Skip to main content

முஸ்லிம் காங்கிர‌ஸ் உறுப்பின‌ர்க‌ளிடையே மோத‌ல்.

  சமூக பற்றில்லா தவத்தை மக்கள் நிராகரித்ததன் விம்பமே இன்றைய அவரின் காட்டிக்கொடுப்புகள்  : முன்னாள் மாகாண சபை உறுப்பினரை தோலுரிக்கும் மு.கா பிரமுகர்  மாளிகைக்காடு நிருபர்  றாபிக்களும், அலி உதுமான்களும் பிறந்த வீரமிகு மண்ணான அக்கரைப்பற்றில் காட்டிக்கொடுப்பிலும், ஈனசெயலிலும் முத்திரை பதித்த ஒருவராக முன்னாள் மாகாணசபை உறுப்பினர் ஏ.எல்.எம் தவம் இருப்பது அக்கரைப்பற்று மண்ணுக்கு மட்டுமல்ல ஒட்டுமொத்த முஸ்லிங்களுக்கும் அவமானமாக உள்ளது. எச்ச சுகபோகங்களுக்காக முஸ்லிங்களையும், முஸ்லிம் நிலபுலங்களையும் காட்டிக்கொடுத்து வங்கரோத்து தனமிக்க அரசியல்வாதியாக தன்னை அடையாளப்படுத்திக்கொண்ட இவரை அம்பாறை மாவட்ட மக்கள் கடந்த காலங்களில் நிராகரித்தது போன்று இனியும் நிராகரிப்பார்கள். இவரின் பருப்பு முஸ்லிம் சமூகத்திடம் இனியும் வேகாது என ஸ்ரீலங்கா முஸ்லிம் காங்கிரசின் சார்பிலான கல்முனை மாநகரசபை உறுப்பினர் ஏ.எம். பைரூஸ் தெரிவித்தார்.  இன்று கல்முனையில் நடைபெற்ற ஊடக சந்திப்பில் கலந்துகொண்டு பேசிய அவர் மேற்கண்டவாறு தெரிவித்தார். மேலும் கருத்து தெரிவிக்கையில், ஸ்ரீலங்கா முஸ்லிம் காங்கிரசின் முன்னாள் தவிசாளர்களாக இருந்த

கிழக்கு இணைப்பிற்கு துணையாக இருக்காது. ??

வடக்கு கிழக்கு மாகாணங்களை இணைத்து அதன் முதலமைச்சர் பதவியினை முஸ்லிம் ஒருவருக்கு வழங்குவதற்கு நாங்கள் தயார் என்றும், முஸ்லிம்களின்  பிரச்சினைகளுக்கு தீர்வு முதலமைச்சர் பதவிதான் என எதிர்க்கட்சி தலைவர் சம்பந்தன் ஐயா கூறியிருப்பதை ஏற்றுக்கொள்ள முடியாது என ஸ்ரீலங்கா முஸ்லிம் காங்கிரஸின் பிரதித் தலைவரும் விளையாட்டுத்துறை பிரதி அமைச்சருமான சட்டத்தரணி எச்.எம்.எம்.ஹரீஸ் தெரிவித்தார்.

நேத்ரா தொலைக்காட்சியில் வெள்ளிக்கிழமை (22) நடைபெற்ற வெளிச்சம் நேரடி நிகழ்ச்சியில் விளையாட்டுத்துறை பிரதி அமைச்சர் ஹரீஸ் கலந்து கொண்டு கருத்துத் தெரிவிக்கையிலேயே மேற்கண்டவாறு குறிப்பிட்டார். மேலும் அவர் இந்நிகழ்வில் கருத்து தெரிவிக்ககையில்.

தெற்கிலுள்ள பெரும்பான்மை சிங்களத் தலைமைகள் அன்று இருந்த தமிழ் தலைமைகளான ஜீ.ஜீ.பொன்னம்பலம் போன்றவர்களுக்கு மத்திய அரசில் அமைச்சுப் பதவிகளைக் கொடுத்து இதுதான் தமிழ் மக்களின் அதிகாரம் என்ற அடிப்படையில் தீர்வினை வழங்க எவ்வாறு முயற்சி எடுத்தார்களோ, அதே போன்றதொரு முயற்சியினை எதிர்க்கட்சித் தலைவர் சம்பந்தன் ஐயா கையில் எடுத்திருப்பது மனவேதனையை தருகின்ற விடயமாகும்.

வடக்கு கிழக்கு மாகாணங்கள் நிரந்தரமாக இணைக்கப்படுகின்றபோது ஒரு முஸ்லிமை முதலமைச்சராக வைப்பதற்கு தாங்கள் தயார் என்று அவர் பகிரங்கமாக கூறியிருக்கிறார். ஓரு அமைச்சர் அல்லது ஓரு முதலமைச்சர் என்கின்ற பதவி நிலையினை வழங்குவதன் மூலம் முஸ்லிம் சமூகத்தை திருப்திப்படுத்தலாம் என நினைப்பது  தீர்வுத்திட்டத்தில் ஒரு சமூகத்திற்கு வழங்கப்படுகின்ற தீர்வுப் பங்காக கருதமுடியாது.

இதனை நாங்கள் மாறிப் பார்த்தால், தெற்கிலுள்ள சிங்கள தலைமைகள் சம்பந்தன் ஐயாவை அல்லது செல்வம் அடைக்கல நாதன் ஐயாவை பிரதமராக்குகின்றோம் தமிழ் மக்களுக்கான சமஷ்டி தீர்வை அல்லது வடக்கு கிழக்கு இணைப்பை கைவிடுங்கள் என்று கேட்டால் எப்படி இருக்கும். நீங்கள் அப்பதவியினை ஏற்று உங்கள் கோரிக்கையினை கைவிட்டு விடுவீர்களா? எனக் கேட்க விரும்புகின்றேன்.

சேதாரம் இல்லாத விட்டுக் கொடுப்பு அவசியம் என்று அண்மையில் கரவெட்டியில் கட்சியின் தலைவர் ரவூப் ஹக்கீம் பேசிய விடயத்தை திரிவுபடுத்தி ஸ்ரீலங்கா முஸ்லிம் காங்கிரஸ் வடக்கு கிழக்கு இணைப்புக்கு பச்சைக் கொடி காட்டியிருக்கின்றது என்று மெருகூட்டி கூறுகின்றனர். இவ்வாறு திரிவுபடுத்தி கூறுவது  பிழையான விடயமாகும்.

முஸ்லிம் காங்கிரஸின் பிரதித் தலைவர் என்றவகையில், முஸ்லிம் மக்களின் பிரச்சினை பதவிகள் அல்ல எவ்வாறு தமிழ் மக்கள் சிங்கள பெரும்பான்மை அரசின் தயவில்லாமல் தங்களை தாங்களே ஆள வேண்டும் என்ற கோரிக்கை எந்தளவு நியாயமானதோ அதேபோன்று கிழக்கு மாகாண முஸ்லிம்களுக்கு நிலத் தொடர்பற்ற ஒரு அலகை உருவாக்க வேண்டும் என்ற கோரிக்கையாகும். இதுவே எமது மறைந்த பெருந்தலைவர் அஷ்ரஃப்பின் அரசியல் எதிர்பார்ப்பாகவும் இருந்தது.

தற்போது நாட்டில் புதிய அரசியல் அமைப்பு உருவாக்கம் தொடர்பாக பேசப்படுகின்றது. இந்த சூழ்நிலையில் வடக்கு கிழக்கு இணைப்பு சம்பந்தமாக பேசுகின்ற தமிழ்த்  தலைமைகள் முஸ்லிம்களுக்கு கிழக்கு மாகாணத்தில் நிலத் தொடர்பற்ற ஒரு மாகாணத்தையும், அம்பாறை மாவட்டத்தில் தமிழ் மொழி பேசும் மக்களுக்கான ஒரு கரையார மாவட்டத்தையும் உருவாக்குவதற்கு தயார் என்ற விடயத்தை ஏன் பகிரங்கமாக பேசமுடியாது?. இவ்வாறு பேசாமல் எவ்வாறு நிரந்தர இணக்கப்பாட்டிற்கு வர முடியும்.

இவற்றை நான் முஸ்லிம்களுக்காக மாத்திரம் பேசவில்லை. கரையோர மாவட்டம் என்பது தமிழ் பேசும் சமூகத்தின் தேவையாக காணப்படுகின்றது. அம்பாறை மாவட்டத்தில் 68 வீதமான தமிழ் பேசும் மக்கள் உள்ள நிலையில் அரச இயந்திரம் அம்பாறையில் அமைந்துள்ளது. அதுமாத்திரமல்லாது அங்குள்ள சிங்கள அதிகாரிகளினால் அம்மக்களின் தேவை தொடர்பில் எதனையும் புரிந்து கொள்ள முடியாத நிலை காணப்படுகின்றது.

இவ்வாறு அங்குள்ள மக்களின் பிரச்சினைகளை புரியாத நிலையில் அரச இயந்திரம் உள்ளது. எனவே இந்த கால கட்டத்திலாவது இதனை தமிழ் தேசியக் கூட்டமைப்பு முன்வந்து அம்பாறை மாவட்டத்தில் நிலத் தொடர்பற்ற கரையோர மாவட்டத்தை ஏன் அமைக்க முடியாது?. இவ்வாறு தமிழ் தேசிய கூட்டமைப்பு முன்வராத நிலையில் முஸ்லிம் காங்கிரஸ் ஒருபோதும் வடக்கு கிழக்கு இணைப்பிற்கு துணையாக இருக்காது. இதனை மிகத் தெளிவாக நாம் கூறுகின்றோம் என பிரதி அமைச்சர் தெரிவித்தார்.

Comments

Popular posts from this blog

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய

ஐக்கிய‌ காங்கிர‌ஸ் க‌ட்சியின் அமைப்பாள‌ராக ச‌தீக்‌

  வ‌ன்னி மாவ‌ட்ட‌த்தை சேர்ந்த‌ எம். எஸ். எம்.  ச‌தீக்  அவ‌ர்க‌ள் ஐக்கிய‌ காங்கிர‌ஸ் க‌ட்சியின் (உல‌மா க‌ட்சியின்) தேசிய‌ அமைப்பாள‌ராக‌வும் உய‌ர் ச‌பை உறுப்பின‌ராக‌வும்  நிய‌மிக்க‌ப்ப‌ட்டுள்ளார். அண்மையில் ஸூம் மூல‌ம் ந‌டை பெற்ற‌ க‌ட்சியின்  விசேட‌ உய‌ர் ச‌பைக்கூட்ட‌த்தின் போது க‌ட்சியின் த‌லைவ‌ர் முபாற‌க் அப்துல் ம‌ஜீதின் சிபாரிசின் பேரில் இவ‌ர் நிய‌மிக்க‌ப்ப‌ட்டார்.