Skip to main content

இனவாத அரசியல் கலாசாரத்தால் இலங்கையின் எதிர்காலம் ஆபத்து

  இனவாத அரசியல் கலாசாரத்தால் இலங்கையின் எதிர்காலம் ஆபத்து –  அரசுக்கு கரு ஜயசூரிய எச்சரிக்கை புதிய அரசமைப்பை உருவாக்கி தமிழ், முஸ்லிம் மக்களின் அடிப்படை உரிமைகளை உறுதிப்படுத்த வேண்டும். இனவாதத்தைத் தூண்டி அரசியலை முன்னெடுக்கும் தற்போதைய அரசியல் பயணம் தொடருமாயின் எதிர்காலத்தில் மிகப்பெரிய பிரச்சினைகள் நாட்டினுள் உருவாகும் என எச்சரிக்கை விடுத்துள்ளார் முன்னாள் சபாநாயகர் கரு ஜயசூரிய. நாட்டின் சமகால அரசியல் நிலைவரம் தொடர்பில் கருத்துரைக்கும்போது அவர் மேலும் தெரிவித்ததாவது:- “நாட்டில் தற்போது உருவாக்கப்பட்டு வருகின்ற இனவாத அரசியல் கலாசாரம் இலங்கையை நீண்ட காலத்துக்கு நெருக்கடிக்குள் தள்ளப்போகின்றது. இந்த விடயத்தில் அனைவரும் குறுகிய நோக்கத்தில் பார்க்கின்றனர். ஆனால், தூரநோக்கு சிந்தனையுடன் இந்த நாட்டின் இன – மத உரிமைகளைப் பலப்படுத்தும், பாதுகாக்கும் நடவடிக்கைகளை முன்னெடுக்க வேண்டும். புதிய அரசமைப்பு உருவாக்கப்பட வேண்டும். இந்தப் புதிய அரசமைப்பில் ஜனநாயகம், மனித உரிமைகள் முழுமையாகப் பாதுகாக்கப்பட வேண்டும். அரசமைப்பின் 20 ஆவது திருத்தத்தைக் கொண்டுவந்து அதன் மூலம் பறிக்கப்பட்ட உரிமைகள் முழுமையாக

எத்தனை தடை வரினும் புத்தள அபிவிருத்தியை முன்நகர்த்தி செல்வோம் ரிஷாட் பதியுதீன் அறிவிப்பு




எத்தனை தடைகள் வந்தாலும் புத்தளத்தின் அபிவிருத்தியை முன்நகர்த்தி செல்வோம் என்றும் கடந்த காலங்களில் அரசியல் அதிகாரங்கள் பதவிகள் இருந்த போதும் இந்த மாவட்டத்தை அபிவிருத்தி செய்வதில் முட்டுக்கட்டைகளும் தடைக்கற்களும் போடப்பட்டதாகவும் அமைச்சர் ரிஷாட் பதியுதீன் தெரிவித்தார்.
புத்தளம் நகர மண்டபத்தில் அகில இலங்கை மக்கள் கங்கிரஸின்விழித்தெழு புத்தளமேஎன்ற நிகழ்வில் அமைச்சர் உரையாற்றினார்.
புத்தளம் மாவட்டத்தில் புலமைப் பரிசில் பரீட்சை, 2015-2016 கல்வியாண்டில் பல்கலைகழகத்திற்கு தெரிவான மாணவர்கள், . பொத. சாதரண தரத்தில் சிறந்த பெறுபேறு பெற்ற மாணவர்கள் மற்றும் கல்வியலாளர்களை கௌரவிக்கும் விழாவில் பிரதம அதிதியாகக் கலந்து கொண்டு உரையாற்றிய அமைச்சர் மேலும் கூறியதாவது,
நாங்கள் புத்தளம் மாவட்டத்திற்கு நிறைய செய்ய ஆசைப்பட்டோம். புத்தளம் மக்களின் வாழ்க்கைத் தரத்தையும் கல்வித்தரத்தையும் உயர்த்துவதற்கு விரும்பினோம். தொழிநுட்பக் கல்லூரிகளை புத்தளத்திற்குக் கொண்டு வந்து இளைஞர் யுவதிகளின் தொழினுட்ப அறிவை விருத்தி செய்ய எண்ணினோம். புத்தளம் மக்கள் சொந்தக் காலில் நின்று சுதந்திரப் புருஷர்களாக வாழ வேண்டும் என்று நாங்கள் முயற்சி செய்த போதும்இடம்பெயர்ந்து வந்தவன்என்ற ஒரே காரணத்தினாலேயே எமது செயற்பாடுகள் தடுக்கப்பட்டன. என் மீது இல்லாத பொல்லாத கதைகளைப் பரப்பி வீண் பழி சுமத்தி உள்ளூர் மக்கள் மத்தியில் தவறான அபிப்பிராயங்களை விதைக்க முற்பட்டனர். அரசியல் அதிகாரமும் அமைச்சர் பதவியும் இருந்த போதும் புத்தளத்தில் கவனஞ் செலுத்த முடியாதவனாக வெறுமனே பாதையிலே பயணிக்கும் ஓர் அரசியல்வாதியாக மட்டுமே இருந்தேன்.
அந்த வேளையில் எமது கட்சியைப் பார்ப்பதற்கோ என்னைப் பார்ப்பதற்கோ ஆறுதல் கூறுவதற்கோ என் மீது சுமத்தப்பட்ட அபாண்டங்களை விடுவிப்பதற்கோ எவருமே இருக்கவில்லை. அந்த வேளையில் எனக்குக் கை கொடுத்த ஒரு சகோதரன் அலிசப்ரி என்பதை மிகவும் நன்றியுணர்வுடன் நான் கூற விரும்புகின்றேன். அதே போல இங்குள்ள உலமாக்களும் புத்திஜீவிகளும் எனக்கு மறைவான முறையில் ஆதரவளித்து ஆறுதல் வார்த்தைகளைக் கூறி இருக்கின்றனர்.
வடமாகாணத்திலிருந்து 1 இலட்சம் மக்கள் இங்கு வந்து குவிந்த போது புத்தளம் மக்களாகிய நீங்கள் அன்பாகவும் பண்பாகவும் ஆசையாகவும் எங்களை அரவணைத்தீர்கள். வீடு, தோட்டங்கள், பாடசாலைகள், மதரஸாக்களை எங்களுக்கு தந்து உபசரித்தீர்கள். மாணவர்களின் குறிப்பிட்ட காலம் எங்களால் பாதிக்கப்பட்டதென்பதையும் நான் வேதனையுடன் கூறுகின்றேன்.
நபி (ஸல்) அவர்கள் மதீனா நோக்கி சென்ற போது அன்ஸாரித்தோழர்கள் எவ்வாறு நடந்து கொண்டார்களோ அவ்வாறே நீங்களும் அன்பு பாராட்டினீர்கள் என்பதை 1 இலட்சம் வடபுல மக்களின் சார்பாக கௌரவத்துடனும் நன்றியுணர்வுடனும் இங்கே சாட்சியாகக் கூறுகின்றேன்.
புத்தளத்தில் எங்கள் கட்சியை வளர்ப்பதற்காகவோ வேறு எந்த உள் நோக்கங்களுக்காகவோ இந்தப் பிரதேச அபிவிருத்தியில் நாங்கள் நாட்டம் காட்டவில்லை என்பதை மிகவும் தெளிவாக கூற விரும்புகின்றேன்.
புத்தளத்தொகுதியானது மிகவும் முக்கியத்துவம் வாய்ந்த பிரதேசமாகும். இந்த நாட்டுக்கு நிதியமைச்சரையும் சபாநாயகரையும் வழங்கி நமது சமூகத்தை சிறப்பித்த பூமி. அது மட்டுமல்ல தலை சிறந்த மார்க்க அறிஞர்களையும் விற்பன்னர்களையும் உருவாக்கி இந்த மண்ணுக்கு புகழ் பரப்பிய நகரம்.
26 வருடங்கள் பிரதிநிதித்துவத்தை நீங்கள் இழந்து நிற்பது எமது துர்ப்பாக்கியமே. இந்த ஆபத்திலிருந்து இங்குள்ள மக்களைப் பாதுகாக்க சுமார் 7 வருடங்களுக்கு முன்னரே நாம் திட்டமிட்டிருந்தோம். எங்களுக்கிடையில் இருக்கும் கருத்து வேறுபாடுகளுக்கு அப்பால் இந்த மண்ணின் நலனுக்காக இந்த சமுதாயத்தின் எழுச்சிக்காக ஒன்றுபடுமாறு நாம் விடுத்த கோரிக்கையும் அது தொடர்பில் மேற்கொண்ட முயற்சிகளும் வெற்றியளிக்கவில்லை. எனினும் எங்கள் கட்சிக்குக் கிடைத்த தேசியப்பட்டியலை உங்கள் மண்ணின் மைந்தனுக்கு வழங்கி உங்களைக் கௌரவித்தோம்.
சகோதரர் நவவி அவர்கள் எங்களுடன் இணைந்து புத்தளம் அபிவிருத்திக்கான உழைப்பதற்கான பல்வேறுதிட்டங்களைமேற்கொள்ள நடவடிக்கை எடுத்துள்ளதுடன் சில விடயங்களை நடைமுறைப்படுத்தவும் தொடங்கியுள்ளார்.
எதிர்வரும் காலங்களிலே புத்தளத்தின் அபிவிருத்தியில் மறுமலர்ச்சி ஏற்படுமென நான் திடமாக நம்புகின்றேன் என அமைச்சர் ரிஷாட் பதியுதீன் தெரிவித்தார்.
இந்த நிகழ்வில் பாராளுமன்ற உறுப்பினர்களான நவவி, மஹ்ரூப்,மேல் மாகாண சபை உறுப்பினர் பாயிஸ், மக்கள் காங்கிரஸின் புத்தளம் மாவட்ட அமைப்பாளர் அலி சப்ரி, முன்னாள் மாகாண சபை உறுப்பினர் யஹியா, தே முன்னாள் அமைப்பாளர் அலிகான் மக்கள் காங்கிரஸின் கல்விப் பணிப்பாளர் டொக்டர் ஷாபி, குருநாகல் மாவட்ட இளைஞர் அமைப்பாளர் அசார்டீன் மொய்னுதீன், முன்னாள் நகரசபை உறுப்பினர் முஹ்சி மற்றும் பலர் பங்கேற்றனர்.

Comments

Popular posts from this blog

அதாவுல்லாவை புக‌ழும் ஹ‌ரீஸ்

ஒவ்வொரு நிமிடமும் நம்மை நோக்கி எறிகணைகள் வந்த வண்ணமே இருக்கிறது. நாங்கள் ஒற்றுமைப்பட்டு இனி செயலாற்ற முன்வர வேண்டும். அம்பாறை மாவட்டத்தில் உள்ள சகல அரசியல் கட்சி முக்கியஸ்தர்களும் ஒன்றிணைந்து எதிர்வரும் பொதுத்தேர்தலை சந்தித்து நாங்கள் ஒற்றுமையாக வாக்களித்தால் அம்பாறை மாவட்டத்தில் இருந்து ஐந்து முஸ்லிம் பாராளுமன்ற உறுப்பினர்கள் தெரிவாவார்கள் என ஸ்ரீலங்கா முஸ்லிம் காங்கிரஸின் பிரதித்தலைவரும் முன்னாள் இராஜாங்க அமைச்சருமான சட்டத்தரணி  எச்.எம்.எம்.ஹரீஸ் தெரிவித்தார்.  தொடர்ந்தும் அங்கு பேசும் போது, கல்முனை பிரதேச விவகாரம் பற்றிய பிரதமருடனான கலந்துரையாடலுக்கு குறித்த தொகுதியின் மக்கள் பிரதிநிதியாகிய எனக்கு எவ்வித அழைப்புக்களும் விடுக்கப்பட்டிருக்க வில்லை. நான் நேரடியாக பிரதமர் மஹிந்தவை சந்தித்து மக்களின் பிரச்சினையை பற்றி தெளிவாக விளக்கியவுடன் அன்று மாலை என்னையும் கூட்டத்தில் கலந்துகொள்ளுமாறும் அதற்கான ஏற்பாடுகளை தான் செய்வதாகவும் வாக்குறுதியளித்தார். அதன் பிரகாரமே நான் அக்கூட்டத்திற்க்கு சென்று வரவேற்பறையில் காத்திருந்தேன். அங்கு கலந்து கொண்டிருந்த முக்கிய பிரமுகர்கள் பலரும் அதிருப்

அகில இலங்கை மக்கள் காங்கிரஸ் கட்சியினால் சுமார் 16 லட்சம் ரூபா பெறுமதியான கரப்பாந்தாட்ட விளையாட்டு மைதானம்

அகில இலங்கை மக்கள் காங்கிரஸ் கட்சியினால் சுமார் 16 லட்சம் ரூபா பெறுமதியான கரப்பாந்தாட்ட  விளையாட்டு மைதானம்  மதவாக்குள பிரதேசத்திற்கு  அமைத்து கொடுக்கப்ப்பட்டுள்ளது. கௌரவ முன்னாள் அமைச்சரும் அகில இலங்கை மக்கள் காங்கிரஸ் கட்சியின் தலைவருமான அல்ஹாஜ் றிஷாத் பதுயுதீன் அவர்களின் நிதியின் மூலம் அகில இலங்கை மக்கள் காங்கிரஸ் புத்தள மாவட்ட அமைப்பாளர் அலி சப்ரி ரஹீம் அவர்களின் முயற்சியினால் அகில இலங்கை மக்கள்  காங்கிரசின் மதவாக்குள கட்சிக் குழுவின் வேண்டுகோளுக்கு இணங்க மதவாக்குள பிரதேசத்திற்கு மிக நீண்டகால தேவைப்பாடாக இருந்த கரப்பாந்தாட்ட விளையாட்டு மைதானம் நேற்று கெளரவ அலி சப்ரி ரஹீம் அவர்களினால் திறந்து வைக்கப்பட்டது. அந்தவகையில் இந்த கரப்பாந்தாட்ட விளையாட்டு மைதானமானது சுமார் 16 லட்சம் ரூபா பெறுமதியாகும் எனவே இதனை  ஊருக்கு  அமைத்து கொடுத்தமைக்கு மதவாக்குள ஊர் மக்கள் மற்றும்இ விளையாட்டு குழு உறுப்பினர்கள் தங்கள் நன்றிகளை அகில இலங்கை மக்கள் காங்ரஸிற்கு  தெரிவித்து கொள்கின்றனர். ஊடகவியலாளர் சில்மியா யூசுப். 0769622313

சாய்ந்தமருது நகரசபை – விசேட வர்த்தமானி இன்று நள்ளிரவு !

சாய்ந்தமருது நகரசபை 2022 பங்குனி 20 அமுலாகும் வகையில் 2162/50 இலக்கம் கொண்ட அதிவிசேட வர்த்தமானி இன்று நள்ளிரவு வெளியாகவுள்ளது. பொது நிர்வாக உள்நாட்டு அலுவல்கள் மற்றும் உள்ளூராட்சி மாகாண சபைகள் அமைச்சர் ஜனக பண்டார தென்னக்கோனின் கையொப்பத்துடன் வெளியாகவுள்ளது . 1987ம் ஆண்டு கல்முனை தொகுதியில் 4 சபைகள் இயங்கின. அதனை முன்னாள் ஜனாதிபதி ஆர் .பிரேமதாசா ஒன்றிணைத்தார்.அதனை மீண்டும் பிரித்து தங்கள் பகுதியை ஒரு நகர சபையாக பிரித்து தருமாறு சாய்ந்தமருது மக்கள் கடந்த காலங்களில் பல்வேறு போராட்டங்கள் செய்தனர். அத்துடன் கடந்த 2018 ம் ஆண்டு இடம்பெற்ற உள்ளூராட்சி தேர்தலில் சுயேட்சை குழுவை சாய்ந்தமருது பள்ளிவாசல் களமிறக்கி அதில் 6 வட்டாரங்களையும் வென்று மொத்தம் 9 உறுப்பினர்களை பெற்றமை விசேட அம்சமாகும். கடந்த நல்லாட்சி அரசில் முஸ்லிம் அமைச்சர்கள் ,பிரதமர் நகர சபை தருவதாக வாக்குறுதி அளித்து ஏமாற்றியமையும் இங்கு குறிப்பிடத்தக்கது. அத்துடன் சாய்ந்தமருது பள்ளிவாசல் மற்றும் 6 மக்கள் பிரதி நிதிகள் ஜனாதிபதி கோட்டாபய ராஜபக்‌ஷவின் வெற்றிக்காக ஒப்பந்தம் செய்து தேர்தல் பணிகளில் ஈடுபட்டனர் .கடந்த தேர்தலில் ச