Skip to main content

அடிப்ப‌டைவாத‌ம் என்றால் என்ன‌?

  அடிப்படைவாதம்   (Fundamentalism)   என்பது வழக்கமாக சமயம் சார்ந்த நம்பிக்கைகளின் மீது வைக்கும் அசைவிலாத பற்றுறுதியைக் குறிக்கும். [1]   என்றாலும், இது சில சமயக் குழுக்களின் விவிலிய இலக்கியத்தைக் கண்டிப்பாக கடைபிடிக்கும் போக்கை, அதாவது அதில் குறிப்பிட்டுள்ள வேதாகம உரைகளையும் வறட்டுவாய்பாடுகளையும் கருத்தியல்களையும் பின்பற்றும் நடைமுறைப் போக்கையும் அதன் உட்குழு புறக்குழு பாகுபாட்டை பற்றிகொண்டு ஒழுகுதலையும் குறிக்கிறது. [2] [3] [4] [5]   இது குறிப்பிட்ட சமய உறுப்பினர்கள் பிறழ்ந்த ஒழுக்கத்தைப் பின்பற்றும்போது, தூய்மைவாத நிலையில் முந்தைய கருத்தியல்களுக்கு மீட்பதில் உறுதிப்பாட்டையும் விருப்பார்வத்தையும் முன்வைக்கும் போக்காகும். இதனால், இந்நிறுவப்பட்ட மறைசார் அடிப்படைகளில் நின்று, இவ்வடிப்படைகள் சார்ந்தெழும் பன்முகக் கருத்துகளைப் புறந்தள்ளிவிட்டு குழுவுள்ளே அனைவராலும் ஏற்கப்பட்ட பொது கருத்தேற்பாக அடிப்படைவாதம் உருவாக்குகிறது.   [6]   சூழலைச் சார்ந்து, அடிப்படைவாதம் ஒருபுறம் சாய்வதாக அல்லது கோடியதாக அமையுமே ஒழிய நொதுமல்/பொதுநிலையை ஏற்பதில்லை. இது, இடதுசாரி, வலதுசாரி அரசியல் கண்ணோட்டங்களைச் சில

இந்நாட்டு முஸ்லிம்கள் இலங்கையில் விருந்தாளிகள் போல் வாழ்ந்து விட்டுப் போக முடியாது.



அறிஞர் சித்திலெப்பை நூல் வெளியீட்டு நிகழ்வில்...

முஸ்லிம் கட்சிகள் தனித்துவம்
என்ற பெயரில் முஸ்லிம் எனும் அடையாளத்துடன் முஸ்லிம் சமூகத்தின் விடயங்களில் மட்டும் அக்கறை காட்ட முற்படுவது விரும்பத்தகாத  பின்விளைவுகளை ஏற்படுத்தும். நாட்டின் தேசிய விவகாரங்களில் நீதி நியாயமான நிலைப்பாடுகளை முஸ்லிம் சமூகம் சார் அரசியல் பிரதிநிதிகள் மேற்கொள்ள வேண்டும் என்பதையே  பெரும்பான்மை சமூகம் எதிர்பார்க்கின்றது என ஸ்ரீலங்கா முஸ்லிம் மீடியா போரத்தின் தலைவர் என்.எம். அமீன் குறிப்பிட்டார்.

பேராதனை பல்கலைக்கழக மெய்யியல்துறை முன்னாள் தலைவரும் முஸ்லிம் கல்வி மாநாட்டின் தலைவருமான  கலாநிதி எம்.எஸ்.எம். அனஸ் எழுதிய ' முஸ்லிம் அரசியல் முன்னோடி- அறிஞர் சித்திலெப்பை' நூல் வெளியீட்டு விழா மற்றும் அவர் பற்றிய ஆவணப்படம் இறுவட்டு வெளியீடு என்பன கெட்டம்பே ஓக்ரே ரீஜன்சி மண்டபத்தில் சனிக்கிழமை நடைபெற்றது.

இதில் கலந்து கொண்டு அவர் தொடர்ந்தும் உரையாற்றுகையில்,   இன்றைய அரசியலில்  முஸ்லிம் கட்சிகள் தனித்துவம் என்ற பெயரில் முஸ்லிம் எனும் அடையாளத்துடன் செயற்பட்டு வருகின்றன. ஆனால் இக்கட்சிகள் தேசிய விடயங்களில் அக்கறையின்றி தனியே முஸ்லிம் சமூகத்தின் விடயங்களில் மட்டும் அக்கறை காட்ட முற்படுவது எத்தகைய பின்விளைவுகளை ஏற்படுத்தும் என்பது  சிந்திக்கத்தக்கதாகும்.

 நாட்டின் தேசிய விவகாரங்களில் நீதி நியாயமான நிலைப்பாடுகளை முஸ்லிம் சமூகம் சார் அரசியல் பிரதிநிதிகள் மேற்கொள்ள வேண்டும். இதனைத் தான்  பெரும்பான்மை சமூகம் எதிர்பார்க்கின்றது. இதற்கான முன்மாதிரியை அறிஞர் எம்.சி. சித்திலெப்பை முன்வைத்திருந்தார். இதனால் அறிஞர் எம்.சி. சித்திலெப்பை தனியே முஸ்லிம் சமூகத்திற்குரியவராக அன்றி சகல சமூகங்களுக்கும் உரியவராக கருதப்படுகின்றார்.

இலங்கை வாழ் முஸ்லிம்கள் இலங்கையில் விருந்தாளிகள் போல் வாழ்ந்து விட்டுப் போக முடியாது. நாட்டின் பொருளாதார , சுகாதார , சூழல் உட்பட சகல  சமூகப்  பிரச்சினைகளிலும் முஸ்லிம் சமூகம் பங்களிப்புச் செய்ய முன்வர வேண்டும். நாட்டின் அபிமானமிக்க பிரஜைகளாக எம்மைக் காட்ட வேண்டும்.  அறிஞர் எம்.சி.  சித்திலெப்பை சகல மதத்தவர்களுடனும் இணைந்து செயற்பட்டார்.

இதனால் தான் அறிஞர் எம்.சி. சித்திலெப்பை பற்றி பேசப்படும் போது ஆறுமுக நாவலர் , அநாகரிக தர்மபால  ஆகியோர் பற்றியும் பேசப்படுவதைக் காணலாம்.

முஸ்லிம் சமூகம் 150 வருடங்களின் பின்பு அறிஞர் எம்.சி. சித்திலெப்பைக்கு நன்றிக்கடன் செலுத்த முன்வந்திருப்பது கவனத்திற்குரியதாகும். கண்டி வாழ் முஸ்லிம்களால் மட்டுமல்ல இலங்கை முஸ்லிம்களால் நினைவுபடுத்தப்பட வேண்டிய தலைவர் அறிஞர் எம்.சி. சித்திலெப்பை ஆவார்.

இலங்கையின் அரசியலில் முக்கியத்துவமிக்க மாற்றங்கள் எதிர்பார்க்கப்படும்  இக்காலப்பகுதியில் முஸ்லிம் கட்சிகளின் நிலைப்பாடுகள் எத்தகைய பாணியில் அமைய வேண்டும் என்பதை அறிஞர் எம்.சி. சித்திலெப்பையின் அரசியலை ஆழமாக நோக்குவதன் மூலம் கற்றுக் கொள்ள முடியும்.

இந்நாட்டின் சகல மக்களின் அரசியல் உரிமைகளுக்காகவும் தான்சார்ந்த முஸ்லிம் சமூகத்தின் அரசியல் உரிமைகளுக்காகவும் அறிஞர் எம்.சி.  சித்திலெப்பை போராடினார்.  அவரது சமூக , அரசியல்  பங்களிப்பு காத்திரமானது. ஆனால் அவருக்கு அரசியலில் உரிய இடம் கிடைக்கவில்லை.   இது நடைமுறை அரசியலுக்கும் பொருந்தும்.

அறிஞர் எம்.சி. சித்திலெப்பையின் வரலாற்றைப் பாதுகாக்க நடவடிக்கைகள் மேற்கொள்ளப்பட வேண்டும். ஆனால், முஸ்லிம் சமூகம் துரதிஸ்டவசமாக தனது வரலாற்றைப் பேணிப்  பாதுகாப்பதில் அக்கறையற்றிருப்பது  கவலைக்குரியதாகும்.

இன்று அறிஞர் எம்.சி. சித்திலெப்பை பற்றி முஸ்லிம் மாணவர்கள் தெரியாத நிலையிலுள்ளனர். அவரின் பெயரில் காணப்படும் பாடசாலையின் பெயரை மாற்ற வேண்டும் என்று கூறுகின்றவர்கள் எம் மத்தியில் உள்ளனர். அதேபோல் கலாநிதி பதியுதீன் மஹ்மூதும் அளப்பரிய சேவையாற்றினார். ஆனால் இன்றைய முஸ்லிம் இளைய தலைமுறையினர் பதியுதீன் மஹ்மூத் என்பவர் யார்? டீ.பி.
ஜாயா யார்? என்று கேட்கும் நிலை ஏற்பட்டுள்ளது. நாம் இவர்களைப் பற்றி இளைய தலைமுறையினருக்கு எடுத்துக் கூற வேண்டும்.

முஸ்லிம் சமூகத்தின் ஊடகத்துறைப் பங்களிப்புக்கு அறிஞர் எம்.சி. சித்திலெப்பை முன்னுதாரணமாகத் திகழ்ந்தார். அவர் ஒன்றரை நூற்றாண்டுக்கு முன்பு சொந்தமாக அச்சகத்தை நிறுவி முஸ்லிம் நேசன் பத்திரிகையை வெளியிட்டார். இவரால் நடாத்தப்பட்ட அச்சகம் பேராதனையில் இருந்தது.

ஆனால் இன்று முஸ்லிம் சமூகம் ஒரு தனித்துவமான பத்திரிகையை வெளியிடுவதற்கு சொந்தமாக ஒரு அச்சகம் இல்லாத பரிதாப நிலையில் இருந்து வருகின்றது. இந்நாட்டில் 49 வானொலி அலைவரிசைகள் 19 தொலைக்காட்சி அலைவரிசைகள் காணப்படுகின்ற போதிலும் முஸ்லிம்களின் கட்டுப்பாட்டில் ஒரு அலைவரிசையேனும் இல்லாமை  பெரும் குறைபாடாகும்.

முஸ்லிம் சமூகத்தைச் சுற்றி இனவாதம் வலை பின்னிக் கொண்டிருக்கின்றது. இந்த சமூகத்தை அடக்கி ஒடுக்க சதிகள் இடம்பெற்று வரும் நிலையில் முஸ்லிம் சமூகம் தனக்கிருக்கும் அச்சுறுத்தல்களை புரிந்து கொள்ள முடியாத சமூகமாக தூங்கிக் கொண்டிருக்கின்றது. முஸ்லிம் சமூகத்தின் நிலைப்பாடுகளை முன்வைப்பதற்கு  ஒரு இலத்திரனியல் ஊடகம் அவசியம்.

தம்புள்ள நகரில் முஸ்லிம் வர்த்தக நிலையமொன்றில் பேர்கர் பணிஸ் தொடர்பாக ஏற்பட்ட சிறு பிணக்கைத் தொடர்ந்து  28 காடையர்கள்  98 முஸ்லிம் வர்த்தக நிலையங்களை மூன்று தினங்கள் மூடச் செய்தனர். இச்சம்பவம் முஸ்லிம்களின் பொருளாதாரத்தை மூன்று தினங்கள் முடக்கியது.

இது முஸ்லிம் சமூகத்தின் பாதுகாப்பு தொடர்பான அச்சத்தை ஏற்படுத்துகின்றது.  முஸ்லிம் சமூகம் நெருக்கடிகளை எதிர்நோக்கும் சமூகமாக மாற்றப்படும் அவல சூழ்நிலை தொடர்கின்றது. இந்நிலையில் இருந்து ஒரளவுக்கேனும் விடுபடுவதற்கு ஊடகத்தை ஆயுதமாக பயன்படுத்த முடியும். ஆனால் எம்மத்தியில் சக்திமிக்க ஊடகமொன்று இல்லாமை பெரும் குறைபாடாகும்.

முஸ்லிம் பாராளுமன்ற உறுப்பினர்களுக்கு முன்மாதிரியான தலைவராக அறிஞர் எம்.சி. சித்திலெப்பை திகழ்ந்தார்கள். அவர் முஸ்லிம்களின் உரிமைகளுக்காகப் போராடியுள்ளார். இன்றைய பாராளுமன்றத்தில்  21 முஸ்லிம் பாராளுமன்ற உறுப்பினர்கள் இருக்கின்றனர். ஆனால் சமூகத்திற்காக இரண்டு அல்லது மூன்று நிமிடங்கள் பராளுமன்றத்தில் உரையாற்றாத உறுப்பினர்களும் இருக்கின்றனர்.

நாம் கடந்த இரண்டரை வருடங்களாக 250 மௌலவி ஆசிரியர் நியமனங்களை பெற்றுக் கொள்ள முடியாத நிலையில் இருக்கின்றோம்.

இந்த ஆசிரிய நியமனங்கள் ஐக்கிய தேசிய கட்சியின் தேர்தல் விஞ்ஞாபனத்தில் குறிப்பிடப்பிட்ட விடயம் என்பதும் சுட்டிக்காட்டத்தக்தாகும்.  எனவே சமூகத்திற்காக குரல் எழுப்பக்கூடியவர்களை சமூகம் பிரதிநிதிகளாக உருவாக்க வேண்டும் என்பதை அறிஞர் எம்.சி. சித்திலெப்பையின் அரசியல் வரலாற்றின் மூலம் அறிந்து கொள்ள முடியும் என்றார்.

இதில் கலந்து கொண்ட பேராதனை பல்கலைக்கழக பேராசிரியர் எம்.ஏ. நுஹ்மான் உரையாற்றுகையில்,  இலங்கை முஸ்லிம்களின் தற்கால கல்வி மற்றும் அரசியல் துறைகளின் முன்னேற்றத்திற்கு அடித்தளமிட்ட முன்னோடி  அறிஞர் சித்திலெப்பை ஆவார். உலகக்கல்வி மார்க்கக் கல்வி என்ற வித்தியாசமின்றி இஸ்லாமிய அடிப்படையில் முஸ்லிம் சமூகத்தில் சகலருக்கும் கல்வி வாய்ப்பை ஏற்படுத்திக் கொடுப்பது முஸ்லிம் சமூகம் அறிஞர் எம்.சி. சித்திலெப்பைக்கு செய்யும் நன்றிக்கடனாகும்.

உலகில் முஸ்லிம் சனத்தொகையில் அறுபது சதவீதத்தினர் எழுத்தறிவற்றவர்களாவர். கல்வி தொடர்பான தெளிவான நிலைப்பாடு அறிஞர் எம்.சி. சித்திலெப்பையிடம் காணப்பட்டது.

அவர் கல்வியை உலகக்கல்வி மார்க்கக் கல்வி என்று வேறுபடுத்தி நோக்கவில்லை. இஸ்லாமிய அடிப்படையில் முஸ்லிம் சமூகத்தில் சகலரும் கல்வி வாய்ப்பை பெற்றுக் கொள்வதை உறுதிப்படுத்த அவர் பாடுபட்டார்.

இப்பணி அவர் விட்டுச் சென்ற பணியாகும். இதனைப் பற்றி சிந்திப்பது முஸ்லிம் சமூகத்தின் கடமையாகும்.  உலகக்கல்வி மற்றும் மார்க்கக்கல்வி என்பவற்றை ஒன்றிணைத்து செல்வது அறிஞர் எம்.சி. சித்திலெப்பையின் பணியைத் தொடர்வதாக அமையும்.

முஸ்லிம் சமூகம் அறிஞர் எம்.சி. சித்திலெப்பையின் சேவைகள்  பற்றி போதியளவில் அறியாத நிலை தொடர்கின்றது. எனவே அன்னாரின் பணிகள் எடுத்துக் கூறப்பட வேண்டும்.

இன்று முஸ்லிம் சமூகம் ஒரளவுக்காவது கல்வி மற்றும் அரசியல் ஆகிய துறைகளில் முன்னேற்றம் அடைந்திருப்பதற்குக் காரணம் அன்று அறிஞர் எம்.சி. சித்திலெப்பை செய்த பணியாகும். அறிஞர் எம்.சி. சித்திலெப்பை வாழ்ந்த காலம் ஆங்கிலேயர்களின் ஆட்சிக்காலமாகும். அன்று முஸ்லிம் சமூகத்தில் சுமார் ஐந்து சதவீத்தினர் மட்டும் கல்வித்துறையில் முன்னேறியவர்களாக இருந்தனர். இவர்கள் ஆங்கிலத்தையும் கற்று தமது நிலையை மேம்படுத்திக் கொண்டனர்.

ஆனால் சமூகத்தில் எண்பது சதவீதத்தினர் பொருளாதாரம் மற்றும் கல்வியில் மிகவும் பின்தங்கிய நிலையில் இருந்தனர். அறிஞர் எம்.சி.  சித்திலெப்பை இந்த என்பது சதவீதத்தினரின் நிலைமையை மாற்றியமைப்பதற்கு தன்னை அர்ப்பணித்தார் என்றார்.
   
இந்நிகழ்வில் கௌர அதிதியாகக் கொண்ட தொழிலதிபர் எம். எம். எம். வதூத் நூலின் முதல் பிரதியைப் பெற்றுக் கொண்டார்.

சித்திலெப்பை மன்றத்தின் உப தலைவரும் ஒராபி பாஷா நிலையத்தின் பணிப்பாளருமான ஹபீல் சலீம்தீன்,  சித்திலெப்பை மன்றத்தின் தலைவரும் அகில இலங்கை முஸ்லிம் கல்வி மாநாட்டுத் தலைவர் பேராசிரியர் எம். எஸ். எம். அனஸ்,  ஏ. ஜே. எம். முபாரக் ஆகியோருடன் பேராதனை பல்கலைக்கழகப் பேராசிரியர் பீ. எம். ஜமாஹீர், பேராசிரியர் ஹஸ்புல்லாஹ், கலாநிதி நபீல், அரசியல் பிரமுகர்களான மத்திய மாகாண சபை உறுப்பினாகளான எம். டி. எம் முத்தலிப், செய்னுலாப்தீன் லாபீர், பாகிஸ்தான் தூதுவராயத்தின் கவுன்ஸிலர் ஹப்சல் மரைக்கார், கவிஞர் ஜின்னா ஷரீப்தீன் , அல் அஸூமத்  உட்பட பலர் கலந்து கொண்டனர்.

(-எம்.எம்.எம்.ரம்ஸீன், இக்பால் அலி )

Comments

Popular posts from this blog

ஐக்கிய‌ காங்கிர‌ஸ் க‌ட்சியின் அமைப்பாள‌ராக ச‌தீக்‌

  வ‌ன்னி மாவ‌ட்ட‌த்தை சேர்ந்த‌ எம். எஸ். எம்.  ச‌தீக்  அவ‌ர்க‌ள் ஐக்கிய‌ காங்கிர‌ஸ் க‌ட்சியின் (உல‌மா க‌ட்சியின்) தேசிய‌ அமைப்பாள‌ராக‌வும் உய‌ர் ச‌பை உறுப்பின‌ராக‌வும்  நிய‌மிக்க‌ப்ப‌ட்டுள்ளார். அண்மையில் ஸூம் மூல‌ம் ந‌டை பெற்ற‌ க‌ட்சியின்  விசேட‌ உய‌ர் ச‌பைக்கூட்ட‌த்தின் போது க‌ட்சியின் த‌லைவ‌ர் முபாற‌க் அப்துல் ம‌ஜீதின் சிபாரிசின் பேரில் இவ‌ர் நிய‌மிக்க‌ப்ப‌ட்டார்.

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய

ஹக்கீமை சமூக துரோகி என குற்றம் சாட்டி அரசியல் செய்யும் முஸர்ரப்

ஞானசாரவை தூண்டி அரசியல் செய்யும் ரிசாத்தும் ஹக்கீமை சமூக துரோகி என குற்றம் சாட்டி அரசியல் செய்யும் முஸர்ரப்பும் இதுவே இவர்களின் அரசியல் வியூகம் ...................................................................... ரிசாத்தின் வர்த்தக அமைச்சால் பொத்துவிலுக்கோ அல்லது அம்பாரை மாவட்டத்தின் மக்களுக்கோ கிடைத்த நன்மைகள் என்ன? அம் மக்களுக்கு நன்மை கிடைத்ததோ இல்லையோ அந்த மக்களை காட்டி அவருக்கு அரபு நாடுகளில் கிடைத்த நிதிகளே அதிகம். அவர்கள் சொல்லும் 50 வீடு எந்த வர்த்தக அமைச்சினால் வந்தது? அவர்கள் சொல்லும் பள்ளி வாயலுக்கு வழங்கப்பட்ட நிதி எங்கிருந்து வந்தது? எந்த வர்த்தக அமைச்சினால் வந்தது? இன்று இளைஞர்களை ஒன்றுபடச் சொல்லும் முஸர்ரப்பினால் ரிசாத்தை கொண்டு எத்தனை இளைஞர்களுக்கு வேலை வாய்ப்பு பெற்றுக் கொடுக்கப்பட்டுள்ளது? அவரின் அமைச்சைக் கொண்டு இந்த அம்பாரை மாவட்டத்தில் ஏதாவது ஒரு தொழில் பேட்டை அமைக்கப்பட்டதா? சம்மாந்துறையில் அமைப்பேன் எனக் கூறி அம் மக்களை ஏமாற்றியதே மீதியானது இவ்வாறான பொய் பொத்தலோடு நாம் எவ்வாறு ஒன்றுபடுவது? ஒவ்வொரு முறையும் ஞானசாரவை தூண்டி அரசியல் செய்யும் ரிசாத