Skip to main content

அடிப்ப‌டைவாத‌ம் என்றால் என்ன‌?

  அடிப்படைவாதம்   (Fundamentalism)   என்பது வழக்கமாக சமயம் சார்ந்த நம்பிக்கைகளின் மீது வைக்கும் அசைவிலாத பற்றுறுதியைக் குறிக்கும். [1]   என்றாலும், இது சில சமயக் குழுக்களின் விவிலிய இலக்கியத்தைக் கண்டிப்பாக கடைபிடிக்கும் போக்கை, அதாவது அதில் குறிப்பிட்டுள்ள வேதாகம உரைகளையும் வறட்டுவாய்பாடுகளையும் கருத்தியல்களையும் பின்பற்றும் நடைமுறைப் போக்கையும் அதன் உட்குழு புறக்குழு பாகுபாட்டை பற்றிகொண்டு ஒழுகுதலையும் குறிக்கிறது. [2] [3] [4] [5]   இது குறிப்பிட்ட சமய உறுப்பினர்கள் பிறழ்ந்த ஒழுக்கத்தைப் பின்பற்றும்போது, தூய்மைவாத நிலையில் முந்தைய கருத்தியல்களுக்கு மீட்பதில் உறுதிப்பாட்டையும் விருப்பார்வத்தையும் முன்வைக்கும் போக்காகும். இதனால், இந்நிறுவப்பட்ட மறைசார் அடிப்படைகளில் நின்று, இவ்வடிப்படைகள் சார்ந்தெழும் பன்முகக் கருத்துகளைப் புறந்தள்ளிவிட்டு குழுவுள்ளே அனைவராலும் ஏற்கப்பட்ட பொது கருத்தேற்பாக அடிப்படைவாதம் உருவாக்குகிறது.   [6]   சூழலைச் சார்ந்து, அடிப்படைவாதம் ஒருபுறம் சாய்வதாக அல்லது கோடியதாக அமையுமே ஒழிய நொதுமல்/பொதுநிலையை ஏற்பதில்லை. இது, இடதுசாரி, வலதுசாரி அரசியல் கண்ணோட்டங்களைச் சில

ந‌ல்லாட்சியை ந‌ம்பி ஏமாந்த‌ முஸ்லிம் அமைப்புக்க‌ள் ச‌ந்திரிக்காவிட‌ம் ஒப்பாரி

முஸ்லிம் சமூகம் எதிர்நோக்கும் கல்வி, சட்டமும் ஒழுங்கு, அரசாங்க தொழில்வாய்ப்பு மற்றும் இடம் பெயர் முஸ்லிம்களது மீள்குடியேற்றம் உட்பட்ட பிரச்சினைகள் தொடர்பாக முஸ்லிம் பாராளுமன்ற உறுப்பினர்கள் கூட்டாகச் செயற்பட்டு அரசுக்கு அழுத்தம் கொடுப்பதன் மூலமே தீர்வு பெறலாம் என முன்னாள் ஜனாதிபதியும் தேசிய ஐக்கிய மற்றும் நல்லிணக்கத்துக்கான செயலணியின் தலைவருமான சந்திரிகா பண்டாரநாயக்க குமாரதுங்க தெரிவித்தார்.


நேற்று கொழும்பில் தன்னைச் சந்தித்த முஸ்லிம் தூதுக் குழு ஒன்றிடம் இதனைத் தெரிவித்தார். முஸ்லிம் கவுன்சில் ஒப் ஸ்ரீலங்காவின் ஏற்பாட்டில் முஸ்லிம் இயக்கங்களின் தூதுக்குழு ஒன்று முன்னாள் ஜனாதிபதியைச் சந்தித்து முஸ்லிம் சமூகம் எதிர்நோக்கும் பிரச்சினைகள் குறித்து விரிவான அறிக்கை ஒன்றைக் கையளித்தது.


முஸ்லிம்களுக்கெதிராக மேற்கொள்ளப்படும் வெறுப்புப் பேச்சுக்கள் மற்றும் பள்ளிவாசல்கள் தாக்குதல்கள் தொடர்பாகவும் அது தொடர்பாக சட்டமும் ஒழுங்கும் பேணப்படாது குறித்து தூதுக்குழுவினர் எடுத்து விளக்கினர். 2013 முதல் 2015 வரை முஸ்லிம்களுக்கெதிராக 550 சம்பவங்கள் இடம்பெற்றுள்ளன. இவை தொடர்பாக சட்டமும் நீதியும் நிலைநாட்டப்படாதிருப்பது குறித்து முஸ்லிம் சமூகம் கவலை கொண்டுள்ளது என தூதுக்குழுவினர் சுட்டிக்காட்டினர். அண்மைக்காலமாக முஸ்லிம்களுக்குரிய சில வர்த்தக நிலையங்கள் தீக்கிரையாக்கப்பட்டுள்ளது குறித்தும் தூதுக்குழுவினர் முன்னாள் ஜனாதிபதியின் கவனத்திற்குக் கொண்டு வந்தனர்.


