Skip to main content

எம் பி ப‌த‌விக்காக‌ அதுர‌லிய‌ தேர‌ரும் ஞான‌சார‌வும் மோத‌ல்.

 பொதுபலசேனா அமைப்பின் பொதுச் செயலாளர் ஞானசார தேரருக்கு பாராளுமன்ற உறுப்பினர் பதவியை விட்டுக் கொடுக்க முடியாது பாராளுமன்ற உறுப்பினர் அத்துரலியே ரத்ன தேரர் தெளிவாக குறிப்பிட்டுள்ளார் . இவ்விடயத்தில் கட்சி மட்டத்தில் எவ்வித தீர்மானத்தையும் எடுக்க முடியாது . ஞானசார தேரரும் , அத்துரலிய ரத்ன தேரரும் ஒரு தேசியப்பட்டியல் ஆசனத்திற்காக செய்துகொண்ட ஒப்பந்தங்கள் ஏதும் கட்சிக்கு தெரியாது என அபே ஜனபல வேகய கட்சியின் தலைவர் சமன் பெரேரா தெரிவித்தார் .  அபேஜன வேகய கட்சிக்கு கிடைக்கப்பெற்ற ஒரு தேசியப்பட்டியல் ஆசனம் குறித்து எழுங்துள்ள முரண்பாடு குறித்து ஊடகங்களுக்கு கருத்துரைக்கையில் மேற்கண்டவாறு குறிப்பிட்டார் . அவர் மேலும் குறிப்பிடுகையில் , கடந்த வருடம் இடம்பெற்ற பொதுத் தேர்தலில் அபேஜனபல வேகய கட்சிக்கு கிடைக்கப்பெற்ற மொத்த வாக்குகளுக்கு ஒரு தேசியப்பட்டியல் ஆசனம் ஒதுக்கப்பட்டது . அமைய இந்த ஆசனத்திற்கு அபேஜன பல வேகய கட்சியின் முன்னாள் பொதுச் செயலாளர் விமல் திஸ்ஸ தேரர் , அபே ஜன பல கட்சியின் வேட்பாளர்களான தற்போதைய பாராளுமன்ற உறுப்பினர் அத்துரலியே ரத்ன தேரர் , பொதுபல சேனா அமைப்பின் பொதுச் செயலாளர் ஞானசார த

அல்லாஹ் நாடினால் அதா வெல்லுவார்....!


ஏ. எச். எம். பூமுதீன்

அம்பாறை மாவட்டத்தின் முன்னாள் அமைச்சர் ஏ.எல். எம். அதாவுல்லாஹ் மீண்டும் அரசியல் அரங்கில் பேசப்படும் நாமமாக உருவாகியுள்ளது.

சுமார் 13 வருட காலம் அதிகாரமிக்க அமைச்சராக இருந்து - தேர்தலில், அதிலும் சொந்த மாவட்டத்தில் படுதோல்வியடைந்த அமைச்சர் ஒருவர் இருப்பார் என்றால் அது அதாவுல்லாவாகத்தான் இருக்க முடியும்.

2015 பொதுத் தேர்தலின் பின்னர் இரெண்டு வருட காலம் அமைதி பேணிவந்த அவரை யாரோ இப்போது உசுப்பேத்திவிட்டுள்ளார்கள்.

அதிகாரமிக்க அமைச்சராக அதாவுல்லாஹ் இருந்த காலத்தில், ஊடகங்களில் அவர் பெயர் பெரிதாக அல்லது அறவே அடிபடுவதில்லை. ஊடகங்களையோ அல்லது ஊடகவியலாளர்களையோ அவர் அலட்டிக்கொள்ளாததே அதட்கு காரணம்.

"நான் இருக்கும்வரை எல்லா  பாராளுமன்ற தேர்தல்களிலும் நீ வெல்லுவாய்" என்ற உறுதியான உத்தரவாதம் - உயர்மட்டத்தவரிடம் இருந்து கிடைத்து இருந்ததால் அவர் ஊடகங்களை அலட்டிக்கொள்ளவில்லை.

அதனால்தான், சமூகமே எதிர்த்து நின்ற அந்த உயர் பிரமுகருடன் - அவர்தான் வெல்லுவார் என்ற அதீத நம்பிக்கையில் அவருக்கு ஆதரவாக நின்றார். இனி அவர் வரமாட்டார் என்பதை புரிந்துள்ள அதா, மீள மக்கள் ஆதரவைப்பெற ஊடகங்களுக்கு அதிக முன்னுரிமை வழங்க தொடங்கியுள்ளார்.

அம்பாறை மாவட்டத்தின் ஒருசிலர் உட்பட வெளிமாவட்ட ஒருசிலருக்கும் அதா எனும் மாயை இப்போது பீடித்துள்ளது. அம்பாறையில் அதாவுக்கு அதிக செல்வாக்கு பெருகியுள்ளது என்பதுதான் அந்த மாயை.

உண்மையில் அது தொடர்பில் ஆராய்ந்து பார்த்தால், அது வெறும் மாயை மட்டுமன்றி, பச்சை பொய்யும் கூட.

13 வருடங்களாக ஊடகங்களின் முன் தோன்றாதவர் இப்போது திடீரென, அடிக்கடி தோன்றுவதனால் ஏட்பட்ட வதந்திதான் அது என்பதை அதாவுல்லாஹ்வின்ஆதரவாளர்கள் ஜீரணிக்கமாட்டார்கள் என்பதட்காக உண்மையை மறைக்க முடியாது.

அகில  இலங்கை மக்கள் காங்கிரஸ் - அம்பாறையில் தனித்து போட்டியிட்டதனால்தான் அதாவுல்லாஹ் தோல்வியடைந்தார் என்ற கருத்தும் உலாவுகின்றது. அதனையும் அலட்சியப்படுத்த முடியாது. அத்துடன், மஹிந்த அணியில் போட்டி இட்டதனால்தான் தோல்வி அடைந்தார் என்ற கருத்தையும் மறக்க முடியாது. மைத்ரி அணி சார்பாக போட்டியிட்ட ஹிஸ்புல்லாஹ் தோல்வி அடைந்ததும் இங்கு குறிப்பிடத்தக்கது.

எனினும், நாம் இவ்வாறு அத்தாவின் தோல்விக்கு இரு காரணிகளை முன்வைத்தாலும் அவரின் ஆதாரவாளர்களோ - அமைச்சர் றிஷாத்தின் வருகைதான் அதாவுல்லாஹ்வின் தோல்விக்கு காரணம் என்பதில் உறுதியாக இருப்பதோடு புள்ளிவிபரங்களையும் முன்வைக்கின்றனர்.

மட்டுமன்றி, அகில இலங்கை மக்கள் காங்கிரஸ் போராளிகள் என்ற போர்வையில் யாரையோவெல்லாம் அழைத்து அதாவுடன் இணைந்தனர் என்று புகைப்படம் எடுத்து பிரசுரிக்கின்றனர். இது, றிஷாத்தின் வருகைதான் அதாவுல்லாஹ்வின் தோல்விக்கு காரணம் என்ற அவர்களின் எண்ணத்துக்கு சிறந்த உதாரணம்.

அம்பாறை மாவட்டத்தின் இன்றைய முஸ்லீம் அரசியல் களநிலவரத்தின் படி- அதாவுல்லாஹ்வின் மீள் எழுச்சி என்பது சாத்தியமட்ட ஒரு விடயம். அவரது வாக்கு வங்கி என்பது ரிஷாத் அணிக்கும் ஹக்கீம் அணிக்கும் பிரிந்து விட்டது. அவர்- ஏதோ ஒரு தேர்தலில் போட்டியிட்டால் " ஊரான்" என்ற ரீதியில் அவரது சொந்த ஊர் மக்களில் சிலர் அல்லது பலர் வாக்களிக்கலாமே தவிர மாவட்ட ரீதியில் முஸ்லீம், சிங்கள மக்கள் வாக்களிப்பர் என எதிர்பார்ப்பது தவறானது.

இந்த இலட்சணத்தில், " எனது தோல்விக்கு காரணமான ரிஷாத்தை தோற்கடிப்பேன்" என்ற கேட்பார் புத்தி கேட்டு, மடத்தனமாக அதாவுல்லாஹ் சில்லறை செயட்பாடுகளில் அவர் கால்பதிப்பாராயின் அது அவருக்குள்ள அரசியல் முதிர்ச்சியை கேள்விக்குட்படுத்தும் என்பதில் ஐயமில்லை.

சந்திரிக்கா என்பவரின் பின் புத்தியால் 11 வருட காலம் அவர் மஹிந்தவால் பழிவாங்கப்பட்டதும் ( ரணிலின் ஆட்சியை கலைத்தமை)- பேரியலின் பின் புத்தியால் அவரும் படுதோல்வி அடைந்து முகாவும் சுக்குநூறு ஆனதுபோல்- இப்போது முல்லையின் மௌலவியாவின் பின் புத்தியால் அதாவுல்லாஹ்வும் இப்போது அம்பாறையில் உள்ள கொஞ்சநெஞ்சத்தையும் இல்லாமலாகிவிடும் நிலையே ஏட்படப்போகின்றது.

அம்பாறை மாவட்டத்தை பொறுத்தவரையில் அகில இலங்கை மக்கள் காங்கிரசுக்கும் முகாவுக்கும்தான் போட்டி. அதிலும் முகாவின் கடும் போட்டிக்குரிய கட்சி மக்கள் காங்கிரஸ். ஒருவேளை, முகாவுக்கு அதாவுல்லாஹ் போட்டியாக மாறினாலும்- மக்கள் காங்கிரசுக்கு முகாவோ அல்லது அதாவுல்லாஹ்வோ ஒருபோதும் போட்டியே கிடையாது.

அம்பாறையில் மக்கள் காங்கிரசின் வளர்ச்சி இன்று முன்னேறி வருகின்றது. சமூக ரீதியிலான அமைச்சர் றிஷாத்தின் செயட்பாடு இளைஞ்சர்களை வெகுவாக கவர்ந்துவிட்டது.

இந்தநிலையில், அதாவுல்லாஹ்வின் வருகை ரிஷாத் அணியினரை அச்சம் கொள்ளவைத்ததன் வெளிப்பாடுதான் இந்த ஆக்கம் என அதா அல்லது முகா தரப்போ நினைத்தால் அதர்க்கு நாம் பொறுப்பல்ல.

மண் குதிரை ஓடாது , அறுந்து போன வேர்களைக்கொண்ட மரமும் துளிர்க்காது என்ற உண்மையை சொல்லி, இருண்ட யுகத்துக்குள்.சமூகம் அநியாயமாக தள்ளிவிடப்படக் கூடாது - அதனை தடுப்பதே இந்த ஆக்கத்தின் நோக்கம்.

எது எப்பிடியோ! அல்லாஹ் நாடினால் அதாவுல்லாஹ் வெல்லுவார். அதனை யாராலும் தடுக்க முடியாது.

Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

  பெட்ரோலுக்கு விலை கூடுகிற‌தா?  பொருட்க‌ளுக்கு விலை கூடுகிற‌தா? இது ப‌ற்றி முஸ்லிம்க‌ள் அல‌ட்டிக்கொள்ள‌த்தேவையில்லை. ஏனென்றால் இந்த‌ நாட்டின் 2 கோடி ம‌க்க‌ளில் ஒன்ன‌ரைக்கோடி ம‌க்க‌ள் சிங்க‌ள‌ ம‌க்க‌ள். பெற்றோலுக்கு விலை கூடினால் , பொருள்க‌ளுக்கு விலை கூடினால்  அது தாக்க‌ம் முத‌லில் சிங்க‌ள‌ ம‌க்க‌ளுக்குத்தான்.  அத‌ற்கு அடுத்துதான் சிறுபான்மை ம‌க்க‌ளைத்தாக்கும். ஒன்ன‌ரைக்கோடி பெரிதா? 50 ல‌ட்ச‌ம் பெரிதா? இந்த‌ அர‌சாங்க‌ம் 100க்கு 99.5 சிங்க‌ள‌ ம‌க்க‌ளால் கொண்டு வ‌ர‌ப்ப‌ட்ட‌ அர‌சாங்க‌ம். பெட்ரோல், பொருட்க‌ள் விலை அதிக‌ரித்தால் அவ‌ர்க‌ள் பார்த்துக்கொள்வார்க‌ள். நாம் த‌லையை ஓட்டுவ‌தால் எந்த‌ ந‌ன்மையும் கிடைக்க‌ப்போவதில்லை. முடியுமாயின் பெட்ரோல், பொருட்க‌ள் விலை அதிக‌ரிப்பு ப‌ற்றி முஸ்லிம்க‌ள் ஓட்டுப்போட்ட‌ முஸ்லிம் க‌ட்சிக‌ளின் உறுப்பின‌ர்க‌ளை பாராளும‌ன்ற‌த்தில், ஊட‌க‌ங்க‌ளில் பேச‌ சொல்லுங்க‌ள்.  அவ‌ர்க‌ளே பேசாம‌டந்தையாக‌ இருக்கும் போது முஸ்லிம்க‌ள் ஏன் அல‌ட்டிக்கொள்ள‌ வேண்டும்? பொருட்க‌ள் விலை கூடுத‌ல் பெரிய‌ விட‌ய‌மா? த‌ம‌க்கென்ற‌ நாட்டை பாதுகாப்ப‌து முக்கிய‌மா என்ப‌து பெரும்பாலான‌ சிங்க

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய