Skip to main content

இனவாத அரசியல் கலாசாரத்தால் இலங்கையின் எதிர்காலம் ஆபத்து

  இனவாத அரசியல் கலாசாரத்தால் இலங்கையின் எதிர்காலம் ஆபத்து –  அரசுக்கு கரு ஜயசூரிய எச்சரிக்கை புதிய அரசமைப்பை உருவாக்கி தமிழ், முஸ்லிம் மக்களின் அடிப்படை உரிமைகளை உறுதிப்படுத்த வேண்டும். இனவாதத்தைத் தூண்டி அரசியலை முன்னெடுக்கும் தற்போதைய அரசியல் பயணம் தொடருமாயின் எதிர்காலத்தில் மிகப்பெரிய பிரச்சினைகள் நாட்டினுள் உருவாகும் என எச்சரிக்கை விடுத்துள்ளார் முன்னாள் சபாநாயகர் கரு ஜயசூரிய. நாட்டின் சமகால அரசியல் நிலைவரம் தொடர்பில் கருத்துரைக்கும்போது அவர் மேலும் தெரிவித்ததாவது:- “நாட்டில் தற்போது உருவாக்கப்பட்டு வருகின்ற இனவாத அரசியல் கலாசாரம் இலங்கையை நீண்ட காலத்துக்கு நெருக்கடிக்குள் தள்ளப்போகின்றது. இந்த விடயத்தில் அனைவரும் குறுகிய நோக்கத்தில் பார்க்கின்றனர். ஆனால், தூரநோக்கு சிந்தனையுடன் இந்த நாட்டின் இன – மத உரிமைகளைப் பலப்படுத்தும், பாதுகாக்கும் நடவடிக்கைகளை முன்னெடுக்க வேண்டும். புதிய அரசமைப்பு உருவாக்கப்பட வேண்டும். இந்தப் புதிய அரசமைப்பில் ஜனநாயகம், மனித உரிமைகள் முழுமையாகப் பாதுகாக்கப்பட வேண்டும். அரசமைப்பின் 20 ஆவது திருத்தத்தைக் கொண்டுவந்து அதன் மூலம் பறிக்கப்பட்ட உரிமைகள் முழுமையாக

பொதுபல சேனாவின் நிலைப்பாட்டை உலமா கட்சி வரவேற்றுள்ளது


புதிய அரசியலமைப்பை திருத்தத்தை எதிர்ப்போம் என்ற பொதுபல சேனாவின் நிலைப்பாட்டை உலமா கட்சி வரவேற்றுள்ளது. இது பற்றி உலமா கட்சித்தலைவர் கலாநிதி முபாறக் அப்துல் மஜீத் தெரிவித்ததாவது,
இந்நாட்டு முஸ்லிம்கள் இந்த நல்லாட்சி அரசை கொண்டு வந்தது அரசியல் யாப்பை மாற்ற வேண்டும் என்றோ, தொகுதிவாரி தேர்தல் முறையை கொண்டு வரவேண்டும் என்றோ, முஸ்லிம் திருமண சட்டத்தில் மாற்றம் கொண்டு வர வேண்டும் என்றோ அல்ல. மாறாக மஹிந்த அரசில் ஹெல உறுமயவின் ஆதரவில் இயங்கிய பொது பல சேனா போன்ற இனவாதிகளை கட்டுப்படுத்த வேண்டும் அல்லது அவர்களை தடைசெய்து நாட்டில் சகல மக்களுக்குமிடையில் இன ஐக்கியத்தை ஏற்படுத்த வேண்டும் என்பதற்காகத்தான்.
இதற்காக முஸ்லிம்களின் வாக்குகள் கிட்டத்தட்ட எட்டு லட்சத்துக்கு மேல் மைத்ரி, ரணில் அரசுக்கு அளிக்கப்பட்டிருந்தன. இதே முஸ்லிம்களின் நான்கு இலட்ச வாக்குகளாவது மஹிந்தவுக்கு அளிக்கப்பட்டிருந்தால் மஹிந்த ராஜபக்ஷ வெற்றி பெற்றிருப்பார். ஆனால் இன்றைய அரசு தனக்கு ஏன் முஸ்லிம்கள் வாக்களித்தனர் என்பதை மறந்து முஸ்லிம்களை துன்புறுத்தும் திட்டங்களைத்தான் நாள்தோறும் சிந்திக்கிறது. இந்த வகையில்தான் புதிய அரசியல் யாப்பு, மாகாணங்களுக்கான பொலிஸ், காணி அதிகாரம் போன்றவையாகும்.
புதிய அரசியல் திருத்தம் என்பது தற்போதைக்கு அவசியமற்றது என்பதே உலமா கட்சியின் நிலைப்பாடாகும். அந்த வகையில் இதே கருத்தை பொது பல சேனாவின் செயலாளர் ஞான சார தேரர் கூறியிருப்பதை உலமா கட்சி வரவேற்கிறது. அவர் முஸ்லிம் சமூகம் சம்பந்தமாக இஸ்ரேல், அமெரிக்கா, நோர்வே, டயஸ் போராக்கள், மற்றும் முஸ்லிம் சமூகத்தில் உள்ள தமிழை கொச்சையாக பேசும் சில புல்லுருவிகளின் பேச்சுக்களை அரைகுறையாக விளங்கியதன் காரணமாக முஸ்லிம் சமூகம் பற்றி பிழையாக இனவாதமாக பேசுவதன் காரணமாகவே நாம் அவரை எதிர்க்கின்றோம். ஆனாலும் அரசியல் யாப்பு திருத்தம் தேவையற்றது, நாட்டை சீனா, அமெரிக்கா, இந்தியா போன்ற நாடுகளுக்கு நல்லாட்சி அரசு விற்க முணைவதை கண்டிப்பது போன்ற அவரது கருத்துக்களை நாம் பெரிதும் வரவேற்கிறோம். இந்த நல்ல விடயங்களில் பொதுபல சேனாவுடன் உலமா கட்சி புரிந்துணர்வுடன் இணைந்து செயற்படவும் தயாராக உள்ளது என்பதையும் தெரிவித்துக்கொள்கிறோம் என உலமா கட்சித்தலைவர் தெரிவித்தார்.

Comments

Popular posts from this blog

அதாவுல்லாவை புக‌ழும் ஹ‌ரீஸ்

ஒவ்வொரு நிமிடமும் நம்மை நோக்கி எறிகணைகள் வந்த வண்ணமே இருக்கிறது. நாங்கள் ஒற்றுமைப்பட்டு இனி செயலாற்ற முன்வர வேண்டும். அம்பாறை மாவட்டத்தில் உள்ள சகல அரசியல் கட்சி முக்கியஸ்தர்களும் ஒன்றிணைந்து எதிர்வரும் பொதுத்தேர்தலை சந்தித்து நாங்கள் ஒற்றுமையாக வாக்களித்தால் அம்பாறை மாவட்டத்தில் இருந்து ஐந்து முஸ்லிம் பாராளுமன்ற உறுப்பினர்கள் தெரிவாவார்கள் என ஸ்ரீலங்கா முஸ்லிம் காங்கிரஸின் பிரதித்தலைவரும் முன்னாள் இராஜாங்க அமைச்சருமான சட்டத்தரணி  எச்.எம்.எம்.ஹரீஸ் தெரிவித்தார்.  தொடர்ந்தும் அங்கு பேசும் போது, கல்முனை பிரதேச விவகாரம் பற்றிய பிரதமருடனான கலந்துரையாடலுக்கு குறித்த தொகுதியின் மக்கள் பிரதிநிதியாகிய எனக்கு எவ்வித அழைப்புக்களும் விடுக்கப்பட்டிருக்க வில்லை. நான் நேரடியாக பிரதமர் மஹிந்தவை சந்தித்து மக்களின் பிரச்சினையை பற்றி தெளிவாக விளக்கியவுடன் அன்று மாலை என்னையும் கூட்டத்தில் கலந்துகொள்ளுமாறும் அதற்கான ஏற்பாடுகளை தான் செய்வதாகவும் வாக்குறுதியளித்தார். அதன் பிரகாரமே நான் அக்கூட்டத்திற்க்கு சென்று வரவேற்பறையில் காத்திருந்தேன். அங்கு கலந்து கொண்டிருந்த முக்கிய பிரமுகர்கள் பலரும் அதிருப்

அகில இலங்கை மக்கள் காங்கிரஸ் கட்சியினால் சுமார் 16 லட்சம் ரூபா பெறுமதியான கரப்பாந்தாட்ட விளையாட்டு மைதானம்

அகில இலங்கை மக்கள் காங்கிரஸ் கட்சியினால் சுமார் 16 லட்சம் ரூபா பெறுமதியான கரப்பாந்தாட்ட  விளையாட்டு மைதானம்  மதவாக்குள பிரதேசத்திற்கு  அமைத்து கொடுக்கப்ப்பட்டுள்ளது. கௌரவ முன்னாள் அமைச்சரும் அகில இலங்கை மக்கள் காங்கிரஸ் கட்சியின் தலைவருமான அல்ஹாஜ் றிஷாத் பதுயுதீன் அவர்களின் நிதியின் மூலம் அகில இலங்கை மக்கள் காங்கிரஸ் புத்தள மாவட்ட அமைப்பாளர் அலி சப்ரி ரஹீம் அவர்களின் முயற்சியினால் அகில இலங்கை மக்கள்  காங்கிரசின் மதவாக்குள கட்சிக் குழுவின் வேண்டுகோளுக்கு இணங்க மதவாக்குள பிரதேசத்திற்கு மிக நீண்டகால தேவைப்பாடாக இருந்த கரப்பாந்தாட்ட விளையாட்டு மைதானம் நேற்று கெளரவ அலி சப்ரி ரஹீம் அவர்களினால் திறந்து வைக்கப்பட்டது. அந்தவகையில் இந்த கரப்பாந்தாட்ட விளையாட்டு மைதானமானது சுமார் 16 லட்சம் ரூபா பெறுமதியாகும் எனவே இதனை  ஊருக்கு  அமைத்து கொடுத்தமைக்கு மதவாக்குள ஊர் மக்கள் மற்றும்இ விளையாட்டு குழு உறுப்பினர்கள் தங்கள் நன்றிகளை அகில இலங்கை மக்கள் காங்ரஸிற்கு  தெரிவித்து கொள்கின்றனர். ஊடகவியலாளர் சில்மியா யூசுப். 0769622313

சாய்ந்தமருது நகரசபை – விசேட வர்த்தமானி இன்று நள்ளிரவு !

சாய்ந்தமருது நகரசபை 2022 பங்குனி 20 அமுலாகும் வகையில் 2162/50 இலக்கம் கொண்ட அதிவிசேட வர்த்தமானி இன்று நள்ளிரவு வெளியாகவுள்ளது. பொது நிர்வாக உள்நாட்டு அலுவல்கள் மற்றும் உள்ளூராட்சி மாகாண சபைகள் அமைச்சர் ஜனக பண்டார தென்னக்கோனின் கையொப்பத்துடன் வெளியாகவுள்ளது . 1987ம் ஆண்டு கல்முனை தொகுதியில் 4 சபைகள் இயங்கின. அதனை முன்னாள் ஜனாதிபதி ஆர் .பிரேமதாசா ஒன்றிணைத்தார்.அதனை மீண்டும் பிரித்து தங்கள் பகுதியை ஒரு நகர சபையாக பிரித்து தருமாறு சாய்ந்தமருது மக்கள் கடந்த காலங்களில் பல்வேறு போராட்டங்கள் செய்தனர். அத்துடன் கடந்த 2018 ம் ஆண்டு இடம்பெற்ற உள்ளூராட்சி தேர்தலில் சுயேட்சை குழுவை சாய்ந்தமருது பள்ளிவாசல் களமிறக்கி அதில் 6 வட்டாரங்களையும் வென்று மொத்தம் 9 உறுப்பினர்களை பெற்றமை விசேட அம்சமாகும். கடந்த நல்லாட்சி அரசில் முஸ்லிம் அமைச்சர்கள் ,பிரதமர் நகர சபை தருவதாக வாக்குறுதி அளித்து ஏமாற்றியமையும் இங்கு குறிப்பிடத்தக்கது. அத்துடன் சாய்ந்தமருது பள்ளிவாசல் மற்றும் 6 மக்கள் பிரதி நிதிகள் ஜனாதிபதி கோட்டாபய ராஜபக்‌ஷவின் வெற்றிக்காக ஒப்பந்தம் செய்து தேர்தல் பணிகளில் ஈடுபட்டனர் .கடந்த தேர்தலில் ச