Skip to main content

அம்பலமான முகங்கள்

 Virakesari 25.07.2021 ***************************** எம்.எஸ்.தீன் - முஸ்லிம் கட்சிகளின் அரசியல் தலைவர்களும், பாராளுமன்ற உறுப்பினர்களும் தங்களது சுயநலத்திற்காக எந்தப் பிசாசுடனும் உறவுகளை வைத்துக் கொள்வதற்கும், சேவகம் செய்வதற்கும் இடம், ஏவல், மரியாதை என்ற எதனையும் கவனத்திற் கொள்ளமாட்டார்கள் என்பதற்கு மற்றுமொரு சான்றாகவே அமைச்சர் உதய கம்மன்விலவுக்கு எதிராக ஐக்கிய மக்கள் சக்தியினால் கொண்டு வரப்பட்ட நம்பிக்கையில்லாத பிரேரணை விடயத்திலும் முஸ்லிம் கட்சிகளின் பாராளுமன்ற உறுப்பினர்களின் முடிவுகள் அமைந்துள்ளன. அமைச்சர் உதய கம்மன்விலவுக்கு எதிராக ஐக்கிய மக்கள் சக்தியினால் கொண்டு வரப்பட்ட நம்பிக்கையில்லாத பிரேரணையானது முழுக்க அரசியல் நோக்கத்தைக் கொண்டது. எரிபொருளின் விலையை அதிகரித்தமையை பொதுஜன பெரமுனவின் பாராளுமன்ற உறுப்பினர்கள் பலரும் அந்த பழியை உதய கம்மன்விலவின் தலைமையில் சுமர்த்திவிட்டு, நல்லபிள்ளை போல் மக்கள் மத்தியில் கருத்துக்களை வெளியிட்டார்கள்.  இத்தகைய பாராளுமன்ற உறுப்பினர்களினதும், பொதுஜன பெரமுனவினதும் உண்மையான நிலைப்பாட்டை மக்களுக்கு காண்பிப்பதற்காகவே நம்பிக்கையில்லா பிரேரணை கொண்டு வரப்

13ஆவது சிறப்பு சர்வதேச மாநாடும், பேரவைக் கூட்டமும்

 
 
கனடாவிலுள்ள உலகத் தமிழ்ப் பண்பாட்டு இயக்கத்தின் தலைமையகமும், இயக்கத்தின் இலங்கை கிளையும் இணைந்து 2017 ஆகஸ்ட் 05,, 06 ஆம் திகதிகளில் நடத்தும் 13ஆவது சிறப்பு சர்வதேச மாநாடும், பேரவைக் கூட்டமும் தொடர்பான அறிவித்தல்.
உலகத் தமிழ்ப் பண்பாட்டு இயக்க கனடா தலைமையகமும், இயக்கத்தின் இலங்கை கிளையும் இணைந்து நடத்தும் 13ஆவது சிறப்பு சர்வதேச மாநாடும் பேரவைக் கூட்டமும் 2017 ஆகஸ்டு மாதம் 05 – 06 ஆம் திகதிகளான சனி மற்றும் ஞாயிற்றுக் கிழமைகளில் யாழ்ப்பாணத்தில் நடைறெவுள்ளது. இதற்கான முன்னேற்பாடுகளுடன் யாழ்ப்பாண நகரம் விழாக்கோலம் பூண்டு வருகிறது.
கடந்த பல வருடங்களாக உலகின் பல நாடுகளிலும் பத்துக்கும் மேற்பட்ட கிளைகளை அமைத்து வெற்றிகரமாக செயற்பட்டுவரும் உலகத் தமிழ் பண்பாட்டு இயக்கம் பல சர்வதேச மாநாடுகளையும் கருத்தரங்குகளையும் கடந்த காலங்களில் உலகின் பல நாடுகளிலும் நடத்தியுள்ளது. இன, மத வேறுபாடு இல்லாத கோட்பாடுகளை தனது தாராகமந்திரமாகக் கொண்டு தமிழ்ப் பண்பாட்டையும் தமிழ் மொழியையும் பேணிப் பாதுகாக்கும் முயற்சியில் ஈடுபட்டு வரும் எமது இயக்கத்திற்கு உலகெங்கும் வாழும் பல கல்வியாளர்கள், ஆராய்ச்சியாளர்கள், கலை இலக்கியவாதிகள், நிறுவனங்களில்ல் நிர்வாகப் பதவிகளை வகித்து வரும் செயற்பாட்டாளர்கள் மற்றும் பல்Nறு துறை சார்ந்த நிபுணத்துவம் கொண்டவர்கள் என அனைத்து தரப்பினர்களினதும் ஆதரவும் ஆசியும் கிடைத்து வருகிறது.
இந்த மாபெரும் மாநாட்டை யாழ்ப்பாணத்தில் நடத்துவதற்கு உலகத் தமிழ் பண்பாட்டு இயக்கத்தின் இந்தியக் கிளையின் மூத்த உறுப்பினர்களாக விளங்கும் மாநாட்டு தலைவர் முனைவர் பாஞ். இராமலிங்கம், இந்தியா கிளையின் தலைவர் திருமதி. மாலதி ராஜவேலு மற்றும் பல்வேறு நாடுகளின் கிளை உறுப்பினர்கள் என அனைவருமாக இணைந்து தீவிரமாக உழைத்து வருகின்றார்கள்.
மேலும் இந்த மாநாட்டை சிறப்பாக நடத்தி முடிக்க இலங்கை அரசாங்கமும் யாழ்ப்பாணத்தில் வட மாகாண முதலமைச்சர் மற்றும் அவரது அமைச்சரவை அமைச்சர்கள், அவை உறுப்பினர்கள் எனச் சகலரும் ஆக்கபூர்வமான ஆதரவுகளை வழங்கியிருப்பதும் குறிப்பிடத்தக்கதாகும். அத்துடன் இம்மாநாட்டில் பல மத்திய மற்றும் ஏனைய மாகாண முதல்வர்களும், அமைச்சர்களும், அவை உறுப்பினர்களும் கலந்து சிறப்பிக்க இருப்பதும் உலகத் தமிழ் பண்பாட்டு இயக்கத்திற்கு வலுச்சேர்ப்பதாக அமையவுள்ளது.
மேலும் மேற்படி மாநாட்டில் இந்தியாவிலிருந்தும் பல பிரமுகர்களும் தமிழ் அறிஞர்களும் வருகை தரவிருப்பது மகிழ்ச்சிதரும் விடயமாகும். அத்துடன் இம்மாநாட்டில் 25 நாடுகளைச் சேர்ந்த சுமார் 200 பிரதிநிதிகள் கலந்து கொள்ளவுள்ளமையும் சிறப்பு அம்சமாகும். எமது தாயகத்தில் இறுதி யுத்தத்தின் தாக்கத்திலிருந்து இன்னமும் மீள முடியாமல் தவிக்கும் எமது மக்களின் புண்களுக்கு சிறிதேனும் தைலத்தை தடவும் ஒரு முயற்சியாகவும் இந்த மாநாடு அமைய வேண்டும் என்ற நோக்கோடு இம்மகாநாட்டை இலங்கையில் நடத்த தலைமைகம் தீர்மானித்தது.
வரலாற்று முக்கியத்துவம் மிக்க இந்த இரண்டு நாள் மாநாடு தொடர்பான ஏற்பாடுகளை புலம்பெயர் நாடுகளில் சிறப்பாகச் செய்து வரும் குழுவில் உலகத் தமிழ் பண்பாட்டு இயக்கத்தின் அகிலத் தலைவர் கனடா வாழ் திரு. வி. சு துரைராஜா அவர்களும் உலகத் தமிழ் பண்பாட்டு இயக்கத்தின் பொதுச் செயலாளர் நாயகம் ஜேர்மனி வாழ் திரு. துரை கணேசலிங்கம் அவர்களும் மற்றும் இயக்கத்தின் சர்வதேச ஒருங்கிணைப்பாளராக இருந்துவரும் திரு. இ. இராஜசூரியர் அவர்களும் முக்கிய பொறுப்புக்களை ஏற்று செயற்பட்டு வருகின்றார்கள். இவர்களுக்கு ஒத்தாசையாக இயக்கத்தின் சர்வதேச ஊடகத்துறை பொறுப்பாளர் கனடா வாழ் திரு. ஆர். என். லோககந்திரலிங்கம் அவர்களும் இலங்கை மாநாடு தொடர்பான ஊடகச் செயற்பாடுகளுக்குப் பொறுப்பாக விளங்கும் திரு. தே. செந்தில்வேலவர் அவர்களும் செயற்பட்டு வருகின்றார்.
கடந்த ஆண்டு 2016 இல் எமது உலகத் தமிழ் பண்பாட்டு இயக்கத்திற்கு ஒரு ஆரோக்கியமான ஆரம்பமாக இந்திய மண்ணின் புதுவை மாநிலத்தில் உள்ள பாண்டிச்சேரி தலைநகரில் நடைபெற்ற இரணடு; நாள் மாநாடு இயக்கத்தின் சர்வதேச உறுப்பினர்கள் அனைவருக்கும் உற்சாகம் தரும் ஒரு செயற்பாடாக அமைந்தது. உலகில் தமிழ் மொழியினதும் தமிழர்களின் தமிழ்ப் பண்பாட்டினதும் காவல் தெய்வங்களாக விளங்கும் இந்திய தேசமும் தமிழ்நாடு என்னும் எமது தாய்த் தமிழகமும் அமைந்துள்ள இந்திய மண்ணில் தமிழ் மொழியின் நறுமணம் கமழும் பாண்டிச்சேரியில் எமது இயக்கத்தின் அகிலத்து அங்கத்தவர்களும் அறிஞர்களும் கூடிப் பேசி ஆராய்ந்து நல்ல பல திட்டங்களை அறிமுகம் செய்யக் கிடைத்த அந்த அரிய சந்தர்ப்பம் எம்மை பெருமடங்கு உயரத்திற்கு அழைத்துச் சென்ற ஒரு ஊக்கியாக அமைந்திருந்தது என்றே கூற வேண்டும்.

யாழ்ப்பாணத்தில் இவ்வருடம் 2017 ஆகஸ்ட் மாதம் 05 – 06 ஆம் திகதிகளான சனி மற்றும் ஞாயிற்றுக் கிழமைகளில் நடைபெறவுள்ள கருத்தரங்கு கலையரங்கு மற்றும் உலகத் தமிழ் பண்பாட்டு இயக்கத்தின் பேரவை மாநாடு மற்றும சந்திப்புக்கள் தொடர்பான விபரங்களுக்கு imtc1974@yahoo.com / raja@cfsginc.com /panchramalingam@gmail.com / velavar@yahoo.com ஆகிய மின்னஞ்சல் முகவரிகளோடு தொடர்பு கொள்ளலாம்.

Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

  பெட்ரோலுக்கு விலை கூடுகிற‌தா?  பொருட்க‌ளுக்கு விலை கூடுகிற‌தா? இது ப‌ற்றி முஸ்லிம்க‌ள் அல‌ட்டிக்கொள்ள‌த்தேவையில்லை. ஏனென்றால் இந்த‌ நாட்டின் 2 கோடி ம‌க்க‌ளில் ஒன்ன‌ரைக்கோடி ம‌க்க‌ள் சிங்க‌ள‌ ம‌க்க‌ள். பெற்றோலுக்கு விலை கூடினால் , பொருள்க‌ளுக்கு விலை கூடினால்  அது தாக்க‌ம் முத‌லில் சிங்க‌ள‌ ம‌க்க‌ளுக்குத்தான்.  அத‌ற்கு அடுத்துதான் சிறுபான்மை ம‌க்க‌ளைத்தாக்கும். ஒன்ன‌ரைக்கோடி பெரிதா? 50 ல‌ட்ச‌ம் பெரிதா? இந்த‌ அர‌சாங்க‌ம் 100க்கு 99.5 சிங்க‌ள‌ ம‌க்க‌ளால் கொண்டு வ‌ர‌ப்ப‌ட்ட‌ அர‌சாங்க‌ம். பெட்ரோல், பொருட்க‌ள் விலை அதிக‌ரித்தால் அவ‌ர்க‌ள் பார்த்துக்கொள்வார்க‌ள். நாம் த‌லையை ஓட்டுவ‌தால் எந்த‌ ந‌ன்மையும் கிடைக்க‌ப்போவதில்லை. முடியுமாயின் பெட்ரோல், பொருட்க‌ள் விலை அதிக‌ரிப்பு ப‌ற்றி முஸ்லிம்க‌ள் ஓட்டுப்போட்ட‌ முஸ்லிம் க‌ட்சிக‌ளின் உறுப்பின‌ர்க‌ளை பாராளும‌ன்ற‌த்தில், ஊட‌க‌ங்க‌ளில் பேச‌ சொல்லுங்க‌ள்.  அவ‌ர்க‌ளே பேசாம‌டந்தையாக‌ இருக்கும் போது முஸ்லிம்க‌ள் ஏன் அல‌ட்டிக்கொள்ள‌ வேண்டும்? பொருட்க‌ள் விலை கூடுத‌ல் பெரிய‌ விட‌ய‌மா? த‌ம‌க்கென்ற‌ நாட்டை பாதுகாப்ப‌து முக்கிய‌மா என்ப‌து பெரும்பாலான‌ சிங்க

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய