Skip to main content

முஸ்லிம் காங்கிர‌ஸ் உறுப்பின‌ர்க‌ளிடையே மோத‌ல்.

  சமூக பற்றில்லா தவத்தை மக்கள் நிராகரித்ததன் விம்பமே இன்றைய அவரின் காட்டிக்கொடுப்புகள்  : முன்னாள் மாகாண சபை உறுப்பினரை தோலுரிக்கும் மு.கா பிரமுகர்  மாளிகைக்காடு நிருபர்  றாபிக்களும், அலி உதுமான்களும் பிறந்த வீரமிகு மண்ணான அக்கரைப்பற்றில் காட்டிக்கொடுப்பிலும், ஈனசெயலிலும் முத்திரை பதித்த ஒருவராக முன்னாள் மாகாணசபை உறுப்பினர் ஏ.எல்.எம் தவம் இருப்பது அக்கரைப்பற்று மண்ணுக்கு மட்டுமல்ல ஒட்டுமொத்த முஸ்லிங்களுக்கும் அவமானமாக உள்ளது. எச்ச சுகபோகங்களுக்காக முஸ்லிங்களையும், முஸ்லிம் நிலபுலங்களையும் காட்டிக்கொடுத்து வங்கரோத்து தனமிக்க அரசியல்வாதியாக தன்னை அடையாளப்படுத்திக்கொண்ட இவரை அம்பாறை மாவட்ட மக்கள் கடந்த காலங்களில் நிராகரித்தது போன்று இனியும் நிராகரிப்பார்கள். இவரின் பருப்பு முஸ்லிம் சமூகத்திடம் இனியும் வேகாது என ஸ்ரீலங்கா முஸ்லிம் காங்கிரசின் சார்பிலான கல்முனை மாநகரசபை உறுப்பினர் ஏ.எம். பைரூஸ் தெரிவித்தார்.  இன்று கல்முனையில் நடைபெற்ற ஊடக சந்திப்பில் கலந்துகொண்டு பேசிய அவர் மேற்கண்டவாறு தெரிவித்தார். மேலும் கருத்து தெரிவிக்கையில், ஸ்ரீலங்கா முஸ்லிம் காங்கிரசின் முன்னாள் தவிசாளர்களாக இருந்த

மூவரையும் நேரடி விசாரணைக்கு வருமாறு தேர்தல்கள் ஆணைக்குழு அழைப்பு

(அஸ்லம் எஸ்.மௌலானா)

ஸ்ரீலங்கா முஸ்லிம் காங்கிரஸ் கட்சியின் செயலாளர் பதவி தொடர்பில் எழுந்த்துள்ள சர்ச்சை குறித்து நேரடி விசாரணைக்கு வருகை தருமாறு சம்மந்தப்பட்ட தரப்பினருக்கு தேர்தல்கள் ஆணைக்குழு அழைப்பு விடுத்துள்ளது.

இவ்விசாரணை  வெள்ளிக்கிழமை முற்பகல் 11.00 மணியளவில் தேர்தல்கள் திணைக்களத்தில் இடம்பெறவிருக்கிறது.

இதற்காக கட்சியின் தேசியத் தலைவர்- அமைச்சர் ரவூப் ஹக்கீம், செயலாளர் நாயகம் எம்.ரி.ஹசன் அலி, புதிய செயலாளராக பரிந்துரைக்கப்பட்டுள்ள மன்சூர் ஏ.காதர் ஆகிய மூவருக்கும் அழைப்பு விடுக்கப்பட்டிருக்கிறது.

கடந்த வருடம் ஒக்டோபர் மாதம் நடைபெற்ற ஸ்ரீலங்கா முஸ்லிம் காங்கிரஸ் கட்சியின் பேராளர் மாநாட்டில் கட்சியின் யாப்பு திருத்தப்பட்டு, செயலாளர் நாயகம் பதவிக்கு மேலதிகமாக உயர் பீட செயலாளர் எனும் புதிய பதவி ஒன்று உருவாக்கப்பட்டதுடன், தேர்தல்கள் ஆணையாளர் மற்றும் நாடாளுமன்ற செயலாளர் நாயகம் போன்றோருடனான தொடர்புகளை பேணும் பொறுப்பு உயர் பீட செயலாளருக்கு உரித்தாக்கப்பட்டது.

இதன் பிரகாரம் கட்சியின் செயலாளர் நாயகம் எனும் பதவி அதிகாரமற்றதாக மாற்றப்பட்டது. அது மாத்திரமல்லாமல் கட்சியின் செயலாளர் பதவி என்பது நேரடி அரசியலில் ஈடுபடாத உத்தியோகத்தர் அந்தஸ்த்துக்குரியதாக மாற்றப்பட்டதுடன் அவர் தலைவரினால் நியமிக்கப்படுவார் எனவும் அவருக்கு கட்சியினால் மாதாந்த சம்பளம் வழங்கப்படும் எனவும் அந்த யாப்பு திருத்தத்தில் முன்மொழியப்பட்டிருந்தது.

இதனைத் தொடர்ந்து கட்சியின் உயர் பீட செயலாளராக நியமிக்கப்பட்ட நிலைக்கு சம்மாந்துறையை சேர்ந்த ஓய்வுபெற்ற பல்கலைக்கழக பதிவாளரான மன்சூர்.ஏ.காதர், கட்சியின் செயலாளர் எனும் பதவி நிலைக்கும் கட்சியின் தலைவரினால் தேர்தல்கள் ஆணைக்குழுவுக்கு பரிந்துரைக்கப்பட்டிருந்தார்.

இதனை அங்கீகரித்த தேர்தல்கள் ஆணைக்குழு, அதன் உத்தியோகபூர்வ கட்சிகளின் செயலாளர்கள் பட்டியலில் ஹசன் அலியின் பெயரை நீக்கி விட்டு, மன்சூர் ஏ.காதரின் பெயரை உள்வாங்கியிருந்தது.

எனினும் செயலாளர் நாயகமான ஹசன் அலி, கட்சியின் பேராளர் மாநாட்டில் இப்படியொரு தீர்மானம் எடுக்கப்படவில்லை எனவும் தானே தொடர்ந்தும் அதிகாரபூர்வமான செயலாளராக பதவி வகித்து வருவதாகவும் புதிய நியமனம் என்று கட்சித் தலைவரினால் பரிந்துரைக்கப்பட்டுள்ளமை போலியானது எனவும் அதனை தான் ஆட்சேபிப்பதாகவும் எழுத்து மூலம் தேர்தல்கள் ஆணைக்குழுவின் தவிசாளர் மஹிந்த தேசப்பிரியாவுக்கு கடிதம் ஒன்றை கையளித்திருந்தார்.

இதனை பரிசீலித்த மஹிந்த தேசப்பிரிய, அது தொடர்பில் விளக்கமளிக்குமாறு கட்சித் தலைவருக்கு அறிவுறுத்தியிருந்தார். எனினும் திருப்திகரமான பதில் கிடைக்கப்பெறாமையினால் தலைவர், செயலாளர் நாயகம், புதிய செயலாளர் ஆகிய மூவரையும் ஒரே நேரத்தில் நேரடி விசாரணை ஒன்றுக்கு வருகை தருமாறு கடந்த இரு மாதங்களுக்கு முன்னர் மஹிந்த தேசப்பிரிய அழைப்பு விடுத்திருந்தார்.

எனினும் கட்சியின் தலைமையகமான தாருஸ்ஸலாமுக்கு அனுப்பட்ட அக்கடிதத்தின் பிரதி ஹசன் அலிக்கு கிடைக்கவில்லை என்பதுடன் தலைவர், புதிய செயலாளர் ஆகிய இருவரும் சென்று தன்னிலை விளக்கமளித்திருந்தனர். அதனை தேர்தல்கள் ஆணைக்குழுவின் தவிசாளர் மஹிந்த தேசப்பிரிய கொள்கையளவில் ஏற்றுக் கொண்டிருந்தார்.

அதன் பின்னர் தனக்குரிய கடிதம் இருட்டடிப்பு செய்யப்பட்டதாக தெரிவித்து மீண்டும் ஒரு ஆட்சேபனை கடிதம் ஒன்றை மஹிந்த தேசப்பிரியவுக்கு ஹசன் அலி அனுப்பியிருந்தார்.

இதனைத் தொடர்ந்தே இம்மாதம் 15ஆம் திகதிக்கு முன்னர் கட்சியின் செயலாளர் யார் என்பதை உறுதிப்படுத்துமாறும் இல்லையேல் கட்சி செயற்பாடு சிக்கல் நிலைக்கு வரும் என்றும் அறிவுறுத்தி, காலக்கெடு ஒன்றும் விதித்து, ரவூப் ஹக்கீமுக்கு மஹிந்த தேசப்பிரிய அவசரக் கடிதமொன்றை அனுப்பியிருந்தார்.

அது தொடர்பில் ஆராய்வதற்காக நேற்று முன்தினம் புதன்கிழமை கட்சியின் உயர் பீடம் கூட்டப்பட்டு, விவாதிக்கப்பட்டது. அதில் ஹசன் அலி பங்கேற்கவில்லை. எவ்வாறாயினும் கருத்து முரண்பாடுகளுக்கு மத்தியில் தலைவர் ரவூப் ஹக்கீம், கடந்த பேராளர் மாநாட்டு தீர்மானங்கள் எனும் நிலைப்பாட்டை மீள உறுதிப்படுத்திக் கொண்டார்.

இந்நிலையிலேயே இன்று வெள்ளிக்கிழமை கட்சியின் தேசியத் தலைவர் ரவூப் ஹக்கீம், செயலாளர் நாயகம் எம்.ரி.ஹசன் அலி, புதிய செயலாளர் மன்சூர் ஏ.காதர் ஆகிய மூவரையும் ஒரே நேரத்தில் நேரடி விசாரணைக்கு வருமாறு தேர்தல்கள் ஆணைக்குழு அழைப்பு விடுத்திருக்கிறது.

நேற்று இடம்பெற்ற உயர் பீடக் கூட்டத்தை புறக்கணித்திருந்த ஹசன் அலி, தேர்தல்கள் ஆணைக்குழுவின் அழைப்பையேற்று நாளைய நேரடி விசாரணைக்கு முகம் கொடுப்பார் என அவருக்கு நெருக்கமான வட்டாரம் உறுதிப்படுத்தியது.

Comments

Popular posts from this blog

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய

ஐக்கிய‌ காங்கிர‌ஸ் க‌ட்சியின் அமைப்பாள‌ராக ச‌தீக்‌

  வ‌ன்னி மாவ‌ட்ட‌த்தை சேர்ந்த‌ எம். எஸ். எம்.  ச‌தீக்  அவ‌ர்க‌ள் ஐக்கிய‌ காங்கிர‌ஸ் க‌ட்சியின் (உல‌மா க‌ட்சியின்) தேசிய‌ அமைப்பாள‌ராக‌வும் உய‌ர் ச‌பை உறுப்பின‌ராக‌வும்  நிய‌மிக்க‌ப்ப‌ட்டுள்ளார். அண்மையில் ஸூம் மூல‌ம் ந‌டை பெற்ற‌ க‌ட்சியின்  விசேட‌ உய‌ர் ச‌பைக்கூட்ட‌த்தின் போது க‌ட்சியின் த‌லைவ‌ர் முபாற‌க் அப்துல் ம‌ஜீதின் சிபாரிசின் பேரில் இவ‌ர் நிய‌மிக்க‌ப்ப‌ட்டார்.