Skip to main content

துவேசத்தின் பிதாமகன்:


___________________________________________

1980 களின் இறுதிப்பகுதி....

அந்த பல்கலைக்கழக கென்டீனின் பிளாஸ்டிக் கதிரையில் திடீரென ஒரு நாள் ஏறி நின்று அவன் பேசத்தொடங்கினான்....

பேசியது சோசலிஸம்... சமத்துவம் பற்றி பெரிய விரிவுரையே நடந்து முடிந்தது!

பொறியியல் துறை மாணவன் அரசியலில் அதீத ஈடுபாடு காட்டியது அதுவும் சமத்துவ கொள்கைக்காக எழுந்து நிற்பது எல்லாம் சக மாணவர்களை அவன் பால் ஈர்த்தன.

மக்கள் விடுதலை முன்னணியின் பல்கலைக்கழக மட்ட மாணவத்தலைவனாக பின்னாட்களில் அவன் உயர்ந்தான்....

பிறகு பல்கலைக்கழகங்களில் விரிவுரையாளராக பணி செய்த காலங்களில் அவரது அரசியல் மாறுபட்டது....

அனாகரிக தர்மபால விட்டுச்சென்ற அரை மாத்திரைகளிலிருந்து தனது பேனாவினை தொடர்ந்தார்!

இலங்கைத்தேசத்தில் அயர்ந்து கிடந்த இனவாத தீவிரவாதத்தை கற்றோர் மத்தியிலும் தந்திரமாய் விதைத்துவிடும் வண்ணம் அவரது எழுத்துகள் அமைந்தன....

கோர யுத்தம் அவரது எழுத்துகளுக்கு எண்ணெய் ஊற்றியது!

பிறகு நேரடி அரசியலுக்கான தனது இரண்டாம் பிரவேசத்தை சிஹல உறுமய எனும் அதி தீவிர போக்குடைய கட்சி மூலம் செய்து முடித்தார்.

அதன் பிறகான அவரது அரசியல் பயணத்தின் தாக்கம் மஹிந்த அரசில் அவரை அமைச்சராக்கி அழகு பார்த்தது!

அளுத்கமை- தர்காநகரம் எரிய முதல் முஸ்லிம்கள் மீது படு மோசமான வெறுப்பினை உத்தியோய பூர்வமாக உமிழ்ந்து கொண்டிருந்தவர் இவர்.....

அந்த ஊர் எரிந்து சாம்பலான மறு பகலில் பசில் ராஜபக்‌ஷ தலைமையில் களுத்துரை கச்சேரியில் நடந்த கூட்டத்தில் யாரும் எதிர்பாராத வண்ணம் ஒரு அழையா விருந்தாளி நுழைந்தார்!!

அவர்தான் கலவரத்தின் நெருப்பை கக்கிய விஷநாகம் ஞானசார தேரோ.

அவரை அந்த சபைக்கு அவ்வளவு தைரியமாக பாதுகாப்போடு அழைத்து வந்தவரும் இவர்தான்!

தர்கா நகர் எரிப்பில் தொடர்பு பட்ட காடையர்கள் சிலரை உடனடியாக விடுவித்துச்செல்ல ஞானசார அந்த சபையில் தர்க்கம் செய்தார். அவர்களை விடுதலை செய்யாவிட்டால் மீண்டும் கலவரம் வெடிக்குமென்றார். கடைசியில் அவரே வென்றார்.

இத்தனைக்கும் கூடவே இருந்து அனுசரணை வழங்கியது இந்த பிதாமகன்தான்!

ஆனால் யாரோடு அரசியலில் இணைந்தாலும் ரணிலோடு இணையமாட்டேன் என்ற நீண்ட கால சபதத்தை தகர்த்தெறிந்து கடந்த ஜனாதிபதி தேர்தலில் ரணிலோடு மேடையேறி நின்றார்!!!

மைத்ரிபாலவின் பக்கம் பலமான ஆதரவு அலை சிறுபான்மை சமூகங்கள் மத்தியில் வீசத்தொடங்கியபோதும் மஹிந்த அணியில் தொக்கி நின்ற ஒன்றிரண்டு சோனக அரசியல்வாதிகள் விரல் நீட்டியதெல்லாம் இவரின் மீதுதான்......

எங்கள் தலைவர் பொது சேனாவுக்கு ஆதரவென்றால் உங்கள் பக்கமிருப்பவர் அவர்களை விட ஆபத்தானவரே என்றனர்!!

மஹிந்தவின் மீதான சிறுபான்மையினரின் அப்போதைய அதீத வெறுப்பு இவரது பாத்திரத்தை கண்டு கொள்ளவேயில்லை! அல்லது கண்மூடியிருந்தார்கள் என்றும் சொல்லலாம்!

சர்ப்பத்தை யார்தான் வீட்டுக்குள் வளர்ப்பார்கள்!!

ஆடு மாடு கோழி மான் மரை என வருகிற போது மறைந்து நெளிந்து வருகிற பாம்பைப்போல தந்திரமாக அந்த மாற்றத்திற்கான காற்று வீசிய காலத்தில் நல்லாட்சி முகாமுக்குள் தஞ்சமடைந்த இனவாத சர்ப்பமே இவரென்பதில் மிதவாத அரசியலாளர்களுக்கு நல்ல தெளிவு இருந்தது!

2020 ஜனாதிபதி கனவு இவரை தொற்றி கொள்ள தனது தீவிர இனவாத சட்டையை களற்றி வைத்து விட்டு கொஞ்சம் மிதமான சட்டையை மாற்றிக்கொண்டார்!

இந்த அரசில் முன்னரைப்போல பகிரங்கமாக இனவாத விசத்தை கக்க வெளிவரவில்லை!

ஆனால் அந்தரங்கமாக அனைத்தும் நடந்தன!

அவ்வப்போது ஞானத்தை தூண்டிவிடுகிற நாசகார வேலைகளின் பின்னாலும் தக்க தருணத்தில் அவரைப்பாதுகாக்கும் அரணாகவும் இவரே தொழிற்படுகிறார்!

ஆட்சிகளையும் தனக்கு விருப்பமான காட்சிகளையும் மாற்றிக்கொள்ள ஞானம் தனக்கு பயன்படுவார் என மீண்டும் கனவு காண்கிறார்!

ஞானத்தை இயக்குகிற இயக்குனர்களில் இவரும் ஒருவர் !

ஒவ்வொருவருக்கும் ஒவ்வொரு அரசியல் அஜன்டா இருப்பது போல இவரது ஜனாதிபதி கனவுக்கு "தொகுக்கப்படும் இனவாதம்" உதவுமென நம்புகிறார்!

இலங்கையில் இதுவரை இனவாதம் சிலவேளை தோற்றும் பலவேளைகளில் வென்றுமிருக்கிறது!

2020 ல் இனவாதம் மீண்டும் வெல்லக்கூடும்!

அதில் குளிர்காயப்போகிற ஜனாதிபதி
சம்பிக்கவா, கோட்டாவா, சஜித்தா அல்லது வேறு யாரோவா என்பதே கேள்வி.

இப்போதைக்கு ஏன் இவரைப்பற்றி இவ்வளவு எழுத்தென்று கேட்டால்; ஞானம் மறைந்திருப்பதாக சொல்லப்படுகிற ஐதீகங்களில் இவரது வீட்டையும் சொல்கிறார்கள்!

விடிந்தால் எல்லாம் வெளிக்கும்!
வெளித்தே ஆகவேண்டும்.

Comments

Popular posts from this blog

அதாவுல்லாவை புக‌ழும் ஹ‌ரீஸ்

ஒவ்வொரு நிமிடமும் நம்மை நோக்கி எறிகணைகள் வந்த வண்ணமே இருக்கிறது. நாங்கள் ஒற்றுமைப்பட்டு இனி செயலாற்ற முன்வர வேண்டும். அம்பாறை மாவட்டத்தில் உள்ள சகல அரசியல் கட்சி முக்கியஸ்தர்களும் ஒன்றிணைந்து எதிர்வரும் பொதுத்தேர்தலை சந்தித்து நாங்கள் ஒற்றுமையாக வாக்களித்தால் அம்பாறை மாவட்டத்தில் இருந்து ஐந்து முஸ்லிம் பாராளுமன்ற உறுப்பினர்கள் தெரிவாவார்கள் என ஸ்ரீலங்கா முஸ்லிம் காங்கிரஸின் பிரதித்தலைவரும் முன்னாள் இராஜாங்க அமைச்சருமான சட்டத்தரணி  எச்.எம்.எம்.ஹரீஸ் தெரிவித்தார்.

 தொடர்ந்தும் அங்கு பேசும் போது,

கல்முனை பிரதேச விவகாரம் பற்றிய பிரதமருடனான கலந்துரையாடலுக்கு குறித்த தொகுதியின் மக்கள் பிரதிநிதியாகிய எனக்கு எவ்வித அழைப்புக்களும் விடுக்கப்பட்டிருக்க வில்லை. நான் நேரடியாக பிரதமர் மஹிந்தவை சந்தித்து மக்களின் பிரச்சினையை பற்றி தெளிவாக விளக்கியவுடன் அன்று மாலை என்னையும் கூட்டத்தில் கலந்துகொள்ளுமாறும் அதற்கான ஏற்பாடுகளை தான் செய்வதாகவும் வாக்குறுதியளித்தார். அதன் பிரகாரமே நான் அக்கூட்டத்திற்க்கு சென்று வரவேற்பறையில் காத்திருந்தேன். அங்கு கலந்து கொண்டிருந்த முக்கிய பிரமுகர்கள் பலரும் அதிருப்தியுடன…

Sri Lanka COSMI Founder President appointed to London’s Peace Institute

The Founder President of Sri Lanka’s Confederation of Micro, Small and Medium Industries (COSMI) has been appointed as the Co-Chairperson of theLondon based Global Peace Institute (GPI)which conducts interdisciplinary research in several thematic fields including international relations and politics. By this high profile appointment made on 15 January, GPI seeks COSMI Founder President Nawaz Rajabdeen’s contributions to improve its training and research efforts. GPI is a think tank run by the UK based Global Peace Ins. (GPI) CIC, an independent non-profit, non-governmental organization. GPI works for global peace and resilience through peace education, dialogue, training, creating awareness and research. COSMI Founder President Rajabdeen, as an honorary member, is also tasked by GPI to promote its programs, add value to research work, and also will be required to attend various GPI events. “I am thankful to GPI for enlisting me for their ongoing and vast efforts” said COSMI Founder Pres…

மைத்திரிபால ஒரு புத்திஜீவியாகவோ, அறிஞராகவோ அவருடைய ஆட்சிக் காலத்தில் செயற்படவில்லை.

சிறுபான்மையினரின் வாக்குகளே
பிரதமர் யார் என்பதை தீர்மானிக்கும் !

சஜீத் − ரணில் பிரச்சினை
கூட்டனிக்கு பாதிப்பில்லை !!

நான் நிரபராதி என்பதை
சிங்கள மக்கள் உணர்வர் !!!

ஆட்சியில் இணையுமாறு அழைப்பு
வந்தால் தீர்மானிக்கலாம் !!!!

அகில இலங்கை மக்கள் காங்கிரஸ் தேசியத் தலைவர் ரிஷாத் பதியுதீன் பி.பி.சிக்கு பரபரப்பு பேட்டி....

அப் பேட்டியில் அவர் மேலும் தெரிவித்துள்ளதாவது...;

கேள்வி:
தற்போது நாடாளுமன்றத்தில் அங்கம் வகிக்கும் முஸ்லிம் தலைவர்களை தமது அரசாங்கத்தில் சேர்த்துக் கொள்வதில்லை என்றுகூறி ஆளுந்தரப்பு நிராகரித்திருப்பது பற்றி என்ன நினைக்கிறீர்கள்?

பதில்:
ஆளுங்கட்சியில்தான் இருக்க வேண்டும் என்கிற நிலைப்பாட்டுடன் நாம் அரசியல் செய்யவில்லை.

கடந்த ஜனாதிபதி தேர்தலில் கோட்டாபய ராஜபக்ஷவுக்கு கிடைத்த 69 லட்சம் வாக்குகளை எதிர்வரும் பொதுத் தேர்தலில் மஹிந்த ராஜபக்ஷ அணியினர் ஒட்டுமொத்தமாகப் பெற்றாலும், அவற்றினைக் கொண்டு நாடாளுமன்றத்திலுள்ள 225 ஆசனங்களில் 105 ஆசனங்களை மட்டுமே கைப்பற்ற முடியும். அதேவேளை, எதிர்த்தரப்பினருக்கு 119 ஆசனங்கள் கிடைக்கும். எனவே, எதிர்வரும் பொதுத் தேர்தல் சவால் மிகுந்ததாகவே அமையும்…