Skip to main content

எம் பி ப‌த‌விக்காக‌ அதுர‌லிய‌ தேர‌ரும் ஞான‌சார‌வும் மோத‌ல்.

 பொதுபலசேனா அமைப்பின் பொதுச் செயலாளர் ஞானசார தேரருக்கு பாராளுமன்ற உறுப்பினர் பதவியை விட்டுக் கொடுக்க முடியாது பாராளுமன்ற உறுப்பினர் அத்துரலியே ரத்ன தேரர் தெளிவாக குறிப்பிட்டுள்ளார் . இவ்விடயத்தில் கட்சி மட்டத்தில் எவ்வித தீர்மானத்தையும் எடுக்க முடியாது . ஞானசார தேரரும் , அத்துரலிய ரத்ன தேரரும் ஒரு தேசியப்பட்டியல் ஆசனத்திற்காக செய்துகொண்ட ஒப்பந்தங்கள் ஏதும் கட்சிக்கு தெரியாது என அபே ஜனபல வேகய கட்சியின் தலைவர் சமன் பெரேரா தெரிவித்தார் .  அபேஜன வேகய கட்சிக்கு கிடைக்கப்பெற்ற ஒரு தேசியப்பட்டியல் ஆசனம் குறித்து எழுங்துள்ள முரண்பாடு குறித்து ஊடகங்களுக்கு கருத்துரைக்கையில் மேற்கண்டவாறு குறிப்பிட்டார் . அவர் மேலும் குறிப்பிடுகையில் , கடந்த வருடம் இடம்பெற்ற பொதுத் தேர்தலில் அபேஜனபல வேகய கட்சிக்கு கிடைக்கப்பெற்ற மொத்த வாக்குகளுக்கு ஒரு தேசியப்பட்டியல் ஆசனம் ஒதுக்கப்பட்டது . அமைய இந்த ஆசனத்திற்கு அபேஜன பல வேகய கட்சியின் முன்னாள் பொதுச் செயலாளர் விமல் திஸ்ஸ தேரர் , அபே ஜன பல கட்சியின் வேட்பாளர்களான தற்போதைய பாராளுமன்ற உறுப்பினர் அத்துரலியே ரத்ன தேரர் , பொதுபல சேனா அமைப்பின் பொதுச் செயலாளர் ஞானசார த

தகவல் தொடர்பு சாதனங்களின் பாவனையால் மாணவர்களின் கல்வி பாழ்பட அனுமதிக்க முடியாது.-அமைச்சர் றிசாத்.


கொழும்பு மதரஸா மாணவர்களின் பரிசளிப்பு விழாவில் 
.................................................................................................................................................................
நவீன தொடர்பு சாதனங்களில் தேவைக்கதிகமாக மாணவர்கள் மூழ்கியிருப்பது, கலாச்சார விளுமியங்களிலிருந்து அவர்களது கவனத்தை திசை திருப்புவதுடன், கல்வித் தேடலுக்கான ஆர்வத்தையும் வெகுவாகக் குறையச் செய்யும் என்று அகில இலங்கை மக்கள் காங்கிரஸின் தலைவரும், அமைச்சருமான றிசாத் பதியுதீன் தெரிவித்தார்.
கொழும்பு மாவட்ட மதரஸா மாணவர்களுக்கிடையில் இடம்பெற்ற போட்டி நிகழ்ச்சிகளின் பரிசளிப்பு விழா, புதுக்கடை, பெல்மன்ற் வீதி சந்தியில் இடம்பெற்ற போது அமைச்சர் இவ்வாறு குறிப்பிட்டார்.
றிசாத் பதியுதீன் பௌண்டேஷன் ஏற்பாட்டில் இடம்பெற்ற இந்த விழாவில் பிரதி அமைச்சர் அமீர் அலி, அ.இ.ம.க செயலாளர் நாயகம் சுபைர்டீன், கொழும்பு பல்கலைக்கழக அரசியல் துறை சிரேஷ்ட விரிவுரையாளர் கலாநிதி அணீஸ், சீமெந்துக் கூட்டுத்தாபன செயற் பணிப்பாளர் ரியாஸ் சாலி மற்றும் ஏற்றுமதி அபிவிருத்தி சபையின் நிறைவேற்றுப் பணிப்பாளர் யூசுப் கே.மரைக்கார் உட்பட பலர் கலந்துகொண்டனர்.
அமைச்சர் இங்கு மேலும் கூறியதாவது,
கொழும்பு மாவட்டத்தில் திறமையான, ஆற்றலுள்ள மாணவர் சமுதாயம் இருக்கின்றது. எனினும் அவர்களின் கல்வி மிகவும் கீழ் நிலையில் இருப்பதற்குக் காரணம், அவர்கள் கல்வியில் காட்டும் மிகக் குறைவான அக்கறையும், பெற்றோர்களின் அலட்சியப் போக்குமேயாகும்.
பொதுப் பரீட்சைகளிலும், புலமைப் பரிசில்களிலும் இவர்கள் விரல்விட்டு எண்ணக் கூடிய வகையிலேயே சித்தி பெறுகின்றனர். கல்வியின் அடைவுமட்டம் இவ்வளவு குறைவாக இருப்பதற்கு வறுமை மட்டும் ஒரு காரணமில்லை.
கிராமப்புறங்களிலும் முஸ்லிம் மாணவர்கள், எத்தனையோ கஷ்டங்களுக்கு மத்தியில் கற்று டாக்டர்களாகவும், இன்ஜினியர்களாகவும் பரிணமிக்கும் போது, கொழும்பு மாணவர்கள் சிறு வயதிலேயே கல்வியை இடை நிறுத்தி, தொழில் செய்யும் நிலை நமது சமூகத்துக்கு ஆபத்தானது.
இந்த நிலையை மாற்றியமைக்கவே நாம் சில திட்டங்களை மேற்கொண்டு வருகின்றோம். கடந்த காலங்களின் ஆய்வுகளின் அடிப்படையில், நாம் பெற்றுக்கொண்ட தகவல்கள் கொழும்பு மாணவர்களின் கல்வி வீழ்ச்சியையும், கல்விக் குறைப்பாடுகளையும் வெளிப்படுத்தி நிற்கின்றது. அவற்றை இன்னும் ஒரு சில வருடங்களில் நிவர்த்தி செய்யும் திட்டங்கள் எம்மிடமுண்டு. எனினும் இதற்குப் பெற்றோர்கள் ஆகிய உங்களின் பாரிய ஒத்துழைப்பு வேண்டும்.
பிரதானமாக தாய்மார்கள் பிள்ளைகளின் கல்வி விடயத்தில் கண்டிப்பாக இருக்க வேண்டும். தண்டிக்க வேண்டிய சந்தர்ப்பங்களில் அவர்களைத் தண்டிக்கத் தயங்கக் கூடாது. தனது பிள்ளைகளின் கல்விக்கு உத்வேகமாக இருக்க வேண்டும். நமது பெண்கள் அற்ப சந்தோஷங்களுக்காகவும், தற்காலிக நிம்மதிக்காகவும் தொலைக்காட்சிகளில் பொழுதை கழிக்கும் நிலை ஏற்பட்டுள்ளது. பிள்ளைகளின் சீரழிவுக்கு இதுவும் காரணம். மாணவர்களின் கைகளில் மொபைல் போன்களையும், வேறு நவீன சாதனங்களையும் கொடுத்து பாலாக்கும் துரதிஷ்டம் ஏற்பட்டுள்ளது.
பச்சிளங் குழந்தைக்கு விளையாட்டுப் பொருட்களை கொடுப்பதற்குப் பதிலாக, மொபைல் போன்களை கொடுக்கும் நிலை இன்று ஏற்பட்டுள்ளது.
கொழும்பு மாவட்டத்தில் தற்போதைய முஸ்லிம்களின் சனத்தொகை 365000 என மதிப்பிடப்பட்டுள்ளது. அவர்களின் கல்வித் தேவைக்காக 13 முஸ்லிம் பாடசாலைகள் உள்ளன. கிட்டத்தட்ட இதே அளவு முஸ்லிம்கள் வாழும் அம்பாறை மாவட்டத்தில், அவர்கள் கல்வியில் உயர்வான நிலையில் இருக்கின்றனர். இதற்குக் காரணம் மாணவர்களின் விடா முயற்சியும், பெற்றோர்கள் அவர்கள் மீது கொண்டுள்ள அதீத அக்கறையும், தியாக மனப்பான்மையுமாகும்.
புதுக்கடை என்பது புகழ் பெற்ற இடம். சுமார் இரண்டரை வருடங்களுக்கு முன்னர், இதே இடத்தில் கொழும்பு மாணவர்களின் கல்வி பற்றி பிரஸ்தாபித்து நாம் சில விடயங்களைக் கூறினோம். எனினும் அதனை செயற்படுத்த காலதாமதம் ஆகிவிட்டது. தொடர்ந்து எமது சமூகத்தின் மீதான இனவாதிகளின் கொடூரங்கள், அவர்களின் வெறியாட்டம், பிழையான பார்வை போன்றவற்றுக்காக எதிர்த்துக் குரல் கொடுத்து, அதனை நிவர்த்திக்க வேண்டிய இக்கட்டில் தள்ளப் பட்டோம். இனியும் கொழும்பு முஸ்லிம்களின் பின்னடைவைக் கண்டு, நாம் கை கட்டி இருக்க முடியாது. அரசியளுக்காகவோ, பிரதிபலன்களை எதிர்பார்த்தோ இந்த முயற்சியை ஆரம்பிக்கவில்லை.
இலங்கை வாழ் முஸ்லிம்களின் கல்விக்கு உயிரூட்டிய மகான்களான சேர்.ராசிக் பரீட், டி.பி.ஜாயா போன்றவர்களை நினைத்துப் பார்க்கின்றோம். அவர்கள் காலாகாலமாக வாழ்ந்த இந்த பூமியில், கல்வியில் பின்னடைவு ஏற்பட்டுள்ளமை எமக்குக் கவலை தருகின்றது. இலங்கை முஸ்லிம்களின் கல்விக்கு எழுச்சி ஊட்டிய நமது முஸ்லிம் சொத்துக்களான டாக்டர்.பதியுதீன் மஹ்மூத், மாதலைவர் அஷ்ரப் ஆகியோரின் மறைவின் பின்னர் நமது சமூகம் அரசியலிலும், கல்வியிலும் குட்டிச்சுவர் ஆனது. 10 சதவீதமாக வாழும் நாம், எமது விகிதாசாரத்துக்கு ஏற்ப துறையாளர்களையும், கல்விமான்களையும் உருவாக்கத் தவறியுள்ளோம். ஆனால் சிறைச்சாலைகளில் 28 சதவீதத்தால் நிரம்பி இருக்கின்றோம்.
இஸ்லாம் அழகான மார்க்கம். பெருமானார் நமக்கு போதித்த வழியில் நாம் வாழ வேண்டும். கற்ற சமூகம் என்ற பெயர் எடுக்க வேண்டும். குற்றச் செயல் புரியும் சமூகம் என்ற பெயர் நமக்கு வரவே கூடாது. இதை ஒவ்வொருவரும் மனதில் நிறுத்திக்கொள்ள வேண்டும்.

கல்வியின் ஊடாகவே சமூக அந்தஸ்தைப் பெறலாம். இன்னும் அடிமைச் சமூகமாக, மற்றவர்களிடம் கையேந்தும் சமூகமாக, ஜய வேவா போடும் சமூகமாக இருக்காமல் சொந்தக்காலில் நிற்கும் சமூகமாக நாம் மிளிர வேண்டும் என அமைச்சர் றிசாத் கூறினார்.      

Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

  பெட்ரோலுக்கு விலை கூடுகிற‌தா?  பொருட்க‌ளுக்கு விலை கூடுகிற‌தா? இது ப‌ற்றி முஸ்லிம்க‌ள் அல‌ட்டிக்கொள்ள‌த்தேவையில்லை. ஏனென்றால் இந்த‌ நாட்டின் 2 கோடி ம‌க்க‌ளில் ஒன்ன‌ரைக்கோடி ம‌க்க‌ள் சிங்க‌ள‌ ம‌க்க‌ள். பெற்றோலுக்கு விலை கூடினால் , பொருள்க‌ளுக்கு விலை கூடினால்  அது தாக்க‌ம் முத‌லில் சிங்க‌ள‌ ம‌க்க‌ளுக்குத்தான்.  அத‌ற்கு அடுத்துதான் சிறுபான்மை ம‌க்க‌ளைத்தாக்கும். ஒன்ன‌ரைக்கோடி பெரிதா? 50 ல‌ட்ச‌ம் பெரிதா? இந்த‌ அர‌சாங்க‌ம் 100க்கு 99.5 சிங்க‌ள‌ ம‌க்க‌ளால் கொண்டு வ‌ர‌ப்ப‌ட்ட‌ அர‌சாங்க‌ம். பெட்ரோல், பொருட்க‌ள் விலை அதிக‌ரித்தால் அவ‌ர்க‌ள் பார்த்துக்கொள்வார்க‌ள். நாம் த‌லையை ஓட்டுவ‌தால் எந்த‌ ந‌ன்மையும் கிடைக்க‌ப்போவதில்லை. முடியுமாயின் பெட்ரோல், பொருட்க‌ள் விலை அதிக‌ரிப்பு ப‌ற்றி முஸ்லிம்க‌ள் ஓட்டுப்போட்ட‌ முஸ்லிம் க‌ட்சிக‌ளின் உறுப்பின‌ர்க‌ளை பாராளும‌ன்ற‌த்தில், ஊட‌க‌ங்க‌ளில் பேச‌ சொல்லுங்க‌ள்.  அவ‌ர்க‌ளே பேசாம‌டந்தையாக‌ இருக்கும் போது முஸ்லிம்க‌ள் ஏன் அல‌ட்டிக்கொள்ள‌ வேண்டும்? பொருட்க‌ள் விலை கூடுத‌ல் பெரிய‌ விட‌ய‌மா? த‌ம‌க்கென்ற‌ நாட்டை பாதுகாப்ப‌து முக்கிய‌மா என்ப‌து பெரும்பாலான‌ சிங்க

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய