Skip to main content

அடிப்ப‌டைவாத‌ம் என்றால் என்ன‌?

  அடிப்படைவாதம்   (Fundamentalism)   என்பது வழக்கமாக சமயம் சார்ந்த நம்பிக்கைகளின் மீது வைக்கும் அசைவிலாத பற்றுறுதியைக் குறிக்கும். [1]   என்றாலும், இது சில சமயக் குழுக்களின் விவிலிய இலக்கியத்தைக் கண்டிப்பாக கடைபிடிக்கும் போக்கை, அதாவது அதில் குறிப்பிட்டுள்ள வேதாகம உரைகளையும் வறட்டுவாய்பாடுகளையும் கருத்தியல்களையும் பின்பற்றும் நடைமுறைப் போக்கையும் அதன் உட்குழு புறக்குழு பாகுபாட்டை பற்றிகொண்டு ஒழுகுதலையும் குறிக்கிறது. [2] [3] [4] [5]   இது குறிப்பிட்ட சமய உறுப்பினர்கள் பிறழ்ந்த ஒழுக்கத்தைப் பின்பற்றும்போது, தூய்மைவாத நிலையில் முந்தைய கருத்தியல்களுக்கு மீட்பதில் உறுதிப்பாட்டையும் விருப்பார்வத்தையும் முன்வைக்கும் போக்காகும். இதனால், இந்நிறுவப்பட்ட மறைசார் அடிப்படைகளில் நின்று, இவ்வடிப்படைகள் சார்ந்தெழும் பன்முகக் கருத்துகளைப் புறந்தள்ளிவிட்டு குழுவுள்ளே அனைவராலும் ஏற்கப்பட்ட பொது கருத்தேற்பாக அடிப்படைவாதம் உருவாக்குகிறது.   [6]   சூழலைச் சார்ந்து, அடிப்படைவாதம் ஒருபுறம் சாய்வதாக அல்லது கோடியதாக அமையுமே ஒழிய நொதுமல்/பொதுநிலையை ஏற்பதில்லை. இது, இடதுசாரி, வலதுசாரி அரசியல் கண்ணோட்டங்களைச் சில

இலங்கை முஸ்லிம்களும் மக்கள் போராட்ட வழிமுறைகளும்

Baseer Segu Davood
"""""""""""""""""""""""""" ”""""""'"""""'""""""
முஸ்லிம்கள் தாங்கள் அரசியல் ரீதியாகவோ அல்லது சமூக, மத ரீதியிலோ பெரும்பான்மைப் பலமுள்ள சக்திகளின் செயல்களால் திட்டமிட்ட அடிப்படையில் பாதிப்படையும்  போதோ அல்லாது வேறெந்த உள்நாட்டு சதிகளுக்கு எதிராகவோ பாரிய அளவில் மக்கள் போராட்டங்களைச் செய்து தங்களுக்கு இழைக்கப்படும் அநீதிகளை உலக அரங்குக்கோ, இலங்கையின் முற்போக்கு சக்திகளின் முன்னிலைக்கோ கொண்டு சென்ற வரலாற்றுப் பதிவுகள் மிகக்குறைவாகவே காணப்படுகின்றன.

வெளிநாடுகளில் முஸ்லிம்களுக்கு எதிரான  செய்கைகளுக்கு எதிராகப் பல ஆர்ப்பாட்டங்களை நாம் இலங்கையில் செய்திருக்கிறோம் ஆனால், இலங்கை முஸ்லிம்களுக்கு எதிரான பெரும் சக்திகளின் கொடுமை இழைப்பைக் கண்டித்து ஆர்ப்பாட்டங்களை வெளி நாடுகளில், முக்கியமாக முஸ்லிம் நாடுகளிலேதானும் எவரும் முன்னெடுக்கவில்லை.

1985 இல் இருந்து 1999 வரை வடகிழக்கில் முஸ்லிம்கள் வரலாற்றில் முன்னொரு போதும் எதிர் கொண்டிராத உயிரிழப்பையும், உடமை இழப்பையும் சந்தித்த போதும், 1993 ஆம் ஆண்டு தலைவர் அஷ்ரஃபால் அழுஞ்சிப் பொத்தானை கிராமத்தில் நடந்தேறிய முஸ்லிம்களின் படுகொலையைக் கண்டித்து கொழும்பில் பிரகடனப்படுத்தப்பட்ட கறுப்பு வெள்ளி ஆர்ப்பாட்டத்தைத் தவிர,   தெற்கிலே வாழும் முஸ்லிம்களால் மேற்குறிப்பிடும் காலகட்டத்துக்குள் பெரிய அளவிலான மக்கள் போராட்டங்கள் எதுவும் செய்யப்படவில்லை.

இதனால், முஸ்லிம்களின் பிரச்சினைகள் சர்வதேச மயப்படுத்தப்பட முடியாமல் போனது மட்டுமன்றி இலங்கைக்குள்ளும் ஆத்திரப்பட்ட முஸ்லிம் இளைஞர்களை அன்றைய அரசுகள் யுத்தத்துக்கான ஆளணியாகப் பயன்படுத்தியதைத் தவிர வேறெதுவும் நடக்கவில்லை.தேசிய அரங்குக்கும் நமது பிரச்சினைகள் சரியாகச் சென்றடையவில்லை.சிங்கள, தமிழ் முற்போக்கு சக்திகளும் அன்றைய முஸ்லிம் சமூகத் தலைமைகளால் கையாளப்படவில்லை.

வடகிழக்கு முஸ்லிம்கள் இன வன்முறைக்குள் அகப்பட்டுத் தத்தளித்த போது அவர்களுக்கு அல்லாஹ்வின் "லஹனத்" இறங்குகிறது என்று கொழும்பை மையமிட்டிருந்த முஸ்லிம் அரசியல்வாதிகள் கூறித் தங்கள் சமூகக் கடமையில் இருந்து நழுவினர்.இவ்வாறுதான் 1978 இல் சூறாவளியின் போதும், 2004 இல் சுனாமியின் போதும் சாதாரண முஸ்லிம் மக்கள் நிவாரணப் பொருட்களைச் சுமந்து கொண்டு ஓடோடி வர, இதே அரசியல்வாதிகள் இறை தண்டனை என்றே கூறினர்.

மும்மொழி ஊடகங்களும் வடகிழக்கு முஸ்லிம்களின் பிரச்சினைகளைப் போதுமான அளவு வெளிக் கொணரவில்லை. இவ்விடத்தில் அன்று வெளிவந்த "எழுச்சிக் குரல்" சிறு பத்திரிகையையும் நண்பர்கள் மர்ஹூம் எம்.பீ.எம் அஸ்ஹர், தாஹா முஸம்மில் ஆகியோரையும் இன்னும் சில ஊடகவியலாளர்களையும் மறக்க முடியாது. ஆயினும் இவ்வாறான பத்திரிகைகளாலும் வெளி உலகுக்கோ, சிங்களம் பேசும் சமூகத்துக்குள்ளோ நமது முஸ்லிம் களின் வேதனைகளை எடுத்துச் செல்ல முடியவில்லை. முஸ்லிம்களுக்குள்ளே கொண்டு சென்ற போதும் வடகிழக்குக்கு வெளியில் தேவையான எழுச்சி ஏற்படவில்லை.

அன்று முஸ்லிம்கள் எதிர் நோக்கிய பாதுகாப்புப் பிச்சினைகளை எதிர் கொள்வதற்கு முன்வந்த ஏழை இளைஞர்கள் வேறு வழியின்றி கிழக்கில் ஊர்காவல் படை வீரர்களாகவும், வெறும் 5 நாட்கள் பயிற்சி வழங்கப்பட்ட இராணுவ வீரர்களாகவும் அரசிடம்   ஆயுதங்களைப் பெற்று தத்தமது ஊர்களைப் பாதுகாக்க களமிறங்கினர்.இவர்களை அரசு களப்பலி கொடுத்த அதே நேரம், நமது சமூகத்தின் மேட்டுக்குடிகள் இவர்களை தீண்டத் தகாதவர்களைப் போல் நடாத்தினர்.

திறந்த வெளிச் சிறை போன்று முஸ்லிம் ஊர்கள் காணப்பட்டன. ஆயுதமேந்திய இராணுவ, ஊர்காவல் படை வீரர்களால் சுற்றி வேலியிடப்பட்ட ஊர்களில் இருந்து வெளி ஊர் செல்ல வேண்டுமானால் பொலிஸ் மற்றும் இராணுவப் பாதுகாப்பு வழங்கப்பட்ட வாகனங்களிலேதான்  செல்ல வேண்டி இருந்தது.இவ்வாறான காலகட்டத்தில்தான் சமூகம் காத்த இளைஞர்கள் நமது சமூக அங்கத்தவர்கள் பலரால் தூற்றவும் பட்டனர்.( தொடரும்)

Comments

Popular posts from this blog

ஐக்கிய‌ காங்கிர‌ஸ் க‌ட்சியின் அமைப்பாள‌ராக ச‌தீக்‌

  வ‌ன்னி மாவ‌ட்ட‌த்தை சேர்ந்த‌ எம். எஸ். எம்.  ச‌தீக்  அவ‌ர்க‌ள் ஐக்கிய‌ காங்கிர‌ஸ் க‌ட்சியின் (உல‌மா க‌ட்சியின்) தேசிய‌ அமைப்பாள‌ராக‌வும் உய‌ர் ச‌பை உறுப்பின‌ராக‌வும்  நிய‌மிக்க‌ப்ப‌ட்டுள்ளார். அண்மையில் ஸூம் மூல‌ம் ந‌டை பெற்ற‌ க‌ட்சியின்  விசேட‌ உய‌ர் ச‌பைக்கூட்ட‌த்தின் போது க‌ட்சியின் த‌லைவ‌ர் முபாற‌க் அப்துல் ம‌ஜீதின் சிபாரிசின் பேரில் இவ‌ர் நிய‌மிக்க‌ப்ப‌ட்டார்.

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய

ஹக்கீமை சமூக துரோகி என குற்றம் சாட்டி அரசியல் செய்யும் முஸர்ரப்

ஞானசாரவை தூண்டி அரசியல் செய்யும் ரிசாத்தும் ஹக்கீமை சமூக துரோகி என குற்றம் சாட்டி அரசியல் செய்யும் முஸர்ரப்பும் இதுவே இவர்களின் அரசியல் வியூகம் ...................................................................... ரிசாத்தின் வர்த்தக அமைச்சால் பொத்துவிலுக்கோ அல்லது அம்பாரை மாவட்டத்தின் மக்களுக்கோ கிடைத்த நன்மைகள் என்ன? அம் மக்களுக்கு நன்மை கிடைத்ததோ இல்லையோ அந்த மக்களை காட்டி அவருக்கு அரபு நாடுகளில் கிடைத்த நிதிகளே அதிகம். அவர்கள் சொல்லும் 50 வீடு எந்த வர்த்தக அமைச்சினால் வந்தது? அவர்கள் சொல்லும் பள்ளி வாயலுக்கு வழங்கப்பட்ட நிதி எங்கிருந்து வந்தது? எந்த வர்த்தக அமைச்சினால் வந்தது? இன்று இளைஞர்களை ஒன்றுபடச் சொல்லும் முஸர்ரப்பினால் ரிசாத்தை கொண்டு எத்தனை இளைஞர்களுக்கு வேலை வாய்ப்பு பெற்றுக் கொடுக்கப்பட்டுள்ளது? அவரின் அமைச்சைக் கொண்டு இந்த அம்பாரை மாவட்டத்தில் ஏதாவது ஒரு தொழில் பேட்டை அமைக்கப்பட்டதா? சம்மாந்துறையில் அமைப்பேன் எனக் கூறி அம் மக்களை ஏமாற்றியதே மீதியானது இவ்வாறான பொய் பொத்தலோடு நாம் எவ்வாறு ஒன்றுபடுவது? ஒவ்வொரு முறையும் ஞானசாரவை தூண்டி அரசியல் செய்யும் ரிசாத