Skip to main content

கூட்டுறவு வங்கிகளில் வட்டியில்லா கொடுக்கல் வாங்கல்களும் அறிமுகம்

“. அனைத்து இனத்தவரையும் பங்களிக்க வைப்பதே நோக்கம்.”
அமைச்சர் றிசாத்



இன ஐக்கியத்தையும் ஒருமைப்பாட்டையும் பிரதான மையப் பொருளாகக் கொண்டு ஆட்சி நடத்தி வரும் தேசிய அரசாங்கத்தில், இனவாதிகளின் ஜம்பம் ஒருபோதும் பலிக்காதென்று அமைச்சர் றிசாத் பதியுதீன் தெரிவித்தார்.
மதுரங்குளி பலநோக்கு கூட்டுறவு சங்க சமாஜத்துக்கு இன்று  (12) விஜயம் செய்த அமைச்சர், அங்கு கூட்டுறவு சங்கத்தை பார்வையிட்ட பின்னர்ஏற்பாடு செய்யப்படிருந்த பொதுக் கூட்டத்தில் உரையாற்றினார்.
அவர் தனதுரையில் கூறியதாவது,
இலங்கையின் அரசியல் வரலாற்றிலே எதிரும் புதிருமாக இருந்த இரு பெரும் கட்சிகளான ஸ்ரீலங்கா சுதந்திரக் கட்சியும், ஐக்கிய தேசியக் கட்சியும் ஒன்று சேர்ந்து இந்த ஆட்சியை நடத்துவதே ஒற்றுமைக்கு பிரதான முன்னுதாரணம்.
“கூட்டுறவே நாட்டுயர்வு. கூடி வாழ்ந்தால் கோடி நன்மை” என்ற பழமொழிக்கு ஒப்ப நாம் அனைவரும் ஒற்றுமையுடன் வாழ வேண்டும். அனைத்து சமூகங்களின் பங்களிப்பும்கூட்டுறவுச் சங்கங்களின் வளர்ச்சிக்கு பிரதானமானது. அந்த வகையில் சிங்கள, தமிழ், முஸ்லிம்கள் இணைந்து பணியாற்றினால் கூட்டுறவுச் சங்கங்களை மேலும் விருத்தி செய்யலாம்.
கூட்டுறவு வங்கிகளில் இஸ்லாமியர்கள் அதிகம் ஆர்வம் காட்டாமைக்கு வட்டி ஒரு பிரதான காரணமாக அமைந்துவிடுகின்றது. எனவேதான், கூட்டுறவு வங்கிகளில் இஸ்லாமியர்கள் ஈடுபாடு காட்டும் ஷரீஆவின் அடிப்படையிலான கொடுக்கல் வாங்கல்களை ஏற்படுத்த திட்டமிட்டுள்ளேன். 
கூட்டுறவுத் துறையில் கடந்த காலங்களில் நிலவிய ஊழல், மோசடிகளை இல்லாமலாக்கி இதனை புனிதமான ஒரு துறையாக மக்களுக்கு பயனளிக்கக் கூடிய ஒரு துறையாக, நியாயமான விலையில் பொருட்களை வாங்குவதற்குரிய ஒரு துறையாக மாற்றியமைக்கும் வேலைத்திட்டங்கள் எம்மிடமுண்டு. இலங்கையிலுள்ள அநேகமான கூட்டுறவுச் சங்கங்கள் மாகாண சபையின் கீழ் வருவதனால், எனது அமைச்சின் கீழ் அவைகளுக்கு நேரடியாக உதவ முடியாத சிக்கல்கள் இருக்கின்றன. எனினும் முடிந்தவரையில் அவற்றுக்கு என்னாலான பங்களிப்பை நல்குவேன். மதுரங்குளியில் இயங்காமல் இருக்கும் ஆறு கூட்டுறவு வங்கிகளை மீண்டும் செயற்பட விரைவில் நடவடிக்கை எடுப்பேன்.
கூட்டுறவுத் துறையில் புதிய கடன் திட்டங்களை உருவாக்கி மக்களுக்கு உதவ இருக்கின்றோம். எதிர்காலத்திலே இந்தத் துறையில் மறுமலர்ச்சி ஏற்படக்கூடிய வகையில் புதிய செயலணி ஒன்றை உருவாக்கியுள்ளோம். அந்த செயலணியில் துறை சார்ந்த நிபுணர்கள் பலர் உள்ளடக்கப்பட்டுள்ளனர். அதன் மூலம் நஷ்டத்தில் இயங்கி வரும் கூட்டுறவுத் துறையினை இலாபமீட்டும் துறையாக மாற்றியமைக்க நடவடிக்கை எடுப்போம்.
என்னைப் பற்றி பல்வேறு இடங்களில் இனவாதப் பிரசாரங்கள் மேற்கொள்ளப்பட்டு வருகின்றன மக்கள் பணி செய்பவர்களுக்கு இவ்வாறான கஷ்டங்கள் ஏற்படுவது சகஜம்தான். என்னை சிறையில் அடைக்க வேண்டுமென்று குருநாகல் போன்ற பகுதிகளில் சுவரொட்டிகள் ஒட்டப்பட்டுள்ளன. இந்த அநாமதேய சுவரொட்டிகளுக்கும், பதாகைகளுக்கும் பயந்து நான் என் பணியை கைவிடமாட்டேன். சவால்களுக்கு முகம் கொடுத்து பழக்கப்பட்டவன் நான் எனவும் அமைச்சர் இங்கு கூறினார்.
இந்நிகழ்வில் எம்.எச்.எம். நவவி எம்.பி, முன்னாள் மாகாண சபை உறுப்பினர் யஹியா, மக்கள் காங்கிரசின் அமைப்பாளர் அலி சப்ரி, மதுரங்குளி கூட்டுறவுச் சங்கத் தலைவர் ஹாரூன், கூட்டுறவு அபிவிருத்தி ஆணையாளர் ஜீவானந்தா, மதுரங்குளி கூட்டுறவுச் சங்க உபதலைவர் ஜயசிங்க ஆகியோரும் கலந்துகொண்டனர். 



Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

  பெட்ரோலுக்கு விலை கூடுகிற‌தா?  பொருட்க‌ளுக்கு விலை கூடுகிற‌தா? இது ப‌ற்றி முஸ்லிம்க‌ள் அல‌ட்டிக்கொள்ள‌த்தேவையில்லை. ஏனென்றால் இந்த‌ நாட்டின் 2 கோடி ம‌க்க‌ளில் ஒன்ன‌ரைக்கோடி ம‌க்க‌ள் சிங்க‌ள‌ ம‌க்க‌ள். பெற்றோலுக்கு விலை கூடினால் , பொருள்க‌ளுக்கு விலை கூடினால்  அது தாக்க‌ம் முத‌லில் சிங்க‌ள‌ ம‌க்க‌ளுக்குத்தான்.  அத‌ற்கு அடுத்துதான் சிறுபான்மை ம‌க்க‌ளைத்தாக்கும். ஒன்ன‌ரைக்கோடி பெரிதா? 50 ல‌ட்ச‌ம் பெரிதா? இந்த‌ அர‌சாங்க‌ம் 100க்கு 99.5 சிங்க‌ள‌ ம‌க்க‌ளால் கொண்டு வ‌ர‌ப்ப‌ட்ட‌ அர‌சாங்க‌ம். பெட்ரோல், பொருட்க‌ள் விலை அதிக‌ரித்தால் அவ‌ர்க‌ள் பார்த்துக்கொள்வார்க‌ள். நாம் த‌லையை ஓட்டுவ‌தால் எந்த‌ ந‌ன்மையும் கிடைக்க‌ப்போவதில்லை. முடியுமாயின் பெட்ரோல், பொருட்க‌ள் விலை அதிக‌ரிப்பு ப‌ற்றி முஸ்லிம்க‌ள் ஓட்டுப்போட்ட‌ முஸ்லிம் க‌ட்சிக‌ளின் உறுப்பின‌ர்க‌ளை பாராளும‌ன்ற‌த்தில், ஊட‌க‌ங்க‌ளில் பேச‌ சொல்லுங்க‌ள்.  அவ‌ர்க‌ளே பேசாம‌டந்தையாக‌ இருக்கும் போது முஸ்லிம்க‌ள் ஏன் அல‌ட்டிக்கொள்ள‌ வேண்டும்? பொருட்க‌ள் விலை கூடுத‌ல் பெரிய‌ விட‌ய‌மா? த‌ம‌க்கென்ற‌ நாட்டை பாதுகாப்ப‌து முக்கிய‌மா என்ப‌து பெரும்பாலான‌ சிங்க

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய