Skip to main content

இனவாதிகளை அடக்க சட்டத்தை அமுல்படுத்துங்கள்! பாராளுமன்றத்தில் முஜீபுர் றஹ்மான்.

இன்றைய நல்லாட்சி அரசாங்கத்தை ஆட்சிபீடமேற்றுவதற்கு இந்த நாட்டின் சகல இன மக்களும் தமது அளப்பரிய பங்களிபபை வழங்கியுள்ளார்கள். அதே போல இனங்களுக்கிடையில் சமாதானமும் சகவாழ்வும் கடந்த கால யுத்தத்தினால் சீர்குலைந்துபோனது.   

யுத்தத்திற்கு பின்னரான காலப்பகுதியில் சிதைந்து போன சமாதான சகவாழ்வை கட்டியெழுப்ப வேண்டிய கடப்பாடு தற்போதைய நல்லாட்சியை பொறுப்பேற்றுள்ள எமக்கிருக்கிறது. 

அதுபோல இனங்களுக்கிடையில்  சிதைந்து போயுள்ள சமாதானத்தையும், நல்லிணக்கத்தையும், நம்பிக்கையையும்  மீண்டும் கட்டியெழுப்புவதற்கான  தேசிய நல்லிணக்க செயற்றிட்டத்தை முன்னெடுப்பதே எமது அரசின் குறிக்கோளாகும்.

நிலைமை இவ்வாறியிருக்க குறுகிய அரசியல் நோக்கம் கொண்ட சிறு குழுக்களாக இயங்கும் இனவாத கும்பல்கள்; நல்லிணக்கத்தை சீர்குலைக்கும் நடவடிக்கைகளை மேற்கொண்டு வருகின்றன.

ஆகவே, நல்லிணக்க செயற்பாடுகளை தகர்த்து நிர்மூலமாக்குவதற்கும் செயற்படுகின்ற இனவாதச சக்திகளை கட்டுப்படுத்தவும் காத்திரமான  நடவடிக்கைகளை உடனடியாக மேற்கொள்ள வேண்டும் என்று முஜீபுர் றஹ்மான் பாராளுமன்றத்தில் வலியுறுத்தினார்.

நேற்று 23ம் திகதி சபை ஒத்திவைப்பு பிரேரணை மீதான விவாதத்தை ஆரம்பித்து வைத்து உரையாற்றிய அவர் மேலும் கூறியதாவது,

கடந்த ஆட்சிக்காலத்தில் இனங்கள் மத்தியில் இனவாதத்தையும், குரோதத்தையும் வளர்த்து அளுத்கமையில் இனக்கலவரத்தை தோற்றுவித்தார்கள். 

அந்த ஆட்சியிலிருந்து மீள்வதற்காகவே சகல இனமக்களும் இனமத பேதமின்றி வாக்களித்து 2015 ஜனாதிபதித் தேர்தலில் மைத்திரிபால சிரிசேனவை வெற்றிபெற வைத்தோம். 

அன்று நாம் பெற்ற வெற்றி ஜனநாயகத்தின் வெற்றியாகும். ஊடக சுதந்திரத்தின் வெற்றியாகும். நீதித்துறையின் ஆதிக்கத்திற்கு கிடைத்த வெற்றியாகும். அதுமட்டுமல்லாமல் இன தேசிய ஐக்கியத்திற்கும், நல்லிணக்கத்திற்கும் கிடைத்த வெற்றியாகும். சமாதான சூழலை உருவாக்குவதற்கும் இந்நாட்டில் சகல இனங்களும் சமாதானமாகவும், சரிசமமாகவும் வாழ்வதற்கு  கிடைத்த வெற்றியாகும்.

இன்று இந்த சமாதான, நல்லிணக்க பயணத்தை சிதைப்பதற்கு வடக்கிலும் கிழக்கிலும் இனவாத சக்திகள் மீண்டும் தலைதூக்கி வருகின்றன. கடந்த கால அராஜக ஆட்சியை மீண்டும் கொண்டு வருவதற்கான முயற்சிகள் இடம்பெற்று வருகின்றன.

கடந்த வாரங்களில் மோசமான நிகழ்வுகள் இடம்பெற்றுள்ளன. தோல்வியடைந்த சக்திகள் மீண்டும் தலை தூக்கி பள்ளிவாசல்களுக்கும், வர்த்தக நிலையங்களுக்கும் தீ வைத்து வருகின்றன. இவை மிகவும் கவலை தரும் விடயங்களாகும். மே மாதம் 15ம் திகதி முதல் 22ம் திகதி வரை 17 சம்பவங்கள் பதிவாகியுள்ளன. இந்த நாசகார சக்திகளின் பின்னணியில் இருப்போரை நாம் இனம்காண வேண்டும்.

2010 ஆண்டில் நாம் இழந்த ஜீஎஸ்பி வரிச் சலுகையை நாம் மீண்டும் பெற்றுள்ளோம். மீண்டும் சர்வதேசத்தின்  நம்பிக்கையை இழப்பதற்கு இடமளிக்க வேண்டாம். இந்த நாட்டில் ஜனநாயகத்தை இல்லாதொழிப்பதற்கு இடமளிக்க வேண்டாம். இந்நாட்டில் தேசிய ஒற்றுமையை இல்லாதொழிக்க, இந்நாட்டில் நல்லிணக்கத்தை இல்லாதொழிக்க இந்த இனவாத சக்திகளுக்கு இடம் கொடுக்க வேண்டாம். 

இந்நாட்டை தீவைத்து நாசமாக்க இடமளிக்க வேண்டாம். நான் மீண்டும் கேட்கிறேன் இந்த இனவாத, தீவிரவாத சக்திகளுக்கு தலைகுனியாமல் இவர்களுக்கு எதிராக சட்டத்தை  உடனடியாக அமுல்படுத்துங்கள் என்றும் முஜீபுர் றஹ்மான் அரசாங்கத்தைக் கேட்டுக்கொண்டார்.

Comments

Popular posts from this blog

அதாவுல்லாவை புக‌ழும் ஹ‌ரீஸ்

ஒவ்வொரு நிமிடமும் நம்மை நோக்கி எறிகணைகள் வந்த வண்ணமே இருக்கிறது. நாங்கள் ஒற்றுமைப்பட்டு இனி செயலாற்ற முன்வர வேண்டும். அம்பாறை மாவட்டத்தில் உள்ள சகல அரசியல் கட்சி முக்கியஸ்தர்களும் ஒன்றிணைந்து எதிர்வரும் பொதுத்தேர்தலை சந்தித்து நாங்கள் ஒற்றுமையாக வாக்களித்தால் அம்பாறை மாவட்டத்தில் இருந்து ஐந்து முஸ்லிம் பாராளுமன்ற உறுப்பினர்கள் தெரிவாவார்கள் என ஸ்ரீலங்கா முஸ்லிம் காங்கிரஸின் பிரதித்தலைவரும் முன்னாள் இராஜாங்க அமைச்சருமான சட்டத்தரணி  எச்.எம்.எம்.ஹரீஸ் தெரிவித்தார்.

 தொடர்ந்தும் அங்கு பேசும் போது,

கல்முனை பிரதேச விவகாரம் பற்றிய பிரதமருடனான கலந்துரையாடலுக்கு குறித்த தொகுதியின் மக்கள் பிரதிநிதியாகிய எனக்கு எவ்வித அழைப்புக்களும் விடுக்கப்பட்டிருக்க வில்லை. நான் நேரடியாக பிரதமர் மஹிந்தவை சந்தித்து மக்களின் பிரச்சினையை பற்றி தெளிவாக விளக்கியவுடன் அன்று மாலை என்னையும் கூட்டத்தில் கலந்துகொள்ளுமாறும் அதற்கான ஏற்பாடுகளை தான் செய்வதாகவும் வாக்குறுதியளித்தார். அதன் பிரகாரமே நான் அக்கூட்டத்திற்க்கு சென்று வரவேற்பறையில் காத்திருந்தேன். அங்கு கலந்து கொண்டிருந்த முக்கிய பிரமுகர்கள் பலரும் அதிருப்தியுடன…

Sri Lanka COSMI Founder President appointed to London’s Peace Institute

The Founder President of Sri Lanka’s Confederation of Micro, Small and Medium Industries (COSMI) has been appointed as the Co-Chairperson of theLondon based Global Peace Institute (GPI)which conducts interdisciplinary research in several thematic fields including international relations and politics. By this high profile appointment made on 15 January, GPI seeks COSMI Founder President Nawaz Rajabdeen’s contributions to improve its training and research efforts. GPI is a think tank run by the UK based Global Peace Ins. (GPI) CIC, an independent non-profit, non-governmental organization. GPI works for global peace and resilience through peace education, dialogue, training, creating awareness and research. COSMI Founder President Rajabdeen, as an honorary member, is also tasked by GPI to promote its programs, add value to research work, and also will be required to attend various GPI events. “I am thankful to GPI for enlisting me for their ongoing and vast efforts” said COSMI Founder Pres…

மைத்திரிபால ஒரு புத்திஜீவியாகவோ, அறிஞராகவோ அவருடைய ஆட்சிக் காலத்தில் செயற்படவில்லை.

சிறுபான்மையினரின் வாக்குகளே
பிரதமர் யார் என்பதை தீர்மானிக்கும் !

சஜீத் − ரணில் பிரச்சினை
கூட்டனிக்கு பாதிப்பில்லை !!

நான் நிரபராதி என்பதை
சிங்கள மக்கள் உணர்வர் !!!

ஆட்சியில் இணையுமாறு அழைப்பு
வந்தால் தீர்மானிக்கலாம் !!!!

அகில இலங்கை மக்கள் காங்கிரஸ் தேசியத் தலைவர் ரிஷாத் பதியுதீன் பி.பி.சிக்கு பரபரப்பு பேட்டி....

அப் பேட்டியில் அவர் மேலும் தெரிவித்துள்ளதாவது...;

கேள்வி:
தற்போது நாடாளுமன்றத்தில் அங்கம் வகிக்கும் முஸ்லிம் தலைவர்களை தமது அரசாங்கத்தில் சேர்த்துக் கொள்வதில்லை என்றுகூறி ஆளுந்தரப்பு நிராகரித்திருப்பது பற்றி என்ன நினைக்கிறீர்கள்?

பதில்:
ஆளுங்கட்சியில்தான் இருக்க வேண்டும் என்கிற நிலைப்பாட்டுடன் நாம் அரசியல் செய்யவில்லை.

கடந்த ஜனாதிபதி தேர்தலில் கோட்டாபய ராஜபக்ஷவுக்கு கிடைத்த 69 லட்சம் வாக்குகளை எதிர்வரும் பொதுத் தேர்தலில் மஹிந்த ராஜபக்ஷ அணியினர் ஒட்டுமொத்தமாகப் பெற்றாலும், அவற்றினைக் கொண்டு நாடாளுமன்றத்திலுள்ள 225 ஆசனங்களில் 105 ஆசனங்களை மட்டுமே கைப்பற்ற முடியும். அதேவேளை, எதிர்த்தரப்பினருக்கு 119 ஆசனங்கள் கிடைக்கும். எனவே, எதிர்வரும் பொதுத் தேர்தல் சவால் மிகுந்ததாகவே அமையும்…