்துக்கொள்வார்க‌ள். நாம் த‌லையை ஓட்டுவ‌தால் எந்த‌ ந‌ன்மையும் கிடைக்க‌ப்போவதில்லை. முடியுமாயின் பெட்ரோல், பொருட்க‌ள் விலை அதிக‌ரிப்பு ப‌ற்றி முஸ்லிம்க‌ள் ஓட்டுப்போட்ட‌ முஸ்லிம் க‌ட்சிக‌ளின் உறுப்பின‌ர்க‌ளை பாராளும‌ன்ற‌த்தில், ஊட‌க‌ங்க‌ளில் பேச‌ சொல்லுங்க‌ள்.  அவ‌ர்க‌ளே பேசாம‌டந்தையாக‌ இருக்கும் போது முஸ்லிம்க‌ள் ஏன் அல‌ட்டிக்கொள்ள‌ வேண்டும்? பொருட்க‌ள் விலை கூடுத‌ல் பெரிய‌ விட‌ய‌மா? த‌ம‌க்கென்ற‌ நாட்டை பாதுகாப்ப‌து முக்கிய‌மா என்ப‌து பெரும்பாலான‌ சிங்க

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய