Skip to main content

மரணம், நூறுல்ஹக்கை பிரித்துவிட்டது" - மக்கள் காங்கிரஸ் தலைவர் ரிஷாட் அனுதாபம்!

  எல்லோருக்கும் பொதுவிதியான மரணம், நூறுல்ஹக்கை பிரித்துவிட்டது" - மக்கள் காங்கிரஸ் தலைவர் ரிஷாட் அனுதாபம்! ஊடகப்பிரிவு- பன்னூலாசிரியர் நூறுல்ஹக் அவர்கள் இறையடி சேர்ந்த செய்தியால், கடும் கவலையடைந்துள்ளதாக அகில இலங்கை மக்கள் காங்கிரஸ் தலைவரும் பாராளுமன்ற உறுப்பினருமான ரிஷாட் பதியுதீன் தெரிவித்துள்ளார். அன்னாரின் மறைவு குறித்து அவர் விடுத்துள்ள அனுதாபச் செய்தியில் தெரிவிக்கப்பட்டுள்ளதாவது, "எழுத்துப் பணியில் ஓயாது உழைத்துக் கொண்டிருந்த ஒரு நண்பனை நான் இழந்துவிட்டேன். அவரது இடைவௌியால், முஸ்லிம் சமூகத்தின் தனிப்பெரும் திறமையில் வெற்றிடம் ஏற்பட்டுவிட்டது. அரசியல், சமூகவியல், இலக்கிய வௌிகளில் மர்ஹூம் நூறுல்ஹக்கின் ஆளுமைகள் பளிச்சிடுவதை அன்னாரின் படைப்புக்களில் பார்க்க முடியும். முஸ்லிம் பூர்வீகம் பற்றி மிகத் தௌிந்த சிந்தனைகளில் அவர் பணியாற்றியவர். சமூக, அரசியல் தலைமைகளை வழிகாட்டும் அளவுக்கு அவரது சிந்தனைகள் இருந்ததை என்னால் பெருமையுடன் ஏற்றுக்கொள்ள முடியும். கொழும்புக்கு வரும் நேரமெல்லாம் நேரடியாகவோ அல்லது தொலைபேசியிலோ என்னைத் தொடர்புகொள்ளும் அவர், முஸ்லிம் சமூகத்தின் சமகால, நிகழ்கா

ஸ்ரீ லங்கா தவ்ஹீத் ஜமாஅத் கிழக்கில் பாரிய ஆர்ப்பாட்டத்தை செய்தமை பாராட்டுக்குரியதாகும்



ஐரோப்பாவுக்கு அடிமைப்பட்டு முஸ்லிம் தனியார் சட்டத்தை திருத்த நல்லாட்சி அரசு முயற்சி செய்யும் போது இதனை தடுக்க முஸ்லிம் பாராளுமன்ற உறுப்பினர்களும், ஜமிய்யதுல் உலமாவும், ஏனைய சமய சார்பு இயக்கங்களும் மௌனமாக இருக்கும் போது ஸ்ரீ லங்கா தவ்ஹீத் ஜமாஅத் பிரச்சினையின் பாரதூரத்தை புரிந்து இதற்கெதிராக கிழக்கில் பாரிய ஆர்ப்பாட்டத்தை செய்தமை பாராட்டுக்குரியதாகும் என உலமா கட்சி தெரிவித்துள்ளது. இது பற்றி அக்கட்சி மேலும் தெரிவித்ததாவது,

கொழும்பில் ஸ்ரீ லங்கா தவ்ஹீத் ஜமாஅத் முஸ்லிம் திருமண சட்டத்தில் அரசாங்கம் கைவைப்பதை கண்டித்து பாரிய ஆர்ப்பாட்டம் செய்த போது அதனை வெளிப்படையாக ஆதரித்தது உலமா கட்சியே. அதே போல் இவ்வாறு அரசுக்கெதிராக ஆர்ப்பாட்டம் செய்ய ஏன் கிழக்கு முஸ்லிம்களால் முடியாதா எனவும் உலமா கட்சி கேட்டிருந்தது.

இதனை ஏற்றுக்கொண்ட ஸ்ரீ லங்கா தவ்ஹீத் ஜமாஅத் கிழக்கில் சம்மாந்துறையில் பாரிய, அமைதியான ஆர்ப்பாட்டத்தை செய்தமைக்காக நாம் எமது பாராட்டை மீண்டும் தெரிவித்துக்கொள்கிறோம்.

முஸ்லிம்களின் இந்த ஜனநாயக எதிர்ப்பை அரசாங்கம் கருத்திக்கொண்டு முஸ்லிம் திருமண சட்டத்தில் கை வைப்பத்தை முற்றாக நிறுத்த வேண்டும் என உலமா கட்சி அரசை வலியுறுத்துகிறது.

முஸ்லிம் தனியார் சட்டத்தில் திருத்தம் தேவைப்பட்டால் அதை முஸ்லிம்களின் சமய தலைவர்கள் பார்த்துக்கொள்வார்கள். அரசு இதில் தலையிடுவது முஸ்லிம் சமூகத்தின் உரிமைகளை எதிர்காலத்தில் இல்லாமல் செய்ய அரசு எடுக்கும் வெள்ளோட்ட முயற்சியாகவே நாம் பார்க்கிறோம். கடந்த அரசில் இத்தகைய முயற்சிகள் மேற்கொள்ளப்பட்ட போது அதனை எதிர்த்த ஒரேயொரு முஸ்லிம் கட்சி உலமா கட்சியே. எமது எதிர்ப்பை ஏற்று அம்முயற்சியை கைவிட்டமைக்காக மஹிந்தவுக்கு நாம் இந்த இடத்தில் நன்றி கூறுகிறோம்.

மீண்டும் இந்த அரசு ஐரோப்பிய நாடுகளின் சதிக்கு பணிந்து முஸ்லிம் சட்டத்தில் கை வைக்க முயற்சி செய்கிறது
இதற்கெதிராக பாராளுமன்ற உறுப்பினர்கள் பாராளுமன்றத்தில் பேசாத நிலையில் உலமா சபையும் திருத்தத்துக்கான உப குழுவை அரசு நியமித்ததை வரவேற்ற தவறு காரணமாகவுமே இதில் உலமா கட்சியும் ஸ்ரீ லங்கா தவ்ஹீத் ஜமாஅத்தும் தலையிட வேண்டியேற்பட்டது.

கொழும்பு ஆர்ப்பாட்டத்தின் பின்னரே ஜமி இய்யத்துல் உலமா முஸ்லிம் தனியார் சட்டத்திருத்த முயட்சியை கண்டித்து அண்மையில் அறிக்கை விட்டிருந்தது.

ஸ்ரீ லங்கா தவ்ஹீத் ஜமா அத்தின் ஆர்ப்பாட்டம் இனவாதத்தை தோற்றுவிக்கும் என சில முஸ்லிம்கள் சொல்கிறார்கள். அப்படியென்றால் இது வரை இனவாதம் இல்லாமலா நாடும் அரசும் இருக்கிறது?

யாரும் சிங்கள மக்களுக்கு உரிமை வழங்க வேண்டாம் என ஆர்ப்பாட்டம் செய்யவில்லை. முஸ்லிம்கள் உரிமையில் கை வைக்காதே என்றுதான் சொல்கிறோம். இத்தகைய ஆர்ப்பாட்டங்கள் அரசுக்கெதிரானவையே தவிர எந்த இனத்துக்கும் எதிரானதல்ல என்பதை மக்கள் அறிவர்.
அத்துடன் சமய ரீதியிலான ஜமாஅத்துக்கள் அனைத்தும் வாய் மூடி மௌனமாக இருக்கும் போது சமீப கால வரலாற்றைக்கொண்ட ஸ்ரீலங்கா தவ்ஹீத் ஜமாஅத்தின் சமூக அக்கறையை பாராட்டாதவர் முஸ்லிம் சமூகத்தின் மீது அக்கறை கொண்டவராக மாட்டார்.

ஆகவே ஸ்ரீ லங்கா தவ்ஹீத் ஜமாஅத்தின் முஸ்லிம் தனியார் சட்டத்திருத்த சதிகளுக்கெதிரான ஜனநாயக போராட்டத்துக்கு ஏனைய முஸ்லிம்களும் ஒத்துழைப்பு வழங்க வேண்டும் என உலமா கட்சி கேட்டுக்கொள்கிறது.

Comments

Popular posts from this blog

அதாவுல்லாவை புக‌ழும் ஹ‌ரீஸ்

ஒவ்வொரு நிமிடமும் நம்மை நோக்கி எறிகணைகள் வந்த வண்ணமே இருக்கிறது. நாங்கள் ஒற்றுமைப்பட்டு இனி செயலாற்ற முன்வர வேண்டும். அம்பாறை மாவட்டத்தில் உள்ள சகல அரசியல் கட்சி முக்கியஸ்தர்களும் ஒன்றிணைந்து எதிர்வரும் பொதுத்தேர்தலை சந்தித்து நாங்கள் ஒற்றுமையாக வாக்களித்தால் அம்பாறை மாவட்டத்தில் இருந்து ஐந்து முஸ்லிம் பாராளுமன்ற உறுப்பினர்கள் தெரிவாவார்கள் என ஸ்ரீலங்கா முஸ்லிம் காங்கிரஸின் பிரதித்தலைவரும் முன்னாள் இராஜாங்க அமைச்சருமான சட்டத்தரணி  எச்.எம்.எம்.ஹரீஸ் தெரிவித்தார்.  தொடர்ந்தும் அங்கு பேசும் போது, கல்முனை பிரதேச விவகாரம் பற்றிய பிரதமருடனான கலந்துரையாடலுக்கு குறித்த தொகுதியின் மக்கள் பிரதிநிதியாகிய எனக்கு எவ்வித அழைப்புக்களும் விடுக்கப்பட்டிருக்க வில்லை. நான் நேரடியாக பிரதமர் மஹிந்தவை சந்தித்து மக்களின் பிரச்சினையை பற்றி தெளிவாக விளக்கியவுடன் அன்று மாலை என்னையும் கூட்டத்தில் கலந்துகொள்ளுமாறும் அதற்கான ஏற்பாடுகளை தான் செய்வதாகவும் வாக்குறுதியளித்தார். அதன் பிரகாரமே நான் அக்கூட்டத்திற்க்கு சென்று வரவேற்பறையில் காத்திருந்தேன். அங்கு கலந்து கொண்டிருந்த முக்கிய பிரமுகர்கள் பலரும் அதிருப்

அகில இலங்கை மக்கள் காங்கிரஸ் கட்சியினால் சுமார் 16 லட்சம் ரூபா பெறுமதியான கரப்பாந்தாட்ட விளையாட்டு மைதானம்

அகில இலங்கை மக்கள் காங்கிரஸ் கட்சியினால் சுமார் 16 லட்சம் ரூபா பெறுமதியான கரப்பாந்தாட்ட  விளையாட்டு மைதானம்  மதவாக்குள பிரதேசத்திற்கு  அமைத்து கொடுக்கப்ப்பட்டுள்ளது. கௌரவ முன்னாள் அமைச்சரும் அகில இலங்கை மக்கள் காங்கிரஸ் கட்சியின் தலைவருமான அல்ஹாஜ் றிஷாத் பதுயுதீன் அவர்களின் நிதியின் மூலம் அகில இலங்கை மக்கள் காங்கிரஸ் புத்தள மாவட்ட அமைப்பாளர் அலி சப்ரி ரஹீம் அவர்களின் முயற்சியினால் அகில இலங்கை மக்கள்  காங்கிரசின் மதவாக்குள கட்சிக் குழுவின் வேண்டுகோளுக்கு இணங்க மதவாக்குள பிரதேசத்திற்கு மிக நீண்டகால தேவைப்பாடாக இருந்த கரப்பாந்தாட்ட விளையாட்டு மைதானம் நேற்று கெளரவ அலி சப்ரி ரஹீம் அவர்களினால் திறந்து வைக்கப்பட்டது. அந்தவகையில் இந்த கரப்பாந்தாட்ட விளையாட்டு மைதானமானது சுமார் 16 லட்சம் ரூபா பெறுமதியாகும் எனவே இதனை  ஊருக்கு  அமைத்து கொடுத்தமைக்கு மதவாக்குள ஊர் மக்கள் மற்றும்இ விளையாட்டு குழு உறுப்பினர்கள் தங்கள் நன்றிகளை அகில இலங்கை மக்கள் காங்ரஸிற்கு  தெரிவித்து கொள்கின்றனர். ஊடகவியலாளர் சில்மியா யூசுப். 0769622313

சாய்ந்தமருது நகரசபை – விசேட வர்த்தமானி இன்று நள்ளிரவு !

சாய்ந்தமருது நகரசபை 2022 பங்குனி 20 அமுலாகும் வகையில் 2162/50 இலக்கம் கொண்ட அதிவிசேட வர்த்தமானி இன்று நள்ளிரவு வெளியாகவுள்ளது. பொது நிர்வாக உள்நாட்டு அலுவல்கள் மற்றும் உள்ளூராட்சி மாகாண சபைகள் அமைச்சர் ஜனக பண்டார தென்னக்கோனின் கையொப்பத்துடன் வெளியாகவுள்ளது . 1987ம் ஆண்டு கல்முனை தொகுதியில் 4 சபைகள் இயங்கின. அதனை முன்னாள் ஜனாதிபதி ஆர் .பிரேமதாசா ஒன்றிணைத்தார்.அதனை மீண்டும் பிரித்து தங்கள் பகுதியை ஒரு நகர சபையாக பிரித்து தருமாறு சாய்ந்தமருது மக்கள் கடந்த காலங்களில் பல்வேறு போராட்டங்கள் செய்தனர். அத்துடன் கடந்த 2018 ம் ஆண்டு இடம்பெற்ற உள்ளூராட்சி தேர்தலில் சுயேட்சை குழுவை சாய்ந்தமருது பள்ளிவாசல் களமிறக்கி அதில் 6 வட்டாரங்களையும் வென்று மொத்தம் 9 உறுப்பினர்களை பெற்றமை விசேட அம்சமாகும். கடந்த நல்லாட்சி அரசில் முஸ்லிம் அமைச்சர்கள் ,பிரதமர் நகர சபை தருவதாக வாக்குறுதி அளித்து ஏமாற்றியமையும் இங்கு குறிப்பிடத்தக்கது. அத்துடன் சாய்ந்தமருது பள்ளிவாசல் மற்றும் 6 மக்கள் பிரதி நிதிகள் ஜனாதிபதி கோட்டாபய ராஜபக்‌ஷவின் வெற்றிக்காக ஒப்பந்தம் செய்து தேர்தல் பணிகளில் ஈடுபட்டனர் .கடந்த தேர்தலில் ச