Skip to main content

”சைட் அல் ஹுஸைனின் விஜயமும் திராணியற்ற முஸ்லிம் ஊடகவியலாளர்களும்”


-அப்துல் ஜப்பார்-
முஸ்லிம் தலைமைகள் விடும் தவறுகளையும் பிழைகளையும் சுட்டிக்காட்டி பூதாகரப்படுத்திவரும் முஸ்லிம் ஊடகங்களும் முஸ்லிம் ஊடகவியலாளர்களும் சமூகம் சார்ந்த விடயங்களை தட்டிக்கேட்கும் அரிய சந்தர்ப்பங்களை கோட்டை விட்டு நிற்பது சமூகத்தின் சாபக்கேடு என்ற குற்றச்சாட்டு மேலெழுந்துள்ளது.
நா மனித உரிமை ஆணையாளர் நாயகம் இளவரசர் சைட் அல் ஹுஸைன் இலங்கைக்கு விஜயம் மேற்கொண்டு நான்கு நாட்கள் இங்கு நின்ற போதும் இலங்கை வாழ் முஸ்லிம்களின் மனக்குமுறல்கள், வேதனைகள் அவர்கள் எதிர்நோக்கும் பிரச்சினைகள் இளவரசருக்கு சரி வர எடுத்துச் சொல்லப்படவில்லை என்ற ஆதங்கமும் வேதனையும் இன்று முஸ்லிம் சமூகத்திலே ஓங்கி ஒலித்துக் கொண்டிருக்கின்றது.
முஸ்லிம் என்ற பெயரைத்தாங்கி தலைப்பாகை கட்டி இயங்கிவரும் முஸ்லிம் அமைப்புக்களும் முஸ்லிம் மீடியாக்களும் இந்த விடயத்தில் எந்த விதமான அக்கறையும் காட்டாமல் இருந்தது தான் வேதனையான விடயம். இது ஒரு வரலாற்றுத்தவறாக பதியப்படவேண்டிய ஒன்று.
.மேடைகளிலும் ஏசி அறைகளிலும் முஸ்லிம் சமூகம், முஸ்லிம் சமூகமெனகூப்பாடு போட்டுவிட்டு கூட்டமுடிவில் புரியாணியையும் வட்டிலப்பத்தையும் உண்டு விட்டு ஏப்பம் விட்டுச்செல்வது தானா சமூக உணர்வு?
முஸ்லிம்களுக்கு  தனியான ஊடகம் தேவை, தனியான ஊடகம் தேவைஎன எப்போதும் கூப்பாடு போட்டு வரும் முஸ்லிம் மீடியாக்காரர்களே!!! உங்களுக்கு கிடைத்த ஓர் அரிய சந்தர்ப்பத்தை நீங்கள் பயன்படுத்தினீர்களா? இந்த பதவி உங்களுக்கு அமானிதமானது என்பதை மனதிலிருத்திக்கொள்ளுங்கள். இறைவனுக்கு நீங்கள் பதில் சொல்லியே ஆகவேண்டும்.
நா மனித உரிமை ஆணையாளர் நாயகம் சைட் அல் ஹுஸைன் தனது விஜயத்தின் இறுதி நாளான நேற்று மாலை இரண்டுமணிக்கு பெளத்தலோக மாவத்தையிலுள்ள நாவுக்கான இலங்கை தூதரகத்தில் ஊடகவியலாளர் மாநாடு ஒன்றை நடத்தினார். இந்த மாநாட்டில் கேவலம் ஒரு முஸ்லிம் ஊடகவியலாளரேனும் அங்கு சென்று சமூகத்தின் பிரச்சினையை எடுத்துரைத்தீர்களா?
நாளாந்த, வாராந்த, மாதாந்த முஸ்லிம் பத்திரிகைகள் என்று எத்தனை பத்திரிகைகளை நடத்துகின்றீர்கள். இன்னும் பல்வேறு பத்திரிகைகளில் கொழுத்த சம்பளம், வாகன வசதிகளுடன் வலம் வருகிறீர்களேஉங்கள் மூளைகள் சலவை செய்யப்பட்டு விட்டதா? அல்லது நமக்கேன் வீண் வம்பென்று வாளாவிருக்கின்றீர்களா? முஸ்லிம் அரசியல் வாதிகள் தவறு செய்தால் அல்லது அவர்களைப்பற்றி ஏதாவது கிசு கிசுக்கள் கிடைத்துவிட்டால் மட்டும் கொட்டை எழுத்துக்களில் பிரசுரிப்பது மட்டும்தானா உங்கள் சமூகப்பற்று?
உங்களுக்கு சமூகத்தைப்பற்றிய கவலை வந்திருக்க வேண்டும். அவ்வாறு இல்லையென்றால் நீங்கள் அடுத்த்வரைப்பற்றி குறை கூறிக்கொண்டிருக்கக்கூடாது.
நல்லூர் கோவிலுக்கு முன்னே பாதிக்கப்பட்ட நமது முஸ்லிம் உறவுகள் வீதியோரத்தில் குந்தியிருந்து சுலோக அட்டைகளை தாங்கியிருக்காவிட்டால் இலங்கையிலே முஸ்லிம் சமூகமென்று ஒன்று இருக்கின்றதென்ற செய்தி இளவரசருக்கு தெரிந்திருக்க நியாயமில்லை.
முஸ்லிம் அகதிகள் அஸ்ஸலாமு அலைக்குமெனகூறி தங்களது பிரச்சினைகள் குறித்த மகஜரை கையளித்திருக்காவிட்டால் கொழும்பு ஊடகவியலாளர் மாநாட்டில் மனித உரிமை ஆணையாளர் நாயகம் முஸ்லிம் அகதிகளை சந்தித்தேன் என்று கூறியிருக்க மாட்டார்.
நா அலுவலகத்திற்கு வெளியே பாதிக்கப்பட்ட வடக்கு முஸ்லிம்கள் அமைதியான போராட்டம் ஒன்றை நடத்திக்கொண்டிருந்த போது பின்கதவால் வந்து பின்கதவாலேயே போனஇளவரசரிடம் குறித்தஊடகவியலாளர் மாநாட்டில் அந்த மக்களின் கவலை தொடர்பில் சுட்டிக்காட்டி கேள்விகளைக் கேட்க எந்தவொரு முஸ்லிம் ஊடகவியலாளரும் அங்கு பிரசன்னமாயிருக்கவில்லை.
வெறுமனே முஸ்லிம் தலைமைகளைப்பற்றியே உங்கள் எழுத்துக்களில் நச்சரித்துக்கொண்டும் குறை கூறிக்கொண்டும் இருக்கும் நீங்கள் பொருத்தமான தருணம் ஒன்றை கோட்டைவிட்டு முள்ளந்தண்டில்லாத, நாதியற்ற ஊடகவியலாளர் சமூகமாக மாறிவிட்டது தான் கேவலமானது.


Comments

Popular posts from this blog

பெட்ரோல், பொருட்க‌ள் விலை அதிக‌ரிப்புக்கு முஸ்லிம்க‌ள் அல‌ட்டிக்கொள்ள‌ தேவையில்லை.

  பெட்ரோலுக்கு விலை கூடுகிற‌தா?  பொருட்க‌ளுக்கு விலை கூடுகிற‌தா? இது ப‌ற்றி முஸ்லிம்க‌ள் அல‌ட்டிக்கொள்ள‌த்தேவையில்லை. ஏனென்றால் இந்த‌ நாட்டின் 2 கோடி ம‌க்க‌ளில் ஒன்ன‌ரைக்கோடி ம‌க்க‌ள் சிங்க‌ள‌ ம‌க்க‌ள். பெற்றோலுக்கு விலை கூடினால் , பொருள்க‌ளுக்கு விலை கூடினால்  அது தாக்க‌ம் முத‌லில் சிங்க‌ள‌ ம‌க்க‌ளுக்குத்தான்.  அத‌ற்கு அடுத்துதான் சிறுபான்மை ம‌க்க‌ளைத்தாக்கும். ஒன்ன‌ரைக்கோடி பெரிதா? 50 ல‌ட்ச‌ம் பெரிதா? இந்த‌ அர‌சாங்க‌ம் 100க்கு 99.5 சிங்க‌ள‌ ம‌க்க‌ளால் கொண்டு வ‌ர‌ப்ப‌ட்ட‌ அர‌சாங்க‌ம். பெட்ரோல், பொருட்க‌ள் விலை அதிக‌ரித்தால் அவ‌ர்க‌ள் பார்த்துக்கொள்வார்க‌ள். நாம் த‌லையை ஓட்டுவ‌தால் எந்த‌ ந‌ன்மையும் கிடைக்க‌ப்போவதில்லை. முடியுமாயின் பெட்ரோல், பொருட்க‌ள் விலை அதிக‌ரிப்பு ப‌ற்றி முஸ்லிம்க‌ள் ஓட்டுப்போட்ட‌ முஸ்லிம் க‌ட்சிக‌ளின் உறுப்பின‌ர்க‌ளை பாராளும‌ன்ற‌த்தில், ஊட‌க‌ங்க‌ளில் பேச‌ சொல்லுங்க‌ள்.  அவ‌ர்க‌ளே பேசாம‌டந்தையாக‌ இருக்கும் போது முஸ்லிம்க‌ள் ஏன் அல‌ட்டிக்கொள்ள‌ வேண்டும்? பொருட்க‌ள் விலை கூடுத‌ல் பெரிய‌ விட‌ய‌மா? த‌ம‌க்கென்ற‌ நாட்டை பாதுகாப்ப‌து முக்கிய‌மா என்ப‌து பெரும்பாலான‌ சிங்க

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய