Skip to main content

முஸ்லிம் காங்கிர‌ஸ் உறுப்பின‌ர்க‌ளிடையே மோத‌ல்.

  சமூக பற்றில்லா தவத்தை மக்கள் நிராகரித்ததன் விம்பமே இன்றைய அவரின் காட்டிக்கொடுப்புகள்  : முன்னாள் மாகாண சபை உறுப்பினரை தோலுரிக்கும் மு.கா பிரமுகர்  மாளிகைக்காடு நிருபர்  றாபிக்களும், அலி உதுமான்களும் பிறந்த வீரமிகு மண்ணான அக்கரைப்பற்றில் காட்டிக்கொடுப்பிலும், ஈனசெயலிலும் முத்திரை பதித்த ஒருவராக முன்னாள் மாகாணசபை உறுப்பினர் ஏ.எல்.எம் தவம் இருப்பது அக்கரைப்பற்று மண்ணுக்கு மட்டுமல்ல ஒட்டுமொத்த முஸ்லிங்களுக்கும் அவமானமாக உள்ளது. எச்ச சுகபோகங்களுக்காக முஸ்லிங்களையும், முஸ்லிம் நிலபுலங்களையும் காட்டிக்கொடுத்து வங்கரோத்து தனமிக்க அரசியல்வாதியாக தன்னை அடையாளப்படுத்திக்கொண்ட இவரை அம்பாறை மாவட்ட மக்கள் கடந்த காலங்களில் நிராகரித்தது போன்று இனியும் நிராகரிப்பார்கள். இவரின் பருப்பு முஸ்லிம் சமூகத்திடம் இனியும் வேகாது என ஸ்ரீலங்கா முஸ்லிம் காங்கிரசின் சார்பிலான கல்முனை மாநகரசபை உறுப்பினர் ஏ.எம். பைரூஸ் தெரிவித்தார்.  இன்று கல்முனையில் நடைபெற்ற ஊடக சந்திப்பில் கலந்துகொண்டு பேசிய அவர் மேற்கண்டவாறு தெரிவித்தார். மேலும் கருத்து தெரிவிக்கையில், ஸ்ரீலங்கா முஸ்லிம் காங்கிரசின் முன்னாள் தவிசாளர்களாக இருந்த

ரிசாதின் ஆதங்கமும் சம்மந்தனின் மழுப்பலும்

Displaying samman.jpg

ஏ.எச்.எம்.பூமுதீன்

வடமாகாண முஸ்லிம்கள் பலவந்தமாக வெளியேற்றப்பட்டு இந்த மாதத்துடன் 25 வருடங்கள் பூர்த்தியடைகின்றன. அகதி என்ற அவல முத்திரை குத்தப்பட்ட சமுகமாகவும் உள்நாட்டுக்குள்ளேயே 25 வருடங்களாக இடம்பெயர்ந்து வாழும் சமுகமாகவும் இந்த உலகில் இருக்கும் ஒரே ஒரு சமுகமென்றால் அது இலங்கையில் வாழும் வடமாகாண முஸ்லிம்கள் மாத்திரமே.

வடமாகாண முஸ்லிம் அகதிகளுக்காக அஸ்ரப் தொட்டு இன்று ரிசாத் பதியுதீன் வரை அயராது உழைத்து வருவதை இந்த நாடே அறியும். அதிலும் ரிசாதின் அரசியல் பிரவேசம் வடமாகாண முஸ்லிம்களி;ன் வாழ்வில் ஒரு பொற்காலம் என்றால் அதனை மறுப்பதற்கு எவரும் இல்லை.
2000ம் ஆண்டு பாராளுமன்றம் நுழைந்த ரிசாத் பதியுதீன், 2004 வரை அப்போது அவரின் கட்சித் தலைவராக இருந்த ரவூப் ஹக்கீமையும் அரச தலைவராக இருந்த ரணிலையும் வடக்கு முஸ்லிம்களின் நிம்மதியான மீள்குடியேற்றத்திற்கான எல்லா வகையான கெஞ்சுதல்களிலும் ஈடுபட்டார்.

மர்ஹூம் நூர்த்தின் மசூர் முகாவின் பிரதியமைச்சராக இருந்த அதே காலகட்டத்தில்தான் ரிசாத் பதியுதீனும் சாதாரண எம்பியாக இருந்து தனது ஆளுமையான செயற்பாட்டின் மூலம் நூறு முகாம் அதிகாரிகளென அரச நியமனமத்தை முதற்தடவையாக பெற்றுக் கொடுத்தார்.

இந்த 100 முகாம் அதிகாரிகளையும் 2002ம் ஆண்டு காலப்பகுதியில் பிரதமர் ரணில் தலைமையிலான அரசாங்கம் அப்பதவிகளை பறிக்க முற்பட்ட போதும் அம்மக்களுக்கான உலர் உணவை துண்டிக்க விளைந்த போதும் மிக ஆக்ரோசமாக செயற்பட்டவர் இந்த ரிசாத் மட்டுமே என்பதை தற்போது உள்ள பலர் அநிந்திருக்க நியாயமில்லை.

ரணில் தலைமையிலான அரசுக்கு எதிராக பாராளுமன்ற முற்றத்தில் உண்ணாவிரதம் இருக்கப் போவதாக பகிரங்க அறிக்கை விட்ட போதுதான் அந்த முகாம் அதிகாரிகளின் நியமனம் பாதுகாக்கப்பட்டதுடன் உலர் உணவையும் தொடர்ந்து வழங்க ரணில் அரசு கீழ் இறங்கி வந்தது.

இதன் போது முகா தலைவரோ அல்லது வேறு எவருமோ ரிசாதுக்கு சார்பாக துணைநிற்க முன்வராமல் மாறாக ரணில் அரசை சங்கடப்படுத்த வேண்டாமென ரிசாதை அச்சுறுத்தும் அளவுக்கு ஹக்கீம் அன்று முன்வந்திருந்தார்.

இவ்வாறான இழுபறிக்கு மத்தியில்தான் தனது சொந்த மக்களின் நலனை முன்நிறுத்தி முகாவை விட்டு வெளியேறி அமைச்சராக பதிவியேற்று இற்றைவரை அம்மக்களுக்கான சேவைகளை முன்னெடுத்து வருகின்றார்.

2000ஆம் ஆண்டில் பாராளுமன்ற அரசியலை ஆரம்பித்த ரிசாதின் வருகையோடு ஆர்பித்த வடபுல முஸ்லிம்களுக்கான களுத்தறுப்புக்கள் அண்மைக்காலமாக மிகவும் மேலோங்கி வருகின்றன.
பௌத்த இனவாதமும் தமிழ் இனவாதமும் வடமாகாண முஸ்லிம்களின் கௌரவ மீள்குடியேற்றத்திற்கு பெரும் தடைக்கல்லாகவே இருந்து வருகின்றன.

மகிந்த அரசில் கோலோச்சி நின்ற பொதுபலசேனா, மகிந்த ஆட்சியின் வீழ்ச்சியின் பின்னர் வடபுல முஸ்லிம்களின் விடயத்தில் பின்தள்ளிப் போயிருக்கும் அதே சூழ்நிலையில் தமிழ் தேசிய கூட்டமமைப்பில் உள்ள இனவாதமிக்க வடமாகாண சபை உறுப்பினர்கள் சிலரும் ஆயுதம் தூக்கிய தமிழ்  எம்பிக்கள் சிலரும்  பொதுபலசேனா விட்டுச் சென்ற இடத்தை மிகவும் பலமாக கைப்பற்றியுள்ளனர்.

வடமாகாண முஸ்லிம்களின் மீள்குடியேற்றம் தொடர்பில் எந்தவிதமான ஒரு தடையையேனும் ஏற்படுத்தி விடாதீர்கள் என மேற்சொன்ன கூட்டமைப்பு பிரமுகர்களிடமும் சம்மந்தன் ஐயா போன்ற மிதவாத போக்குடைய தமிழ் தலைமைகளிடமும் ரிசாத் பதியுதீன் தான் ஒரு கட்சித் தலைவர் அமைச்சர் என்ற அந்தஸ்துகளுக்கு அப்பால் சென்று வேண்டுகோளை முன்வைத்தார்.

ஆனால் அவர்களின் இனவாதப் போக்கின் மாற்றம் ஏற்படாமல் இனவாதம் மேலும் உக்கிரமே அடைந்தது. முஸ்லிம்களை அடக்கியாள நினைக்கும் தனியார் தொலைக்காட்சி ஒன்றை தமக்கு சார்பாக பயன்படுத்திக் கொண்டு அதிகளவான பொய்யான கருத்துக்களை இலங்கையிலும் உலக நாடுகளுக்கு பரப்பி, வடபுல முஸ்லிம்களின் காணிகள் தமிழ் மக்களுக்குச் சொந்தமான காணிகள் என பொய்யுரைத்து தமிழ் - முஸ்லிம் இனங்களுக்கிடையே இருக்கும் நல்லுறவை சிதைக்கும் முயற்சியைக் கண்டு வேதனைப்பட்டதினால் இறுதியாக துன்பப்பட்டதினால் ஏற்பட்ட விளைவுதான் கடந்த 23ம் திகதி பாராளுமன்றத்தில் ரிசாத் பதியுதீன் ஆற்றிய உரையாகும்.

30 நிமிட நேர உரையில் தமிழ் முஸ்லிம் உறவை சீர்குலைக்க வேண்டாம் என்றும் வடபுல முஸ்லிம்களின் மீள்குடியேற்றத்திற்கு உதவி புரியா விட்டாலும் பரவாயில்லை. உபத்திரம் செய்யாதீர்கள் என்ற அடிப்படையில்தான் தமிழ் தேசிய கூட்டமைப்பினருக்கு வேண்டுகோளாக முன்வைத்து தமது ஆதங்கத்தை முன்வைத்தார்.

இந்த உரை சம்மந்தன் ஐயாவை பொறுத்த வரையில் ஒரு பாராதூரமான உரையாக பார்க்கப்பட்டு அந்த உரை தவறானது என்று சம்மந்தன் ஐயா இன்று கருத்தும் வெளியிட்டுள்ளார்.

சம்மந்தன் ஐயாவின் கருத்துப்படி வடமாகாண முஸ்லிம்களுக்கு நாங்கள் உதவி செய்யவில்லை என்பதை ஏற்றுக்கொள்ள முடியாது. வடமாகாண சபையிலும் பாராளுமன்றத்திலும் முஸ்லிம்கள் இருவருக்கு போனஸ் ஆசனம் வழங்கியுள்ளோம் என்று கூறி ரிசாத் பதியுதீனின் கருத்தின் அர்தத்தை புரிந்து கொள்ளாமல் மழுப்பலான பதிலை வழங்கியுள்ளார்.

போனஸ் ஆசனம் வழங்குவதன் மூலம் வடக்கின் முஸ்லிம்களுக்குரிய காணிகள் கிடைத்து விடும், அவர்களின் அடிப்படைத் தேவைகள் நிறைவேற்றப்பட்டுவிடும் என்றா சம்மந்தான் ஐயா கருதுகிறார் என்பதை முஸ்லிம்கள் மத்தியி;ல் எழுந்துள்ள கேள்வியாகும்.

வடமாகாண சபையின் தமிழ் தேசிய கூட்டமைப்பின் உறுப்பினர் அஸ்மின் வடக்கு முஸ்லிம்களின் பிரச்சினைகளை திறமையாக iகாயள்கின்றார் என சம்மந்தன் ஐயா கூறியிருக்கின்றார். அவ்வாறு அம்மக்களின் பிரச்சினைகளை கையாள அஸ்மின் இருக்கின்ற நிலையில் - அஸ்மினையும் மிஞ்சியதாக வடமாகாண சபை உறுப்பினர்கள் சிலர் முல்லைத் தீவில் ஒன்று கூடி முஸ்லிம்கள் அவர்களுக்கு சொந்தமான காணிகளில் மீள்குடியேற வரும் போது ஆர்ப்பாட்டம் செய்து தடைகளை ஏற்படுத்துகின்றனர்.

இந்த வேளை அஸ்மின் எங்கே இருந்தார்? இதைத் தடுத்து நிறுத்த இந்த அறிக்கை விட்டிருக்கும் சம்மந்தன் ஐயா ஏன் அன்று முன்வரைவில்லை. கொழும்பில் தலைமையகத்தை கொண்டிருக்கும் காத்தான்குடிக்குச் சொந்தமான ஒருவரின் கல்வி நிலையத்தின்; யாழ் கல்விக் கிளைக்கு பொறுப்பாக இருந்து ஊதியம் பெறும் அஸ்மினை சம்மந்தன் ஐயாக உடனடியாக வடக்கிற்கு அனுப்பி முல்லைத்தீவுக்கு அனுப்பி முஸ்லிம்களின் விடயத்தை கேயேற்குமாறு இன்றே உத்தரவு பிறப்பிப்பதுதான் சம்மந்தன் ஐயாவுக்குள்ள முதல் கடமைப்பாடாகும்.

சம்மந்தன் ஐயாவின் அறிக்கை மழுப்பலே என்பதற்கு இன்னுமொரு காரணமும் இருக்கின்றது.
ஐநாவிலும் உலக தலைவர்கள் மத்தியிலும் தமிழ் பேசும் மக்கள் என்றுதான் நாம் பேசுகின்றோம் என்று கூறியிருக்கின்றார். இது வெறும் அப்பட்டமான பொய்யாகும்.

ஓரு தடவையேனும் தமிழ் பேசும் மக்கள் என்ற வார்த்தை பிரயோகத்தை தவிர்த்து வடபுல முஸ்லிம்கள் என்ற வார்த்தையை அவர் உபயோகித்திருப்பாரா என்பதை ஒரு சவாலான கேள்வியாக முன்வைக்க விரும்புகிறோம்.

சம்மந்தன் ஐயாவை எதிர்க்கட்சித் தலைவராக நியமிக்க வேண்டும் என்று முதலில் அரசிடம் வேண்டுகோள் விடுத்தவர் அமைச்சர் ரிசாத் பதியுதீன் தான். சம்மந்தன் எதிர்க்கட்சித் தலைவராக நியமிக்கப்பட்ட அன்று பாராளுமன்றத்தில் இதயசுத்தியுடன் முதலில் வாழ்த்துத் தெரிவித்ததும் முஸ்லிம்களின் தேசியத் தலைவரான இந்த ரிசாத் பதியுதீன்தான் என்பதையும் சம்மந்தன் ஐயா மறந்துவிடக்கூடாது. மறுக்கவும் முற்படக்கூடாது.

வடமாகாண சபையில் தமிழ் மக்களுக்காக மட்டும் இனச்சுத்திகரிப்பு என்று பிரேரணை கொண்டு வந்து வடமாகாண சபை உறுப்பினர்களுக்கு முடியுமாக இருந்தால் - முஸ்லிம்களுக்காகவும் நாங்கள் போராடுகின்றோம் என்று கூறுகின்ற சம்மந்தன் ஐயாவாலும் தமிழ்த் தேசியக் கூட்டமைபினாலும் வடக்கு முஸ்லிம்களுக்கு சார்பான அவர்களின் மீள்குடியேற்றத்திற்கு ஒத்திசைவான பிரேரணை ஒன்றை சமர்ப்பித்து அதனை நிறைவேற்றிக் காட்ட ஏன் முடியாது என்ற நியாயமான கேள்வியையும் முஸ்லிம்கள் இன்று சம்மந்தன் ஐயாவிடம் கேட்க விளைகின்றனர்.

எனவே முஸ்லிம்களின் தேசியத் தலைவரான ரிசாத் பதியுதீனின் பாராளுமன்ற உரை முஸ்லிம்கள் மத்தியில் எழுந்துள்ள ஆதங்கத்தின் வெளிப்பாடாகவே பார்க்க  வேண்டுமே ஒழிய அதனை வேறு கண்கொண்டு சம்மந்தன் ஐயாவோ கூட்டமைப்பினரோ பார்க்க முயலக்கூடாது என்பதுடன் சம்மந்தன் ஐயா நாட்டின் எதிர்க்கட்சித் தலைவர் என்ற நிலையிலிருந்து மாறாது அனைத்து இன மக்களையும் ஒரு கண்கொண்டு பார்க்கக் கூடிய பொறுப்புமிக்க பதவியில் இருக்கின்றேன் என்பதை நியாபகத்திற்கொண்டு இனிவரும் காலங்களில் செயற்படுவார் என்ற நம்பிக்கையும் இந்த நிமிடம் வரை இலங்கை வாழ் முஸ்லிம்கள் மத்தியில் இருக்கின்றது என்பதை கூறிக் கொள்கின்றோம்.

Comments

Popular posts from this blog

தற்கொலைதாரி இப்ராஹிமின் கொலோசியஸ் நிறுவனத்துக்கு செம்பு பித்தளைகளை வழங்கினார் என்ற ஒரு குற்ற சாட்டையே ரிஷாட் கைதுக்கு காரணமாக கூறுகின்றனர்

 றிசாத் எம்.பி கைதுக்கு முன்னராக வெளியிட்ட ஒளிப்பதிவை பார்க்கும் போது அழுகையே வந்து விட்டது :  அ.இ.ம.கா அம்பாறை செயற்குழு நூருல் ஹுதா உமர்  அண்மையில் கைது செய்யப்பட்டு விசாரணை காவலில் வைக்கப்பட்டிருக்கும் அகில இலங்கை மக்கள் காங்கிரசின் தலைவரும், பாராளுமன்ற உறுப்பினருமான முன்னாள் அமைச்சர் றிசாத் பதியுதீனின் கைதை கண்டித்து தமது எதிர்ப்பை காட்டும் முகமாக அகில இலங்கை மக்கள் காங்கிரசின் அம்பாறை மாவட்ட செயற்குழு இன்று வெள்ளிக்கிழமை கல்முனையில் ஏற்பாடு செய்திருந்த ஊடகவியலாளர் சந்திப்பில் கலந்து கொண்டு பேசும் போது அவர்கள் தெரிவித்த கருத்துக்கள் வருமாறு  நூற்றுக்கணக்கானவர்களை கொலைசெய்த கொலையாளிகள், பாரிய மோசடியில் ஈடுபட்ட கொள்ளையர்களை கைது தேய்வது போன்று அகில இலங்கை மக்கள் காங்கிரஸ் தலைவரை கைது செய்ததன் மூலம் இந்த நாட்டின் ஜனநாயகத்தை குழிதோண்டி புதைத்துள்ளார்கள். இவர்களின் இந்த செயல்கள் இந்த நாட்டில் சிறுபான்மை மக்கள் வாழ்வதையே கேள்விக்குறியாக்குகிறது. முஸ்லிங்களை தீவிரவாதிகளாக காட்டி இந்த நாட்டின் ஆட்சியை கைப்பற்றிய இவர்கள் ஆட்சியை கொண்டு செல்ல முடியாமல் திணறிக்கொண்டு தக்கவைக்க  வேண்டிய சூழ்நி

நோன்பு, ஹஜ் பிறை சர்ச்சைகளும் அவற்றுக்கான தீர்வுகளும்

-முபாறக் அப்துல் மஜீத் மௌலவி – - பிறை பார்த்து நோன்பு பிடித்தல், பிறை கண்டு நோன்புப் பெருநாளை எடுத்தல், ஹஜ் பிறையின் ஆரம்பம், அரபா நாள் என்பன சமீப காலத்தில் ஏற்பட்டுள்ள நவீன பிரச்சினைகளாகும். வானொலி, தொலைபேசி, சட்டலைட் போன்றவை இல்லாத ஒரு காலத்தில் இது ஒரு பிரச்சினையாக இருக்கவில்லை. மாறாக இது பரவலாக்கப்பட்டு உலகம் ஒரு குறுகிய, சிறிய கிராமமாக உருவெடுத்துள்ள நிலையிலேயே இப்பிரச்சினைகள் எழுந்துள்ளன. இன்றைய உலகம் என்பது ஒரு மனிதனின் உள்ளங்கைக்குள் அடங்குமளவு சுருங்கிவிட்ட நிலையில் முஸ்லிம் சமூகம் மத்தியில் இந்தக்கருத்துக்கள் பற்றிய விழிப்புணர்வும், அவை பற்றிய தெளிவையும் எதிர் பார்ப்பதில் அர்த்தமுண்டு. இது விடயம் ஒரு பிரச்சினையாக உருவெடுத்தமைக்கு பல நியாயமான காரணங்களும் உள்ளன. அத்தகைய நியாயங்களை நாம் குர்ஆன், ஹதீத் நிலைமையில் நின்று ஆராயும் போது பல தெளிவுகள் நமக்கு ஏற்படும். ஆகவே, பிறை விடயத்தை நாம் ஆராயும் போது குர்ஆன், ஹதீத் ஆதாரங்கள், சூழல், நவீன தொழில் நுட்பம் என்பனலற்றை கருத்திற் கொள்ள வேண்டியது அவசியமானதாகும். இந்த வகையிலேயே நாம் பிறைக்குரிய சர்சையை அணுக வேண்டும். அந்த வகைய

இனிய நோன்பு பெருநாள் வாழ்த்துக்கள்