Skip to main content

றமழான் காலத்தில் நாம் சாப்பிடுகின்ற விதமாகச் சாப்பிட்டால்

Mohamed Najimudeen
றமழான் காலத்தில் நாம் சாப்பிடுகின்ற விதமாகச் சாப்பிட்டால் நோன்பின் தேக ஆரோக்கிய நன்மைகளை அடையலாமா?
அபூதாபியில் உள்ள பெர்ஜீல் வைத்தியசாலையில் கடந்த வருடம் றமழான் மாதம் நோன்பு துறந்த பின்னர்  அதிகமாகச் சாப்பிட்டதனால் ஏற்பட்ட உபாதைகளின் காரணமாக நாளாந்தம் 160-180 பேர் சிகிச்சை பெற்றதாகத் தெரிவிக்கப்பட்டுள்ளது. (The National  UAE  Staurday May 13, 2017)
சென்ற வருடம் அராபிய நாடு ஒன்றில் றமழான் மாதத்தில் நிறை குறைபவர்களுக்கு ஒவ்வொரு கிலோகிராம் நிறை குறைவிற்கும் ஒரு பவுண் வீதம் தங்கம் பரிசளிக்கப்படும் என்று அறிவிக்கப்பட்டு இருந்தது.

றமழான் மாதத்தில் நம்முடைய உணவு முறைகள் எப்படி அமைய வேண்டும்?
(அ) நோன்பு துறக்கும் (இப்தார்) வேளையில் மூன்று பேரீச்சம் பழங்கள் ஒரு கிண்ணம் நீர் மற்றும் ஒரு கோப்பை அரிசிக் கஞ்சி. அரிசிக் கஞ்சி ஒரு சிறந்த உணவாகும். இலகுவாகச் சீரணிக்க வல்லது. அதிகமான நீரைக் கொண்டது. உடனடியாகப் பசியைப் போக்க வல்லது. அரிசிக் கஞ்சி தென் இந்திய முஸ்லிம்களின் முதுசொம்.
(ஆ) தறாவீஹ் என்று பொதுவாக அறியப்பட்ட இரவு நேரத் தொழுகை. இது மெல்லிய ஆனால் உடலின் அனைத்து உறுப்புக்களுக்கும் தேவையான ஒரு சிறந்த அப்பியாசம். நோன்பின் களைப்பை நீக்கிப் புத்துணர்வை அளிக்க வல்லது. எவ்வளவு  தொழ வேண்டும் என்பது அவரவரின் உடலையும் நம்பிக்கையையும் பொறுத்தது.
(இ) அதன் பின்னர் ஏதாவது  நீர் ஆராகரம். இரவு நேரங்களில் போதியளவு நீர் அருந்த வேண்டும். அதற்காக அதிக அளவு சீனியைப் பாவிக்க வேண்டாம்.
(ஈ ) தானிய வகைகளையும் காய் கறி மற்றும்.இலை சார்ந்த மரக்கறி வகைகளையும்   அதிகமாகச் சாப்பிட வேண்டும். இவைகளில் நார்ச் சத்து அதிகம். அதனால் பசித்தன்மை உருவாகாது. மலச்சிக்கல் ஏற்படாது. பழங்கள் உடம்பிற்கு நல்லது.
(ஈ) சஹர் வேளையில்  மிகவும் சிறிய அளவு உணவும் அதிக அளவு நீரும் உட்கொள்ளப்படல் வேண்டும். அதிகமாக நீர் அருந்தினால் அதிக பசி ஏற்படாது. அதிகம் உண்ண வேண்டிய தேவை ஏற்படாது.
தயிர் ஒரு நல்ல உணவு. ஆனால் தயிரோடு அதிக அளவு சீனியைச் சேர்த்து அதன் பலனைக் கெடுத்துக் கொள்கின்றோம்.
இப்படி நம் உணவை மாற்றிக் கொண்டால் நோன்பின் மருத்துவ நன்மைகளை முற்றாக அடைய முடியும். உடம்பில் உள்ள கொழுப்புக்கள் எல்லாம் கரைந்து விடும். இரத்தக் குழாய்களில் உறைவு ஏற்படும் பாதிப்பு குறையும். இப்படியாக உணவுண்டால் றமழான் மாத முடிவில் இரண்டு கிலோகிராம் நிறை குறையும்.
இந்த உணவுப் பழக்கம் றமழானின் பின்னரும் தொடர வேண்டும். அதனால் சிறந்த ஆரோக்கியத்தை அடைய முடியும்.
துரதிஷ்டவசமாக றமழானில் நம்முடைய உணவு முறைகள் அதன் நோக்கத்தையே பாழ்படுத்தி விடுகின்றன. பொரியல், வறுவல், அவியல், துவையல், இடியல் என்று பெண்கள் சமையலிலேயே  சங்கமமாகி விடுகின்றார்கள்.  றமழான் வந்தால். அதிக வேலை. அதிக செலவு
றமழான் மாதத்தில் நம்முடைய தூக்க நேரம் குறைகின்றது. மாறுபடுகின்றது.  ஒவ்வொருவருக்கும் ஒரு குறித்த நேரம் தூக்கம் அவசியமாகும். இரவு நேரம் முழுவதும் வீணான கதைகளில் தூக்கத்தைத் தொலைத்துவிட்டு மறுநாள் பகல் நேரம் முழுவதும் வேலை நேரத்தில் தூங்கி வழிந்து நோன்பின் புனிதத்தைக் கெடுப்பது நல்லதல்ல.
அல்லாஹ்வுக்காக நோன்பு நோற்று அவன் அருள் பெற்ற நல்லடியர்களாக நம் அனைவரையும் அல்லாஹ் ஏற்றுக் கொள்வானாக.  .

Comments

Popular posts from this blog

அதாவுல்லாவை புக‌ழும் ஹ‌ரீஸ்

ஒவ்வொரு நிமிடமும் நம்மை நோக்கி எறிகணைகள் வந்த வண்ணமே இருக்கிறது. நாங்கள் ஒற்றுமைப்பட்டு இனி செயலாற்ற முன்வர வேண்டும். அம்பாறை மாவட்டத்தில் உள்ள சகல அரசியல் கட்சி முக்கியஸ்தர்களும் ஒன்றிணைந்து எதிர்வரும் பொதுத்தேர்தலை சந்தித்து நாங்கள் ஒற்றுமையாக வாக்களித்தால் அம்பாறை மாவட்டத்தில் இருந்து ஐந்து முஸ்லிம் பாராளுமன்ற உறுப்பினர்கள் தெரிவாவார்கள் என ஸ்ரீலங்கா முஸ்லிம் காங்கிரஸின் பிரதித்தலைவரும் முன்னாள் இராஜாங்க அமைச்சருமான சட்டத்தரணி  எச்.எம்.எம்.ஹரீஸ் தெரிவித்தார்.

 தொடர்ந்தும் அங்கு பேசும் போது,

கல்முனை பிரதேச விவகாரம் பற்றிய பிரதமருடனான கலந்துரையாடலுக்கு குறித்த தொகுதியின் மக்கள் பிரதிநிதியாகிய எனக்கு எவ்வித அழைப்புக்களும் விடுக்கப்பட்டிருக்க வில்லை. நான் நேரடியாக பிரதமர் மஹிந்தவை சந்தித்து மக்களின் பிரச்சினையை பற்றி தெளிவாக விளக்கியவுடன் அன்று மாலை என்னையும் கூட்டத்தில் கலந்துகொள்ளுமாறும் அதற்கான ஏற்பாடுகளை தான் செய்வதாகவும் வாக்குறுதியளித்தார். அதன் பிரகாரமே நான் அக்கூட்டத்திற்க்கு சென்று வரவேற்பறையில் காத்திருந்தேன். அங்கு கலந்து கொண்டிருந்த முக்கிய பிரமுகர்கள் பலரும் அதிருப்தியுடன…

Sri Lanka COSMI Founder President appointed to London’s Peace Institute

The Founder President of Sri Lanka’s Confederation of Micro, Small and Medium Industries (COSMI) has been appointed as the Co-Chairperson of theLondon based Global Peace Institute (GPI)which conducts interdisciplinary research in several thematic fields including international relations and politics. By this high profile appointment made on 15 January, GPI seeks COSMI Founder President Nawaz Rajabdeen’s contributions to improve its training and research efforts. GPI is a think tank run by the UK based Global Peace Ins. (GPI) CIC, an independent non-profit, non-governmental organization. GPI works for global peace and resilience through peace education, dialogue, training, creating awareness and research. COSMI Founder President Rajabdeen, as an honorary member, is also tasked by GPI to promote its programs, add value to research work, and also will be required to attend various GPI events. “I am thankful to GPI for enlisting me for their ongoing and vast efforts” said COSMI Founder Pres…

மைத்திரிபால ஒரு புத்திஜீவியாகவோ, அறிஞராகவோ அவருடைய ஆட்சிக் காலத்தில் செயற்படவில்லை.

சிறுபான்மையினரின் வாக்குகளே
பிரதமர் யார் என்பதை தீர்மானிக்கும் !

சஜீத் − ரணில் பிரச்சினை
கூட்டனிக்கு பாதிப்பில்லை !!

நான் நிரபராதி என்பதை
சிங்கள மக்கள் உணர்வர் !!!

ஆட்சியில் இணையுமாறு அழைப்பு
வந்தால் தீர்மானிக்கலாம் !!!!

அகில இலங்கை மக்கள் காங்கிரஸ் தேசியத் தலைவர் ரிஷாத் பதியுதீன் பி.பி.சிக்கு பரபரப்பு பேட்டி....

அப் பேட்டியில் அவர் மேலும் தெரிவித்துள்ளதாவது...;

கேள்வி:
தற்போது நாடாளுமன்றத்தில் அங்கம் வகிக்கும் முஸ்லிம் தலைவர்களை தமது அரசாங்கத்தில் சேர்த்துக் கொள்வதில்லை என்றுகூறி ஆளுந்தரப்பு நிராகரித்திருப்பது பற்றி என்ன நினைக்கிறீர்கள்?

பதில்:
ஆளுங்கட்சியில்தான் இருக்க வேண்டும் என்கிற நிலைப்பாட்டுடன் நாம் அரசியல் செய்யவில்லை.

கடந்த ஜனாதிபதி தேர்தலில் கோட்டாபய ராஜபக்ஷவுக்கு கிடைத்த 69 லட்சம் வாக்குகளை எதிர்வரும் பொதுத் தேர்தலில் மஹிந்த ராஜபக்ஷ அணியினர் ஒட்டுமொத்தமாகப் பெற்றாலும், அவற்றினைக் கொண்டு நாடாளுமன்றத்திலுள்ள 225 ஆசனங்களில் 105 ஆசனங்களை மட்டுமே கைப்பற்ற முடியும். அதேவேளை, எதிர்த்தரப்பினருக்கு 119 ஆசனங்கள் கிடைக்கும். எனவே, எதிர்வரும் பொதுத் தேர்தல் சவால் மிகுந்ததாகவே அமையும்…