கிழக்கு மாகாணத்தில் முஸ்லிம்களினால் பயிர் செய்யப்பட்ட காணிகள் புதை பொருளாராய்ச்சி வன ஒதுக்கை, வன ஜீவராசிகள் வலயம், சுற்றுலா அபிவிருத்தி பௌத்த ஆலயங்களுக்குரிய காணிகள் என பலவந்தமாக சுவீகரிக்கப்படுகின்றன. இக் காணிகள் 50 வருடங்களுக்கு மேலாக முஸ்லிம்களால் பயிரிடப்பட்ட மற்றும் அனுமதிப்பத்திரங்கள் உள்ளவையாகும் என்றும் தூதக்குழுவினர் முன்னாள் ஜனாதிபதிக்கு எடுத்துக் கூறினர். முஸ்லிம் பாடசாலைகளில் நிலவும் ஆசிரியர் பற்றாக்குறை, மௌலவி ஆசிரியர் நியமனம், அரச துறைகளில் முஸ்லிம்களுக்குப் போதிய இடமளிக்கப்படாமை, நிர்வாக சேவையில் சேவை மூப்புள்ள முஸ்லிம் உத்தியோகத்தர்களுக்குரிய பதவி உயர்வுகளில் வழங்கப்படாதிருப்பது குறித்தும் தூதுக்குழுவினர் முன்னாள் ஜனாதிபதியின் அவதானத்திற்குக் கொண்டு வந்தனர்.


மாகாண முஸ்லிம்களது மீள் குடியேற்றம் தொடர்பாக அரசு இன்றும் ஆக்கபூர்வமான நடவடிக்கை எடுக்கப்படாததது குறித்தும் இங்கு தூதுக்குழுவினர் எடுத்துக் கூறினார்.


முஸ்லிம் பாராளுமன்ற உறுப்பினர்களுக்கு எங்களைப் போன்ற ஒழுங்கமைப்புடன் இயங்கும் சிவில் அமைப்புக்கள் அழுத்தம் கொடுத்து இப்பிரச்சினைகளை அரசின் கவனத்திற்கு கொண்டு வர வேண்டும்.தமிழ்த் தலைவர்கள் போன்று முஸ்லிம் அரசில் தலைவர்களும் செயற்பட அழுத்தம் கொடுங்கள். நானும் என்னால் முடிந்த சகல நடவடிக்கைகளையும் எடுப்பேன். விரைவில் இப்பிரச்சினைகைள் தொடர்பான அமைச்சர்களை அழைத்துப் பேசுவேன். கிழக்கு மாகாண காணிப் பிரச்சினை குறித்து அம்பாறை அரச அதிபரை அழைத்துப் பேசுவேன் என்றும் முன்னாள் ஜனாதிபதி தூதுக்குழுவினருக்கு வாக்குறுதியளித்துள்ளார்.

முன்னாள் அமைச்சர் அஷ்ரபைத் தவிர முஸ்லிம் தலைவர்கள் எவரும், தம் சமூக உரிமைகளுக்காக போராடுவதில்லை என்று தெரிவித்த முன்னாள் ஜனாதிபதி, தனது அரசாங்க காலத்தில் அஷ்ரபுக்கும் ஏ.எச்.எம். பௌசிக்கும் முக்கிய அமைச்சுக்கள், பதவிகளை வழங்கினேன். அவற்றின் மூலம் முஸ்லிம்களுக்கு தொழில்வாய்ப்புக்கள் வழங்குவதற்குமே என்றும் தெரிவித்த அவர், அமைச்சர் அஷ்ரப் துறைமுகத்தில் பெருந்தொகையான முஸ்லிம்களுக்கு தொழில் வழங்கினார் என்றும் குறிப்பிட்டார்.


முஸ்லிம் கவுன்சில் ஒப் ஸ்ரீலங்காவின் தலைவர் என். எம். அமீனின் தலைமையில் அதன் உப தலைவர் ஹில்மி அஹமட் , அகில இலங்கை ஜம்இய்யதுல் உலமாவின் உதவிச் செயலாளர் மௌலவி. எம்.எஸ்.எம். தாஸிம், சோனக இஸ்லாமிய கலசார நிலையத்தின் தலைவர் உமர் காமில், அகில இலங்கை முஸ்லிம் லீக் வாலிப முன்னணிகளின் சம்மேளனத் தலைவர் பி.எம். பாரூக், பொருளாளர் எம்.என்.எம். நஃபீல், அகில இலங்கை வை.எம்.எம்.ஏ. பேரவைத் தலைவர் தௌபீக் சுபைர், ஸ்ரீலங்கா முஸ்லிம் மீடியா போரத்தின் உப தலைவர் எம்.ஏ.எம். நிலாம், கிழக்கு மாகாண காணிச் செயலணியின் உறுப்பினர்களான எம்.ஐ. உதுமாலெப்பை, கே. நிஹால் அஹமட், எஸ்.எல். ரியாஸ், ஆலோசனை மற்றும் நல்லிணக்கப் பேரவையின் தலைவர் அஸ்லம் ஒத்மான் ஆகியோரும் தூதுக்குழுவில் இடம்பெற்றனர்.

முன்னாள் ஜனாதிபதியுடன் செயலணியின் பணிப்பாளர்களான எம்.எஸ். ஜயசிங்க, ஜாவிட் யூசுப், தனேஷ் காசி செட்டி, பிரதிப் பணிப்பாளர் சல்மா யூசுப், ஊடக அதிகாரி ஹிஷாம் மொஹமட் ஆகியோரும் கலந்துகொண்டனர்

Comments

Popular posts from this blog

ஐக்கிய‌ காங்கிர‌ஸ் க‌ட்சியின் அமைப்பாள‌ராக ச‌தீக்‌

  வ‌ன்னி மாவ‌ட்ட‌த்தை சேர்ந்த‌ எம். எஸ். எம்.  ச‌தீக்  அவ‌ர்க‌ள் ஐக்கிய‌ காங்கிர‌ஸ் க‌ட்சியின் (உல‌மா க‌ட்சியின்) தேசிய‌ அமைப்பாள‌ராக‌வும் உய‌ர் ச‌பை உறுப்பின‌ராக‌வும்  நிய‌மிக்க‌ப்ப‌ட்டுள்ளார். அண்மையில் ஸூம் மூல‌ம் ந‌டை பெற்ற‌ க‌ட்சியின்  விசேட‌ உய‌ர் ச‌பைக்கூட்ட‌த்தின் போது க‌ட்சியின் த‌லைவ‌ர் முபாற‌க் அப்துல் ம‌ஜீதின் சிபாரிசின் பேரில் இவ‌ர் நிய‌மிக்க‌ப்ப‌ட்டார்.

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய

ஹக்கீமை சமூக துரோகி என குற்றம் சாட்டி அரசியல் செய்யும் முஸர்ரப்

ஞானசாரவை தூண்டி அரசியல் செய்யும் ரிசாத்தும் ஹக்கீமை சமூக துரோகி என குற்றம் சாட்டி அரசியல் செய்யும் முஸர்ரப்பும் இதுவே இவர்களின் அரசியல் வியூகம் ...................................................................... ரிசாத்தின் வர்த்தக அமைச்சால் பொத்துவிலுக்கோ அல்லது அம்பாரை மாவட்டத்தின் மக்களுக்கோ கிடைத்த நன்மைகள் என்ன? அம் மக்களுக்கு நன்மை கிடைத்ததோ இல்லையோ அந்த மக்களை காட்டி அவருக்கு அரபு நாடுகளில் கிடைத்த நிதிகளே அதிகம். அவர்கள் சொல்லும் 50 வீடு எந்த வர்த்தக அமைச்சினால் வந்தது? அவர்கள் சொல்லும் பள்ளி வாயலுக்கு வழங்கப்பட்ட நிதி எங்கிருந்து வந்தது? எந்த வர்த்தக அமைச்சினால் வந்தது? இன்று இளைஞர்களை ஒன்றுபடச் சொல்லும் முஸர்ரப்பினால் ரிசாத்தை கொண்டு எத்தனை இளைஞர்களுக்கு வேலை வாய்ப்பு பெற்றுக் கொடுக்கப்பட்டுள்ளது? அவரின் அமைச்சைக் கொண்டு இந்த அம்பாரை மாவட்டத்தில் ஏதாவது ஒரு தொழில் பேட்டை அமைக்கப்பட்டதா? சம்மாந்துறையில் அமைப்பேன் எனக் கூறி அம் மக்களை ஏமாற்றியதே மீதியானது இவ்வாறான பொய் பொத்தலோடு நாம் எவ்வாறு ஒன்றுபடுவது? ஒவ்வொரு முறையும் ஞானசாரவை தூண்டி அரசியல் செய்யும் ரிசாத