தாறுஸ்ஸலாம் மறைக்கப்பட்ட மர்மங்கள் என்ற புத்தகத்தையும், தாருஸ்ஸலாம் மறைக்கப்படாத உண்மைகள் என்ற புத்தகத்தையும் ஒப்பீடு செய்தபோது


தாருஸ்சலாம் மறைக்கப்பட்ட மர்மங்கள் என்ற புத்தகம் அண்மையில் வெளியாகியிருந்தது, அந்த புத்தகம் என் கைக்கும் கிடைத்திருந்தது, அதனை முற்று மழுதாக வாசித்து விட்டு நான் முகநூலில் ஒரு பதிவையிட்டேன்.
அதில் சம்பந்தப்பட்டவர்கள் இதற்கு பதில் தரவேண்டும், அப்படி பதில் கிடைக்கவில்லை என்றால் இந்த புத்தகத்தில் கூறப்பட்டவிடயம் பொய்யாக இருந்தாலும், நீங்கள் இதற்கு பதில் தறாதுவிட்டால் அதில் சொல்லப்படும் விடயம் உண்மையென்று ஆகிவிடும், ஆகவே இதற்கு பதில் வந்தால் நன்றாக இருக்கும் என்று எழுதியிருந்தேன்.
இந்த கோரிக்கை இந்த புத்தகத்தை வாசித்த எல்லாமக்களின் ஆவலாகவும் இருந்தது.
அந்த வகையில் "தாருஸ்ஸலாம் மறைக்கப்படாத உண்மைகள்" என்ற புத்தகம் வெளியாகி என் கைக்கும் கிடைத்தது.
அதனை முற்றுமுழுதாக வாசித்தது மற்றுமன்றி, மற்ற புத்தகத்தையும் திரும்பவும் வாசித்து எந்தெந்த விடயங்களுக்கு பதில் உள்ளது என்று ஒப்பீடு செய்தபோது சில கேள்விகள் எனக்கு எழுந்தது.
என்னெவென்றால், குற்றச்சாட்டு வைக்கப்பட்ட புத்தகத்தில், நம்பிக்கை சார்ந்த விடயங்களுக்கும், நிர்வாகம் சார்ந்த விடயங்களுக்கும் முக்கியத்துவம் கொடுக்கப்பட்டு பூரணவிளக்கம் கொடுக்கப்பட்டிருந்தது,
அதே நேரம் முக்கிய குற்றச்சாட்டுக்களான,
கார்சன் அன்ட் கம்பர்பச் கம்பனியிடம் வாங்கப்பட்ட காணியின் தொகை 1125000/= ரூபாவுக்கு வாங்கப்பட்டதாகவும், அது தலைவரின் மரணத்துக்கு பிறகு 4250000/= என்று உறுதியை வெட்டி திருத்தி மாற்றி எழுதப்பட்டதாகவும் ஆதாரம் காட்டி எழுதியுள்ளார்கள் அதற்கு இவர்களின் பதில் புத்தகத்தில் ஏன் வெட்டித்திருத்தினோம் என்று பதில் கூறவில்லை.
பின்னர் இதுசம்பந்தமாக 2002ம் ஆண்டு கட்சியின் செயளாலரினால் குற்றப்புலனாய்வுத் திணைக்களத்தில் முறைப்பாடு செய்யப்பட்டதாம்,
அது பொய்யா மெய்யா என்றும் பதில் கூறப்படவில்லை.
பின்னர் இக்காணியை மீட்டுக்கொள்வதற்கு கட்சியால் வழக்கு தாக்கல் செய்யப்பட்டதாம் (வழக்கு இல.7350/ஸ்பெசல்) என்று கூறப்பட்டுள்ளது, அந்தவழக்கு பொய்யா மெய்யா என்றும் அங்கே பதில் கூறப்படவில்லை.
அடுத்தது அந்த வழக்கின் தீர்ப்பு கிடைப்பதற்கு முன்னே அந்த காணி திரும்பவும், திருத்திய தொகையுடனே மீண்டும் கட்சிக்கு எழுதப்பட்டது என்று கூறப்பட்டுள்ளது. அப்படியென்றால் அதற்குமுன் யாருடைய அதிகாரத்தில் அந்த ஆதனம் இருந்துள்ளது என்ற கேள்விக்கு அந்த பதில் புத்தகத்தில் பதிலே கிடைக்கவில்லை.
ஆனால், பதில் பத்தகத்தின் முடிவுரையில் சிறியதாக ஒருபதில் அளித்துள்ளார்கள் எப்படியென்றால்,
(எனவே, குறிப்பிட்ட காணியானது கட்சிக்குரியதாக எழுதப்பட்டு இந்த விடயம் இப்போது முடிந்த கதையாகிவிட்டது. இதைப்பற்றி இனி கேள்வி எழுப்புவதும் விவாதிப்பதும் பயனற்ற செயலாகும்)
என்று கூறி சுருக்கமாக முடித்துள்ளார்கள்.
அப்படியென்றால் கட்சிக்கு யாரால் எழுதிக்கொடுக்கப்பட்டது?
எழுதிக்கொடுக்கப்படுவதற்கு முதல் யாருடைய கட்டுப்பாட்டில் இந்த ஆதனம் இருந்தது?
என்ற கேள்வி கேட்க்கவேண்டியுள்ளது, அதற்கு அங்கே பதில் தறப்படவில்லை.
ஆகவே, அந்த புத்தகத்தின் முக்கிய குற்றச்சாட்டுக்கு இதுதான் பதிலா என்று என்னத் தோன்றுகிறது.
இது போன்ற இன்னும் பல விடயங்களுக்கு அங்கே பதில் இல்லாமல் உள்ளது முதலில் இதற்கு பதில் கிடைக்கமா ? என்றுதான் இதை மட்டும் எழுதிகிறேன்.
அவசிமில்லாத குற்றச்சாட்டுகளுக்கு பல பக்கங்களை செலவிட்டிருக்கும் இவர்கள், முக்கியமான குற்றச்சாட்டுக்கு ஒரு பந்தியோடு பதில் கூறி முடித்தது ஏன் என்று புரியவில்லை.
இப்படி பல விடயங்களில் தெளிவான பதில் கிடைக்கவில்லை என்பதே எங்கள் கருத்தாகும்.
இந்த விடயம் பொதுமக்களின் கவணத்துக்கு வரவேண்டும் என்றுதான் இந்த புத்தகத்தை அச்சடித்து வெளியாக்கியுள்ளீர்கள் அதனால்தான் நாங்களும் இதில் கரிசனை செலுத்தி பார்க்கவேண்டி ஏற்பட்டது.
அதனால்தான் நாங்களும் அது சம்பந்தப்பட்ட ஐயங்களை முன்வைக்கின்றோம்.
இதில் யாரையும் புண்படுத்தும் நோக்கம் கிடையாது என்பதுடன். தெளிவு பெறுவதற்கே முயற்ச்சிக்கின்றோம், இதில் சம்பந்தப்பட்டவர்கள் பதில் தந்தால் நன்றாக இருக்கும் என்று கேட்டுக்கொள்கின்றோம்...
எம்.எச்.எம்.இப்ராஹிம்
கல்முனை...

Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்