‍“ජාත්‍යන්තර සහයෝගයෙන් දුෂ්කර ගම්මාන සංවර්ධනය කරනවා...“



- අමාත්‍ය ෆයිසර් මුස්තෆා

ජාත්‍යන්තර සහයෝගය ඇතිව පොළොන්නරුව දිස්ත්‍රික්කයේ මැදිරිගිරිය සහ වැලිකන්ද ප්‍රාදේශීය ලේකම්

කොට්ඨාශ වල දුෂ්කර ගම්මාන සංවර්ධනය කරන බව, පළාත් සභා සහ පළාත් පාලන අමාත්‍ය, ජනාධිපති නීතිඥ ෆයිසර්

මුස්තෆා මහතා පවසනවා. ඔහු මේ බව පැවසුවේ, රටවල් 31 ක තානාපතිවරුන්, මහ කොමසාරිස්වරුන්  සහ නියෝජිතයින්

සමග ඊයේ(මාර්තු 14) මැදිරිගිරිය සහ වැලිකන්ද ප්‍රාදේශීය ලේකම් කොට්ඨාශ වල යුද්ධයෙන් පීඩාවට පත් ගම්මාන වල

සංචාරය කරන අතරතුරදී මාධ්‍ය අමතමින්. ජනාධිපති මෛත්‍රීපාල සිරිසේන මහතාගේ උපදෙස් අනුව, ෆයිසර් මුස්තෆා

අමාත්‍යවරයා ප්‍රමුඛ පළාත් සභා සහ පළාත්  පාලන අමාත්‍යංශය මේ සංචාරය සංවිධානය කර තිබුණා. ෆයිසර් මුස්තෆා

මහතා ඇතුළු විදෙස් නියෝජිත පිරිස යුද්ධය හේතුවෙන් ජනතාව අත්හැර දැමූ සහ යුද්ධය හේතුවෙන් සංවර්ධන කටයුතු

සිදුනොවූ, දුෂ්කර ගම්මාන වල ගම්වැසියන් සහ නිලධාරීන් හමුවී එම ප්‍රදේශ වල ගැටළු පිළිබඳව සාකච්ඡා කළා.

ඊයේ පෙරවරුවේ මැදිරිගිරිය ප්‍රාදේශීය ලේකම් කොට්ඨාශයේ මීගස්වැව සහ වඩිඟවැව ගම්මාන, ගොඩපොත්ත -

බෙරුවිල මාර්ගය, පතොක්වැව හන්දියේ සිට පල්ලියගොඩැල්ල මාර්ගය තානාපතිවරුන්, මහ කොමසාරිස්වරුන් සහ විදෙස්

නියෝජිතයින් නීරික්ෂණය කළා. අනතුරුව ඔවුන් පොළොන්නරුවේදී ජනාධිපති මෛත්‍රීපාල සිරිසේන මහතා හමුවූ

අතර, ජනාධිතපතිතුමා ඔවුන් සමග දිවා ආහාරය ලබාගත්තා. මෙම තානාපතිවරුන් සහ මහ කොමසාරිස්වරුන් ඊයේ පස්වරුවේ

වැලිකන්ද ප්‍රාදේශීය ලේකම් කොට්ඨාශයේ මහවැලිතැන්න ගම්මානය, සිංහපුර පාසල, කුඩාපොකුණ මුස්ලිම් සහ දෙමළ

ගම්මාන නීරික්ෂණය කළා.

මෙහිදී අදහස් දැක්වූ පළාත් සභා සහ පළාත් පාලන අමාත්‍ය, ජනාධිපති නීතිඥ ෆයිසර් මුස්තෆා මහතා, “මේ

ප්‍රදේශයේ ජනතාව යුද්ධය පැවති කාලයේදී මානසිකව විශාල පීඩනයකට ලක්වුණා. ඒ වගේම යුද්ධය පැවති කාලයේත්, ඊට

පසුවත් මේ ප්‍රදේශයේ භෞතික සංවර්ධනය සිදුවුනේ නැහැ. අතිගරු ජනාධිපති මෛත්‍රීපාල සිරිසේන මැතිතුමාගේ සංකල්පය

තමයි රටේ සෑම ප්‍රදේශයකම සමතුලිත සංවර්ධනයක් ඇතිවිය යුතුයි කියන එක. ඒ අනුව අපි බලාපොරොත්තුවෙනවා

ජාත්‍යන්තර සහයෝගය ඇතිව පොළොන්නරුව දිස්ත්‍රික්කයේ, මැදිරිගිරිය සහ වැලිකන්ද ප්‍රාදේශීය ලේකම් කොට්ඨාශ වල

දුෂ්කර ගම්මාන සංවර්ධනය කරන්න. විශේෂයෙන්ම ඒ ප්‍රදේශ වල අධ්‍යාපනය, සෞඛ්‍ය, කෘෂිකර්මය සහ යටිතල පහසුකම්

සංවර්ධනය කරන්න අපි සැලසුම් කරලා තියෙනවා...“

පොළොන්නරුව, මැදිරිගිරිය සහ වැලිකන්ද ප්‍රාදේශීය ලේකම් කොට්ඨාශ වල සංචාරය කළ තානාපතිවරුන්, මහ

කොමසාරිස්වරුන් සහ විදෙස් නියෝජිතයින්ගේ නාම ලේඛනය මේ සමග අමුණා ඇත. මේ ප්‍රවෘත්තිය ඔබ මාධ්‍ය ආයතනයෙන්

වාර්තා කරන ලෙස ඉල්ලා සිටින අතර, ඊට ලැබෙන සහය අගය කොට සලකමි. මෙම සංචාරයේ ඡායාරූප ඊ මේල් කර ඇත.

Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்