Skip to main content

அடிப்ப‌டைவாத‌ம் என்றால் என்ன‌?

  அடிப்படைவாதம்   (Fundamentalism)   என்பது வழக்கமாக சமயம் சார்ந்த நம்பிக்கைகளின் மீது வைக்கும் அசைவிலாத பற்றுறுதியைக் குறிக்கும். [1]   என்றாலும், இது சில சமயக் குழுக்களின் விவிலிய இலக்கியத்தைக் கண்டிப்பாக கடைபிடிக்கும் போக்கை, அதாவது அதில் குறிப்பிட்டுள்ள வேதாகம உரைகளையும் வறட்டுவாய்பாடுகளையும் கருத்தியல்களையும் பின்பற்றும் நடைமுறைப் போக்கையும் அதன் உட்குழு புறக்குழு பாகுபாட்டை பற்றிகொண்டு ஒழுகுதலையும் குறிக்கிறது. [2] [3] [4] [5]   இது குறிப்பிட்ட சமய உறுப்பினர்கள் பிறழ்ந்த ஒழுக்கத்தைப் பின்பற்றும்போது, தூய்மைவாத நிலையில் முந்தைய கருத்தியல்களுக்கு மீட்பதில் உறுதிப்பாட்டையும் விருப்பார்வத்தையும் முன்வைக்கும் போக்காகும். இதனால், இந்நிறுவப்பட்ட மறைசார் அடிப்படைகளில் நின்று, இவ்வடிப்படைகள் சார்ந்தெழும் பன்முகக் கருத்துகளைப் புறந்தள்ளிவிட்டு குழுவுள்ளே அனைவராலும் ஏற்கப்பட்ட பொது கருத்தேற்பாக அடிப்படைவாதம் உருவாக்குகிறது.   [6]   சூழலைச் சார்ந்து, அடிப்படைவாதம் ஒருபுறம் சாய்வதாக அல்லது கோடியதாக அமையுமே ஒழிய நொதுமல்/பொதுநிலையை ஏற்பதில்லை. இது, இடதுசாரி, வலதுசாரி அரசியல் கண்ணோட்டங்களைச் சில

பயமுறுத்தும் அமைச்சரும் பயந்து விட்ட மக்களும்


*****************************************

ஜெம்சித் (ஏ) றகுமான்

அம்பாறை மாவட்ட முஸ்லிம் மக்களின் வாக்குகளால் அமைச்சுப் பதவி வகிக்கும் ஸ்ரீ லங்கா முஸ்லிம் காங்ரசின் தலைவர் ரவுப் ஹக்கீம்  அந்த மக்களை அடிமைச் சாசனம் எழுதி ஆள நினைப்பதும்,வாக்குறுதிகளினால் ஏமாற்ற நினைப்பதையும் கொண்டு அவரின் தலைமைத்துவ ஆளுமையை இலகுவாக கணித்துக் கொள்ள முடியும்.

அண்மையில் அம்பாறைக்கு விஜயம் செய்திருந்த அமைச்சர் ரவுப் ஹக்கீம் பிரம்புகளால் அடித்து விரட்டப்பட வேண்டியவர்கள் ஸ்ரீலங்கா முஸ்லிம் காங்ரசிற்குள் உள்ளனர்.எனும் தொனியில் உரையாற்றி இருந்தார்.மு.கா கட்சியில் அதிகமான அங்கத்துவங்களை அம்பாறை மாவட்ட அரசியல்வாதிகளே கொண்டிருக்கின்றனர்.அமைச்சர் ரவுப் ஹக்கீமின் கருத்தின் பிரகாரம் பிரம்புகளால் அடித்து விரட்டப்பட வேண்டியர்கள் என குறிப்பிட்டு பேசியிருப்பது அம்பாறை மாவட்ட அரசியல்வாதிகளையே என புரியாத சில அரசியல்வாதிகளும்,போராளிகளும் கரகோஷங்களை எழுப்பி,புன்னைக்கத்திருக்கின்றனர் என்றால் இவர்களை போன்ற அறிவிலிகள் யார்?இருக்க முடியும் என்று கேள்வி எழுப்ப தோன்றுகின்றது.

அம்பாறை மாவட்டம் மு.கா வின் இதயமாகும்.அம்பாறை மாவட்ட முஸ்லிம் மக்கள் புறக்கணித்தால் மு.கா கட்சி அழிந்து விடும் எனும் அளவிற்கு முக்கியத்துவம் வாய்ந்த தேர்தல் மாவட்டமாகும்.இத்தனை முக்கியத்துவம் வாய்ந்த இடத்திற்கு வந்து  அம்பாறை மாவட்ட அரசியல்வாதிகளை, மக்களை அதட்டி பேசும் அளவிற்கு அமைச்சர் ரவுப் ஹக்கீம் அம்பாறை மாவட்ட மக்களின் அரசியல் அபிலாஷைகளையும்,கரையோர மாவட்ட கனவையும் நிறைவேற்றி விட்டாரா?என அம்பாறை மாவட்ட மக்களால் அவரிடம் வினாவை தொடுக்க முடியும்.

சாதனைகள் புரிந்த தலைவராக அமைச்சர் ரவுப் ஹக்கீம் அவ்வாறு பேசி இருந்தால் வாய் மூடி மெளனியாக கேட்டுக் கொண்டிருப்போம்.மாறாக மழைக்கு முளைக்கும் காளான்களை போல் பருவகாலங்களிற்கு வந்து செல்லும் ஒருவரினால் அம்பாறை மாவட்ட மக்களை அதட்டி பேசும் போது கண்டும் காணாததைப் போல் நடந்து கொள்ள அம்பாறை மாவட்ட மக்கள் அமைச்சர் ரவுப் ஹக்கீமிற்கு கொத்தடிமைகள் அல்ல என்பதை அவர் புரிந்து கொள்ள வேண்டும்.

அம்பாறை மாவட்டத்தில் உள்ள சில வங்குரோத்து அரசியல்வாதிகள் அக் கருத்தோடு உடன்பட்டு ஆமா சாமி போட்டு சம்மதித்தாலும் அம்பாறை மாவட்ட மக்கள் ஒரு நாளும் சம்மதிக்கமாட்டார்கள்.அரவணைக்க தெரிந்த அம்பாறை மாவட்ட மக்களிற்கு தூக்கி வீசவும் தெரியும் என்பதையும் உணர்ந்து அமைச்சர் ரவுப் ஹக்கீம் பேச கடமைப்பட்டவராக இருக்கிறார்.

மறைந்த மாபெரும் அரசியல் தலைவர் மர்ஷூம் அஷ்ரப் அம்பாறை மாவட்ட முஸ்லிம் மக்களுக்கு அரசியலை கற்றுக் கொடுத்திருக்கிறார்.மறைந்த தலைவர் ஒரு நாளும் அம்பாறை மாவட்ட அரசியல்வாதிகளை பிரம்பு எடுத்து விரட்ட நினைத்ததில்லை.மாறாக அடிமட்ட தொண்டனாலும் அன்பு செலுத்தி அரவணைத்து கொண்டார்.காரணம் மு.கா வை வளர்த்தெடுக்க பட்ட துன்ப,துயரங்கள்,உயிர் இழப்புகளை பக்கத்தில் இருந்து அனுபவித்ததினாலாகும்.துயரத்திற்கு மத்தியில் வளர்க்கப்பட்ட கட்சி போராளிகளை பிரம்புகளால் வெளியேற்றும் அளவு அமைச்சர் ரவுப் ஹக்கீமிற்கு உரிமையில்லை.

அம்பாறை மாவட்டத்தில் உள்ள முஸ்லிம்களை நினைத்து கவலையடைய மட்டுமே முடிகிறது.காரணம் இன்று அரசியல் மாய வலைகளுக்குள் சிக்கி பல துண்டுகளாக பிரிக்கப்பட்டு அவர்களுக்குள்ளயே மோதிக் கொள்கின்றனர்.இதனை சில அரசியல்வாதிகள் குழம்பிய குட்டையில் மீன் பிடிப்பதை போன்று சாதகமாக பயன்படுத்திக் கொள்கின்றனர்.படித்த சமுதாயம் முதல் அரசியல் முதிர்ச்சிகள் வரை இதை புரிந்து கொள்வதுமில்லை,புரிந்து கொள்ள நினைப்பதும் இல்லை.

அம்பாறை மாவட்ட மக்கள் தங்களுக்குள் மோதிக் கொள்ள அதனை சாதகமாக்கி அரசியல் முன்னெடுப்புகளை மேற் கொண்டு சில அரசியல்வாதிகள் சொகுசு வாழ்க்கையை வாழ்கின்றனர்.அதற்கான வழிகளை தாங்களே திறந்து விட்டிருப்பதை மக்கள் ஒரு போதும் சிந்திப்பதில்லை.

முஸ்லிம்களின் அரசியல் மாற்றத்தை ஏற்படுத்த வேண்டுமாக இருந்தால் முதலில் மக்கள் ஒற்றுமை பட வேண்டும்.உணர்வு அரசியலை விட்டு சிந்தனை அரசியலுக்கு வர வேண்டும்.மக்கள் பிரிந்திருக்கும் வரை அரசியல் அபிலாஷைகளை ஒருபோதும் வென்றெடுக்க முடியாது.ஏமாற்று அரசியல் தலைவர்களை புறக்கணிக்க அம்பாறை மாவட்ட மக்கள் ஒன்றினைய வேண்டும்.

முஸ்லிம்களுக்கு என்று பொதுவான கொள்கைகளை ஒன்றினைந்து எமக்குள்ளே பிரகடனப்படுத்திக் கொள்ள வேண்டும்.
கொள்கைகள் சரியாக வகுக்கப்படுகின்ற போது அதற்கான பயணங்களும் நேராக அமைந்துவிடும்.மக்களின் கொள்கைகளுக்கு ஒத்துப் போகாத எந்த அரசியல்வாதியானாலும் தயவுதாட்சம் இன்றி புறக்கணிக்கும் மனோபாவங்களை உருவாக்கி அதனை செயல் வடிவில் காட்டி தகுந்த பாடங்களை கற்றுக் கொடுக்க வேண்டும்.

முஸ்லிம் அரசியல் மாற்றத்திற்கான தீர்வுகளை மக்கள் தங்களிடத்தில் வைத்துக் கொண்டு வெளியில் தேடிக் கொண்டிருக்கின்றனர்.தனிமனித சிந்தனை மாற்றத்திற்குள்ளிலிருந்தே சமுதாய மாற்றம் ஏற்படும்.ஒவ்வொரு தனிமனிதனும் சமுதாய நோக்குடன் சிந்திப்பானேயானால் பிரம்பு எடுத்து விரட்டப்பட வேண்டியவர்கள் தலைவர்களா?அல்லது மக்களா?என்பது தெரிய வரும்.

Comments

Popular posts from this blog

ஐக்கிய‌ காங்கிர‌ஸ் க‌ட்சியின் அமைப்பாள‌ராக ச‌தீக்‌

  வ‌ன்னி மாவ‌ட்ட‌த்தை சேர்ந்த‌ எம். எஸ். எம்.  ச‌தீக்  அவ‌ர்க‌ள் ஐக்கிய‌ காங்கிர‌ஸ் க‌ட்சியின் (உல‌மா க‌ட்சியின்) தேசிய‌ அமைப்பாள‌ராக‌வும் உய‌ர் ச‌பை உறுப்பின‌ராக‌வும்  நிய‌மிக்க‌ப்ப‌ட்டுள்ளார். அண்மையில் ஸூம் மூல‌ம் ந‌டை பெற்ற‌ க‌ட்சியின்  விசேட‌ உய‌ர் ச‌பைக்கூட்ட‌த்தின் போது க‌ட்சியின் த‌லைவ‌ர் முபாற‌க் அப்துல் ம‌ஜீதின் சிபாரிசின் பேரில் இவ‌ர் நிய‌மிக்க‌ப்ப‌ட்டார்.

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய

ஹக்கீமை சமூக துரோகி என குற்றம் சாட்டி அரசியல் செய்யும் முஸர்ரப்

ஞானசாரவை தூண்டி அரசியல் செய்யும் ரிசாத்தும் ஹக்கீமை சமூக துரோகி என குற்றம் சாட்டி அரசியல் செய்யும் முஸர்ரப்பும் இதுவே இவர்களின் அரசியல் வியூகம் ...................................................................... ரிசாத்தின் வர்த்தக அமைச்சால் பொத்துவிலுக்கோ அல்லது அம்பாரை மாவட்டத்தின் மக்களுக்கோ கிடைத்த நன்மைகள் என்ன? அம் மக்களுக்கு நன்மை கிடைத்ததோ இல்லையோ அந்த மக்களை காட்டி அவருக்கு அரபு நாடுகளில் கிடைத்த நிதிகளே அதிகம். அவர்கள் சொல்லும் 50 வீடு எந்த வர்த்தக அமைச்சினால் வந்தது? அவர்கள் சொல்லும் பள்ளி வாயலுக்கு வழங்கப்பட்ட நிதி எங்கிருந்து வந்தது? எந்த வர்த்தக அமைச்சினால் வந்தது? இன்று இளைஞர்களை ஒன்றுபடச் சொல்லும் முஸர்ரப்பினால் ரிசாத்தை கொண்டு எத்தனை இளைஞர்களுக்கு வேலை வாய்ப்பு பெற்றுக் கொடுக்கப்பட்டுள்ளது? அவரின் அமைச்சைக் கொண்டு இந்த அம்பாரை மாவட்டத்தில் ஏதாவது ஒரு தொழில் பேட்டை அமைக்கப்பட்டதா? சம்மாந்துறையில் அமைப்பேன் எனக் கூறி அம் மக்களை ஏமாற்றியதே மீதியானது இவ்வாறான பொய் பொத்தலோடு நாம் எவ்வாறு ஒன்றுபடுவது? ஒவ்வொரு முறையும் ஞானசாரவை தூண்டி அரசியல் செய்யும் ரிசாத