“පසුගිය මාස 7 ක කාලය තුල මිලියන 1.2 ක පමණ සංචාරකයන්
මෙරටට පැමිණ තිබෙනවා. අපේ රටේ විශාල ජාතික ආදායමක් ලැබෙන සංචාරක ව්‍යාපාරය
තවදුරටත් වැඩිදියුණු කරන්න අපි උත්සාහ කලයුතුයි. දකුණු ආසියාවේ හොඳම ගමානාන්තය
කොළඹ නගරය බවට පත්කරන්න අවශ්‍ය සංචාරක හිතෛෂී
පරිසරයක් අපි කොළඹ නගරය තුල
ස්ථාපිත කලයුතුයි. විශේෂයෙන් සංචාරකයින්ට දේශීය ආහාර වේලක් ගන්න, දේශීය අත්කම් නිෂ්පාදන මිලදී ගන්න, නිදහසේ
හැසිරෙන්න විවෘත වෙළඳ කලාපයක් අවශ්‍යයි.
මම විශ්වාස කරනවා. කොළඹ පාවෙන වෙළඳ සංකීර්ණය තුල
එවැනි තත්වයක් ගොඩනගන්න පුළුවන්. ඒ
සදහා අවශ්‍ය සම්බන්ධීකරණය පළාත් සභා සහ පළාත් පාලන අමාත්‍යාංශය මගින් සිදුකරල දේශීය විදේශීය සංචාරක හිතෛශී
පරිසරයක් මෙහි ගොඩනගන්න මම මැදිහත්
වෙනවා”.
කොළඹ පාවෙන වෙළද සංකීර්ණය සංචාරක හිතෛශී
කලාපයක් බවට පත් කිරීම සදහා
මෙරට සංචාරක ක්ෂේත්‍ර ව්‍යාපාරිකයින්
හා පිටකොටුව වෙළඳ සංගමය සමඟ පසුගියදා
පැවති සාකච්ඡාව සදහා ප්‍රධාන ආරාධිතයා ලෙස සහභාගී වූ
පළාත් සභා සහ
පළාත් පාලන අමාත්‍ය ෆයිසර් මුස්තෆා මැතිතුමා එම අදහස් පළ කරන ලදි. පසුගිය
කාලපරිච්ඡේදය තුළ විශාල මුදලක් වැය
කරමින් නාගරික සංවර්ධන අධිකාරිය
මගින් නවීකරණය කළ මෙම පාවෙන වෙළඳ සංකීර්ණය
සංචාරක හිතෛශී
කලාපයක් බවට පත් කිරීම සඳහා පිටකොටුව වෙළද සංගමය අමාත්‍යවරයා වෙත කරනු
ලැබූ ඉල්ලීමකට අනුව මෙම සාකච්ඡාව සංවිධානය කරන ලදි. එහි පළමු
අදියර ලෙස මෙම මස 24,25 යන දින දෙක තුළ
පැවැත්වීමට නියමිත ජාත්‍යන්තර ආහාර ප්‍රදර්ශනයේ
පූර්ව සංවිධාන කටයුතු මෙහි දී වැඩි
අවධානයට යොමු කරන ලදි.
මෙම වෙළඳ සංකීර්ණය සංචාරක හිතෛශී කලාපයක් බවට පත් කිරීම තුලින් විශාල රැකියා ප්‍රමාණයක්
උත්පාදනය කල හැකිවනු ඇති අතර දෛනිකව කොළඹට පැමිණෙන විශාල පිරිසකට අවශ්‍ය සේවා රැසක්
මෙම වෙළඳ සංකීර්ණය තුළ ස්ථාපිත කිරීමට කටයුතු කෙරේ. විශේෂයෙන් පිරිසිදු ආහාරපාන
ලබා ගැනීමේ වෙළඳසැල්, සනීපාරක්ෂක සේවා සැපයුම් මධ්‍යස්ථානයක් ඇතුළු විශේෂ අංග රැසක් මහජනතාව වෙත ලබා දීමට
මෙහි දී කටයුතු කෙරේ. ඉතාම කාර්ය බහුල නාගරික පරිසරයක පිහිටි මෙම පාවෙන වෙළඳ සංකීර්ණය සංචාරක කේන්ද්‍රස්ථානයක්
බවට පත් කිරීම සඳහා විදේශීය ආයෝජකයන් රැසකගේ අවධානය යොමු වී ඇත. එහෙත් දේශීය සංචාරක සේවා සැපයුම් ආයතන සඳහා මූලිකත්වය ලබා
දිය යුතු බව අමාත්‍ය ෆයිසර් මුස්තාෆා මහතාගේ අදහස වී ඇත. විශේෂයෙන් දේශීය නිෂ්පාදන
අලෙවි කිරීම සඳහා විශේෂ කලාපයක් බවට පත් කිරීම සඳහා අවශ්‍ය පියවර ගැනීම තුළින් සුළු
හා මධ්‍ය පරිමාණ ව්‍යසායක ක්ෂේත්‍රය සඳහා අත්වැලක් වීම මෙම ඉසව්වේ තවත් අරමුණක් වේ.
Post a Comment