Skip to main content

தாறுஸ்ஸலாம் - இல்லத்தின் நிருவாகம் ?

தாறுஸ்ஸலாமின் முடிச்சு அவிழ்க்கப்படுமா?
முஸ்லிம் காங்கிரஸ் தலைவருக்குப் பகிரங்க மடல்

தலைவர் அவர்களே!

ஸ்ரீலங்கா முஸ்லிம் காங்கிரஸின் ஸ்தாபகத் தலைவர் இறையடி எய்து 15 வருடங்கள் கடந்த நிலையில் ஸ்ரீலங்கா முஸ்லிம் காங்கிரஸ் போராளிகளின் கட்சி அடையாளச் சின்னமான தாறுஸ்ஸலாம் - சாந்தி இல்லத்தின் நிருவாகம் தொடர்பாக சில வினாக்களை உங்கள் முன் வைக்கின்றோம்.இதற்குப் பதில் அளிப்பது உங்களின் தார்மீகக் கடமையும் கூட.

தலைவரே!  கட்சிக் காரியாலயம் யாருடைய பொறுப்பில் உள்ளது.

பொது நம்பிக்கை நிதியத்தின் கீழ் பதிவு செய்யப்பட்டிருந்தால் அதில் அங்கம் வகிப்பவர்கள் யார்?

தலைவர் மரணிக்கு முன்னர் பொறுப்புச் சாட்டப்பட்ட நிதிய நம்பிக்கைப் பொறுப்பாளர்கள் யார்?

இன்று அவர்களில் எத்தனை  பேர் சட்ட ரீதியாக உள்ளனர்?

நாம் விசாரித்து அறிந்ததிலிருந்து நீங்கள் உட்பட இன்னும் இருவர்தான் இதன் நம்பிக்கைப் பொறுப்புதாரிகள் என்று தெரிவிக்கப்படுகின்றது.இப் பொறுப்பிலுள்ளவர்கள் பற்றி முஸ்லிம் சமூகம் அறிந்து கொள்ளக் கூடாதா?

எதிர்காலத்தில் அடுக்கு மாடிகளைக் கொண்ட தாறுஸ்ஸலாமுக்கு சொந்தக்காரர்கள் நீங்கள் மூவரும் தானா?இது உங்கள் குடும்பச் சொத்தாகவும் மாறிவிட சந்தர்ப்பம் உள்ளதல்லவா?  என்று போராளிகள் கருதுகின்றனரே?

இது மட்டுமன்றி மறைந்த தலைவர் மரணத்துக்கு முன் உங்களைப் போன்றவர்களை நம்பி பொதுச் சொத்தாக அல்லாமல் தனியார் சொத்தாக உங்களுக்கு எழுதித் தந்துவிட்டுளூ நான் மரணித்தால் தேர்தல்களுக்குப் பணம் இல்லாவிட்டால் இதை விற்றுப் பணத்தைத் தேடச் சொல்லி உங்கள் பெயர்களுக்கு நம்பிக்கையின் அடிப்படையில் எழுதித் தந்தாரே அது பற்றி  என்ன கூற விரும்புகின்றீர்கள்.

தாறுஸ்ஸலாத்துடன் தலைவரின் ஒலுவில் இல்லமும் மற்றும் சில சொத்துக்களும் உங்களிடம் கையகப்பட்டுள்ளதே இவைகளை ஏன் நீங்கள் முஸ்லிம் காங்கிரஸின் பொதுச் சொத்தாக மாற்ற முடியாது.

ஸ்ரீலங்கா முஸ்லிம் காங்கிரஸ் அங்கத்துவம் இல்லாத எவரும் இச்சொத்துக்கு உரிமை கோர முடியாது என்ற சட்டப்படி வேறு யாரும் இதற்கு உரிமைத்துவம் கொள்ள முடியாது என்ற நிலையில் அமான் அஷ்ரஃபையாவது அங்கத்தவராகவும் இன்னும் சில உயர்பீட உறுப்பினர்களையும் கட்சியின் சிரேஷ்ட போராளிகளையும் இதில் பங்குதாரர்களாக்க முடியாதா?

தாறுஸ்ஸலாம் அடுக்கு மாளிகையில் 16 வருடங்களாக வாடகை மூலம் பெறப்பட்ட பணம் எவ்வளவு.அது எவ்வாறு செலவு செய்யப்படுகிறது.தற்போதுள்ள வங்கி மீதி என்ன.எந்த வங்கியில் வைப்புச் செய்யப்பட்டுள்ளது.என்பவற்றை கட்சிப் போராளிகள் அறிந்து கொள்ள முடியாதா?

நாட்டிலுள்ள ஏனைய கட்சிகள் எல்லாம் தமது கட்சித் தலைமையகம் தொடர்பான வரவு,செலவுக் கணக்குகளை கணக்காய்வு செய்து ஓடிற் ரிப்போட் சமர்ப்பிக்கும் போது,

புனித அல்குர் ஆன், ஹதிஸை யாப்பாகக் கொண்ட நமது கட்சியின் பொது நிதியம் பற்றிய கணக்கு வழக்குகளை தொண்டர்கள் அறியக் கூடாதா.இது மூடு மந்திரமா?

இக்கட்சியில் எத்தனையோ பீடங்களைக் கொண்ட கட்சிப் பிரமுகர்கள் இருந்தும் ஒரு சிலரைத் தவிர மற்றவர்கள் வாய் மூடி மௌனியாக இருப்பது ஏன்? அவர்களுக்கு இதெல்லாம் தெரியாதா?அல்லது தேவையற்ற விடயமா?

காலத்துக்குக் காலம் சிரேஷ்ட போராளிகளையும் மற்றும் கட்சியின் முதுகெலும்புகளையும் துரத்துவது கட்சியின் வரலாறுகளையும் பழைய சங்கதிகளையும் வெளிக் கொண்டு வருவார்கள் என்பதனாலா?

கண்டி மாநாட்டுக்கு முன்னர் நடை பெற்ற உயர் பீடக் கூட்டத்தில் சிலர் தாறுஸ்ஸலாம் தொடர்பாக கேள்வி கேட்டும், கையொப்பமிட்ட மகஜர் வழங்கி அறிக்கை கேட்ட போதும் அதற்கான பதில் இல்லையே ஏன் ?

மரணம் எப்போது வரும் என்று எம்மில் எவருக்கும் தெரியாத நிலையில் தாறுஸ்ஸலாம் என்ற பொதுச் சொத்து தொடர்பாக தலைமை என்ன முடிவை எடுக்கப் போகின்றது.அமானிதங்களை துஷ்பிரயோகம் செய்யும் நிலையிலிரு;து அல்லாஹ் நம் எல்லோரையும் காப்பாற்ற வேண்டும்.

அமானிதங்களை மலையொன்றிடம் ஒப்படைக்க இறைவன் விரும்பிய போது அந்த மலை இறைவா ! நான் அதற்கு தகுதி இல்லாதவன் என்று கூறியதாம்.

ஆகவே மனிதர்களாகிய நீங்கள் தலைவர் மரணித்து சுமார் 16வருடங்களை நெருங்கிக் கொண்டிருக்கும் இவ்வேளையில் தாறுஸ்ஸலாம் அமானிதத்தின் முடிச்சுகளை அவிழ்ப்பது தலைவரின் கடமையல்லவா?

போராளிகளே கட்சியின் பிரமுகர்களே! மர்ஹூம் அஷ்ரஃப் மீது நீங்கள் வைத்திருக்கும் அன்பை அவரது அமானிதச் சொத்துக்கள் தொடர்பாகவும் வெளிக் காட்டுங்கள்.



பெருந்தலைவர் மர்ஹூம் எம்.எச்.எம்.அஷ்ரஃபின் முன்னாள் ஊடக இணைப்பாளர்--மீரா எஸ்.இஸ்ஸடீன்.

Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

  பெட்ரோலுக்கு விலை கூடுகிற‌தா?  பொருட்க‌ளுக்கு விலை கூடுகிற‌தா? இது ப‌ற்றி முஸ்லிம்க‌ள் அல‌ட்டிக்கொள்ள‌த்தேவையில்லை. ஏனென்றால் இந்த‌ நாட்டின் 2 கோடி ம‌க்க‌ளில் ஒன்ன‌ரைக்கோடி ம‌க்க‌ள் சிங்க‌ள‌ ம‌க்க‌ள். பெற்றோலுக்கு விலை கூடினால் , பொருள்க‌ளுக்கு விலை கூடினால்  அது தாக்க‌ம் முத‌லில் சிங்க‌ள‌ ம‌க்க‌ளுக்குத்தான்.  அத‌ற்கு அடுத்துதான் சிறுபான்மை ம‌க்க‌ளைத்தாக்கும். ஒன்ன‌ரைக்கோடி பெரிதா? 50 ல‌ட்ச‌ம் பெரிதா? இந்த‌ அர‌சாங்க‌ம் 100க்கு 99.5 சிங்க‌ள‌ ம‌க்க‌ளால் கொண்டு வ‌ர‌ப்ப‌ட்ட‌ அர‌சாங்க‌ம். பெட்ரோல், பொருட்க‌ள் விலை அதிக‌ரித்தால் அவ‌ர்க‌ள் பார்த்துக்கொள்வார்க‌ள். நாம் த‌லையை ஓட்டுவ‌தால் எந்த‌ ந‌ன்மையும் கிடைக்க‌ப்போவதில்லை. முடியுமாயின் பெட்ரோல், பொருட்க‌ள் விலை அதிக‌ரிப்பு ப‌ற்றி முஸ்லிம்க‌ள் ஓட்டுப்போட்ட‌ முஸ்லிம் க‌ட்சிக‌ளின் உறுப்பின‌ர்க‌ளை பாராளும‌ன்ற‌த்தில், ஊட‌க‌ங்க‌ளில் பேச‌ சொல்லுங்க‌ள்.  அவ‌ர்க‌ளே பேசாம‌டந்தையாக‌ இருக்கும் போது முஸ்லிம்க‌ள் ஏன் அல‌ட்டிக்கொள்ள‌ வேண்டும்? பொருட்க‌ள் விலை கூடுத‌ல் பெரிய‌ விட‌ய‌மா? த‌ம‌க்கென்ற‌ நாட்டை பாதுகாப்ப‌து முக்கிய‌மா என்ப‌து பெரும்பாலான‌ சிங்க

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய