க.பொ.த(2015) பரீட்சை. சித்தி பெற்றுள்ள மாணவர்களுக்கு அமைச்சர் பைசல் முஸ்தபா வாழ்த்து

மினுவாங்கொடை நிருபர்
க.பொ.த(2015) பரீட்சைக்கு தோற்றி, அதில் சித்தி பெற்றுள்ள அனைத்து மாணவர்களுக்கும், தனது இதயம் கனிந்த வாழ்த்துக்களைத் தெரிவித்துக் கொள்வதாக, மாகாண சபைகள் மற்றும் உள்ளுராட்சி அமைச்சர் பைசல் முஸ்தபா தெரிவித்துள்ளார். க.பொ.த. சாதரண   தரப் பரீட்சையின் பெறுபேறுகள் வெளியாகியுள்ள நிலையில் அமைச்சர் விடுத்துள்ள வாழ்த்து செய்தியில், மேலும் குறிப்பிட்டுள்ளதாவது:-
  2015 க.பொ.த. சாதரண பரீட்சைக்கு தோற்றிய மாணவர்களில் 6102 மாணவர்கள், இம்முறை சகல பாடங்களிலும் “ஏ” சித்தி பெற்றுள்ளதை அறிந்து, நான் மட்டில்லா மகிழ்ச்சியடைகிறேன். இம்முறை பரீடசைக்கு முதல் தடவையாக தோற்றியவர்களில் முப்பது சதவீதமான மாணவர்கள் உயர்தரத்தில் படிப்பதற்கு தகுதி பெற்றுள்ளனர். இதில் சிங்கள மொழி மாணவர்களோடு தமிழ், முஸ்லிம் மாணவர்களும் அடங்குகின்றனர். நாட்டின் பல்வேறு பிரதேசங்களிலிருந்தும் கஸ்டத்திற்கும் வறுமைக்கும் மத்தியில் மாணவர்கள் சித்தியடைந்திருப்பது பாராட்டுக்குரியது. இவர்களின் எதிர்கால நலன் கருதி, கல்வியைத்தொடர வைப்பது, நம் அனைவரினதும் பொறுப்பாகும்.