Skip to main content

“ඇහැට පේන භෞතික සංවර්ධනය සිදුවන්නේ මේ වසරේදීයි...“ - ජනාධිපති




ජනාධිපති මෛත්‍රීපාල සිරිසේන මහතාගේ සංකල්පයක් අනුව, වකුගඩු රෝගය පවතින ප්‍රදේශ වල ජනතාවට පිරිසිදු පානීය ජලය ලබාදීමට, පළාත් සභා සහ පළාත් පාලන අමාත්‍යංශය රුපියල් බිලියන හතක වියදමින් ජල ව්‍යාපෘති 39 ක් දිස්ත්‍රික් පහක ආරම්භ කිරීමට සැලසුම් කර තිබෙනවා. මෙම ව්‍යාපෘති ක්‍රියාත්මක වන්නේ ආසියානු සංවර්ධන බැංකුවේ ආධාර ඇතිව, පළාත් සභා සහ පළාත් පාලන අමාත්‍යංශයේ පුර නැගුම වැඩසටහන යටතේයි. පළමු ජල ව්‍යාපෘතිය ජනාධිපතිතුමාගේ ප්‍රධානත්වයෙන් පසුගියදා වැලිකන්දේදීත්, දෙවන ව්‍යාපෘතිය හිඟුරක්ගොඩ, කුමාරගමදීත් ආරම්භවුණා.
ජනාධිපති මෛත්‍රීපාල සිරිසේන මහතා ජල ව්‍යාපෘතියට ජල නල එලීමෙන් අනතුරව එතුමාගේ ප්‍රධානත්වයෙන් වැලිකන්ද මහ විද්‍යාලයේ උත්සවයත් පැවැත්වුණා. ඊට පළාත් සභා සහ පළාත් පාලන අමාත්‍ය ෆයිසර් මුස්තෆා, නගර සැලසුම් සහ ජල සම්පාදන අමාත්‍ය රාවුෆ් හකීම්, උතුරු මැද පළාතේ ප්‍රධාන අමාත්‍ය පේෂල ජයරත්න, මධ්‍යම පළාතේ ප්‍රධාන අමාත්‍ය සරත් ඒකනායක යන මහත්වරුන් ඇතුළු මැති ඇමතිවරුන් පිරිසක්, රාජ්‍ය නිලධාරීන් සහ ජනතාව විශාල පිරිසක් එක්ව සිටියා. මෙම උත්සවයේ විශේෂත්වයක් වූයේ, පාකිස්ථානය, යුරෝපා සංගමය, එක්සත් අරාබි එමීර් රාජ්‍ය, ඊජිප්තුව, බංග්ලාදේශය, සීෂෙල්ස්, පලස්තීනය, නෙදර්ලන්තය, කුවෙට්, දකුණු අප්‍රිකාව, කියුබාව සහ ජපානය යන රටවල් 12 ක තානාපතිවරුන් එක්ව සිටීමයි.
රුපියල් මිලියන 62.65 ක වියදමින් ඉදිකරන වැලිකන්ද ජල ව්‍යාපෘතිය මඟින් 8,600 දෙනෙකුට ජලය සැපයීමට සැලසුම් කර තිබෙනවා. වැලිකන්ද ප්‍රාදේශීය ලේකම් කොට්ඨාශයෙන් මේ දක්වා වාර්තා වී ඇති වකුගඩු රෝගීන් සංඛ්‍යාව 322 ක්. රුපියල් මිලියන 41.95 වියදමින් ඉදිකරන හිඟුරක්ගොඩ, කුමාරගම ජල ව්‍යාපෘතිය මඟින් 870 දෙනෙකුට ජලය සැපයීමට සැලසුම් කර තිබෙනවා. හිඟුරක්ගොඩ ප්‍රාදේශීය ලේකම් කොට්ඨාශයෙන් මේ දක්වා වාර්තා වී ඇති වකුගඩු රෝගීන් සංඛ්‍යාව 10 ක්.
උත්සවය ඇමතූ ජනාධිපති මෛත්‍රීපාල සිරිසේන මහතා, “ මම අද ඉතාමත් සතුටට පත්වෙනවා, තමුන්නාන්සේලාට පසුගිය දශක දෙකක කාලයක් තුළ කිරීමට නොහැකි වූ දෙයක් අද දවසේ ආරම්භ කිරීමට හැකිවීම ගැන. මම තමුන්නාන්සේලාගේ ප්‍රධාන මහජන සේවකයා විදියට පත්වුනාට පස්සේ ගතකරපු කාලසීමාව තුළ, එදා තිබුණ ප්‍රශ්න තවමත් එසේම පවතිනවා, ඇතැම් ප්‍රශ්න විසඳිලා තියෙනවා. මිනිසෙකුට ජීවත්වීමට අවශ්‍ය බොන වතුර ටික තමුන්නාන්සේලාට දෙන්න පුළුවන්වුනේ මම ජනාධිපතිවරයා විදියට පත්කර ගත්තට පස්සේ, අද මේ ආරම්භ කරන ව්‍යාපෘතිය මඟින්. මේ වැලිකන්දේ ජනතාව පහුගිය අවුරුදු 26 කාල සීමාව තුළ උතුරු නැගෙනහිර ජනතාව වගේම, යුද්ධයේ කටුක අමිහිරි, අත්දැකීම් වින්ඳා. මේ අවට ගම්මාන වල තමුන්නාන්සේලාට, වෙඩි හඞ හොඳට හුරුයි. බෝම්බ හඞ හොඳට හුරුයි. මේ ගම්වලට එල්.ටී.ටී.ඊ. ත්‍රස්තවාදීන් ඇවිල්ලා සිංහලද, දෙමළද, මුස්ලිම්ද කියල බැලුවේ නෑ, මේ ගම්මාන බරපතල විදියට විනාශ කළා. කටුක යුද්ධය අවසන් කරලා සාමය ලබාගත්තත්, ඒ සාමය තුළ තිබෙන්නේ වෙඩි හඩ නිහඩ වීම, අවි ආයුධ නිහඩවීම පමණයි. මිනිසුන් විදියට ජීවත්වීමට අවශ්‍ය මූලික අවශ්‍යතාවන් වල ප්‍රශ්න රාශීයක් තියෙනවා. රටක ජනතාවගේ ඉදිරි ගමන සඳහා ප්‍රධාන වශයෙන් අධ්‍යාපනය සහ සෞඛ්‍ය වැදගත් වනවා. පොළොන්නරුව නගරයේ තියෙන රාජකීය විද්‍යාලයේ තත්ත්වයට, ඉදිරි අවුරුදු කිහිපය තුළ මේ වැලිකන්ද මහ විද්‍යාලය සකස් කරනවයි කියන එක විශේෂයෙන්ම මම තමුන්නාන්සේලාට කියන්න ඕන. සංවර්ධනය කරා යන ගමනේදී මේ රටේ සියළු දිස්ත්‍රික් සංවර්ධනය කරලා, වඩා අඩු සංවර්ධනයේ තියෙන දිස්ත්‍රික්ක ඉහළ මට්ටමකට ගෙනඒමයි අපේ ආණ්ඩුවේ ප්‍රතිපත්තිය. පහුගිය අවුරුදු කීපය තුළ අපේ රටේ සංවර්ධනය සිද්දවුනේ තෝරාගත් දිස්ත්‍රික්ක කිහිපයකට පමණයි. පහුගිය අවුරුදු ගණනාවක් මහා සංවර්ධනයක් වුණා  කියන උදවියට මම ආරාධන කරනවා මේ ප්‍රදේශ වලට ඇවිල්ලා මේ ප්‍රදේශ වල ජනතාව විඳින දුක බලන්න. යන්න පාරක් හරියට තියෙනවද..? බොන්න වතුර ටික තියෙනවද..? පාසල් වල දරුවන්ට හරියට වැසිකිලි කැසිකිලි පහසුකම් තියෙනවද..සෞඛ්‍ය පහසුකම් තියෙනවද..? මේ කාරණය තමුන්නාන්සේලාගේ හෘද සාක්ෂිය දන්නවා. ඒ ගැන මම කියන්න ඕන නැහැ. ෆයිසර් මුස්තෆා ඇමතිතුමා, පළාත් සභා සහ පළාත් පාලන අමාත්‍යතුමා විදියටත්, පියංකර ජයරත්න මැතිතුමා රාජ්‍ය ඇමති විදියටත්, එතුමාගේ අමාත්‍යංශවේ ලේකම්තුමා ඇතුළු නිලධාරීන්ට මම විශේෂ ස්තුතියක් පිරිනමනවා, මේ ව්‍යාපෘතිය සඳහා දැඩි උනන්දුවක් දක්වලා අවුරුදු 30 කට අධික කාලයක් මේ ප්‍රදේශ වල ජීවත් වන තමුන්නාන්සේලාට, බොන වතුර ටික දෙන්න මේ යෝධ ව්‍යාපෘතිය අද ආරම්භ කිරීමට හැකිවීම, මම මහා පිනක් හැටියටයි දකින්නේ. මැදිරිගිරිය වකුගඩු රෝගීන් බරපතල විදියට ඉන්න ප්‍රදේශයක්. මැදිරිගිරියේ පානීය ජල යෝජනා ක්‍රමයට මුල්ගල් තියල ආරම්භ කරලා දැන් අවුරුදු පහක් වෙනවා. පොළොන්නරුව දිස්ත්‍රික්කයේ වකුගඩු රෝගීන් වැඩිම ප්‍රදේශය මැදිරිගිරිය. ඒ ජනතාවට හොඳ වතුර ටික දෙන්න තමයි කෑගහලා කෑගහලා ඒක ලබාගත්තේ. නමුත් පහුගිය අවුරුදු කීපය තුළ ඒ ව්‍යාපෘතිය වැඩ කරන්න අපිට මුදල් ලැබුනේ නැහැ. ඒ නිසා තවමත් බැරිවුණා ඒ ව්‍යාපෘතිය විවෘත කරන්න. දැන් අපි මුදල් වෙන්කරලා මේ අවුරුද්දේවත් බලාපොරොත්තුවෙනවා මැදිරිගිරියේ ජනතාවට වතුර ටික දෙන්න. මහ මැතිවරණය අවසන් වෙලා මාස පහයි තවම. සමහරු කථාකරන්නේ අවුරුදු ගණනාවක් මේ ආණ්ඩුව තිබුණා වගේ. ඒ නිසා ආණ්ඩුව විවේචනය කරන අයට මම කියන්න ඕන, අලුත් ආණ්ඩුවක් විදියට මේ රටට අවශ්‍ය සමාජීය වෙනස්කම්, දේශපාලන ප්‍රතිසංස්කරණ, ආර්ථික ප්‍රතිසංස්කරණ වලට මූලික ආරම්භයක් තමයි මම ගිය අවුරුද්දේ කළේ. මේ අවුරුද්දේ තමයි භෞතික වශයෙන් සංවර්ධනය, ඇහැට පේන දේවල් සංවර්ධනය කරන වසර...
උත්සවය ඇමතූ පළාත් සභා සහ පළාත් පාලන අමාත්‍ය, ජනාධිපති නීතිඥ ෆයිසර් මුස්තෆා මහතා, “ජනවාරි අට වැනිදායින් පසු මේ රටේ සමාජීය, ආර්ථික, දේශපාලනික වෙනසක් ඇතිවුනේ අතිගරු ජනාධිපතිතුමා පක්ෂයට වඩා රට වැදගත් කියල වැඩ කරපු නිසා. මේ රට එක්සත් කරපු නායකයා මෛත්‍රීපාල සිරිසේන මැතිතුමා. භූගෝලීය වශයෙන් රට එක්සත් කළාට වැඩක් නෑ. හදවත් වලින් ජනතාව එක්සත් කරන්නේ නැ.තුව. පොළොන්නරුව දිස්ත්‍රික්කයේ මේ ප්‍රදේශයේ ජනතාවටත් වකුගඩු රෝගය පවතිනවා. වකුගඩු රෝගය මේ රටෙන් තුරන් කරන්න ජනාධිපතිතුමාට විශාල උවමනාවක් තියෙනවා. ඒ උවමනාව වෙනුවෙන් අපේ අමාත්‍යංශයට දායක වෙන්න ලැබීම විශාල සතුටක්. ජනවාරි අට අභියෝගය ජයගත් අපිට වකුගඩු රෝගය අභියෝගයක් නෙවෙයි. අද ආරම්භ කළ මේ ජල ව්‍යාපෘති දෙකෙන් මාස හයකින් පිරිසිදු පානීය ජලය වැලිකන්ද සහ හිඟුරක්ගොඩ ජනතාවට ලබාදෙනවා. අපේ ආදරණීය නායකයා ජනාධිපති වුනාට පස්සේ ජාත්‍යන්තරයේ අපේ රට ගැන තිබ්බ කළු පැල්ලම ඉවත් කරන්න හැකිවුණා. මීට පෙර ජාත්‍යන්තරය ලංකාව දැකපු විදියට නෙවෙයි අද දකින්නේ. අද වැලිකන්දට තානාපතිවරු 12 දෙනෙක් ඇවිල්ලා ඉන්නවා. ඔවුන් අහන්නේ ඒ රටවල් වලින් අපිට අවශ්‍ය සහයෝගය මොකක්ද කියලා...
පළමු අදියර යටතේ, උතුරු මැද පළාතේ  වැලිකන්ද, හිඟුරක්ගොඩ, තමන්කඩුව සහ මිහින්තලේ ප්‍රාදේශීය ලේකම් කොට්ඨාශ වල රුපියල් මිලියන 283.15 වියදමින් ආරම්භ කරන ජල ව්‍යාපෘති පහක් මඟින් 31,095 දෙනෙකුට පිරිසිදු පානීය ජලය සැපයීමට සැලසුම් කර තිබෙනවා. මෙම ප්‍රාදේශීය ලේකම් කොට්ඨාශ වලින් මේ දක්වා වාර්තා වී ඇති වකුගඩු රෝගීන් සංඛ්‍යාව 325 ක්. ඌව පළාතේ මහියංගනය ප්‍රාදේශීය ලේකම් කොට්ඨාශයේ පහළ රත්කිඳ රුපියල් මිලියන 85.90 ක වියදමින් ආරම්භ කරන ජල ව්‍යාපෘතියක් මඟින් 3,400 දෙනෙකුට පිරිසිදු පානීය ජලය සැපයීමට සැලසුම් කර තිබෙනවා. මහියංගනය ප්‍රාදේශීය ලේකම් කොට්ඨාශයෙන් මේ දක්වා වාර්තා වී ඇති වකුගඩු රෝගීන් 74 දෙනෙක්. මධ්‍යම පළාතේ විල්ගමුව ප්‍රාදේශීය ලේකම් කොට්ඨාශයේ රුපියල් මිලියන 72 ක වියදමින් හෙට්ටිපොළ ආරම්භ කරන ජල ව්‍යාපෘතිය මඟින් 2,584 දෙනෙකුට පානීය ජලය සැපයීමට සැලසුම් කර තිබෙනවා. විල්ගමුව ප්‍රාදේශීය ලේකම් කොට්ඨාශයෙන් මේ දක්වා වාර්තාවී ඇති වකුගඩු රෝගීන් සංඛ්‍යාව 251 ක්. වයඹ පළාතේ මහව සහ පොල්පිතිගම ප්‍රාදේශීය ලේකම් කොට්ඨාශ වල රුපියල් මිලියන 90.30 ක වියදමින් නිකවැරටිය ආරම්භ කරන ජල ව්‍යාපෘතිය මඟින් 4,000 කට පිරිසිදු පානීය ජලය සැපයීමට සැලසුම් කර තිබෙනවා. එම ප්‍රාදේශීය ලේකම් කොට්ඨාශ වලින් මේ දක්වා වාර්තා වී ඇති වකුගඩු රෝගීන් සංඛ්‍යාව 55 ක්.
දෙවන අදියර යටතේ, උතුරු මැද පළාතේ තිරප්පනේ, කැකිරාව තමන්කඩුව, ගිඟුරක්ගොඩ සහ මිහින්තලේ සහ වයඹ පළාතේ ඉබ්බාගමුව ප්‍රාදේශීය ලේකම් කොට්ඨාශ වල  රුපියල් මිලියන 1,023.78 ක වියදමින් ජල ව්‍යාපෘති අටක් ආරම්භ කිරීමට සැලසුම් කර තිබෙනවා. මේ වසරේ ජුනි මාසයේ ආරම්භ කරන එම ව්‍යාපෘති මඟින් 231,200 දෙනෙකුට පිරිසිදු පානීය ජලය සැපයීමට නියමිතයි. එම ප්‍රාදේශීය ලේකම් කොට්ඨාශ වලින් මේ දක්වා වාර්තාවී ඇති වකුගඩු රෝගීන් සංඛ්‍යාව 2,310 ක්.

තුන්වන අදියර යටතේ, උතුරු මැද, මධ්‍යම, වයඹ සහ ඌව පළාත් වල කැකිරාව, තමන්කඩුව, හිඟුරක්ගොඩ, නුවරගම්පළාත, පදවිය, කැබිතිගොල්ලෑව, දඹුල්ල, මාතලේ, ගනේවත්ත, නිකවැරටිය, ගල්ගමුව, කරුවලගස්වැව, තබ්බෝව, මහියංගනය, තණමල්විල, බුත්තල සහ රිදීමාලියද්ද ප්‍රාදේශීය ලේකම් කොට්ඨාශ වල රුපියල් මිලියන 5,697.48 ක වියදමින් ජල ව්‍යාපෘති 23 ක් ආරම්භ කිරීමට සැලසුම් කර තිබෙනවා. 2017 වසරේ ජනවාරි මාසයේ ආරම්භ කරන එම ව්‍යාපෘති මඟින් 349,252 කුට පිරිසිදු පානීය ජලය සැපයීමට නියමිතයි. එම ප්‍රාදේශීය ලේකම් කොට්ඨාශ වලින් මේ දක්වා වාර්තාවී ඇති වකුගඩු රෝගීන් සංඛ්‍යාව 7,283 ක්.

Comments

Popular posts from this blog

அதாவுல்லாவை புக‌ழும் ஹ‌ரீஸ்

ஒவ்வொரு நிமிடமும் நம்மை நோக்கி எறிகணைகள் வந்த வண்ணமே இருக்கிறது. நாங்கள் ஒற்றுமைப்பட்டு இனி செயலாற்ற முன்வர வேண்டும். அம்பாறை மாவட்டத்தில் உள்ள சகல அரசியல் கட்சி முக்கியஸ்தர்களும் ஒன்றிணைந்து எதிர்வரும் பொதுத்தேர்தலை சந்தித்து நாங்கள் ஒற்றுமையாக வாக்களித்தால் அம்பாறை மாவட்டத்தில் இருந்து ஐந்து முஸ்லிம் பாராளுமன்ற உறுப்பினர்கள் தெரிவாவார்கள் என ஸ்ரீலங்கா முஸ்லிம் காங்கிரஸின் பிரதித்தலைவரும் முன்னாள் இராஜாங்க அமைச்சருமான சட்டத்தரணி  எச்.எம்.எம்.ஹரீஸ் தெரிவித்தார்.

 தொடர்ந்தும் அங்கு பேசும் போது,

கல்முனை பிரதேச விவகாரம் பற்றிய பிரதமருடனான கலந்துரையாடலுக்கு குறித்த தொகுதியின் மக்கள் பிரதிநிதியாகிய எனக்கு எவ்வித அழைப்புக்களும் விடுக்கப்பட்டிருக்க வில்லை. நான் நேரடியாக பிரதமர் மஹிந்தவை சந்தித்து மக்களின் பிரச்சினையை பற்றி தெளிவாக விளக்கியவுடன் அன்று மாலை என்னையும் கூட்டத்தில் கலந்துகொள்ளுமாறும் அதற்கான ஏற்பாடுகளை தான் செய்வதாகவும் வாக்குறுதியளித்தார். அதன் பிரகாரமே நான் அக்கூட்டத்திற்க்கு சென்று வரவேற்பறையில் காத்திருந்தேன். அங்கு கலந்து கொண்டிருந்த முக்கிய பிரமுகர்கள் பலரும் அதிருப்தியுடன…

Sri Lanka COSMI Founder President appointed to London’s Peace Institute

The Founder President of Sri Lanka’s Confederation of Micro, Small and Medium Industries (COSMI) has been appointed as the Co-Chairperson of theLondon based Global Peace Institute (GPI)which conducts interdisciplinary research in several thematic fields including international relations and politics. By this high profile appointment made on 15 January, GPI seeks COSMI Founder President Nawaz Rajabdeen’s contributions to improve its training and research efforts. GPI is a think tank run by the UK based Global Peace Ins. (GPI) CIC, an independent non-profit, non-governmental organization. GPI works for global peace and resilience through peace education, dialogue, training, creating awareness and research. COSMI Founder President Rajabdeen, as an honorary member, is also tasked by GPI to promote its programs, add value to research work, and also will be required to attend various GPI events. “I am thankful to GPI for enlisting me for their ongoing and vast efforts” said COSMI Founder Pres…

மைத்திரிபால ஒரு புத்திஜீவியாகவோ, அறிஞராகவோ அவருடைய ஆட்சிக் காலத்தில் செயற்படவில்லை.

சிறுபான்மையினரின் வாக்குகளே
பிரதமர் யார் என்பதை தீர்மானிக்கும் !

சஜீத் − ரணில் பிரச்சினை
கூட்டனிக்கு பாதிப்பில்லை !!

நான் நிரபராதி என்பதை
சிங்கள மக்கள் உணர்வர் !!!

ஆட்சியில் இணையுமாறு அழைப்பு
வந்தால் தீர்மானிக்கலாம் !!!!

அகில இலங்கை மக்கள் காங்கிரஸ் தேசியத் தலைவர் ரிஷாத் பதியுதீன் பி.பி.சிக்கு பரபரப்பு பேட்டி....

அப் பேட்டியில் அவர் மேலும் தெரிவித்துள்ளதாவது...;

கேள்வி:
தற்போது நாடாளுமன்றத்தில் அங்கம் வகிக்கும் முஸ்லிம் தலைவர்களை தமது அரசாங்கத்தில் சேர்த்துக் கொள்வதில்லை என்றுகூறி ஆளுந்தரப்பு நிராகரித்திருப்பது பற்றி என்ன நினைக்கிறீர்கள்?

பதில்:
ஆளுங்கட்சியில்தான் இருக்க வேண்டும் என்கிற நிலைப்பாட்டுடன் நாம் அரசியல் செய்யவில்லை.

கடந்த ஜனாதிபதி தேர்தலில் கோட்டாபய ராஜபக்ஷவுக்கு கிடைத்த 69 லட்சம் வாக்குகளை எதிர்வரும் பொதுத் தேர்தலில் மஹிந்த ராஜபக்ஷ அணியினர் ஒட்டுமொத்தமாகப் பெற்றாலும், அவற்றினைக் கொண்டு நாடாளுமன்றத்திலுள்ள 225 ஆசனங்களில் 105 ஆசனங்களை மட்டுமே கைப்பற்ற முடியும். அதேவேளை, எதிர்த்தரப்பினருக்கு 119 ஆசனங்கள் கிடைக்கும். எனவே, எதிர்வரும் பொதுத் தேர்தல் சவால் மிகுந்ததாகவே அமையும்…